Pramāṇa · Search · About · API

Maheshvarakhanda 58

Māheśvarakhaṇḍa 58

Language
Sanskrit

Contents

58.1

cha|| || sūta uvāca || || iti bābhravyavacanamākarṇya kuruna
ndanaḥ || prāṇamannāradaṃ bhaktyā vismitaḥ pulakānvitaḥ

58.2

praśasya ca ciraṃ kālaṃ punarnāradamabravīt

58.3

guptakṣetrasya māhātmyaṃ śṛṇvānastva
nmukhānmune || tṛptiṃ naivādhigacchāmi bhūyastadvaktumarhasi

58.4

nārada uvāca || || mahāliṃgasya vakṣyāmi mahimānaṃ kurudvaha || gautameśvara
liṃgasya sāvadhānaḥ śṛṇuṣva tat

58.5

akṣapādo mahāyogī gautamarākhyo'bhavenmuniḥ || godāvarīsamānetā ahalyāyāḥ patiḥ prabhuḥ

58.6

gupta
kṣetrasya māhātmyaṃ sa ca jñātvā mahottamam || yogasaṃsādhanaṃ kurvannatra tepe tapo mahat

58.7

yogasiddhiṃ tataḥ prāpya gautamena mahātmanā || atra
saṃsthāpitaṃ liṃgaṃ gautameśvarasaṃjñayā

58.8

saṃstrāpyaitanmahāliṃgaṃ candanena vilipya ca || saṃpūjya puṣpairvividhairguggulaṃ dāhayetpuraḥ || sarvapāpavinirmukto
rudraloke mahīyate

58.9

arjuna uvāca || || yogasvarūpamicchāmi śrotuṃ nārada tattvataḥ || yogaṃ sarve praśaṃsaṃti yataḥ sarvottamottamam

58.10

nārada uvāca || || samāsāttava vakṣyāmi yogatatvaṃ kurudvaha || śravaṇādapi nairmalyaṃ yasya syātsevanātkimu

58.11

cittavṛttinirodhākhyaṃ yogatattvaṃ prakīrtyate || tadaṣṭāṃgaprakāreṇa sādhayaṃtīha yoginaḥ

58.12

yamaśca niyamaścaiva prāṇāyāmastṛtīyakaḥ
pratyāhāro dhāraṇā ca dhyeyaṃ dhyānaṃ ca saptamam

58.13

samādhiriti cāṣṭāṃgo yogaḥ saṃparikīrtitaḥ || pratyekaṃ lakṣaṇaṃ teṣāmaṣṭānāṃ śṛṇu pāṃḍava

58.14

anukramāttvaro yeṣāṃ sādhanādyogamaśnute || ahiṃsā satyamasteyaṃ brahmacaryāparigrahau

58.15

ete paṃca yamāḥ proktāḥ śṛṇveṣāmapi lakṣaṇam
ātmavatsarvabhūteṣu yo hitāya pravartate

58.16

ahiṃsaiṣā samākhyātā vedasaṃvihitā ca yā || dṛṣṭaṃ śrutaṃ cānumitaṃ svānubhūtaṃ yathārthataḥ

58.17

kathanaṃ satyamityuktaṃ parapīḍāvivarjitam || anādānaṃ parasvānāmāpadyapi kathaṃcana

58.18

manasā karmaṇā vācā tadasteyaṃ prakīrtitam
amaithunaṃ yatīnāṃ ca manovākkāyakarmabhiḥ

58.19

ṛtau svadāragamanaṃ gehināṃ brahmacayryatā || yatīnāṃ sarvasaṃnyāso manovākkāyakarmaṇā

58.20

gṛhasthānāṃ ca manasā smṛta eṣo'parigrahaḥ || ete yamāstava proktāḥ paṃcaiva niyamāñchṛṇu

58.21

śaucaṃ tuṣṭistapaścaiva japo bhaktirgurostathā || eteṣā
mapi paṃcānāṃ pṛthaksaṃśṛṇu lakṣaṇam

58.22

bāhyamābhyaṃtaraṃ caiva dvividhaṃ śaucamucyate || bāhyaṃ tu mṛjjalaiḥ proktamāṃtaraṃ śuddhamānasam

58.23

nyāye
nāgatayā vṛttyā bhikṣayā vārtayāpi ca || saṃtoṣo yasya satataṃ sā tuṣṭiriti cocyate

58.24

cāṃdrāyaṇādīni punastapāṃsi vihitāni ca
āhāralāghavaparaḥ kuryyāttattapa ucyate

58.25

svādhyāyastu japaḥ proktaḥ praṇavābhyasanādikaḥ || śive jñāne gurau bhaktirgurubhaktiriti smṛtā

58.26

evaṃ saṃsādhya niyamānsaṃyamāṃśca vicakṣaṇaḥ || prāṇāyāmāya saṃdadhyānnānyathā yogasādhakaḥ

58.27

yato'śuciśarīrasya vāyukopo mahā
nbhavet || vāyukopātkuṣṭhatā ca jaḍatvādīnupāśnute

58.28

tasmādvicakṣaṇaḥ śuddhaṃ kṛtvā dehaṃ yatetparam || prāṇāyāmasya vakṣyāmi lakṣaṇaṃ śṛṇu
pāṃḍava

58.29

prāṇāpānanirodhaśca prāṇāyāmaḥ prakīrtitaḥ || laghumadhyottarīyākhyaḥ sa ca dhīraistridhoditaḥ

58.30

laghurdvādaśamātrastu mātrā
nimiṣa unmiṣaḥ || dviguṇo madhyamaścoktastriguṇaścottamaḥ smṛtaḥ

58.31

prathamena jayetsvedaṃ madhyamena tu vepathum || viṣādaṃ ca tṛtīyena jaye
ddoṣānanukramāt

58.32

padmākhyamāsanaṃ kṛtvā recakaṃ pūrakaṃ tathā || kuṃbhakaṃ ca sukhāsīnaḥ prāṇāyāmaṃ tridhā'bhyaset

58.33

prāṇānāmupasaṃ
rodhātprāṇāyāma iti smṛtaḥ || yathā parvatadhātūnāṃ dhmātānāṃ dahyate malaḥ

58.34

tatheṃdriyavṛto doṣaḥ prāṇāyāmena dahyate || gośataṃ kāpilaṃ
dattvā yatphalaṃ tatphalaṃ bhavet

58.35

prāṇāyāmena yogajñastasmātprāṇaṃ sadā yamet || prāṇāyāmena siddhyanti divyāḥ śāṃtyādayaḥ kramāt

58.36

śāṃtiḥ praśāntirdīptiśca prasādaśca yathākramam || sahajāgaṃtukāmānāṃ pāpānāṃ ca pravartatām

58.37

vāsanāśāṃtirityākhyaḥ prathamo jāyate
guṇaḥ || lobhamohātmakāndoṣānnirākṛtyaiva kṛtsnaśaḥ

58.38

tapasāṃ ca yadā prāptiḥ sā śāṃtiriti cocyate || sarvendriyaprasādaśca buddhervai marutā
mapi

58.39

prasāda iti sa proktaḥ prāpyamevaṃ catuṣṭayam || evaṃphalaṃ sadā yogī prāṇāyāmaṃ samabhyaset

58.40

mṛdutvaṃ sevyamānāstu siṃhaśārdūlakuṃjarāḥ || yathā yānti tathā prāṇo vaśyo bhavati sādhitaḥ

58.41

prāṇāyāmastvayaṃ proktaḥ pratyāhāraṃ tataḥ śṛṇu || viṣayeṣu pravṛttasya
cetaso vinivartanam

58.42

pratyāhāraṃ vinirdiṣṭaṃ tasya saṃyamanaṃ hi yat || pratyāhārastvayaṃ prokto dhāraṇā lakṣaṇaṃ śṛṇu

58.43

yathā toyārthina
stoyaṃ patranālādibhiḥ śanaiḥ || āpiveyustathā vāyuṃ yogī nayati sādhitam

58.44

prāptābhyāṃ hṛdaye vāyuratha tālau bhruvoṃ'tare || caturdale ṣaḍdaśe
ca dvādaśe ṣoḍaśāṅki ke

58.45

ākuṃcanenaivamūrddhamunnīya pavanaṃ śanaiḥ || mūrdhani brahmaraṃdhre taṃ prāṇaṃ saṃdhārayetkṛtī

58.46

prāṇāyāmā daśa dvau ca
dhāraṇeṣā prakīrtyate || daśaitā dhāraṇāḥ sthāpya prāpnotyakṣarasāmyatām

58.47

dhāraṇāsthasya yaddhaceyaṃ tasya tvaṃ śṛṇu lakṣaṇam || dhyeyaṃ bahuvidhaṃ
pārtha yasyāṃto nopalabhyate

