[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.55 # Lingapurana 2.55 Liṅgapurāṇa 2.55 - **Language:** Sanskrit ## Contents - [2.55.48](https://indike.org/pramana/in.purana.linga.2.55.48) — 3 parts ### [2.55.1](https://indike.org/pramana/in.purana.linga.2.55.1) ṛṣaya ūcuḥ kathaṃ triyaṃbako devo devadevo vṛṣadhvajaḥ / dhyeyaḥ sarvārthāsiddhyarthaṃ yogamārgeṇa suvrata // ### [2.55.2](https://indike.org/pramana/in.purana.linga.2.55.2) pūrvamevāpi nikhilaṃ śrutaṃ śrutisamaṃ punaḥ / vistareṇa ca tatsarvaṃ saṃkṣepādvaktumarhasi // ### [2.55.3](https://indike.org/pramana/in.purana.linga.2.55.3) sūta uvāca evaṃ paitāmahenaiva nandī dinakaraprabhaḥ / merupṛṣṭhe purā pṛṣṭo munisaṃghaiḥ samāvṛtaḥ // ### [2.55.4](https://indike.org/pramana/in.purana.linga.2.55.4) so 'pi tasmai kumārāya brahmaputrāya suvratāḥ / mithaḥ provāca bhagavānpraṇatāya samāhitaḥ // ### [2.55.5](https://indike.org/pramana/in.purana.linga.2.55.5) nandikeśvara uvāca evaṃ purā mahādevo bhagavānnīlalohitaḥ / giriputryāṃbayā devyā bhagavatyaikaśayyayā // ### [2.55.6](https://indike.org/pramana/in.purana.linga.2.55.6) pṛṣṭaḥ kailāsaśikhare hṛṣṭapuṣṭatanūruhaḥ / śrīdevyuvāca yogaḥ katividhaḥ proktastatkathaṃ caiva kīdṛśam // ### [2.55.7](https://indike.org/pramana/in.purana.linga.2.55.7) jñānaṃ ca mokṣadaṃ divyaṃ mucyante yena jantavaḥ / śrībhagavānuvāca prathamo mantrayogaśca sparśayogo dvitīyakaḥ // ### [2.55.8](https://indike.org/pramana/in.purana.linga.2.55.8) bhāvayogastṛtīyaḥ syād abhāvaśca caturthakaḥ / sarvottamo mahāyogaḥ pañcamaḥ parikīrtitaḥ // ### [2.55.9](https://indike.org/pramana/in.purana.linga.2.55.9) dhyānayukto japābhyāso mantrayogaḥ prakīrtitaḥ / nāḍīśuddhyadhiko yastu recakādikramānvitaḥ // ### [2.55.10](https://indike.org/pramana/in.purana.linga.2.55.10) samastavyastayogena jayo vāyoḥ prakīrtitaḥ / balasthirakriyāyukto dhāraṇādyaiśca śobhanaiḥ // ### [2.55.11](https://indike.org/pramana/in.purana.linga.2.55.11) dhāraṇātrayasaṃdīpto bhedatrayaviśodhakaḥ / kuṃbhakāvasthito 'bhyāsaḥ sparśayogaḥ prakīrtitaḥ // ### [2.55.12](https://indike.org/pramana/in.purana.linga.2.55.12) mantrasparśavinirmukto mahādevaṃ samāśritaḥ / bahirantarvibhāgasthasphuratsaṃharaṇātmakaḥ // ### [2.55.13](https://indike.org/pramana/in.purana.linga.2.55.13) bhāvayogaḥ samākhyātāścittaśuddhipradāyakaḥ / vilināvayavaṃ sarvaṃ jagatsthāvarajaṅgamam // ### [2.55.14](https://indike.org/pramana/in.purana.linga.2.55.14) śūnyaṃ sarvaṃ nirābhāsaṃ svarūpaṃ yatra cintyate / abhāvayogaḥ saṃproktaścittanirvāṇakārakaḥ // ### [2.55.15](https://indike.org/pramana/in.purana.linga.2.55.15) nīrūpaḥ kevalaḥ śuddhaḥ svacchandaṃ ca suśobhanaḥ / anirdeśyaḥ sadālokaḥ svayaṃvedyaḥ samaṃ tataḥ // ### [2.55.16](https://indike.org/pramana/in.purana.linga.2.55.16) svabhāvo bhāsate yatra mahāyogaḥ prakīrtitaḥ / nityoditaḥ svayañjyotiḥ sarvacittasamutthitaḥ // ### [2.55.17](https://indike.org/pramana/in.purana.linga.2.55.17) nirmalaḥ kevalo hyātmā mahāyoga iti smṛtaḥ / aṇimādipradāḥ sarve sarve jñānasya dāyakāḥ // ### [2.55.18](https://indike.org/pramana/in.purana.linga.2.55.18) uttarottaravaiśiṣṭyameṣu yogeṣvanukramāt / ahaṃ saṃgavinirmukto mahākāśopamaḥ paraḥ // ### [2.55.19](https://indike.org/pramana/in.purana.linga.2.55.19) sarvāvaraṇanirmukto hyacintyaḥ svarasena tu / jñeyametatsamākhyātamagrāhyamapi daivataiḥ // ### [2.55.20](https://indike.org/pramana/in.purana.linga.2.55.20) pravilīno mahānsamyak svayaṃvedyaḥ svasākṣikaḥ / cakāstyānandavapuṣā tena jñeyam idaṃ matam // ### [2.55.21](https://indike.org/pramana/in.purana.linga.2.55.21) parīkṣitāya śiṣyāya brāhmaṇāyāhitāgnaye / dhārmikāyākṛtaghnāya dātavyaṃ kramapūrvakam // ### [2.55.22](https://indike.org/pramana/in.purana.linga.2.55.22) gurudaivatabhaktāya anyathā naiva dāpayet / nindito vyādhitolpāyustathā caiva prajāyate // ### [2.55.23](https://indike.org/pramana/in.purana.linga.2.55.23) dāturapyevamanaghe tasmājñātvaiva dāpayet / sarvasaṃgavinirmukto madbhakto matparāyaṇaḥ // ### [2.55.24](https://indike.org/pramana/in.purana.linga.2.55.24) sādhako jñānasaṃyuktaḥ śrautasmārtaviśāradaḥ / gurubhaktaśca puṇyātmā yogyo yogarataḥ sadā // ### [2.55.25](https://indike.org/pramana/in.purana.linga.2.55.25) eva devi samākhyāto yogamārgaḥ sanātanaḥ / sarvavedāgamāṃbhojamakarandaḥ sumadhyame // ### [2.55.26](https://indike.org/pramana/in.purana.linga.2.55.26) pītvā yogāmṛtaṃ yogī mucyate brahmavittamaḥ / evaṃ pāśupataṃ yogaṃ yogaiśvaryamanuttamam // ### [2.55.27](https://indike.org/pramana/in.purana.linga.2.55.27) atyāśramamidaṃ jñeyaṃ muktaye kena labhyate / tasmādiṣṭaiḥ samācāraiḥ śivārcanarataiḥ priye // ### [2.55.28](https://indike.org/pramana/in.purana.linga.2.55.28) ityuktvā bhagavāndevīmanujñāpya vṛṣadhvajaḥ / śaṅkukarṇaṃ samāsādya yuyojātmānamātmani // ### [2.55.29](https://indike.org/pramana/in.purana.linga.2.55.29) śailādiruvāca tasmāttvamapi yogīndra yogābhyāsarato bhava / svaṃyabhuva parā mūrtirnūnaṃ brahmamayī varā // ### [2.55.30](https://indike.org/pramana/in.purana.linga.2.55.30) tasmātsarvaprayatnena mokṣārtho puruṣottamaḥ / bhasmasnāyī bhavennityaṃ yoge pāśupate rataḥ // ### [2.55.31](https://indike.org/pramana/in.purana.linga.2.55.31) dhyeyā yathākrameṇaiva vaiṣṇavī ca tataḥ parā / māheśvarī parā paścātsaiva dhyeyā yathākramam // ### [2.55.32](https://indike.org/pramana/in.purana.linga.2.55.32) yogeśvarasya yā niṣṭhā saiṣā saṃhṛtya varṇitā // ### [2.55.33](https://indike.org/pramana/in.purana.linga.2.55.33) sūta uvāca evaṃ śilādaputreṇa nandinā kulanandinā / yogaḥ pāśupataḥ prokto bhasmaniṣṭhena dhīmatā // ### [2.55.34](https://indike.org/pramana/in.purana.linga.2.55.34) sanatkumāro bhagavānvyāsāyāmitatejase / tasmādahamapi śrutvā niyogātsatriṇāmapi // ### [2.55.35](https://indike.org/pramana/in.purana.linga.2.55.35) kṛtakṛtyo 