Maheshvarakhanda 95
Māheśvarakhaṇḍa 95
- Language
- Sanskrit
Contents
- 95.21 — 1 part
95.1
naṃdikeśvara uvāca || || ketakībarhama
pyenaṃ vihasya punarabravīt || || ketakyuvāca || || api mūḍha na kiṃcittvaṃ vetsi kastvaṃ kuto na tat
95.2
īdṛśyāḥ parito lagnā yasminbrahmāṃḍa
koṭayaḥ || tasya pramāṇametāvaditi ko vedituṃ kṣamaḥ
95.3
caturyugāyutairyātaṃ tato nipattato mama || idānīmapi nāpnoti tanmadhyaṃ kila bhūta lam
95.4
iti
bruvāṇamenaṃ ca namaskṛtya sarojabhūḥ || hitvā nijamahaṃkāramabhāṣata kṛtāṃjaliḥ
95.5
brahmovāca || || mahātmansatyamevāsmi mūḍho'haṃ ketakacchada
brahmaṇā hi mayā sparddhā viṣṇunā saha nirmitā
95.6
dvābhyāmapīdamāvābhyāṃ vismṛtaṃ śivavaibhavam || yannau mahānabhūdgarvassaṃsargasaṃtrāṇamātrataḥ
95.7
hepaṇī
saṃśkathā tāvadāstāmadyāpyahaṃ yataḥ || sparddhayā na vimukto'smi baddhayā garuḍadhvaje
95.8
sakhyaṃ sāptapadīnaṃ hi kathyate tadvavānmayi
95.9
asaṃ
stutadhiyaṃ hitvā kartumarhasyanugraham || ahaṃ viṣṇuśca mohāṃdhau tejaḥstaṃbhasya vīkṣaṇāt
95.10
haṃsakolākṛtī dadhvo mithaḥ sāmyaṃ vyapohitum
mūlaṃ didṛkṣuḥ sa daśāṃ kīdṛśīṃ yātavāniti
95.11
na jāne mama cāsyāyaṃ didṛkṣorīdṛśī daśā || gatamuḍḍīyamānasya me sahastreṇa hāyanaiḥ
95.12
jātaśramo'smi nitarāṃ viyujya iva cāsubhiḥ || diṣṭyādya bhadra labdhastvaṃ mayā''laṃbovasīdatām
95.13
tanme kuruṣva mitrasya saphalāṃ
yācanāmimām || sakhāhaṃ sahasaṃjalpādasmi dāso'nupaṃjanāt
95.14
tattvayā karaṇīyaiva prārthanaiṣā kṛtāṃjaliḥ || yadi paśyati mūlaṃ sa
jito'hamamunā tadā
95.15
yadvā na paśyati tadāpyasmi sāmyamupeyivān || idaṃ dvayamapi prāyo mamātihrepaṇaṃ sakhe
95.16
tvayaiva
parihāryatvamidānīṃ samupāgatam || anṛtāmabhibhāṣa tvamucitāṃ ca suhṛtkṛte
95.17
giramekāmimāmagre cakrapāṇerudīraya || eṣa haṃsākṛtirbrahmā
tejaḥstaṃbhasvarūpiṇaḥ
95.18
atyuccaṃ dṛṣṭavānagramatra sākṣye sthito'smyaham || tenāpi tejaḥstambhatvameyuṣā candramaulinā
95.19
saṃbhāvyi
toyaṃ sutarāṃ pitreva hi pitāmahaḥ || ato'yamevābhyadhiko bhavato viṣṭaraśravāḥ
95.20
ityuktvā mama sāhāyyaṃ sumahatkriyatāṃ tvayā
95.21
naṃdikeśvara uvāca || || evaṃ bhūyaḥ prārthito'yaṃ vidhātrā dākṣiṇyārdraḥ ketakībarhakopi || tejaḥstaṃbhābhyarṇabhāje tathaiva prāhāroṣaṃ viṣṇave
brahmavākyam
95.21.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe brahmaṇo'sa tyasākṣẏārthaṃ ketakacchadaprārthanāvarṇanaṃnāma trayodaśo'dhyāyaḥ
Linked texts (4)
- Kaumārīkākhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit