[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.5 # Lingapurana 2.5 Liṅgapurāṇa 2.5 - **Language:** Sanskrit ## Contents - [2.5.51](https://indike.org/pramana/in.purana.linga.2.5.51) — 1 part - [2.5.159](https://indike.org/pramana/in.purana.linga.2.5.159) — 1 part ### [2.5.1](https://indike.org/pramana/in.purana.linga.2.5.1) ṛṣaya ūcuḥ aikṣvākuraṃbarīṣo vai vāsudevaparāyaṇaḥ / pālayāmāsa pṛthivīṃ viṣṇorājñāpuraḥ saraḥ // ### [2.5.2](https://indike.org/pramana/in.purana.linga.2.5.2) śrutametanmahābuddhe tatsarvaṃ vaktumarhasi / nityaṃ tasya hareścakraṃ śatrurogabhayādikam // ### [2.5.3](https://indike.org/pramana/in.purana.linga.2.5.3) hantīti śrūyate loke dhārmikasya mahātmanaḥ / aṃbarīṣasya caritaṃ tatsarvaṃ brūhi sattama // ### [2.5.4](https://indike.org/pramana/in.purana.linga.2.5.4) māhātmyamanubhāvaṃ ca bhaktiyogamanuttamam / yathāvacchrotumicchāmaḥ sūta vaktuṃ tvamarhasi // ### [2.5.5](https://indike.org/pramana/in.purana.linga.2.5.5) sūta uvāca śrūyatāṃ muniśārdūlāścaritaṃ tasya dhīmataḥ / aṃbarīṣasya māhātmyaṃ sarvapāpaharaṃ param // ### [2.5.6](https://indike.org/pramana/in.purana.linga.2.5.6) triśaṅkordayitā bhāryā sarvalakṣaṇaśobhitā / aṃbarīṣasya jananī nityaṃ śaucasamanvitā // ### [2.5.7](https://indike.org/pramana/in.purana.linga.2.5.7) yoganidrāsamārūḍhaṃ śeṣaparyaṅkaśāyinam / nārāyaṇaṃ mahātmānaṃ brahmāṇḍakamalodbhavam // ### [2.5.8](https://indike.org/pramana/in.purana.linga.2.5.8) tamasā kālarudrākhyaṃ rajasā kanakāṇḍajam / sattvena sarvagaṃ viṣṇuṃ sarvadevanamaskṛtam // ### [2.5.9](https://indike.org/pramana/in.purana.linga.2.5.9) arcayāmāma satataṃ vāṅmanaḥ kāyakarmabhiḥ / mālyadānādikaṃ sarvaṃ svayamevamacīkarat // ### [2.5.10](https://indike.org/pramana/in.purana.linga.2.5.10) gandhādiṣeṣaṇaṃ caiva dhūpadravyādikaṃ tathā / bhūmerālepanādīni haviṣāṃ pacanaṃ tathā // ### [2.5.11](https://indike.org/pramana/in.purana.linga.2.5.11) tatkautukasamāviṣṭā svayameva cakāra sā / śubhā padmāvatī nityaṃ vācā nārāyaṇeti vai // ### [2.5.12](https://indike.org/pramana/in.purana.linga.2.5.12) anantetyeva sā nityaṃ bhāṣamāṇā pativratā / daśavarṣasahasrāṇi tatpareṇāntarātmanā // ### [2.5.13](https://indike.org/pramana/in.purana.linga.2.5.13) arcayāmāsa govindaṃ gandhapuṣpādibhiḥ śuciḥ / viṣṇubhaktānmahābhāgān sarvapāpavivarjitān // ### [2.5.14](https://indike.org/pramana/in.purana.linga.2.5.14) dānamānārcanairnityaṃ dhanaratnairatoṣayat / tataḥ kadācitsā devī dvādaśīṃ samupoṣya vai // ### [2.5.15](https://indike.org/pramana/in.purana.linga.2.5.15) hareragre mahābhāgā suṣvāpa patinā saha / tatra nārāyaṇo devastāmāha puruṣottamaḥ // ### [2.5.16](https://indike.org/pramana/in.purana.linga.2.5.16) kim icchasi varaṃ bhadre mattas tvam brūhi bhāmini / sā dṛṣṭvā tu varaṃ vavre putro me vaiṣṇavo bhavet // ### [2.5.17](https://indike.org/pramana/in.purana.linga.2.5.17) sārvabhaumo mahātejāḥ svakarmanirataḥ śuciḥ / tathetyuktvā dadau tasyai phalam ekaṃ janārdanaḥ // ### [2.5.18](https://indike.org/pramana/in.purana.linga.2.5.18) sā prabuddhā phalaṃ dṛṣṭvā bhartre sarvaṃ nyavedayat / bhakṣayāmāsa saṃhṛṣṭā phalaṃ tadgatamānasā // ### [2.5.19](https://indike.org/pramana/in.purana.linga.2.5.19) tataḥ kālena sā devī putraṃ kulavivardhanam / asūta sā sadācāraṃ vāsudevaparāyaṇam // ### [2.5.20](https://indike.org/pramana/in.purana.linga.2.5.20) śubhalakṣaṇasaṃpannaṃ cakraāṅkitatanūruham / jātaṃ dṛṣṭvā pitā putraṃ kriyāḥ sarvāścakāra vai // ### [2.5.21](https://indike.org/pramana/in.purana.linga.2.5.21) aṃbarīṣa iti khyāto loke samabhavatprabhuḥ / pitaryuparate śrīmānabhiṣikto mahāmuniḥ // ### [2.5.22](https://indike.org/pramana/in.purana.linga.2.5.22) mantriṣvādhāya rājyaṃ ca tapa ugrañcakāra saḥ / saṃvatsarasahasraṃ vai japannārāyaṇaṃ prabhum // ### [2.5.23](https://indike.org/pramana/in.purana.linga.2.5.23) hṛtpuṇḍarīkamadhyasthaṃ sūryamaṇḍalamadhyataḥ / śaṅkhacakragadāpadmadhārayantaṃ caturbhujam // ### [2.5.24](https://indike.org/pramana/in.purana.linga.2.5.24) śuddhajāṃbūnadanibhaṃ brahmaviṣṇuśivātmakam / sarvābharaṇasaṃyuktaṃ pītāṃbaradharaṃ prabhum // ### [2.5.25](https://indike.org/pramana/in.purana.linga.2.5.25) śrīvatsavakṣasaṃ devaṃ puruṣaṃ puruṣottamam / tato garuḍamāruhya sarvadevairabhiṣṭutaḥ // ### [2.5.26](https://indike.org/pramana/in.purana.linga.2.5.26) ājagāma sa viśvātmā sarvalokanamaskṛtaḥ / airāvatamivācintyaṃ kṛtvā vai garuḍaṃhariḥ // ### [2.5.27](https://indike.org/pramana/in.purana.linga.2.5.27) svayaṃ śakra ivāsīnastamāha nṛpasattamam / indro 'hamasmi bhadraṃ te kiṃ dadāmi varaṃ ca te // ### [2.5.28](https://indike.org/pramana/in.purana.linga.2.5.28) sarvalokeśvaro 'haṃ tvāṃrakṣituṃ samupāgataḥ / aṃbarīṣa uvāca nāhaṃ tvamābhisaṃdhāya tapa āsthitavāniha // ### [2.5.29](https://indike.org/pramana/in.purana.linga.2.5.29) tvayā dattaṃ ca neṣyāmi gaccha śakra yathāsukham / mama nārāyaṇo nāthastaṃ nāmāmi jagatpatim // ### [2.5.30](https://indike.org/pramana/in.purana.linga.2.5.30) gacchedra mākṛthāstvatra mama buddhivilopanam / tataḥ prahasya bhagavān svarūpamakarodvarīḥ // ### [2.5.31](https://indike.org/pramana/in.purana.linga.2.5.31) śārṅgacakragadāpāṇiḥ khaṅgahasto janārdanaḥ / garuḍopari sarvātmā nīlācala ivāparaḥ // ### [2.5.32](https://indike.org/pramana/in.purana.linga.2.5.32) devagandharvasaṃghaiśca stūyamānaḥ samantataḥ / praṇamya sa ca saṃtuṣṭastuṣṭāva garuḍadhvajam // ### [2.5.33](https://indike.org/pramana/in.purana.linga.2.5.33) prasīda lokanātheśa mama nātha janārdana / kṛṣṇa viṣṇo jagannātha sarvalokanamaskṛta // ### [2.5.34](https://indike.org/pramana/in.purana.linga.2.5.34) tvamādistvamanādistvamanantaḥ pūruṣaḥ prabhuḥ / aprameyo vibhurviṣṇurgovindaḥ kamalekṣaṇaḥ // ### [2.5.35](https://indike.org/pramana/in.purana.linga.2.5.35) maheśvarāṅgajo madhye puṣkaraḥ khagamaḥ khagaḥ / kavyavāhaḥ kapālī tvaṃ havyavāhaḥ prabhañjanaḥ // ### [2.5.36](https://indike.org/pramana/in.purana.linga.2.5.36) ādidevaḥ kriyānandaḥ paramātmātmanī sthitaḥ / tvāṃ prapannosmigovinda jaya devakinandana / jaya deva jagannātha pāhi māṃ puṣkarekṣaṇa // ### [2.5.37](https://indike.org/pramana/in.purana.linga.2.5.37) nānyā gatistvadanyā me tvameva śaraṇaṃ mama / sūta uvāca tamāha bhagavānviṣṇuḥ kiṃ te hṛdi cikīrṣitam // ### [2.5.38](https://indike.org/pramana/in.purana.linga.2.5.38) tatsarvaṃ te pradāsyāmi bhaktosi mama suvrata / bhaktipriyo 'haṃ satataṃ tasmāddātumihāgataḥ // ### [2.5.39](https://indike.org/pramana/in.purana.linga.2.5.39) aṃbarīṣa uvāca lokanātha parānanda nityaṃ me vartate matiḥ / vāsudevaparo nityaṃ vāṅmanaḥ kāyakarmabhiḥ // ### [2.5.40](https://indike.org/pramana/in.purana.linga.2.5.40) yathā tvaṃ devadevasya bhavasya paramātmanaḥ / tathā bhavāmyahaṃ viṣṇo tava deva janārdana // ### [2.5.41](https://indike.org/pramana/in.purana.linga.2.5.41) pāliyiṣyāmi pṛthivīṃ kṛtvā vai vaiṣṇavaṃ jagat / yajñahomārcanaiścaiva tarpayāmi surottamān // ### [2.5.42](https://indike.org/pramana/in.purana.linga.2.5.42) vaiṣṇavānpālayiṣyāmi nihaniṣyāmi śātravān / lokatāpabhaye bhīta iti me dhīyate matiḥ // ### [2.5.43](https://indike.org/pramana/in.purana.linga.2.5.43) śrībhagavānuvāca evamastu yathecchaṃ vai cakrametatsudarśanam / purā rudraprasādena labdhaṃ vai durlabhaṃ mayā // ### [2.5.44](https://indike.org/pramana/in.purana.linga.2.5.44) ṛṣiśāpādikaṃ duḥkhaṃ śatrurogādikaṃ tathā / nihaniṣyati te nityamityuktvāntaradhīyata // ### [2.5.45](https://indike.org/pramana/in.purana.linga.2.5.45) sūta uvāca tataḥ praṇamya mudito rājā nārāyaṇaṃ prabhum / praviśya nagarīṃ ramyāmayodhyāṃ paryapālayat // ### [2.5.46](https://indike.org/pramana/in.purana.linga.2.5.46) brāhmaṇādīṃśca varṇāṃśca svasvakarmaṇy ayojayat / nārāyaṇaparo nityaṃ viṣṇubhaktānakalmaṣān // ### [2.5.47](https://indike.org/pramana/in.purana.linga.2.5.47) pālayāmāsa hṛṣṭātmā viśeṣeṇa janādhipaḥ / aśvamedhaśatairiṣṭvā vājapeyaśatena ca // ### [2.5.48](https://indike.org/pramana/in.purana.linga.2.5.48) pālayāmāsa pṛthivīṃ sāgarāvaraṇāmimām / gṛhegṛhe haristasthau vedaghoṣo gṛhegṛhe // ### [2.5.49](https://indike.org/pramana/in.purana.linga.2.5.49) nāmaghoṣo hareścaiva yajñaghoṣastathaiva ca / abhavannṛpaśārdūle tasmin rājyaṃ praśāsati // ### [2.5.50](https://indike.org/pramana/in.purana.linga.2.5.50) nāsasyā nātṛṇā bhūmirna durbhikṣādibhiryutā / rāgahīnāḥ prajā nityaṃ sarvopadravavarjitāḥ // ### [2.5.51](https://indike.org/pramana/in.purana.linga.2.5.51) aṃbarīṣo mahātejāḥ pālayāmāsa medinīm / tasyaivaṃvartamānasya kanyā kamalalocanā // ### [2.5.51.p1](https://indike.org/pramana/in.purana.linga.2.5.51.p1) śrīmatī nāma vikhyātā sarvalakṣaṇasaṃyutā // ### [2.5.52](https://indike.org/pramana/in.purana.linga.2.5.52) pradānasamayaṃ prāptā devamāyeva śobhanā // ### [2.5.53](https://indike.org/pramana/in.purana.linga.2.5.53) tasminkāle muniḥ śrīmānnārado 'bhyāgataścavai / aṃbarīṣasya rājño vai parvataśca mahāmatiḥ // ### [2.5.54](https://indike.org/pramana/in.purana.linga.2.5.54) tāvubhāvāgatau dṛṣṭvā praṇipatya yathāvidhi / aṃbarīṣo mahātejāḥ pūjayāmāsa tāv ṛṣī // ### [2.5.55](https://indike.org/pramana/in.purana.linga.2.5.55) kanyāṃ tāṃ ramamāṇāṃ vai meghamadhye śatahradām / prāha tāṃ prekṣya bhagavān nāradaḥ sasmitas tadā // ### [2.5.56](https://indike.org/pramana/in.purana.linga.2.5.56) keyaṃ rājanmahābhāgā kanyā surasutopamā / brūhi dharmabhṛtāṃ śreṣṭha sarvalakṣaṇaśobhitā // ### [2.5.57](https://indike.org/pramana/in.purana.linga.2.5.57) rājovāca duhiteyaṃ mama vibho śrīmatī nāma nāmataḥ / pradānasamayaṃ prāptā varamanveṣate śubhā // ### [2.5.58](https://indike.org/pramana/in.purana.linga.2.5.58) ityukto muniśārdūlastāmaicchannārado dvijāḥ / parvatopi munistāṃ vai cakame munisattamāḥ // ### [2.5.59](https://indike.org/pramana/in.purana.linga.2.5.59) anujñāpya ca rājānaṃ nārado vākyamabravīt / rahasyāhūya dharmātmāmama dehi sutāmimām // ### [2.5.60](https://indike.org/pramana/in.purana.linga.2.5.60) parvato hi tathā prāha rājānaṃ rahasi prabhuḥ / tāvubhau saha dharmātmā praṇipatya bhayārditaḥ // ### [2.5.61](https://indike.org/pramana/in.purana.linga.2.5.61) ubhau bhavantau kanyāṃ me pārthayānau kathaṃ tvaham / kariṣyāmi