[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.7 # Linga Purana 2.7 Liṅgapurāṇa 2.7 - **Language:** Sanskrit ## Contents - [2.7.33](https://indike.org/pramana/in.purana.linga.2.7.33) — 1 part ### [2.7.1](https://indike.org/pramana/in.purana.linga.2.7.1) ṛṣaya ūcuḥ kiñjapānmucyate jantuḥ sarvalokabhayādibhiḥ / sarvapāpavinirmuktaḥ prāpnoti paramāṃ gatim // ### [2.7.2](https://indike.org/pramana/in.purana.linga.2.7.2) alakṣmīṃvātha saṃtyajya gamiṣyati japena vai / lakṣmīvāso bhavenmartyaḥ sūta vaktumihārhasi // ### [2.7.3](https://indike.org/pramana/in.purana.linga.2.7.3) sūta uvāca purā pitāmahenoktaṃ vasiṣṭhāya mahātmane / vakṣye saṃkṣepataḥ sarvaṃ sarvalokahitāya vai // ### [2.7.4](https://indike.org/pramana/in.purana.linga.2.7.4) śṛṇvantu vacanaṃ sarve praṇipatya janārdanam / devadevamajaṃ viṣṇuṃ kṛṣṇamacyutamavyayam // ### [2.7.5](https://indike.org/pramana/in.purana.linga.2.7.5) sarvapāpaharaṃ śuddhaṃ mokṣadaṃ brahmavādinam / manasākarmaṇā vācā yo vidvānpuṇyakarmakṛt // ### [2.7.6](https://indike.org/pramana/in.purana.linga.2.7.6) nārāyaṇaṃ japennityaṃ praṇamya puruṣottamam / svapannārāyaṇaṃ devaṃ gacchannārāyaṇaṃ tathā // ### [2.7.7](https://indike.org/pramana/in.purana.linga.2.7.7) bhuñjannārāyaṇaṃ viprāstiṣṭhañjāgratsanātanam / unmiṣannimiṣanvāpi namo nārāyaṇeti vai // ### [2.7.8](https://indike.org/pramana/in.purana.linga.2.7.8) bhojyaṃ peyaṃ ca lehyaṃ ca namo nārāyaṇeti ca / abhimantrya spṛśanbhuṅkte sa yāti paramāṃ gatim // ### [2.7.9](https://indike.org/pramana/in.purana.linga.2.7.9) sarvapāpavinirmuktaḥ prāpnoti ca satāṃ gatim / alakṣmīśca mayā proktā patnī yā duḥsahasya ca // ### [2.7.10](https://indike.org/pramana/in.purana.linga.2.7.10) nārāyaṇapadaṃ śrutvā gacchatyeva na saṃśayaḥ / yā lakṣmīrdevadevasya hareḥ kṛṣṇasya vallabhā // ### [2.7.11](https://indike.org/pramana/in.purana.linga.2.7.11) gṛhe kṣetre tathāvāse tanauvasati suvratāḥ / āloḍya sarvaśāstrāṇi vicārya ca punaḥ punaḥ // ### [2.7.12](https://indike.org/pramana/in.purana.linga.2.7.12) itamekaṃ suniṣpannaṃ dhyeyo nārāyaṇaḥ sadā / kiṃ tasya bahubhirmantraiḥ kiṃ tasya bahubhirvrataiḥ // ### [2.7.13](https://indike.org/pramana/in.purana.linga.2.7.13) namo nārāyaṇāyeti mantraḥ sarvārthasādhakaḥ / tasmātsarveṣu kāleṣu namo nārāyaṇeti ca // ### [2.7.14](https://indike.org/pramana/in.purana.linga.2.7.14) japetsa yāti viprendrā viṣṇulokaṃ sabāndhavaḥ / anyacca devadevasya śṛṇvantu munisattamāḥ // ### [2.7.15](https://indike.org/pramana/in.purana.linga.2.7.15) mantro mayā purābhyastaḥ sarvavedārthasādhakaḥ / dvādaśākṣarasaṃyukto dvādaśātmā purātanaḥ // ### [2.7.16](https://indike.org/pramana/in.purana.linga.2.7.16) tasyaiveha ca māhātmyaṃ saṃkṣepātpravadāmi vaḥ / kaściddvijo mahāprājñastapastaptvā kathañcana // ### [2.7.17](https://indike.org/pramana/in.purana.linga.2.7.17) putramekaṃ tayotpādya saṃskāraiśca yathākramam / yojayitvā yatākālaṃ kṛtopanayanaṃ punaḥ // ### [2.7.18](https://indike.org/pramana/in.purana.linga.2.7.18) adhyāpayāmāsa tadā sa ca novāca kiñcana / na jihvā spandate tasya duḥkhito 'bhūddvijottamaḥ // ### [2.7.19](https://indike.org/pramana/in.purana.linga.2.7.19) vāsudeveti niyatamaitareyo vadatyasau / pitā tasya tathā cānyāṃ pariṇīya yathāvidhi // ### [2.7.20](https://indike.org/pramana/in.purana.linga.2.7.20) putrānutpādayāmāsa tathaiva vidhipūrvakam / vedānadhītya saṃpannā babhūvuḥ sarvasaṃmatāḥ // ### [2.7.21](https://indike.org/pramana/in.purana.linga.2.7.21) aitareyasya sā mātā duḥkhitā śokamūrcchitā / uvāca putrāḥ saṃpannā vedavedāṅgapāragāḥ // ### [2.7.22](https://indike.org/pramana/in.purana.linga.2.7.22) brāhmaṇaiḥ pūjyamānā vai modayanti ca mātaram / mama tvaṃ bhāgyahīnāyāḥ putro jāto nirākṛtiḥ // ### [2.7.23](https://indike.org/pramana/in.purana.linga.2.7.23) mamātra nidhanaṃ śreyo na kathañcana jīvitam / ityuktaḥ sa ca nirgamya yajñavāṭaṃ jagāma vai // ### [2.7.24](https://indike.org/pramana/in.purana.linga.2.7.24) tasminyāte dvijānāṃ tu na mantrāḥ pratipedire / aitareye sthitetatra brāhmaṇā mohitāstadā // ### [2.7.25](https://indike.org/pramana/in.purana.linga.2.7.25) tato vāṇī samudbhūtā vāsudeveti kīrtanāt / aitareyasya te viprāḥ praṇipatya yatātatham // ### [2.7.26](https://indike.org/pramana/in.purana.linga.2.7.26) pūjāṃ cakrustato yajñaṃ svayameva samāgatam / tataḥ samāpya taṃ yajñamaitareyo dhanādibhiḥ // ### [2.7.27](https://indike.org/pramana/in.purana.linga.2.7.27) sarvavedānsadasyāha sa ṣaḍaṅgān samāhitāḥ / tuṣṭuvuśca tathā viprā brahmādyāśca tathā dvijāḥ // ### [2.7.28](https://indike.org/pramana/in.purana.linga.2.7.28) sasarjuḥ puṣpavarṣāṇi khecarāḥ siddhacāraṇāḥ / evaṃ samāpya vai yajñamaitareyo dvijottamāḥ // ### [2.7.29](https://indike.org/pramana/in.purana.linga.2.7.29) mātaraṃ pūjayitvā tu viṣṇoḥ sthānaṃ jagāma ha / etadvai kathitaṃ sarvaṃ dvādaśākṣaravaibhavam // ### [2.7.30](https://indike.org/pramana/in.purana.linga.2.7.30) paṭhatāṃ śṛṇvatāṃ nityaṃ mahāpātakanāśanam / japedyaḥ puruṣo nityaṃ dvādaśākṣaramavyayam // ### [2.7.31](https://indike.org/pramana/in.purana.linga.2.7.31) sa yāti divyamatulaṃ viṣṇostatparamaṃ padam / api pāpasamācāro dvādaśākṣaratatparaḥ // ### [2.7.32](https://indike.org/pramana/in.purana.linga.2.7.32) prāpnoti paramaṃ sthānaṃ nātra kāryā vicāraṇā / kiṃ punarye svadharmasthā vāsudevaparāyaṇāḥ // ### [2.7.33](https://indike.org/pramana/in.purana.linga.2.7.33) divyaṃ sthānaṃ mahātmānaḥ prāpnuvantīti suvratāḥ // ### [2.7.33.p1](https://indike.org/pramana/in.purana.linga.2.7.33.p1) iti śrīliṅgamahāpurāṇe uttarabhāge dvādaśākṣarapraśaṃsānāma saptamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.139.6) — Gaṇeśa Ballāla Nātū, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.3) — Hazra 1940, English --- Source: [https://indike.org/pramana/in.purana.linga.2.7](https://indike.org/pramana/in.purana.linga.2.7) · Pramāṇa