Pramāṇa · Search · About · API

Maheshvarakhanda 70

Māheśvarakhaṇḍa 70

Language
Sanskrit

Contents

70.1

ata ūrdhvaṃ kāpilasthānopākhyānaṃ bhaviṣyati ||(?)|| iti śrīskāndapurāṇīyaprathamamāheśvarakhaṇḍā
ntargato dvitīyaḥ kaumārikākhaṇḍaḥ samāptaḥ || mūlakhaṃḍaḥ

70.1-2

aṃtargataḥ khaṇḍaḥ || ( 2 ) || || cha || || cha || ||cha
❊ || iti kaumārikākhaṇḍaḥ samāptaḥ || ( 2 ) || ❊
iti śrīskāṃde mahāpurāṇe prathame māheśvarakhaṇḍe kaumārikākhaṇḍaḥ samāptaḥ || (2)
śrīgaṇeśāya namaḥ || || atha śrīmadaruṇācalamāhātmyapūrvārdhaḥ prārabhyate || || lalāṭe traipuṃḍrīṃ niṭilakṛtakastūritilakaḥ sphuranmālādhāraḥ sphuritakaṭi
kaupīnavasanaḥ || dadhāno dustāraṃ śirasi phaṇirājaṃ śaśikalāṃ pradīpaḥ sarveṣāmaruṇagiriyogī vijayate

70.2

vyāsa uvācaḥ || || athāhurmunayaḥ
sūtaṃ naimiṣāraṇyavāsinaḥ || aruṇācalamāhātmyaṃ tvattaḥ śuśrūṣavo vayam

70.3

tanmāhātmyaṃ vadetyuktaḥ sūtaḥ provāca tānmunīn || || śrīsūta
uvāca || || etadarthaṃ caturvaktraṃ papraccha sanakaḥ purā

70.4

śṛṇutāvahitā yūyaṃ tadvo vakṣyāmi sāṃpratam || yadākarṇyatāṃ bhaktyā narāṇāṃ pāpanāśa
nam

70.5

satyaloke sthitaṃ pūrvaṃ brahmāṇaṃ kamalāsanam || sanakaḥ paripapraccha praṇataḥ prāṃjaliḥ sthitaḥ

70.6

sanaka uvāca || || bhuvana|dhāra
deveśa vedavedya caturmukha || āsīdaśeṣavijñānaṃ prasādādbhavato mama

70.7

bhavadbhaktivibhūtyā me śodhite cittadarpaṇe || biṃbate sakalaṃ jñānaṃ sakṛddevo
padeśataḥ

70.8

sārārthaṃ vedavedānāṃ śivajñānamanākulam || labdhavānahamatyaṃtaṃ kaṭākṣaiste jagadguroḥ

70.9

liṃgāni bhuvi śaivāni divyāni ca
kṛpānidhe || mānuṣāṇi ca siddhāni bhautāni suranāyaka

70.10

yalliṃgamamalaṃ divyamaricchedanavaibhavam || svayaṃbhu jāṃbave dvīpe tejasaṃ tadvadasva me

70.11

nāmasmaraṇamātreṇa yatpātakavināśanam || śivasārūpyadaṃ nityaṃ mahyaṃ vada dayānidhe

70.12

anādijagadādhāraṃ yattejaḥ śaivamavyayam
yacca dṛṣṭvā kṛtārthaḥ syāttanmahyamupadiśyatām

70.13

iti bhaktimatastasya kautūhalasamanvitam || vākyamākarṇya bhagavānprasasāda taponidhiḥ

70.14

dadhyau ca suciraṃ śaṃbhuṃ paṃkajāsanasaṃsthitaḥ || aṃtaraṃgasukhāṃbhodhimagnacetāścaturmukhaḥ

70.15

dṛṣṭvā yadā purā dṛṣṭaṃ tejaḥstaṃbha
mayaṃ śivam || uttīrṇasakalādhāraṃ na kiṃcitpratyabudhyata

70.16

punarājñāṃ śivāllabdhāmanupālayituṃ prabhuḥ || nirvartya hṛdayaṃ yogātsasmāra sutamā
natam

70.17

śivadarśanasaṃjātapulakāṃkitavigrahaḥ || ānaṃdabāṣpavannetraḥ sagadgadamabhāṣata

70.18

brahmovāca || || aṃtaḥ saṃsmāritaḥ putra bhava
tā'haṃ purātanam || śivayogamanudhyāyannasmāraṃṣaṃ tava cādarāt

70.19

śivabhaktiḥ parā jātā tapobhirbahubhistava || tayā madīyaṃ hṛdayaṃ vyāvarttitamiva
kṣaṇāt

70.20

pāvayaṃti jagatsarvaṃ caritraiste nirākule || yeṣāṃ sadāśive bhaktirvarddhate sārvakālikī