mahāprājña śṛṇu nārada me vacaḥ // ### [2.5.62](https://indike.org/pramana/in.purana.linga.2.5.62) tvaṃ ca parvata me vākyaṃ śṛṇu vakṣyāmi yatprabho / kanyeyaṃ yuvayorekaṃ varayiṣyati cecchubhā // ### [2.5.63](https://indike.org/pramana/in.purana.linga.2.5.63) tasmai kanyāṃ prayacchāmi nānyathā śaktirasti me / tathetyuktvā tato bhūyaḥ śvo yāsyāva iti sma ha // ### [2.5.64](https://indike.org/pramana/in.purana.linga.2.5.64) ityuktvā munisārdūlau jagmatuḥ prītimānasau / vāsudevaparau nityamubhau jñānavidāṃvarau // ### [2.5.65](https://indike.org/pramana/in.purana.linga.2.5.65) viṣṇu lokaṃ tato gatvā nārado munisattamaḥ / praṇipatya hṛṣīkeśaṃ vākyametaduvāca ha // ### [2.5.66](https://indike.org/pramana/in.purana.linga.2.5.66) śrotavyamasti bhagavannātha nārāyaṇa prabho / rahasi tvāṃ pravakṣyāmi namaste bhuvaneśvara // ### [2.5.67](https://indike.org/pramana/in.purana.linga.2.5.67) tataḥ prahasya govindaḥ sarvānutsārya taṃ munim / brūhītyāha ca viśvātmā munirāha ca keśavam // ### [2.5.68](https://indike.org/pramana/in.purana.linga.2.5.68) tvadīyo nṛpatiḥ śrīmānaṃbarīṣo mahīpatiḥ / tasya kanyā viśālākṣī śrīmatī nāma nāmataḥ // ### [2.5.69](https://indike.org/pramana/in.purana.linga.2.5.69) pariṇetumanāstatra gato 'smi vacanaṃ śṛṇu / parvato 'yaṃ muniḥ śrīmāṃstava bhṛtyastaponidhiḥ // ### [2.5.70](https://indike.org/pramana/in.purana.linga.2.5.70) tāmaicchatsopi bhagavannāvāmāha janādhipaḥ / aṃbarīṣo mahātejāḥ kanyeyaṃ yuvayorvaram // ### [2.5.71](https://indike.org/pramana/in.purana.linga.2.5.71) lāvaṇyayuktaṃ vṛṇuyādyadi tasmai dadāmyaham / ityāhāvāṃ nṛpastatra tathetyuktvāhamāgataḥ // ### [2.5.72](https://indike.org/pramana/in.purana.linga.2.5.72) āgamiṣyāmi te rājan śvaḥ prabhāte gṛhaṃ tviti / āgatohaṃ jagannātha kartumarhasi me priyam // ### [2.5.73](https://indike.org/pramana/in.purana.linga.2.5.73) vānarānanavadbhāti parvatasya mukhaṃ yathā / tathā kuru jagannātha mama cedicchasi priyam // ### [2.5.74](https://indike.org/pramana/in.purana.linga.2.5.74) tathetyuktvā sa govindaḥ prahasta madhusūdanaḥ / tvayoktaṃ ca kariṣyāmi gaccha saumya yathāgatam // ### [2.5.75](https://indike.org/pramana/in.purana.linga.2.5.75) evamuktvā munirhṛṣṭaḥ praṇipatya janārdanam / manyamānaḥ kṛtātmānaṃ tathāyodhyāṃ jagāma saḥ // ### [2.5.76](https://indike.org/pramana/in.purana.linga.2.5.76) gate munivare tasminparvato 'pi mahāmuniḥ / praṇamya mādhavaṃ hṛṣṭo rahasyenamuvāca ha // ### [2.5.77](https://indike.org/pramana/in.purana.linga.2.5.77) vṛttaṃ tasya nivedyāgre nāradasya jagatpateḥ / golāṅgūlamukhaṃ yadvanmukhaṃ bhāti tathā kuru // ### [2.5.78](https://indike.org/pramana/in.purana.linga.2.5.78) tacchrutvā bhagavānviṣṇustvayoktaṃ ca karomi vai / gaccha śīghramayodhyāṃ vai māvedīrnāradasya vai // ### [2.5.79](https://indike.org/pramana/in.purana.linga.2.5.79) tvayā me saṃvidaṃ tatra tathetyuktvā jagāma saḥ / tato rājā samājñāya prāptau munivarau tadā // ### [2.5.80](https://indike.org/pramana/in.purana.linga.2.5.80) māṅgalyairvividhaiḥ sarvāmayodhyāṃ dhvajamālinīm / maḍaṃyāmāsa puṣpaiśca lājairścaiva samantataḥ // ### [2.5.81](https://indike.org/pramana/in.purana.linga.2.5.81) aṃbusiktagṛhadvārāṃ siktāpaṇamahāpathām / divyagandharasopetāṃ dhūpitāṃ divyadhūpakaiḥ // ### [2.5.82](https://indike.org/pramana/in.purana.linga.2.5.82) kṛtvā ca nagarīṃ rājā maṇḍayāmāsa tāṃ sabhām / divyairgandhaistathā