[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.9 # Lingapurana 2.9 Liṅgapurāṇa 2.9 - **Language:** Sanskrit ## Contents - [2.9.56](https://indike.org/pramana/in.purana.linga.2.9.56) — 1 part ### [2.9.1](https://indike.org/pramana/in.purana.linga.2.9.1) ṛṣaya ūcuḥ devaiḥ purā kṛtaṃ divyaṃ vrataṃ pāśupataṃ śubham / brahmaṇā ca svayaṃ sūta kṛṣṇenākliṣṭakarmaṇā // ### [2.9.2](https://indike.org/pramana/in.purana.linga.2.9.2) patitena ca vipreṇa dhaindhumūkena vai tathā / kṛtvā japtvā gatiḥ prāptā kathaṃ pāśupataṃ vratam // ### [2.9.3](https://indike.org/pramana/in.purana.linga.2.9.3) kathaṃ paśupatirdevaḥ śaṅkaraḥ parameśvaraḥ / vaktumarhasi cāsmākaṃ paraṃ kautūhalaṃ hi naḥ // ### [2.9.4](https://indike.org/pramana/in.purana.linga.2.9.4) sūta uvāca purā śāpādvinirmukto brahmaputro mahāyaśāḥ / rudrasya devadevasya marudeśādihāgataḥ // ### [2.9.5](https://indike.org/pramana/in.purana.linga.2.9.5) tyaktvā prasādādrudrasya uṣṭradehamajājñayā / śilādaputramāsādya namaskṛtya vidhānataḥ // ### [2.9.6](https://indike.org/pramana/in.purana.linga.2.9.6) meruṣṭaṣṭhe munivaraḥ śrutvā dharmamanuttamam / māheśvaraṃ muniśreṣṭhā hyapṛcchacca punaḥ punaḥ // ### [2.9.7](https://indike.org/pramana/in.purana.linga.2.9.7) nandinaṃ praṇipatyainaṃ kathaṃ paśupatiḥ prabhuḥ / vaktumarhasi cāsmākaṃ tatsarvaṃ ca tadāha saḥ // ### [2.9.8](https://indike.org/pramana/in.purana.linga.2.9.8) tatsarvaṃ śrutavān vyāsaḥ kṛṣṇadvaipāyanaḥ prabhuḥ / tasmādahanumaśrutya yuṣmākaṃ pravadāmi vai // ### [2.9.9](https://indike.org/pramana/in.purana.linga.2.9.9) sarve śṛṇvaṃ tu vacanaṃ namaskṛtvā maheśvaram / sanatkumāra uvāca kathaṃ paśupatirdevaḥ paśavaḥ ke prakīrtitāḥ // ### [2.9.10](https://indike.org/pramana/in.purana.linga.2.9.10) kaiḥ pāśaiste nibadhyante vimucyante ca te katham / śailādir uvāca sanatkumāra vakṣyāmi sarvam etad yathātatham // ### [2.9.11](https://indike.org/pramana/in.purana.linga.2.9.11) rudrabhaktasya śāntasya tava kalyāmacetasaḥ / brahmādyāḥ sthāvarāntāśca devadevasya dhīmataḥ // ### [2.9.12](https://indike.org/pramana/in.purana.linga.2.9.12) paśavaḥ parikīrtyante saṃsāravaśavartinaḥ / teṣāṃ patitvādbhagavān rudraḥ paśupatiḥ smṛtaḥ // ### [2.9.13](https://indike.org/pramana/in.purana.linga.2.9.13) anādinidhano dhātā bhagavānviṣṇuravyayaḥ / māyāpāśena badhnāti paśuvatparameśvaraḥ // ### [2.9.14](https://indike.org/pramana/in.purana.linga.2.9.14) sa eva mocakasteṣāṃ jñānayogena sevitaḥ / avidyāpāśabaddhānāṃ nānyo mocaka iṣyate // ### [2.9.15](https://indike.org/pramana/in.purana.linga.2.9.15) tamṛte paramātmānaṃ śaṅkaraṃ parameśvaram / caturviṃśatitattvāni pāśā hi parameṣṭhinaḥ // ### [2.9.16](https://indike.org/pramana/in.purana.linga.2.9.16) taiḥ pāśairmocayatyekaḥ śivo jīvairupāsitaḥ / nibadhnāti paśūnekaścaturviṃśatipāśakaiḥ // ### [2.9.17](https://indike.org/pramana/in.purana.linga.2.9.17) sa eva bhagavānrudro mocayatyapi sevitaḥ / daśendriyamayaiḥ pāśairantaḥ karaṇasaṃbhavaiḥ // ### [2.9.18](https://indike.org/pramana/in.purana.linga.2.9.18) bhūtatanmātrapāśaiśca paśūnmocayati prabhuḥ / indriyārthamayaiḥ pāśair baddhvā viṣayinaḥ prabhuḥ // ### [2.9.19](https://indike.org/pramana/in.purana.linga.2.9.19) āśu bhaktā bhavantyevaṃ parameśvarasevayā / bhaja ityeṣa dhātur vai sevāyāṃ parikīrtitaḥ // ### [2.9.20](https://indike.org/pramana/in.purana.linga.2.9.20) tasmātsevā budhaiḥ proktā bhaktiśabdena bhūyasī / brahmadistaṃbaparyantaṃ paśūnbaddhvā maheśvaraḥ // ### [2.9.21](https://indike.org/pramana/in.purana.linga.2.9.21) tribhirguṇamayaiḥ pāśaiḥ kāryaṃ kārayati svayam / dṛḍhena bhaktiyogena paśubhiḥ samupāsitaḥ // ### [2.9.22](https://indike.org/pramana/in.purana.linga.2.9.22) mocayatyeva tānsadyaḥ śaṅkaraḥ parameśvaraḥ / bhajanaṃ bhaktirityuktā vāṅmanaḥ kāyakarmabhiḥ // ### [2.9.23](https://indike.org/pramana/in.purana.linga.2.9.23) sarvakāryeṇahetutvātpāśacchedapaṭīyasī / satyaḥ sarvaga ityādi śivasya guṇacintanā // ### [2.9.24](https://indike.org/pramana/in.purana.linga.2.9.24) rupopādānacintā ca mānasaṃ bhajanaṃ viduḥ / vācikaṃ bhajanaṃ dhīrāḥ praṇavādijapaṃ viduḥ // ### [2.9.25](https://indike.org/pramana/in.purana.linga.2.9.25) kāyikaṃ bhajanaṃ sadbhiḥ prāṇāyāmādi kathyate / dharmādharmamayaiḥ pāśairbandhanaṃ dehināmidam // ### [2.9.26](https://indike.org/pramana/in.purana.linga.2.9.26) mocakaḥ śiva evaiko bhagavānparameśvaraḥ / caturviśatitattvāni māyākarmaguṇā iti // ### [2.9.27](https://indike.org/pramana/in.purana.linga.2.9.27) kīrtyante viṣayāśceti pāśā jīvanibandhanāt / tairbaddhāḥ śivabhaktyaiva mucyante sarvadehinaḥ // ### [2.9.28](https://indike.org/pramana/in.purana.linga.2.9.28) pañcakleśamayaiḥ pāśaiḥ paśūnbadhnāti śaṅkaraḥ / sa eva mocakastoṣāṃ bhaktyā samyagupāsitaḥ // ### [2.9.29](https://indike.org/pramana/in.purana.linga.2.9.29) avidyāmasmitāṃ rāgaṃ dveṣaṃ ca dvipadāṃ varāḥ / vadantyabhiniveśaṃ ca kleśānpāśatvamāgatān // ### [2.9.30](https://indike.org/pramana/in.purana.linga.2.9.30) tamomohomahāmohastāmisra iti paṇḍitāḥ / andhatāmisra ityāhuravidyāṃ pañcadhā sthitām // ### [2.9.31](https://indike.org/pramana/in.purana.linga.2.9.31) tāñjīvānmuniśārdūlāḥ sarvāṃścaivāpyavidyayā / śivo mocayati śrīmānnānyaḥ kaścidvimocakaḥ // ### [2.9.32](https://indike.org/pramana/in.purana.linga.2.9.32) avidyāṃ tama ityāhurasmitāṃ moha ityapi / mahāmoha iti prājñā rāgaṃ yogaparāyaṇāḥ // ### [2.9.33](https://indike.org/pramana/in.purana.linga.2.9.33) dveṣaṃ tāmisra ityāhurandhatāmisra ityapi / tathaivābhiniveśaṃ ca mithyājñānaṃ vivekinaḥ // ### [2.9.34](https://indike.org/pramana/in.purana.linga.2.9.34) tamaso 'ṣṭavidhā bhedā mohaścāṣṭavidhaḥ smṛtaḥ / mahāmohaprabhedāśca budhairdaśa vicintitāḥ // ### [2.9.35](https://indike.org/pramana/in.purana.linga.2.9.35) aṣṭādaśavidhaṃ cāhustāmisraṃ ca vicakṣaṇāḥ / andhatāmisrabhedāśca tathāṣṭādaśadhā smṛtāḥ // ### [2.9.36](https://indike.org/pramana/in.purana.linga.2.9.36) avidyayāsya saṃbandho nātīto nāstyanāgataḥ / bhavedrāgeṇa devasya śaṃbhoraṅganivāsinaḥ // ### [2.9.37](https://indike.org/pramana/in.purana.linga.2.9.37) kāleṣu triṣu saṃbandhastasya dveṣeṇa no bhavet / māyātītasya devasya sthāṇoḥ paśupatervibhoḥ // ### [2.9.38](https://indike.org/pramana/in.purana.linga.2.9.38) tathaivābhiniveśena saṃbandho na kadācana / śaṅkarasya śaraṇyasya śivasya paramātmanaḥ // ### [2.9.39](https://indike.org/pramana/in.purana.linga.2.9.39) kuśalākuśalaistasya saṃbandho naiva karmabhiḥ / bhavetkālatraye śaṃbhoravidyāmativartinaḥ // ### [2.9.40](https://indike.org/pramana/in.purana.linga.2.9.40) vipākaiḥ karmaṇāṃ vāpi na bhavedeva saṃgamaḥ / kāleṣu triṣu sarvasya śivasya śivadāyinaḥ // ### [2.9.41](https://indike.org/pramana/in.purana.linga.2.9.41) sukhaduḥkhairasaṃspṛśyaḥ kālatritayavartibhiḥ / sa tair vinaśvaraiḥ śaṃbhur bodhānandātmakaḥ paraḥ // ### [2.9.42](https://indike.org/pramana/in.purana.linga.2.9.42) āśayairaparāmṛṣṭaḥ kālatritayagocaraiḥ / dhiyāṃ patiḥ svabhūreṣa mahādevo maheśvaraḥ // ### [2.9.43](https://indike.org/pramana/in.purana.linga.2.9.43) aspṛśyaḥ karmasaṃskāraiḥ kālatritayavartibhiḥ / tathaiva bhogasaṃskārairbhagavānantakāntakaḥ // ### [2.9.44](https://indike.org/pramana/in.purana.linga.2.9.44) puṃviśeṣaparo devo bhagavānparameśvaraḥ / ceta nācetanāyuktaprapañcādakhilātparaḥ // ### [2.9.45](https://indike.org/pramana/in.purana.linga.2.9.45) loke sātiśayatvena jñānaiśvaryaṃ vilokyate / śivenātiśayatvena śivaṃ prāhurmanīṣiṇaḥ // ### [2.9.46](https://indike.org/pramana/in.purana.linga.2.9.46) pratisargaṃ prasūtānāṃ brahmaṇaṃ śāstravistaram / upadeṣṭā sa evādau kālāvacchedavartinām // ### [2.9.47](https://indike.org/pramana/in.purana.linga.2.9.47) kālāvacchedayuktānāṃ gurūṇāmapyasau guruḥ / sarveṣāmeva sarveśaḥ kālāvacchedavarjitaḥ // ### [2.9.48](https://indike.org/pramana/in.purana.linga.2.9.48) anādireṣa saṃbandho vijñānotkarṣayoḥ paraḥ / sthitayorīdṛśaḥ sarvaḥ pariśuddhaḥ svabhāvataḥ // ### [2.9.49](https://indike.org/pramana/in.purana.linga.2.9.49) ātmaprayojanābhāve parānugraha eva hi / prayojanaṃ samastānāṃ kāryāṇāṃ parameśvaraḥ // ### [2.9.50](https://indike.org/pramana/in.purana.linga.2.9.50) praṇavo vācakastasya śivasya paramātmanaḥ / śivarudrādiśabdānāṃ praṇavopi paraḥ smṛtaḥ // ### [2.9.51](https://indike.org/pramana/in.purana.linga.2.9.51) śaṃbhoḥ praṇavavācyasya bhāvanā tajjapādapi / yā siddhiḥ svaparāprāpyā bhavatyeva na saṃśayaḥ // ### [2.9.52](https://indike.org/pramana/in.purana.linga.2.9.52) jñānatattvaṃ prayatnena yogaḥ pāśupataḥ paraḥ / uktastu devadevena sarveṣāmanukaṃpayā // ### [2.9.53](https://indike.org/pramana/in.purana.linga.2.9.53) sa hovācaiva yājñavalkyo yadakṣaraṃ gārgyayoginaḥ / abhivadanti sthūlamanantaṃ mahāścaryamadīrghamalohitamamastakamāsāyamata evo punānasamasaṃgamagandhamarasamackṣuṣkamaśrotramavāṅmanotejaskamapramāṇamanusukhamanāmagotramamaramajaramanāmayamamṛtamoṃśabdamamṛtamasaṃvṛtamapūrvamanaparamanantamabāhyaṃ tadaśrāti kiñcana na tāśrāti kiñcana // ### [2.9.54](https://indike.org/pramana/in.purana.linga.2.9.54) etatkālavyaye jñātvā paraṃ pāśupataṃ prabhum / yoge pāśupate cāsmin yasyārthaḥ kila uttame // ### [2.9.55](https://indike.org/pramana/in.purana.linga.2.9.55) kṛtvoṅkāraṃ pradīpaṃ mṛgaya gṛhapatiṃ sūkṣmamādyantarasthaṃ saṃyamya dvāravāsaṃ pavanapaṭutaraṃ nāyakaṃ condriyāṇām / vāgjālaiḥ kasya hetorvibhaṭasi tu bhayaṃ dṛśyate naiva kiñciddehasthaṃ paśya śaṃbhuṃ bhramasi kimu pare sāstrajālendhakāre // ### [2.9.56](https://indike.org/pramana/in.purana.linga.2.9.56) evaṃ samyagbudhairjñātvā munīnāmatha coktaṃ śivena / asamarasaṃ pañcadhā kṛtvābhavaṃ cātmani yojayet // ### [2.9.56.p1](https://indike.org/pramana/in.purana.linga.2.9.56.p1) iti śrīliṃṅgamahāpurāṇe uttarabhāge navamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.141.6) — Gaṇeśa Bhaṭṭa, Sanskrit ## Linked texts (4) - [Śivapurāṇa (complete text)](https://indike.org/pramana/in.purana.siva*complete-2.7.2.2.9) — Sanskrit - [Tattvaprakāśa](https://indike.org/pramana/in.sampradaya.saiva.siddhanta.darsana.tattvaprakasa.3.47) — Bhoja, Sanskrit - [Vedāntasāravīraśaivacintāmaṇi](https://indike.org/pramana/in.sampradaya.saiva.virasaiva.vedantasaravirasaivacintamani.2.106) — Niṣṭhura Nañjanācārya 1700, Sanskrit - [Kriyāsāra (ed. Mallikārjuna Śāstrī)](https://indike.org/pramana/in.sampradaya.saiva.virasaiva.kriyasara*sastri1910.6.99) — Sanskrit --- Source: [https://indike.org/pramana/in.purana.linga.2.9](https://indike.org/pramana/in.purana.linga.2.9) · Pramāṇa