[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.8 # Linga Purana 2.8 Liṅgapurāṇa 2.8 - **Language:** Sanskrit ## Contents - [2.8.36](https://indike.org/pramana/in.purana.linga.2.8.36) — 1 part ### [2.8.1](https://indike.org/pramana/in.purana.linga.2.8.1) suta uvāca aṣṭākṣaro dvijaśreṣṭhā namo nārāyaṇeti ca / dvādaśākṣaramantraśca paramaḥ paramātmanaḥ // ### [2.8.2](https://indike.org/pramana/in.purana.linga.2.8.2) mantra ṣaḍakṣaro viprāḥ sarvavedārthasaṃcayaḥ / yaścoṃnamaḥ śivāyeti mantraḥ sarvārthasādhakaḥ // ### [2.8.3](https://indike.org/pramana/in.purana.linga.2.8.3) tathā śivatarāyeti divyaḥ pañcākṣaraḥ śubhaḥ / mayaskarāya cetyevaṃ namaste śaṅkarāya ca // ### [2.8.4](https://indike.org/pramana/in.purana.linga.2.8.4) saptākṣaroyaṃ rudrasya pradhānapuruṣasya vai / brahmā ca bhagavānviṣṇuḥ sarve devāḥ savāsavāḥ // ### [2.8.5](https://indike.org/pramana/in.purana.linga.2.8.5) mantrairetairdvijaśreṣṭhā munayaśca yajanti tam / śaṅkaraṃ devadevaśaṃ mayaskaramajodbhavam // ### [2.8.6](https://indike.org/pramana/in.purana.linga.2.8.6) śivaṃ ca śaṅkaraṃ rudraṃ devadevamumāpatim / prāhurnamaḥ śivāyoti namaste śaṅkarāya ca // ### [2.8.7](https://indike.org/pramana/in.purana.linga.2.8.7) mayaskarāya rudrāya tathā śivatarāya ca / japtvā mucyeta vai vipro brahmahatyādibhiḥ kṣaṇāt // ### [2.8.8](https://indike.org/pramana/in.purana.linga.2.8.8) purā kaściddvijaḥ śakto dhundhumūka iti śrutaḥ / āsīttṛtīye tretāyāmāvartte ca manoḥ prabhoḥ // ### [2.8.9](https://indike.org/pramana/in.purana.linga.2.8.9) meghavāhanakalpe vai brahmaṇaḥ paramātmanaḥ / megho bhūtvā mahādevaṃ kṛttivāsasamīśvaram // ### [2.8.10](https://indike.org/pramana/in.purana.linga.2.8.10) bahumānena vai rudraṃ devadevo janārdanaḥ / khinno 'tibhārādrudrasya niḥśvāsocchvāsavarjitaḥ // ### [2.8.11](https://indike.org/pramana/in.purana.linga.2.8.11) vijñāpya śitikaṇṭhāya tapaścakreṃbujekṣaṇaḥ / tapasā paramaiśvaryaṃ balaṃ caiva tathādbhutam // ### [2.8.12](https://indike.org/pramana/in.purana.linga.2.8.12) labdhavānparameśānācchaṅkarātparamātmanaḥ / tasmātkalpastadā cāsīnmeghavāhanasaṃjñayā // ### [2.8.13](https://indike.org/pramana/in.purana.linga.2.8.13) tasminkalpe muneḥ śāpaddhundhumūkasamudbhavaḥ / dhundhumūkātmajastena durātmā ca babhūva saḥ // ### [2.8.14](https://indike.org/pramana/in.purana.linga.2.8.14) dhundhumūkaḥ purāsakto bhāryayā saha mohitaḥ / tasyāṃ vai sthāpito garbhaḥ kāmāsaktena cetasā // ### [2.8.15](https://indike.org/pramana/in.purana.linga.2.8.15) amāvāsyāmahanyeva muhūrte rudradaivate / antarvatnī tadā bhāryā muktā tena yathāsukham // ### [2.8.16](https://indike.org/pramana/in.purana.linga.2.8.16) asūta sā ca tanayaṃ viśalyākhyā prayatnataḥ / rudre muhurte mandena vīkṣite munisattamāḥ // ### [2.8.17](https://indike.org/pramana/in.purana.linga.2.8.17) mātuḥ pitustathāriṣṭaṃ sa saṃjātastathātmanaḥ / ṛṣī tamūcaturviprā dhundhumūkaṃ mithastadā // ### [2.8.18](https://indike.org/pramana/in.purana.linga.2.8.18) mitrāvaruṇānāmanau duṣputra iti sattamau / vasiṣṭhaḥ prāha nīco 'pi prabhāvādvai bṛhaspateḥ // ### [2.8.19](https://indike.org/pramana/in.purana.linga.2.8.19) putrastavāsau durbuddhirapi mucyati kilbiṣāt / duḥkhito dhundhumūko 'sau dṛṣṭvā putram avasthitam // ### [2.8.20](https://indike.org/pramana/in.purana.linga.2.8.20) jātakarmādikaṃ kṛtvā vidhivatsvayameva ca / adhyāpayāmāsa ca taṃ vidhinaiva dvijottamāḥ // ### [2.8.21](https://indike.org/pramana/in.purana.linga.2.8.21) tenādhīnaṃ yathānyāyaṃ dhaindhumūkena suvratāḥ / kṛtodvāhastadā gatvā guruśuśruṣaṇe rataḥ // ### [2.8.22](https://indike.org/pramana/in.purana.linga.2.8.22) anenaiva muniśreṣṭhā dhaindhumūkena durmadāt / bhuktvānyāṃ vṛṣalīṃ dṛṣṭvā svabhāryāvāddivāniśam // ### [2.8.23](https://indike.org/pramana/in.purana.linga.2.8.23) ekaśayyāsanagato dhaindhumūko dvijādhamaḥ / tathā cacāra durbuddhistyaktvā dharmagatiṃ parām // ### [2.8.24](https://indike.org/pramana/in.purana.linga.2.8.24) mādhvī pītā tayā sārdhaṃ tena rāgavivṛddhaye / kenāpi kāraṇenaiva tāmuddisya dvijottamāḥ // ### [2.8.25](https://indike.org/pramana/in.purana.linga.2.8.25) nihatā sā ca pāpena vṛṣalī gatamaṅgalā / tatastasyāstadā tasya bhrātṛbhirnihataḥ pitā // ### [2.8.26](https://indike.org/pramana/in.purana.linga.2.8.26) mātā ca tasya durbuddherdhaundhumūkasya śobhanā / bhāryā ca tasya durbuddheḥ śyālāste cāpi suvratāḥ // ### [2.8.27](https://indike.org/pramana/in.purana.linga.2.8.27) rājñā kṣaṇādaho naṣṭa kulaṃ tasyāśca tasya ca / gatvāsau dhaindhumūkaśca yena kenāpi līlayā // ### [2.8.28](https://indike.org/pramana/in.purana.linga.2.8.28) dṛṣṭvā tu taṃ muniśreṣṭhaṃ rudrajāpyaparāyaṇam / labdhvā pāśupataṃ tadvai purā devānmaheśvarāt // ### [2.8.29](https://indike.org/pramana/in.purana.linga.2.8.29) labdhvā pañcākṣaraṃ caiva ṣaḍakṣaramanuttamam / punaḥ pañcākṣaraṃ caiva japtvā lakṣaṃ pṛthak pṛthak // ### [2.8.30](https://indike.org/pramana/in.purana.linga.2.8.30) vrataṃ kṛtvā ca vidhinā divyaṃ dvādaśamāsikam / kāladharmaṃ gataḥ kalpe pūjitaśca yamena vai // ### [2.8.31](https://indike.org/pramana/in.purana.linga.2.8.31) uddhṛtā ca tathā mātā pitā śyālāśca suvratāḥ / patnī ca subhagā jātā susmitā ca pativratā // ### [2.8.32](https://indike.org/pramana/in.purana.linga.2.8.32) tābhirvimānāmāruhya devaiḥ seṃdrairabhiṣṭutaḥ / gāṇapatyamanu prāpya rudrasya dayito 'bhavat // ### [2.8.33](https://indike.org/pramana/in.purana.linga.2.8.33) tasmādaṣṭākṣarāṃnmantrāttathā vai dvādaśākṣarāt / bhavetkoṭiguṇaṃ puṇyaṃ nātra kāryā vicāraṇā // ### [2.8.34](https://indike.org/pramana/in.purana.linga.2.8.34) tasmājjapeddhiyo nityaṃ prāguktena vidhānataḥ / śaktibījasamāyuktaṃ sa yāti paramāṃ gatim // ### [2.8.35](https://indike.org/pramana/in.purana.linga.2.8.35) etadvaḥ kathitaṃ sarvaṃ kathāsarvasvamuttamam / yaḥ paṭhecchṛṇuyādvāpi śrāvayedvā dvijottamān // ### [2.8.36](https://indike.org/pramana/in.purana.linga.2.8.36) sa yāti brahmalokaṃ tu rudrajāpyamanuttamam // ### [2.8.36.p1](https://indike.org/pramana/in.purana.linga.2.8.36.p1) iti śrīliṅgamahāpurāṇe uttarabhāge aṣṭamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.140.2) — Gaṇeśa Ballāla Nātū, Sanskrit ## Linked texts (1) - [Sāmbapurāṇa](https://indike.org/pramana/in.purana.upa.surya.samba.75.5) — Sanskrit ## Discussed in (1) - [Ancient Indian Historical Tradition](https://indike.org/pramana/ins.general.pargiter-1922.c7.45) — Pargiter 1922, English --- Source: [https://indike.org/pramana/in.purana.linga.2.8](https://indike.org/pramana/in.purana.linga.2.8) · Pramāṇa