dhūpai ratnaiśca vividhaistathā // ### [2.5.83](https://indike.org/pramana/in.purana.linga.2.5.83) alaṅkṛtāṃ maṇistaṃbhairnānāmālyopaśobhitām / parārdhyāstaraṇopetairdivyairbhadrāsanairvṛtām // ### [2.5.84](https://indike.org/pramana/in.purana.linga.2.5.84) kṛtvā nṛpendrastāṃ kanyāṃ hyādāya praviveśa ha / sarvābharaṇasaṃpannāṃ śrīrivāyatalojanām // ### [2.5.85](https://indike.org/pramana/in.purana.linga.2.5.85) karasaṃmitamadhyāṅgīṃ pañcasnigdhāṃ śubhānanām / strībhiḥ parivṛtāṃ divyāṃ śrīmatīṃ saṃśritāṃ tadā // ### [2.5.86](https://indike.org/pramana/in.purana.linga.2.5.86) sabhā ca sā bhūpapeḥ samṛddhā maṇipravekottamaratnacitrā / nyastā sanā mālyavatī subaddhā tāmāyayuste nararājavargāḥ // ### [2.5.87](https://indike.org/pramana/in.purana.linga.2.5.87) athāparo brahmavarātmajo hi traividyavidyo bhagavānmahātmā / saparvato brahmavidāṃva riṣṭho mahāmunirnārada ājagāma // ### [2.5.88](https://indike.org/pramana/in.purana.linga.2.5.88) tāvagatau samīkṣyātha rājā saṃbhrāntamānasaḥ / divyamāsanāmādāya pūjayāmāsa tāvubhau // ### [2.5.89](https://indike.org/pramana/in.purana.linga.2.5.89) ubhau devarṣisiddhau tau ubhau jñānavidāṃ varau / samāsīnau mahātmānau kanyārthaṃ munisattamau // ### [2.5.90](https://indike.org/pramana/in.purana.linga.2.5.90) tāvubhau praṇipatyāgre kanyāṃ tāṃ śrīmatīṃ śubhām / sutāṃ kamalapatrākṣīṃ prāha rājā yaśasvinīm // ### [2.5.91](https://indike.org/pramana/in.purana.linga.2.5.91) anayoryaṃ varaṃ bhadre manasā tmavihecchasi / tasmai mālāmimāndehi praṇipatya yathāvidhi // ### [2.5.92](https://indike.org/pramana/in.purana.linga.2.5.92) evamuktā tu sā kanyā strībhiḥ parivṛtā tadā / mālāṃ hiraṇmayīṃ divyāmādāya subhalocanā // ### [2.5.93](https://indike.org/pramana/in.purana.linga.2.5.93) yatrāsīnau mahātmānau tatrāgamyasthitā tadā / vīkṣamāṇā muniśreṣṭhau nāradaṃ parvataṃ tathā // ### [2.5.94](https://indike.org/pramana/in.purana.linga.2.5.94) muniśreṣṭhaṃ na paśyāmi nāradaṃ parvataṃ tathā / anayormadhyatastvekamūnaṣoḍaśavārṣikam // ### [2.5.95](https://indike.org/pramana/in.purana.linga.2.5.95) saṃbhrāntamānasā tatra pravātakadalī yathā / tasthau tāmahā rājāsau vatse kiṃ tvaṃ kariṣyasi // ### [2.5.96](https://indike.org/pramana/in.purana.linga.2.5.96) anayoreka muddiśya dehi mālāmimāṃ śubhe / sā prāha pitaraṃ trastā imau tau naravānarau // ### [2.5.97](https://indike.org/pramana/in.purana.linga.2.5.97) muniśreṣṭhaṃ na paśyāmi nāradaṃ parvataṃ tathā / anayormadhyatastvekamūnaṣoḍaśavārṣikam // ### [2.5.98](https://indike.org/pramana/in.purana.linga.2.5.98) sarvābharaṇasaṃpannamatasīpuṣpasaṃnibham / dīrghabāhuṃ viśālākṣaṃ tuṅgīrasthalam uttamam // ### [2.5.99](https://indike.org/pramana/in.purana.linga.2.5.99) rekhāṅkitakaṭigrīvaṃ raktāntāyatalocanam / namracāpānukaraṇapaṭubhrūyugaśobhitam // ### [2.5.100](https://indike.org/pramana/in.purana.linga.2.5.100) vibhaktatrivalīvyaktaṃ nābhivyaktaśubhodaram / hiraṇyāṃbarasaṃvītaṃ tuṅgaratnanakhaṃ śubham / padmākārakaraṃ tvenaṃ padmāsyaṃ padmalocanam // ### [2.5.101](https://indike.org/pramana/in.purana.linga.2.5.101) sunāsaṃ padmahṛdayaṃ padmanābhaṃ śriyā vṛtam / dantapaṅktibhiratyarthaṃ kundakuḍmalasannibhaiḥ // ### [2.5.102](https://indike.org/pramana/in.purana.linga.2.5.102) hasaṃtaṃ māṃ samālokya dakṣiṇaṃ ca prasārya vai / pāṇiṃ sthitamamuṃ tatra paśyāmi śubhamūrdhajam // ### [2.5.103](https://indike.org/pramana/in.purana.linga.2.5.103) saṃbhrāntamānasāṃ tatra vepatīṃ kadalīmiva / sthitāṃ tāmāha rājāsau vatse kiṃ tvaṃ kariṣyasi // ### [2.5.104](https://indike.org/pramana/in.purana.linga.2.5.104) evamukte muniḥ prāha nāradaḥ saṃśayaṅgataḥ / kiyanto bāhavastasya kanye brūhi yathātatham // ### [2.5.105](https://indike.org/pramana/in.purana.linga.2.5.105) bāhudvayaṃ ca paśyāmītyāha kanyā śucismitā / prāha tāṃ parvatastatra tasya vakṣaḥsthale śubhe // ### [2.5.106](https://indike.org/pramana/in.purana.linga.2.5.106) kiṃ paśyasi ca me brūhi kare kiṃ vāsya paśyasi / kanyā tamāha mālāṃ vai pañcarūpāmanuttamām // ### [2.5.107](https://indike.org/pramana/in.purana.linga.2.5.107) vakṣaḥsthale 'sya paśyāmi kare kārmukasāyakān / evamuktau muniśreṣṭhau parasparamanuttamau // ### [2.5.108](https://indike.org/pramana/in.purana.linga.2.5.108) manasā cintayantau tau māyeyaṃ kasyacid bhavet / māyāvī taskaro nūnaṃ svayameva janārdanaḥ // ### [2.5.109](https://indike.org/pramana/in.purana.linga.2.5.109) āgato na yatā kuryātkathamasmanmukhaṃ tvidam / golāṅgūlatvamityevaṃ cintayā māsa nāradaḥ // ### [2.5.110](https://indike.org/pramana/in.purana.linga.2.5.110) parvatopi yathānyāyaṃ vānaratvaṃ kathaṃ mama / prāptamityeva manasā cintāmāpedivāṃstathā // ### [2.5.111](https://indike.org/pramana/in.purana.linga.2.5.111) tato rājā praṇamyāsau nāradaṃ parvataṃ tathā / bhavadbhyāṃ kimidaṃ tatra kṛtaṃ buddhivimohajam // ### [2.5.112](https://indike.org/pramana/in.purana.linga.2.5.112) svasthau bhavantau tiṣṭhetāṃ yathā kanyārtha mudyatau / evamuktau muniśreṣṭhau nṛpamūcaturulbaṇau // ### [2.5.113](https://indike.org/pramana/in.purana.linga.2.5.113) tvameva mohaṃ kuruṣe nāvāmiha kathañcana / āvayorekameṣā te varayatveva māciram // ### [2.5.114](https://indike.org/pramana/in.purana.linga.2.5.114) tataḥ sā kanyakā bhūyaḥ praṇiptayeṣṭadevatām / māyāmādāya tiṣṭhantaṃ tayormadhye samāhitam // ### [2.5.115](https://indike.org/pramana/in.purana.linga.2.5.115) sarvābharaṇasaṃyukta matasīpuṣpasannibham / dīrghabāhuṃ supuṣṭāṅgaṃ karṇāntāyatalocanam // ### [2.5.116](https://indike.org/pramana/in.purana.linga.2.5.116) pūrvavatpuruṣaṃ dṛṣṭvā mālāṃ tasmai dadau hi sā / anantaraṃ hi sā kanyā na dṛṣṭā manujaiḥ punaḥ // ### [2.5.117](https://indike.org/pramana/in.purana.linga.2.5.117) tato nādaḥ samabhavat kimetaditi vismitau / tāmādāya gato viṣṇuḥ svasthānaṃ puruṣottamaḥ // ### [2.5.118](https://indike.org/pramana/in.purana.linga.2.5.118) purā tadarthamaniśaṃ tapastaptvā varāṅganā / śrīmatī sā samutpannā sā gatā ca tathā harim // ### [2.5.119](https://indike.org/pramana/in.purana.linga.2.5.119) tāvubhau muniśārdūlau dhikkṛtāvati duḥkhitau / vāsudevaṃ prati tadā jagmaturbhavanaṃ hareḥ // ### [2.5.120](https://indike.org/pramana/in.purana.linga.2.5.120) tāvāgatau samīkṣyāha śrīmatiṃ bhagavānhariḥ / muniśreṣṭhau samāyātau gūhasvātmānamatra vai // ### [2.5.121](https://indike.org/pramana/in.purana.linga.2.5.121) tathetyuktvā ca sā devī prahasaṃtī cakāra ha / nāradaḥ praṇipatyāgre prāha dāmodaraṃ harim // ### [2.5.122](https://indike.org/pramana/in.purana.linga.2.5.122) priyaṃ hi kṛtavānadya mama tvaṃ parvatasya hi / tvameva nūnaṃ govinda kanyāṃ tāṃ hṛtavānāsi // ### [2.5.123](https://indike.org/pramana/in.purana.linga.2.5.123) vimohyāvāṃ svayaṃ buddhyā pratārya surasattama / ityuktaḥ puraṣo viṣṇuḥ pidhāya