58.48

kecicchivaṃ hariṃ kecitkecitsūryaṃ vidhiṃ pare || keciddevīṃ mahadbhūtāmṛuta dhyāyanti kecana

58.49

tatra
yo yacca dhyāyeta sa ca tatra pralīyate || tasmātsadā śivaṃ devaṃ paṃcavakraṃ haraṃ smaret

58.50

padmāsanasthaṃ taṃ gauraṃ bījapūrakaraṃ sthitam || daśahastaṃ
suprasannavadanaṃ dhyānamāsthitam

58.51

dhyeyametattava proktaṃ tasmāddhyānaṃ samācaret || dhyānasya lakṣaṇaṃ caitannimeṣārdhamapi sphuṭam

58.52

na
pṛthagjāyate dhyeyāddhāraṇāṃ yaḥ samāsthitaḥ || evametāṃ durārohāṃ bhūmimāsthāya yogavit

58.53

na kiṃcicciṃtayetpaścātsamādhiriti kīrtyate
samādherlakṣaṇaṃ samyagbruvato me niśāmaya

58.54

śabdasparśarasairhīnaṃ gaṃdharūpavivarjitam || paraṃ puruṣaṃ saṃprāptaḥ samādhisthaḥ prakīrtitaḥ

58.55

tāṃ tu prāpya naro vighnairnābhibhūyeta karhicit || samādhisthaśca duḥkhena guruṇāpi na cālyate

58.56

śaṃkhādyāḥ śataśastasya vādyante yadi karṇayoḥ
bheryaśca yadi hanyaṃte śabdaṃ bāhyaṃ na vidaṃti

58.57

kaśāprahārābhihato vahnidagdhatanustathā || śītānvevasthito ghore sparśaṃ vāhyaṃ na vindati

58.58

rūpe gaṃdhe rase bāhye tādṛśasya tu kā kathā || dṛṣṭvā ya ātmanātmānaṃ samādhiṃ labhate punaḥ

58.59

tṛṣṇā vātha kṣubhukṣā vā bādhete
taṃ na karhicit

58.60

na svarge na ca pātāle mānuṣye kva ca tatsukham || samādhiṃ niścalaṃ prāpya yatsukhaṃ viṃdate naraḥ

58.61

evamārūḍhayogasya
tasyāpi kurunaṃdana || paṃcopasargāḥ kaṭukāḥ pravartate yathā śṛṇu

58.62

prātibhaḥ śrāvaṇo daivo bhramāvarto'tha bhīṣaṇaḥ || pratibhā sarvaśāstrāṇāṃ
pratibho'yaṃ ca sāttvikaḥ

58.63

tena yo madmādyādyogī śīghraṃ ca cetasaḥ || yojanānāṃ sahasrebhyaḥ śravaṇaṃ śrāvaṇastu saḥ

58.64

dvitīyaḥ
sāttvikaścāyamasmānmatto vinaśyati || aṣṭau paśyati yonīṃśca devānāṃ daiva ityasau

58.65

ayaṃ ca sāttviko doṣo madādasmādvinaśyati
āvarta iva toyasya janāvarte yadākulaḥ

58.66

āvartākhyastvayaṃ doṣo rājasaḥ sa mahābhayaḥ || bhrāmyate yannirālambaṃ mano doṣaiśca
yoginaḥ

58.67

samastādhāravibhraṃśāddhamārukhyastāmaso guṇaḥ || etairnāśitayogāśca sakalā devayonayaḥ

58.68

upasargermahāghorairāvartyaṃte
punaḥpunaḥ || prāvṛtya kaṃbalaṃ śuklaṃ yogī tasmānmanomayam

58.69

ciṃtayetparamaṃ brahma kṛtvā tatpravaṇaṃ manaḥ || āhārāḥ sāttvikāścaiva saṃsevyāḥ
siddhimicchatā

58.70

rājasaistāmasaiścaiva yogī siddhayenna karhicit || śraddadhāneṣu dāṃteṣu śrotriyeṣu mahātmasu

58.71

svadharmādanapeteṣu
bhikṣā yācyā ca yoginā || bhaikṣaṃ yavānnaṃ takraṃ vā payo yāvakameva vā

58.72

phalamūlaṃ vipakvaṃ vā kaṇapiṇyākasaktavaḥ || śrutā ityeta āhārā
yogināṃ siddhikārakāḥ

58.73

mṛtyukālaṃ viditvā ca nimittairyogasādhakaḥ || yogaṃ yuñjīta kālasya vaṃcanārthaṃ samāhitaḥ

