Maheshvarakhanda 92
Māheśvarakhaṇḍa 92
- Language
- Sanskrit
Contents
- 92.29 — 1 part
92.1
cha
mārkaṇḍeya uvāca || || ājñāpaya vibho mahyaṃ yathā śaṃbhuḥ sanātanaḥ || anujagrāha mohāndhau vaikuṇṭhaparameṣṭhinau
92.2
naṃdikeśvara
uvāca || || śṛṇuṣva sarvaṃ vakṣyāmi vistareṇa yathātatham || yadeva devo vidadhe dayayā bhaktavatsalaḥ
92.3
athodastayormadhye tathā
vivadamānayoḥ || jyotiḥstaṃbhatvamabhyetya rodoraṃdhranirodhakaḥ
92.4
mahatā jṛṃbhamāṇena tasya brahmāṃḍabhedinaḥ || antarikṣamatiśyāmaṃ samutkṣiptami
vābhavat
92.5
viṣvagvivarṇatā tasya jyotirliṃgasya tejasā || diśo virejire sadyo dūravistāritā iva
92.6
tīvraistasya mahājvālaiḥ
śoṣitā iva sāgarāḥ || vimuktavīcisaṃkṣobhāḥ svāmeva prakṛtiṃ yayuḥ
92.7
vyadyotaṃta divi prāgvadgrahāstārāgaṇaiḥ saha || tejaḥstaṃbhātsamudbhinnāḥ
sphuliṃgā iva kecana
92.8
tejasā tasya śoṇena gairikeṇeva raṃjitāḥ || bhaumaraviśriyaṃ sarve'pyavahannavanībhṛtaḥ
92.9
samudrāstatpraticchāyānirbharaṃśliṣṭa
yādasaḥ || padmarāgaśilākhaṇḍe ghaṭitā iva rejire
92.10
pravālagucchaiḥ pratyagrairlaṃṃbitā iva pādapāḥ || nadyaśca nirbharotphullakahlārā iva rejire
92.11
mahī kuṃkumalipteva diśaḥ siṃdūritā iva || sarvāruṇamiva vyoma samaṃtātpratyadṛśyata
92.12
brahmāṃḍakarparamabhūttanmahaḥpūritāṃtaram || śoṇiteneva
saṃpūrṇaṃ kapālaṃ kṛttivāsasaḥ
92.13
evaṃpravarddhamānena tejaḥstambhena tena ca || aruṇākāratāṃ bheje viśvaṃ sthāvarajaṃgamam
92.14
tejorliṃgaṃ tadāścaryaṃ
dṛṣṭvā tyaktamithaḥkrudhau || aciṃtayetāmekaikaṃ caturmukhacaturbhujau
92.15
kimeṣa vasudhāṃ bhittvā śeṣādīnāṃ phaṇābhṛtām || phaṇāmaṇikyamahasāṃ rāśi
runmukhatāṃ gataḥ
92.16
kiṃ vā kalpāṃtasulabhaprādurbhāvāḥ prabhākarāḥ || dvādaśāpi nabhobhūmyormadhye yugapadutthitāḥ
92.17
āhosvinmegha
saṃgharṣādvitatā vyomamadhyataḥ|| anyonyaṃ militāḥ kṣiprāṃ nipataṃtyavanītale
92.18
pratighnanneṣa tejobhirakṣaṇoḥ śaktimanukṣaṇam || svanirviśeṣitā
śeṣabhūtajālaḥ pravarddhate
92.19
eṣa uddīpyamāno'pi saṃtāpāya na kalpate || nedīyāṃsyapi bhūtāni na nirdahati vahnivat
92.20
etasya kāṃti
saṃkrāṃtyā jagadeva na kevalam || madīyarmāpa śoṇatvamanuprāptamaho vapuḥ
92.21
kasmādeṣa samutpannaḥ kiṃmūlaḥ kimupādhikaḥ || kutastyaḥ kimupā
dānaḥ kayā śaktyā prakāśate
92.22
kiyānavadhiretasya viṣvaktiryagadhordhvataḥ || avagāḍhaśca pā Kubricktālaṃ kiyanmātramasāviti
92.23
tadetadakhilaṃ
jñātuṃ manaḥ paryutsukaṃ muhuḥ || icchatyutpatituṃ vyoma praveṣṭuṃ ca rasātalam
92.24
iti ciṃtābharākrāṃtau tejaḥstambhāvalokanāt || ubhāvapyavakulitau
vaikuṇṭhaparameṣṭhinau
92.25
abhāṣata ca goviṃdaḥ sutarāmeva garvitam || hiraṇyagarbhamālokya smayamānamukhāṃbujaḥ
92.26
viṣṇuruvāca
ayamevāvayorrbrahmannanyonyotkarṣakāṃkṣiṇoḥ || satyameva parīkṣāyai nikaṣaḥ samupasthitaḥ
92.27
amuṣya tejasāṃ rāśeraparicchedyasaṃpadaḥ
ādyantau jñātumekena na śakyaṃ dhruvamāvayoḥ
92.28
yaḥ paśyenmūlamagraṃ vā tejasosya svayaṃbhuvaḥ || sa eva nāvabhyadhiko jagatāṃ nāthako'pi
saḥ
92.29
naṃdikeśvara uvāca || || ityubhāvapi viniścitāśayau mūlamagramapi tasya vīkṣitum || tejasotimahato babhūvatuḥ spardhayā vira
citodyamau mithaḥ
92.29.p1
iti śrīskāṃde mahāpurāṇa ekāśītisāharuyāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe brahma viṣṇormadhye tejomayaliṃgaprādurbhāvavarṇanaṃnāma daśamo'dhyāyaḥ
Linked texts (4)
- Kaumārīkākhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit