Pramāṇa · Search · About · API

Maheshvarakhanda 33

Māheśvarakhaṇḍa 33

Language
Sanskrit

Contents

33.1

cha || || nārada uvāca || || tataḥ skandaḥ suraiḥ sārdhaṃ śvetaparvata
mastakāt || uttīrya tārakaṃ hantuṃ dakṣiṇāṃ sa diśaṃ yayau

33.2

tataḥ sarasvatītīre yāni bhūtāni nārada || grahāścopagrahāścaiva vetālāḥ śākinī
gaṇāḥ

33.3

unmādā ye hyapasmārāḥ palādāśca piśācakāḥ || devaisteṣāmādhipatye so'bhyaṣicyata pāvakaḥ

33.4

yathā te naiva maryādāṃ saṃtya
jaṃti durāśayāḥ || etaistasmātsamākrāṃtaḥ śaraṇyaṃ pāvakiṃ vrajet

33.5

aprakīrṇendriyaṃ dāṃtaṃ śuciṃ nityamataṃdritam || āstikaṃ skandabhaktaṃ ca
varjayaṃti grahādikāḥ

33.6

maheśvaraṃ ca ye bhaktā bhaktā nārāyaṇaṃ ca ye || teṣāṃ darśanamātreṇa naśyaṃte te vidūrataḥ

33.7

tataḥ sarvaiḥ suraiḥ sārdhaṃ mahī
tīraṃ yayau guhaḥ || tatra devaiḥ prakathitaṃ mahīmāhātmyamuttamam

33.8

śṛṇvanvissiṣmiye skandaḥ praṇanāma ca tāṃ nadīm || tato mahīdakṣiṇatastīramā
śritya dhiṣṭhitam

33.9

praṇamya śakrapramukhā guhaṃ vacanamabruvan || abhiṣiktaṃ vinā skanda senāpatimakalmaṣam

33.10

na śarma labhate senā tasmāttvamabhi
ṣecaya || mahīsāgarasaṃbhūtaiḥ puṇyaiścāpi śivairjalaiḥ

33.11

abhiṣekṣyāmahe tvāṃ ca tatra no draṣṭumarhasi || yathā hastipade sarvapadāṃtarbhāva iṣyate

33.12

sarvatīrthāntarasthānaṃ tathārṇavamahījale || sarvabhūtamayo yadvattryaṃbakaḥ parikīrtyate

33.13

sarvatīrthamayastadvanmahīsāgarasaṃgamaḥ || ardhanārīśvaraṃ rūpaṃ
yathā rudrasya sarvadam

33.14

tathā mahīsamudrasya snānaṃ sarvaphalapradam || yenātra pitaraḥ skanda tarpitā bhaktibhāvataḥ

33.15

tena sarveṣu tīrtheṣu tarpitā
nātra saṃśayaḥ || na caitaddhṛdi maṃtavyaṃ kṣārametajjalaṃ hi yat

33.16

yathā hi kaṭutiktādi gavāṃ grastaṃ hi kṣīradam || evametacchivaṃ toyaṃ pitṝṇāṃ tṛpti
dāyakam

33.17

evaṃ bruvatsu deveṣu kapilo'pi munirjagau || satyametadumāputra sarvatīrthamayī mahī

33.18

kardamo yastvahamapi jñātvā tīrthamahā
guṇān || sarvāṃ bhuvaṃ parityajya kṛtvā hyāśramamāsthitaḥ

33.19

tato maheśvaraḥ prāha satyametatsuroditam || brahmādyāstaṃ tathā prāhuratra bhūyo'pyatho
guruḥ

33.20

atrābhiṣekaṃ te vīra kariṣyāmaḥ samādiśa || tataḥ suvismitastatra snātvā skando mahāmanāḥ

33.21

abhiṣiñcantu māṃ devā iti
tānabravīdguhaḥ || tato'bhiṣekasaṃbhārānsarvānsaṃbhṛtya śāstrataḥ

33.22

juhuvurmaṃtrapūte'gnau catvāro mukhyaṛtvijaḥ || brahmā ca kapilo jīvo viśvā
mitraścaturthakaḥ

33.23

anye ca śataśastatra munayo vedapāragāḥ || tatrādbhutaṃ mahādevo darśayāmāsa bhārata

33.24

yadagnikuṇḍamadhyastho liṃgamūrti
rvyadṛśyata || ahamevāgnimadhyastho havirgṛhṇāmi nityaśaḥ

33.25

etatsaṃdarśanārthāya liṃgamūrtirabhūdvibhuḥ || talliṅgamamulaṃ devā namaścakrurmudā
nvitāḥ

33.26

sarvapāpāpahaṃ pārtha sarvakāmaphalapradam || tatra homāvasāne ca datte himavatā śubhe

33.27

divyaratnānvite skando niṣaṇṇaḥ paramā
sane || sarvamaṃgalasaṃbhārairvidhimaṃtrapuraskṛtam

33.28

abhyaṣiṃcaṃstato devāḥ kumāraṃ śaṃkarātmajam || iṃdro viṣṇurmahāvīryo brahmarudrau ca phālguna

33.29

ādityādyā grahāḥ sarve tathobhāvanilānalau || ādityā vasavo rudrāḥ sādhyāścaivāśvināvubhau

33.30

viśvedevāśca maruto gaṃdharvāpsarasastathā
devabrahmarṣayaścaiva vālakhilyā marīcipāḥ

33.31

vidyādharā yogasiddhāḥ pulastyapulahādayaḥ || pitaraḥ kaśyapo'triśca marīcirbhṛguraṃgirāḥ

33.32

dakṣo'tha manavo ye ca jyotīṃṣi ṛtavastathā || mūrtimaṃtyaśca sarito mahīprabhṛtikāstathā

33.33

lavaṇādyāḥ samudrāśca prabhāsādyāśca tīrthakāḥ
pṛthivī dyaurdiśaścaiva pādapāḥ parvatāstathā

33.34

ādityādyā mātaraśca kurvaṃtyo guhamaṃgalam || vāsukipramukhā nāgāstathobhau garuḍāruṇau

33.35

varuṇo dhanadaścaiva yamaḥ sānucarastathā || rākṣaso nirṛtiścaiva bhūtāni ca palāśanaḥ

33.36

dharmo bṛhaspatiścaiva kapilo gādhinaṃdanaḥ
bahulatvācca ye noktā vividhā devatāgaṇāḥ

33.37

te ca sarve mahīkūle hyabhyaṣiṃcanmudā guham || tato mahāsvanāmugrāṃ devadaityādidarpahām

33.38

dadau paśupatistasmai sarvabhūtamahācamūmū || viṣṇurdadau vaijayaṃtīṃ mālāṃ balavivardhinīm

33.39

umā dadau cārajasī vāsasī sūryasaprabhā || gaṃgā kamaṃ
ḍaluṃ divyamamṛtodbhavamuttamam

33.40

mahī mahānadī tasya cākṣamālāṃ sasāgarā || dadau mudā kumārāya daṃḍaṃ caiva bṛhaspatiḥ

33.41

garuḍo
dayitaṃ putraṃ mayūraṃ citrabarhiṇam || aruṇastāmracūḍaṃ ca pradadau caraṇāyudham

33.42

chāgaṃ ca varuṇo rājā balavīryasamanvitam || kṛṣṇājinaṃ tathā
brahmā brahmaṇyāya dadau jayam

33.43

caturo'nucarāṃścaiva mahāvīryānbalotkaṭān || naṃdisenaṃ lohitākṣaṃ ghaṇṭākarṇaṃ ca mānasān

33.44

caturthaṃ
cāpyatibalaṃ khyātaṃ kusumamālinam || tataḥ sthāṇurdadau devo mahāpāriṣadaṃ kratum

33.45

sa hi devāsure yuddhe daityānāṃ bhīmakarmaṇām || jaghāna
dorbhyāṃ saṃkruddhaḥ prayutāni caturdaśa

33.46

yamaḥ prādādanucarau yamakālopamau tadā || unmathaṃ ca pramathaṃ ca mahāvīryau mahādyutī

33.47

subhrājau
bhāskarasyaiva yau sadā cānuyāyinau || tau sūryaḥ kārtikeyāya dadau pārtha mudānvitaḥ

33.48

kailāsaśṛṅgasaṃkāśau śvetamālyānulepanau || somo'
pyanucarau prādānmaṇiṃ sumaṇimeva ca

33.49

jvālājihvaṃ jyotiṣaṃ ca dadāvagnirmahābalau || parighaṃ ca balaṃ caiva bhīmaṃ ca sumahābalam

33.50

skaṃdāya trīnanucarāndadau viṣṇururukramaḥ || utkrośaṃ paṃcajaṃ caiva vajradaṇḍadharāvubhau

33.51

dadau maheśaputrāya vāsavaḥ paravīrahā || tau hi śatrūnmahendrasya
jaghnatuḥ samare bahūn

33.52

vardhanaṃ baṃdhanaṃ caiva āyurvedaviśāradau || skandāya dadatuḥ prītāvaśvinau bharatarṣabha

33.53

balaṃ cātibalaṃ caiva mahāvakrau
mahābalau ||pradadau kārtikeyāya vāyuścānucarāvubhau

33.54

ghasaṃ cātighasaṃ vīrau varuṇaśca dadau prabhuḥ || suvarcasaṃ mahātmānaṃ tathaivāpyativarcasam

33.55

himavānpradadau pārtha sākṣāddauhitrakāya vai || kāṃcanaṃ ca dadau meruṃmeghamālinameva ca

33.56

ucchritaṃ cātiśṛṃgaṃ ca mahāpāṣāṇayodhinau
svāheyāya dadau prītaḥ sa viṃdhyaḥ pārṣadau śubhau

33.57

saṃgrahaṃ vigrahaṃ caiva samudro'pi gadādharau || pradadau pārṣadau vīrau mahīnadyā samanvitaḥ

33.58

unmādaṃ puṣpadaṃtaṃ ca śaṃkukarṇaṃ tathaiva ca || pradadāvagniputrāya pārvatī śubhadarśanā

33.59

jayaṃ mahājayaṃ caiva nāgau jvalanasūnave || pradadurbalināṃ śreṣṭhau
suparṇaḥ pārvadāvubhau

33.60

evaṃ sādhyāśca rudrāśca vasavaḥ pitarastathā || sarve jagati ye mukhyā daduḥ skaṃdāya pārṣadān

33.61

nānāvīryānmahāvīryā
nnānāyudhavibhūṣaṇān || bahutvavānna śakyaṃte saṃkhyātuṃ te ca phālguna

33.62

mātaraśca dadustasmai tadā mātṛgaṇānprabho || yābhirvyāptāstra
yo lokāḥ kalyāṇībhiścarācarāḥ

33.63

prabhāvatī viśālākṣī gopālā gonasā tathā || apsujātā bṛhaddaṃḍī kālikā bahuputrakā

33.64

bhayaṃkārī ca cakrāṃgī tīrthanemiśca mādhavī || gītapriyā alātākṣī caṃṭulā śalabhāmukhī

33.65

vidyujjihvā rudrakālī śato his lkhalamekhalā || śata
ghaṃṭākiṃkiṇikā cakrākṣī catvarālayā

33.66

pūtanā rodanā tvām̐mā koṭarā meghavāhinī || ūrdhvaveṇīdharā caiva jarāyurjarjarānanā

33.67

khaṃ
ṭakheṭī dahadahā tathā dhamadhamā jayā || bahuveṇī bahuśirā bahupādā bahutastanī

33.68

śatolkhamukhī kṛṣṇā karṇaprāvaraṇā tathā || śūnyālayā
dhānyavāsā paśudā dhānyadā sadā

33.69

etāścānyāśca bahvyaśca mātaro bharatarṣabha || bahutvvādahaṃ tāsāṃ na saṃkhyātumihotsahe

33.70

vṛkṣacatva
ravāsinyaścatuṣpathaniveśanāḥ || guhāsmaśānavāsinyaḥ śailaprasravaṇālayāḥ

33.71

nānābharaṇaveṣāṃstā nānāmūrtidharāstathā || nānābhāṣāyudhadharāḥ
parivavrustadā guham

33.72

tataḥ sa śuśubhe śrīmānguho guhaṃ ivāparaḥ || senāpatye cābhiṣikto devairnānāmunīśvaraiḥ

33.73

tataḥ praṇamya sarvāṃstā
nekaikatvena pāvakiḥ || priyatāṃ vara ityāha bhavabrahmapurogamān

33.73.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kārtikeyasya senānītve'bhiṣekavarṇanaṃnāma triṃśo'dhyāyaḥ

Linked texts (7)