58.74

nimittā
ni ca vakṣyāmi mṛtyuṃ yo vetti yogavit || raktakṛṣṇaṃbaradharā gāyaṃtīha satī ca yam

58.75

dakṣiṇāśāṃ nayennārī svapne so'pi na jīvati
nagnaṃ kṣapaṇakaṃ svapne hasamānaṃ prahṛśya ca

58.76

enaṃ ca vīkṣya valgantaṃ taṃ vidyānmṛtyumāgatam || ṛkṣavānarayugyastho gāyanyo dakṣiṇāṃ diśam

58.77

yāti majjedadhau paṃke gomaye vā na jīvati || keśāṃgāraistathā bhasmabhujaṃgairnirjalāṃ nadīm

58.78

eṣāmanyatamaiḥ pūrṇāṃ dṛṣṭvā svapne na
jīvati || karālairvikaṭai rūkṣaiḥ puruṣairudyatāyudhaiḥ

58.79

pāṣāṇaistāḍitaḥ svapne sadyo mṛtyuṃ bhajennaraḥ || sūryodaye yasya śivā krośaṃtī yāti sammu
kham

58.80

viparītaṃ parītaṃ vā sa sadyo mṛtyumṛcchati || dīpādhigaṃdhaṃ no vetti vamatyagniṃ tathā niśi

58.81

nātmānaṃ paranetrasthaṃ vīkṣate na
sa jīvati || śakrāyudhaṃ cārtharātre divā vā grahaṇaṃ tathā

58.82

dṛṣṭvā manyeta sa kṣīṇamātmajīvitamātmavān || nāsikā vakratāmeti karṇayornnamano
nnatī

58.83

netraṃ ca vāmaṃ sravati yasya tasyāyurudgatam || āraktatāmeti mukhaṃ jihvā cāpyasitā yadā

58.84

tadā prājño vijānīyādāsannaṃ
mṛtyumātmanaḥ || uṣṭrāsabhayānena svapne yo yāti dakṣiṇām

58.85

diśaṃ karṇau pidhāyāpi nirghoṣaṃ śṛṇuyānna ca || na sa jīvettathā svapne pati
tasya pidhīyate

58.86

dvāraṃ na cottiṣṭhati ca śubhrā dṛṣṭiśca lohitā || svapne'gniṃ praviśedyaśca na ca niṣkramate punaḥ

58.87

jalapraveśādapi
vā tadaṃtaṃ tasya jīvitam || yaścābhihanyate duṣṭairbhūtai rātrāvatho divā

58.88

prakṛtairvikṛtairvāpi tasyāsannau yamāṃtakau || devatānāṃ gurūṇāṃ ca pitrorjñā
navidāṃ tathā

58.89

nindāmavajñāṃ kurute bhakto bhūtvā na jīvati || evaṃ dṛṣṭvā nimittāni viparītāni yogavit

58.90

dhāraṇāṃ samyagā
sthāya samādhāvacalo bhavet || yadi necchaṃti te mṛtyuṃ tato nāsau prapadyate

58.91

vimuktimathavā vāṃchetsṛjedbrahmamūrdhani || saṃti dehe vimukte ca
upasargāśca ye punaḥ

58.92

yoginaṃ samupāyāṃti śrṛṇu tānapi pāṃḍava || aiśānye rākṣasapure yakṣo gandharva eva ca

58.93

aindre saumye prajāpatye
brāhme cāṣṭasu siddhayaḥ || bhavaṃti cāṣṭau śṛṇu tāḥ pārthivī yā ca taijasī

58.94

vāyavī vyomātmikā caiva mānasāhambhavā matiḥ || pratyekamaṣṭadhā
bhinnā dviguṇā dviguṇā kramāt

58.95

pūrve cāṣṭau catuḥṣaṣṭirante śṛṇuṣva tadyathā || sthūlatā hrasvatā bālyaṃ vārdhakyaṃ yauvanaṃ tathā

58.96

nānājāti
svarūpaṃ ca caturbhirdehadhāraṇam || pārthivāṃśaṃ vinā nityamaṣṭau pārthivasiddhayaḥ

58.97

vijite pṛthivītattve yadaiśānye bhavanti ca || bhūmāviva jale
vāso nāturo'rṇavamāpibet

58.98

sarvatra jalaprāptiśca api śuṣkaṃ dravaṃ phalam || tribhirdehasya dharaṇaṃ nadīrvā sthāpayetkare