śrotramacyutaḥ / pāṇibhyāṃ prāha bhagavān bhavadbhyāṃ kimudīritam // ### [2.5.124](https://indike.org/pramana/in.purana.linga.2.5.124) kāmavānapi bhāvoyaṃ munivṛttiraho kila / evamukto muniḥ prāha vāsudevaṃ sa nāradaḥ // ### [2.5.125](https://indike.org/pramana/in.purana.linga.2.5.125) karṇamūle mama kathaṃ golāṅgūlamukhaṃ tviti / karṇamūle tamāhedaṃ vānaratvaṃ kṛtaṃ mayā // ### [2.5.126](https://indike.org/pramana/in.purana.linga.2.5.126) parvatasya mayā vidvan golāṅgūlamukhaṃ tava / mayā tava kṛtaṃ tatra priyārthaṃ nānyathā tviti // ### [2.5.127](https://indike.org/pramana/in.purana.linga.2.5.127) parvato 'pi tathā prāha tasyāpyevaṃ jagādasaḥ / śṛṇvatorubhayostatra prāha dāmodaro vacaḥ // ### [2.5.128](https://indike.org/pramana/in.purana.linga.2.5.128) priyaṃ bhavadbhyāṃ kṛtavān satyenātmānamālabhe / nāradaḥ prāha dharmātmā āvayormadhyataḥ sthitaḥ // ### [2.5.129](https://indike.org/pramana/in.purana.linga.2.5.129) dhanuṣmān puruṣaḥ ko ḥtra tāṃ hṛtvā gatavānkila / tac chrutvā vāsudevo 'sau prāha tau munisattamau // ### [2.5.130](https://indike.org/pramana/in.purana.linga.2.5.130) māyāvino mahātmano bahavaḥ saṃti sattamāḥ / tatra sā śrīmatī nūnamadṛṣṭvā munisattamau // ### [2.5.131](https://indike.org/pramana/in.purana.linga.2.5.131) cakrapāṇirahaṃ nityaṃ caturbāhuriti sthitaḥ / tāṃ tathā nāhamaicchaṃ vai bhavadbhyāṃ viditaṃ hi tat // ### [2.5.132](https://indike.org/pramana/in.purana.linga.2.5.132) ityuktau praṇipatyainamūcatuḥ prītimānasau / ko 'tra doṣastava vibho nārāyaṇa jagatpate // ### [2.5.133](https://indike.org/pramana/in.purana.linga.2.5.133) daurātmyaṃ tannṛpasyaiva māyāṃ hi kṛtavānasau / ityuktvā jagmatustasmānmunīnāradaparvatau // ### [2.5.134](https://indike.org/pramana/in.purana.linga.2.5.134) aṃbarīṣaṃ samāsādya śāpenainamayojayat / nāradaḥ parvataścaiva yasmādāvāmihāgatau // ### [2.5.135](https://indike.org/pramana/in.purana.linga.2.5.135) āhūya paścādanyasmai kanyāṃ tvaṃ dattavānasi / māyāyogena tasmāttvaṃ tamo hyabhibhaviṣyati // ### [2.5.136](https://indike.org/pramana/in.purana.linga.2.5.136) tena cātmānamatyarthaṃ yathāvattvaṃ ca vetsyasi / evaṃ śāpepradatte tu tamorāśirathotthitaḥ // ### [2.5.137](https://indike.org/pramana/in.purana.linga.2.5.137) nṛpaṃ prati tataścakraṃ viṣṇoḥ prādurabhūt kṣaṇāt / cakravitrāsitaṃ ghoraṃ tāvubhau tama abhyagāt // ### [2.5.138](https://indike.org/pramana/in.purana.linga.2.5.138) tataḥ saṃtrastasarvāṅgau dhāvamānau mahāmunī / pṛṣṭhataścakramālokya tamorāśiṃ durāsadam // ### [2.5.139](https://indike.org/pramana/in.purana.linga.2.5.139) kanyāsiddhiraho prāptā hyāvayoriti vegitau / lokālokāntamaniśaṃ dhāvamānau bhayārditau // ### [2.5.140](https://indike.org/pramana/in.purana.linga.2.5.140) trāhitrāhīti govindaṃ bhāṣamāṇau bhayārditau / viṣṇulokaṃ tato gatvā nārāyaṇa jagatpate // ### [2.5.141](https://indike.org/pramana/in.purana.linga.2.5.141) vāsudeva hṛṣīkeśa padmanābha janārdana / trāhyāvāṃ puṇḍarīkākṣa nātho 'si puruṣottama // ### [2.5.142](https://indike.org/pramana/in.purana.linga.2.5.142) tato nārāyaṇaścintya śrīmāñchrīvatsalāñchanaḥ / nivārya cakraṃ dhvāntaṃ ca bhaktānugrahakāmyayā // ### [2.5.143](https://indike.org/pramana/in.purana.linga.2.5.143) aṃbarīṣaśca madbhaktastathaitau munisattamau / anayorasya ca tathā hitaṃ kāryaṃ mayādhunā // ### [2.5.144](https://indike.org/pramana/in.purana.linga.2.5.144) āhūya