70.21

saṃbhāṣaṇaṃ sahāvāsaḥ krīḍā caiva
vimiśraṇam || darśanaṃ śivabhaktānāṃ smaraṇaṃ cāghanāśanam

70.22

śrūyatāmadbhutaṃ śaivamāvirbhūtaṃ yathā purā || anyājakaruṇāpūrṇamaruṇādryabhidhaṃ
mahaḥ

70.23

ahaṃ nārāyaṇaścobhau jātau viśvādhikodayāt || bahu syāmiti saṃkalpaṃ vitanvānātsadāśivāt

70.24

svabhāvena samudbhūtau
vivadaṃtau parasparam || na ca śāṃtau niyudhyaṃtau sāhaṃkārau kadācana

70.25

parasparaṃ raṇotsāhamāvayoratibhīṣaṇam || ālokya karūm̐ṇāmūrtiraciṃtayada
theśvaraḥ

70.26

kimarthamanayoryuddhaṃ jāyate lokanāśanam || mayā sṛṣṭamahaṃ pāteti vivādamadhitasthuṣoḥ

70.27

samaye'sminsvayaṃ lakṣyau mugdhayo
ranayorbhṛśam || yadi yuddhaṃ na rotsyāmi tadā syādbhuvanakṣayaḥ

70.28

vedeṣu mama māhātmyaṃ viśvādhikatayā śrutam || na jānāte imau mugdhau krodhato
galitasmṛtī

70.29

sarvopi jaṃturātmānamadhikaṃ manyate bhṛśam || amatānyasamādhikyastvadhaḥ patati durmatiḥ

70.30

yadyahaṃ kvāpi bhuvane
dāsyāmi mitimātmanaḥ || tadā tadrūpavijñānātsa ātmā sopi māmiyāt

70.31

iti niścitya manasā svayameva sadāśivaḥ || āvayoryudhyato
rmadhye vahnistaṃbhaḥ samudyataḥ

70.32

atītya sakalām̐llokānsarvato'gniriva jvalan

70.33

anādyaṃtatayā cātha dṛgātau saṃvyatiṣṭhatām || tejaḥstaṃbhaṃ
jvalaṃtaṃ tamālokya śithilāśayau

70.34

āvayoḥ purato jātā vāṇī cāpyaśarīriṇī || kimarthaṃ bālakau yuddhaṃ kalpyate mūḍhamānasau

70.35

yuvayorbalavaiṣamyaṃ śiva eva vivekṣyate || tejaḥstaṃbhamayaṃ rūpamidaṃ śaṃbhorvyavasthitam

70.36

ādyaṃtayoryadi yuvāmīkṣiṣāthāṃ balādhikau || iti tāṃ
giramākarṇya niyuddhādviratau tadā

70.37

ahaṃ viṣṇuśca gatimānvicetuṃ tadvyavasthitau || agnistaṃbhamayaṃ rūpaṃ śaṃbhorādyaṃtavarjitam

70.38

ālo
kituṃ vyavasitāvāvāmādyaṃtabhāgataḥ || biṃbitaṃ vyomagaṃ caṃdraṃ yathā bālau jighṛkṣataḥ

70.39

tathaivāvāṃ samudyuktau paricchettuṃ ca tanmahaḥ|| atha viṣṇurma
hotsāhātkroḍo'bhūtsumahāyapuḥ

70.40

tanmūlavicayā'yācca bhūmigarbhaṃ vyadārayat || ahaṃ ca haṃsatāṃ prāpto mahāvegaṃ samutpatan

70.41

didṛkṣusta
cchirobhāgaṃ viyadūrdhvamagāhiṣam || adhodho dārayankṣoṇimaśeṣāmapi mādhavaḥ

70.42

āvirbhūtamivādhastādagnistaṃbhamavaikṣata || anekakoṭi
varṣāṇi vicinvannapi tejasaḥ

70.43

apaśyannādimakṣayyamārtarūpaḥ sa vihvalaḥ || viśīrṇadaṃṣṭravalayo vigalatsaṃdhibaṃdhanaḥ

70.44

śramāturastṛṣākrāṃto no yātumaśakaddhariḥ || vārāhaṃ rūpamatulaṃ saṃdhārayitumakṣamaḥ

70.45

vihaṃtumapi viśrāṃto viṣasāda ramāpatiḥ
aciṃtayadameyātmā pariśrāṃtaśarīravān

70.46

galitaśrīḥ kriyāśrāṃtaḥ śaraṇyaṃ śivamāśrayan || dhiṅmamedaṃ mahanmaugdhyamahaṃkārasamudbhavam

70.47

yenāhamātmano nāthamātmānaṃ nāvabuddhavān || ayaṃ hi sarvavedānāṃ devānāṃ jagatāmapi