58.99

avraṇatvaṃ
śarīrasya kāṃtiścāthāṣṭakaṃ smṛtam || aṣṭau pūrvā imāścāṣṭau rākṣasānāṃ pure smṛtāḥ

58.100

dehādagnivinirmāṇaṃ tattāpabhayavarjanam || śaktidvatvaṃ ca
lokānāṃ jalamadhyegnijvalanam

58.101

agniyahaśca hastena smṛtimātreṇa pāvanam || bhasmībhūtasya nirmāṇaṃ dvābhyāṃ dehasya dhāraṇam

58.103

pūrvāḥ ṣoḍaśa cāpyaṣṭau tejaso yakṣasadmani || manogatitvaṃ bhūtānāmantarniveśanaṃ tathā||102||parvatādimahābhāravahanaṃ līlayaiva ca || laghutvaṃ gauravatvaṃ
ca pāṇibhyāṃ vāyuvāraṇam

58.104

aṃgulyagranipātena bhūmeḥ sarvatra kampanam || ekena dehaniṣpattirgāṃdharve vāṃti siddhayaḥ

58.105

caturviṃśatiḥ pūrvā
ścāpyaṣṭāvetāśca siddhayaḥ || gandharvaloke dvātriṃśadata ūrdhvaṃ niśāmaya

58.106

chāyāvihīnaniṣpattiriṃdriyāṇāmadarśanam || ākāśagamanaṃ nitya
miṃdriyādiśamaḥ svayam

58.107

dūre ca śabdagrahaṇaṃ sarvaśabdāvagāhanam || tanmātraliṃgagrahaṇaṃ sarvaprāṇinidarśanam

58.108

aṣṭau vātā
tmikāścaindre dvātriṃśadapi pūrvakāḥ || yathākāmopalabdhiśca yathākāmavinirgamaḥ

58.109

sarvatrābhibhavaścaiva sarvaguhyanidarśanam || saṃsāradarśanaṃ cāpi
mānasyo'ṣṭau ca siddhayaḥ

58.110

catvāriṃśacca pūrvāśca somaloke smṛtāstvimāḥ || chedanaṃ tāpanaṃ bandhaḥ saṃsāraparivartanam

58.111

sarvabhūta
prasādatvaṃ mṛtyukālajayastathā || ahaṃkārodbhavaścāṣṭau prājāpatye ca pūrvikāḥ

58.112

ākāreṇa jagatsṛṣṭistathānugraha eva ca || pralayasyādhikāraṃ
ca lokacitrapravartanam

58.113

asāhaśyamidaṃ vyaktaṃ nirvāṇaṃ ca pṛthakpṛthak || śubhetarasya kartṛtvamaṣṭau buddhimavāstvamī

58.114

ṣaṣṭaṃ cāśa
ttathā pūrvāścatuḥṣaṣṭirime guṇāḥ || brāhmaye pade pravartaṃte guhyametattaveritam

58.115

jīvato dehabhede vā siddhayaścaitāstu yoginām || saṃgo naiva vidhā
tavyo bhayātatpatanasaṃbhavāt

58.116

etānguṇānnirākṛtya yuñjato yoginastadā || siddhayo'ṣṭau pravartaṃte yogasaṃsiddhikārakāḥ

58.117

aṇimā
laghimā caiva mahimā prāptireva ca || prākāmyaṃ ca tatheśitvaṃ vaśitvaṃ ca tathāpare

58.118

yatra kāmāvasāyitvaṃ māheśvarapadasthitāḥ || sūkṣmātsūkṣma
tvamaṇimā śīghratvāllaghimā smṛtā

58.119

mahimā śeṣapūjyatvātprāptirnāprāpyamasya yait || prākāmyamasya vyāpitvādīśitvaṃ ceśvaro yataḥ

58.120

vaśitvādvaśitā nāma saptamī siddhiruttamā || yatrecchā tatra ca sthānaṃ tatra kāmāvasāyitā

58.121

aiśvaraṃ padamāśrasya bhavaṃtyetāśca siddhayaḥ
tato na jāyate naiva vardhate na vinaśyati

58.122

eṣa mukta iti prokto ya evaṃ muktimāpnuyāt || yathā jalaṃ jalenaivayaṃ nikṣiptamupagacchati

58.123

tathaivaṃ sātmyamabhyeti yogināmātmā parātmanā || evaṃ jñātvā phalaṃ yogī sadā yogaṃ samabhyaset

58.124

atropamāṃ vyāharaṃti yogārthe yogino'
malāḥ || śaśāṃkaraśmisaṃyogādarkakāṃto hutāśanam