tattamaḥ śrīmān girā prahlādayan hariḥ / provāca bhagavān viṣṇuḥ śṛṇutāṃ ma idaṃvacaḥ // ### [2.5.145](https://indike.org/pramana/in.purana.linga.2.5.145) ṛṣiśāpo na caivāsīdanyathā ca varo mama / datto nṛpāya rakṣārthaṃ nāsti tasyānyathā punaḥ // ### [2.5.146](https://indike.org/pramana/in.purana.linga.2.5.146) aṃbarīṣasya putrasyanaptuḥ putro mahāyaśāḥ / śrīmāndasaratho nāma rājā bhavati dhārmikaḥ // ### [2.5.147](https://indike.org/pramana/in.purana.linga.2.5.147) tasyāhamagrajaḥ putro rāmanāmā bhavāmyaham / tatra me dakṣiṇobāhurbharato nāma vai bhavet // ### [2.5.148](https://indike.org/pramana/in.purana.linga.2.5.148) śatrughno nāma savyaśca śeṣo 'sau lakṣmaṇaḥ smṛtaḥ / tatra māṃ samupāgaccha gacchedānīṃ nṛpaṃ vinā // ### [2.5.149](https://indike.org/pramana/in.purana.linga.2.5.149) muniśreṣṭhau ca hitvā tvamiti smāha ca mādhavaḥ / evam uktaṃ tamo nāśaṃ tatkṣaṇāc ca jagāma vai // ### [2.5.150](https://indike.org/pramana/in.purana.linga.2.5.150) nivāritaṃ hareścakraṃ yathāpūrvamatiṣṭhata / muniśreṣṭhau bhayānmuktau praṇipatya janārdanam // ### [2.5.151](https://indike.org/pramana/in.purana.linga.2.5.151) nirgatau śokasaṃtaptau ūcatustau parasparam / adyaprabhṛti dehāntamāvāṃ kanyāparigraham // ### [2.5.152](https://indike.org/pramana/in.purana.linga.2.5.152) na kariṣyāva ityuktvā pratijñāya ca tāvṛṣī / yogadhyānaparau śuddhau yathāpūrvaṃ vyavasthitau // ### [2.5.153](https://indike.org/pramana/in.purana.linga.2.5.153) aṃbarīṣaśca rājāsau paripālya ca medinīm / sabhṛtyajñātisaṃpanno viṣṇulokaṃ jagāma vai // ### [2.5.154](https://indike.org/pramana/in.purana.linga.2.5.154) mānārthamaṃbarīṣasya tathaiva munisiṃhayoḥ / rāmo dāśarathir bhūtvā nātmavedīśvaro 'bhavat // ### [2.5.155](https://indike.org/pramana/in.purana.linga.2.5.155) munayaśca tathā sarve bhṛgvādyā munisattamāḥ / māyā na kāryā vidvadbhirityāhuḥ prekṣyataṃ harim // ### [2.5.156](https://indike.org/pramana/in.purana.linga.2.5.156) nāradaḥ parvataścaiva ciraṃ jñātvā viceṣṭitam / māyāṃ viṣṇorvinindyaiva rudrabhaktau babhūvatuḥ // ### [2.5.157](https://indike.org/pramana/in.purana.linga.2.5.157) etaddhi kathitaṃsarva mayā yuṣmākamadya vai / aṃbarīṣasya māhātmyaṃ māyāvitvaṃ ca vai hareḥ // ### [2.5.158](https://indike.org/pramana/in.purana.linga.2.5.158) yaḥ paṭhecchṛṇuyādvāpi śrāvayedvāpi mānavaḥ / māyāṃ visṛjya puṇyātmā rudralokaṃ sa gacchati // ### [2.5.159](https://indike.org/pramana/in.purana.linga.2.5.159) idaṃ pavitraṃ paramaṃ puṇyaṃ vedairudīritam / sāyaṃ prātaḥ paṭhennityaṃ viṣṇoḥ sāyujyamāpnuyāt // ### [2.5.159.p1](https://indike.org/pramana/in.purana.linga.2.5.159.p1) iti śrīliṅgamahāpurāṇe uttarabhāge śrīmatyākhyānaṃ nāma pañcamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.137.84) — Gaṇeśa Bhaṭṭa, Sanskrit ## Linked texts (4) - [Kālikāpurāṇa](https://indike.org/pramana/in.purana.upa.sakta.kalika.3.2658) — Sanskrit - [Adbhutarāmāyaṇa](https://indike.org/pramana/in.lit.ramayana.upajivya.adbhuta.2.4) — Vālmīki, Sanskrit - [Puruṣārthasudhānidhi](https://indike.org/pramana/in.niti.dharma.nibandha.daksinatya.purusarthasudhanidhi.63.3) — Sāyaṇācārya, Sanskrit - [Ānandarāmāyaṇa](https://indike.org/pramana/in.lit.ramayana.upajivya.ananda.108.94) — Vālmīki, Sanskrit --- Source: [https://indike.org/pramana/in.purana.linga.2.5](https://indike.org/pramana/in.purana.linga.2.5) · Pramāṇa