70.48

mūlabhūtaḥ śivaḥ sākṣānmūlamasya kathaṃ bhavet
asmādeva samudbhūto'smyahamādyaṃtavarjitāt

70.49

yanmayānveṣṭumārabdhaṃ śivaṃ paśuvapurdhṛtā || avyājakaraṇābandhoḥ pituḥ śaṃbhoḥ prasādataḥ

70.50

punarevedṛśī labdhā matirme svātmabodhinā || svayameva mahādevaḥ śaṃbhuryaṃ pātumicchati

70.51

tasya sadyo bhavejjñānamanahaṃkāramātmajam || na
śaknomi punaḥ kartuṃ pūjāmasya jagadguroḥ

70.52

nivedayāmi cātmānaṃ śaraṇaṃ yāmi śaṃkaram || iti dadhyau śivaṃ viṣṇuḥ stutyāmarpitacetanaḥ

70.53

satprasādādbhutapateḥ punarevoddhataḥ kṣitau || ahaṃ ca gagane'bhrāmyamanekānapi vatsarān

70.54

āghūrṇamānanayanaḥ ślathapakṣaḥ śramaṃ gataḥ
uparyupari cāpaśyaṃ jvalanaṃ purataḥ sthitam

70.55

tejaḥstambhaṃ sthūlaliṃgābhaṃ śaivaṃ tejaḥ surārcitam || āhuḥ sma kecidālokya siddhāstejoṃśasaṃ
bhavāḥ

70.56

nityāṃ śaṃbhoḥ parāṃ koṭiṃ didṛkṣuṃ māṃ kṛtodyamam || aho'yaṃ satyaṃ mugdhatvamadyāpi ca cikīrṣati

70.57

āsannadehapāto'pi nāhaṃ
kāro'sya vai gataḥ || viśīryamāṇapakṣo'yaṃ śrāṃtvā viśrāṃtalocanaḥ

70.58

apāratejasi vyartho vimoho'yaṃ bhaviṣyati || evaṃ vyākulacitto'yaṃ
kroḍarūpī janārdanaḥ

70.59

vyāvartitaḥ śivenaiva nirvyājakaraṇājuṣā || īdṛśāṃ brahmamukhyānāṃ surāṇāṃ koṭisaṃbhavaḥ

70.60

yattejaḥparamāṇubhya
stasya pāraṃ didṛkṣate || svātmano yo gato dhyātvā samaye bhagavānchivaḥ

70.61

yadi buddhiṃ dadātyasmai tasya naśyedahaṃkriyā || ityevaṃ vadatāṃ teṣāṃ
siddhānāṃ sadayaṃ vacaḥ

70.62

ākarṇya śīrṇāhaṃkāro hyahamātmanyaciṃtayam || na vedarāśivijñānāttapastīrthaniṣevaṇāt

70.63

saṃjāyate śiva
jñānamasyaivānugrahādṛte || śīrṇe'pi pakṣayugale sīdatyaṃge hyacaṃcale

70.64

punarutsahate cetaḥ svāhaṃkārasya saṃgrahe || dhiṅmāmahaṃkriyākrāṃtamanātma
balavedinam

70.65

śivārarpitamanaskebhyaḥ siddhebhyaḥ satataṃ namaḥ || yeṣāṃ saṃsargalabdhena tapasā śodhitāśayaḥ

70.66

śivamenaṃ vijānāmi
svātmahetuṃ puraḥsthitam || yatprasādopalabdhena vibhavena samanvitāḥ

70.67

devāḥ sarve bhaviṣyaṃti satataṃ śamitārayaḥ || yasya vedā na jānaṃti para
mārthaṃ mahāgamaiḥ

70.68

tameva śaraṇaṃ yāmi śaṃbhuṃ viśvavilakṣaṇam || avādiṣamathābhāṣyaṃ viṣṇuṃ kamalalocanam

70.69

labdhadehaḥ śivaṃ bhaktyā
saṃśritaścandraśekharam || aho kimidamāścaryamāgataṃ śauryaśālinām

70.70

śaṃbhunā yatsamudbhūtamahaṃkāramupāśritau || āvāṃ parasparaṃ yuddhamākarṇya
vipulaṃ mahat

70.71

sa eva śaṃkaraḥ sarvamahaṃkāramathāvayoḥ || apāharadameyātmā svamāhātmyaprakāśanāt

70.72

imamīśvaramānataṃ surairanala
stambhamayaṃ sadāśivam || abhipūjayituṃ pravarttate sa bhavedvai bhavasāgarasya nauḥ

70.72.p1

iti śrīskāṃde mahāpurāṇa ekāśītisāhasryāṃ saṃhi tāyāṃ prathame māheśvarakhaṇḍe'ruṇācalamāhātmye pūrvārdhe brahmasanakasaṃvāde liṃgaprādurbhāvavarṇanaṃnāma prathamo'dhyāyaḥ

Linked texts (6)