58.125

samutsṛjati naikaḥ sannupamā sāsti yoginaḥ || kapiṃjalākhunakulā vasaṃti svāmiva
drūhe

58.126

dhvaste yāṃtyanyato duḥkhaṃ na teṣāṃ sopamā yateḥ || mṛddehakalpaṃdeho'pi mukhāgreṇa kanīyasā

58.127

karoti mṛdbhāgacayamupadeśaḥ
sa yoginaḥ || paśupakṣimamuṣyādyaiḥ patrapuṣpaphalānvitam

58.128

vṛkṣaṃ vilupyamānaṃ ca labdhvā sidhyaṃti yoginaḥ || rurugātraviṣāṇāgramā
lakṣya tilakākṛtim

58.129

saha tena vivardheta yogī siddhimūpāśnute || dravyaṃ pūrṇamupādāya pātramārohete bhuvaḥ

58.130

tuṃgamārgaṃ vilo
kyaivaṃ vijñātaṃ kiṃ na yoginām || tadgehaṃ yatra vasati tadbhojyaṃ yena jīvati

58.131

yena niṣpādyate cārthaḥ svayaṃ syādyogasiddhaye || tathā jñānamu
pāsīta yogī yatkāryasādhakam

58.132

jñānānāṃ bahutā yeyaṃ yogavighnakarī hi sā || idaṃ jñeyamidaṃ jñeyamiti yastṛṣitaścaret

58.133

api
kalpasahasrāyurnaiva jñeyamavāpnuyāt || tyaktasaṃgo jitakrodho labdhāhāro jiteṃdriyaḥ

58.134

vidhāya buddhyā dvārāṇi mano dhyāne niveśayet || āhāraṃ
sāttvikaṃ sevenna taṃ yena vicetanaḥ

58.135

syādyaṃ taṃ ca bhuṃjāno rauravasya priyātithiḥ || vāgdaṇḍaḥ karmadaṇḍaśca manodaṃḍaśca te trayaḥ

58.136

yasyaite
niyatā daṃḍāḥ sa tridaṃḍī yatiḥ smṛtaḥ || anurāgaṃ jano yāti parokṣe guṇakīrtanam

58.137

na bibhyati ca sattvāni siddherlakṣaṇamucyate

58.138

alaulyamārogyamaniṣṭhuratvaṃ gaṃdhaḥ śubho mūtrapurīṣayośca || kāṃtiḥ prasādaḥ svarasaumyatā ca yogapravṛtteḥ prathamaṃ hi cihnam

58.139

samāhito brahmapa
ro'pramādī śucistathaikāṃtaratirjitendriyaḥ || samāpnuyādyogamimaṃ mahāmanā vimuktimāpnoti tataśca yogataḥ

58.140

kulaṃ pavitraṃ jananī kṛtārthā
vasundharā bhāgyavatī ca tena || abāhyamārge sukhasindhumagnaṃ lagnaṃ pare brahmaṇi yasya cetaḥ

58.141

viśuddhabuddhiḥ samaloṣṭakāṃcanaḥ samastabhūteṣu
vasansamo hi yaḥ || sthānaṃ paraṃ śāśvatamavyayaṃ ca yatirhi gatvā na punaḥ prajāyate

58.142

idaṃ mayā yogarahasyamuktamevaṃvidhaṃ gautamaḥ prāpa
yogam || tenaitacca sthāpitaṃ pārtha liṃgaṃ saṃdarśanādarcanātkalmaṣaghnam

58.143

yaścāśvine kṛṣṇacaturdaśīdine rātrau samabhyarcati liṃgametat
snātvā ahalyāsarasi pradhāne śraddhāya sarvaṃ pravidhāya bhaktitaḥ

58.144

mahopakāreṇa vimuktapāpaḥ sa yāti yatrāsti sa gautamo muniḥ

58.145

idaṃ mayā pārtha tava praṇītaṃ guptasya kṣetrasya samāsayogāt || māhātmyametatsaṃklaṃ śṛṇoti yaḥ sa syādviśuddhaḥ kimu vacmi bhūyaḥ

58.146

ya idaṃ
śṛṇuyādbhaktyā gautamākhyānamuttamam || putrapautrapriyaṃ prāpya sa yāti padamavyayam

58.146.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe gautameśvaramāhātmyasavistarayogalakṣaṇavarṇanaṃnāma pañcapaṃcāśattamo'dhyāyaḥ

Linked texts (12)