'smi viprebhyo namo yajñebhya eva ca / namaḥ śivāya śāntāya vyāsāya munaye namaḥ // ### [2.55.36](https://indike.org/pramana/in.purana.linga.2.55.36) granthaikādaśasāhasraṃ purāṇaṃ laiṅgamuttamam / aṣṭottarasatādhyāya mādimāṃśamataḥ param // ### [2.55.37](https://indike.org/pramana/in.purana.linga.2.55.37) ṣaṭcatvārīṃśadadhyāyaṃ dharmakāmārthamokṣadam / atha te munayaḥ sarve naimiṣeyāḥ samāhitāḥ // ### [2.55.38](https://indike.org/pramana/in.purana.linga.2.55.38) praṇemurdevamīśānaṃ prītikaṇṭakitatvacaḥ / śākhāṃ paurāṇikīmevaṃ kṛtvaikādaśikāṃ prabhuḥ // ### [2.55.39](https://indike.org/pramana/in.purana.linga.2.55.39) brahmā svayaṃbhūrbhagavānidaṃ vacanamabravīt / laiṅgamādyantamakhilaṃ yaḥ paṭhecchṛṇuyādapi // ### [2.55.40](https://indike.org/pramana/in.purana.linga.2.55.40) dvijebhyaḥ śrāvayedvāpi sa yāti paramāṃ gatim / tapasā caiva yajñena dānenādhyayanena ca // ### [2.55.41](https://indike.org/pramana/in.purana.linga.2.55.41) yā gatistasya vipulā śāstravidyā ca vaidikī / karmaṇā cāpi miśreṇa kevalaṃ vidyayāpi vā // ### [2.55.42](https://indike.org/pramana/in.purana.linga.2.55.42) nivṛttiścāsya viprasya bhavedbhaktiśca śāśvatī / mayi nārāyaṇe deve śraddhā cāstu mahātmanaḥ // ### [2.55.43](https://indike.org/pramana/in.purana.linga.2.55.43) vaṃśasya cākṣayā vidyā cāpramādaśca sarvataḥ / ityājñā brahmaṇastasmāttasya sarvaṃ mahātmanaḥ // ### [2.55.44](https://indike.org/pramana/in.purana.linga.2.55.44) ṛṣayaḥ procuḥ ṛṣeḥ sūtasya cāsmākameteṣābhapi cāsya ca / nāradasya ca yā siddhistīrthayātrāratasya ca // ### [2.55.45](https://indike.org/pramana/in.purana.linga.2.55.45) prītiśca vipulā yasmā dasmākaṃ romaharṣaṇa // ### [2.55.46](https://indike.org/pramana/in.purana.linga.2.55.46) sā sadāstu virūpākṣaprasādāttu samantataḥ / evamukteṣu vipreṣu nārado bhagavānapi // ### [2.55.47](https://indike.org/pramana/in.purana.linga.2.55.47) karābhyāṃ suśubhāgrābhyāṃ sūtaṃ pasparśivāṃstvaci / svastyastu sūta bhadraṃ te mahādeve vṛṣadhvaje // ### [2.55.48](https://indike.org/pramana/in.purana.linga.2.55.48) śraddhā tavāstu cāsmākaṃ namastasmai śivāya ca // ### [2.55.48.p1](https://indike.org/pramana/in.purana.linga.2.55.48.p1) iti śrīliṅgamahāpurāṇe uttarabhāge pañcapañcāśattamodhyāyaḥ ### [2.55.48.p2](https://indike.org/pramana/in.purana.linga.2.55.48.p2) samāptaṃ caitallaiṅgottarārdham ### [2.55.48.p3](https://indike.org/pramana/in.purana.linga.2.55.48.p3) śrībhavānīśaṅkarārpaṇamastu ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.191.4) — Gaṇeśa Bhaṭṭa, Sanskrit ## Linked texts (2) - [Bhāgavatapurāṇa](https://indike.org/pramana/in.purana.bhagavata.11.19.28) — Vyāsa, Sanskrit - [Garuḍapurāṇa](https://indike.org/pramana/in.purana.garuda.2.8.1) — Vyāsa, Sanskrit --- Source: [https://indike.org/pramana/in.purana.linga.2.55](https://indike.org/pramana/in.purana.linga.2.55) · Pramāṇa