Pramāṇa · Search · About · API

Maheshvarakhanda 99

Māheśvarakhaṇḍa 99

Language
Sanskrit

Contents

99.1

cha || || sūta uvāca || || iti śrutvāsya vacanaṃ mārkaṃḍeyo'bhyabhāṣata || || mārkaṃḍeya uvāca
śrutameva mayā deva śrotavyaṃ bhavato mukhāt

99.2

tathāpi kautukenāhamākrāṃto munayo'pyamī || gauryā kathaṃ tapastaptaṃ mahādevyātra kathyatām

99.3

naṃdikeśvara uvāca || || kathayāmi tadapyetadyathā'dhigatamātmanā || śṛṇu tvamavadhānena mārkaṃḍeya mahām̐mate

99.4

nanu jānāsi tatpūrvaṃ
yathā dākṣāyaṇī śivaḥ || upayeme satīṃnāma satīnāmadhidevatām

99.5

yathā ca sā krudhā bharturduhi dakṣaprajāpatau || yogādahāsīdātmīyaṃ vapurityāpi
te śrutam

99.6

tadā harājñānighnena vīrabhadreṇa yatkṛtam || adhvaradhvaṃsanaṃ dakṣasyāpi te viditaṃ mahat

99.7

aśrauṣīstasya dakṣasya gaṇaiḥ śīrṣāsa
khaṃḍanam || brahmācyuteṃdramukhyānāṃ devānāpi śikṣaṇam

99.8

daṃtaghātaṃ rakheḥ pāṇipāṭanaṃ jātavedasaḥ || aditiprabhṛtīnāṃ ca divyastrīṇāṃ parābhavam

99.9

sā ca devī punarjanma lebhe himavato gṛhe || umeti pārvatītaborder="0"yākhyāṃ dvitīyāṃ bibhratī punaḥ

99.10

devaḥ sthāṇuvane tāṃ ca paricaryāparāṃ rahaḥ
arurocayiṣuḥ kāmamadhākṣītkālavahninā

99.11

jiteṃdriyaṃ ca taṃ devaṃ kvāpi yātaṃ gaṇaiḥ saha || tapobhistoṣayāmāsa gaurī śikharavāsinī

99.12

upayamyātha tāṃ devo vṛttaistaiścittakhaṃṇḍibhiḥ || ramayāmāsa caikāṃte modasveti vilāsinīm

99.13

vaidhavyakhinnayā ratyā prārthitā śailanaṃdinī || kāma
pīṭhe tapasyaṃtī kāmaṃ pratyuddadīpayat

99.14

punaśca menayā mātrā pitrā ca himabhūbhṛtā || ānītā bhavanaṃ bhartrā sākaṃ ciramaraṃsta sā

99.15

tadā
śuṃbhaniśuṃbhākhyau lebhāte vedhaso varam || devadānavamartyeṣu māstu nau puruṣānmṛtiḥ

99.16

iti tadvacanaṃ śrutvā jātatrāsaiḥ suparvabhiḥ || abhya
rthito'vadaddevo rahaścakradharādibhiḥ

99.17

mābhaiṣṭa bhadra kālena tathā pratividhīyate || yathā niṣūditau syātāṃ tādṛśau dānavāviti

99.18

dattā
bhayānmukuṃdādīnvisṛjyāṃdhakasūdanaḥ || aṃtaḥpuragato reme devyā saha yathā purā

99.19

kadācinmarmalakṣyeṇa prītyā kālīti niṃditā || tasya
prītyai kālikā ca tvacamevājahātrijām

99.20

yatrotkṣiptavatī carma svecchayā parameśvarī || mahākāśīprapātākhyaṃ tadbhūtkṣetramuttamam

99.21

sā ca tvakkauśikī nāmnā kālī viṃdhyādrivāsinī || tapasyaṃtī vṛṣasyaṃtau tau jaghāna mahāsurau

99.22

devī ca gaurī śikhare tasminneva manohare
tapobhirlabdhagaurītvādbharttāraṃ samatoṣayat

99.23

krameṇa daurhadvatī bhūtvā prāsūta pārvatī || gajānanaṃ ca heraṃbaṃ senānyaṃ ca ṣaḍānanam

99.24

tau
cāgamavidaḥ prāhurnārāyaṇacaturmukhau || pūrvāparādhaśuddhyarthaṃ devīgarbhasamudbhavau

99.25

vardhamānau ca tau bālau pitrorālokamānayoḥ || magnayoriva
varṣābdhau premagraṃthirabhūddṛḍhā

99.26

jātu vīṇāninādena kadāciccitralekhanaiḥ || vijahratuḥśivau svairamekadā maṃḍanairmithaḥ

99.27

jātu vidyāṃgamā
lāpaiḥ kadāciccitravastubhiḥ || ekadā lokavṛttāṃtairdaṃpatibhyāṃ vinoditam

99.28

puṣpavācayanairjātu kadācidvārikhelanaiḥ || adīvyatāṃ ca rāgādrau
dolākelibhirekadā

99.29

maināke nārcitau jātu menayā jātu pūjitau || jātvarhitau himavatā daṃpatī tau vinoditau

99.30

jātu dyūtavinodena
gītagoṣṭhyā kadācana || ekadā dānalīlābhiḥ śivau cikrīḍatuściram

99.31

dyūtanirjitamācchidya patyurutsaṃgatāṃ gatam || valayīkṛtameṇāṃkaṃ
tāṭaṃkīkṛtavatyumā

99.32

iti tau pitarau carācarāṇāṃ nivasaṃtau kanakācalādikeṣu || rucireṣu padeṣu kāmabhogānatihṛdyānsuciraṃ kilāntra
bhūtām

99.32.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śivapārvatīvihāra varṇanaṃnāma saptadaśo'dhyāyaḥ

Linked texts (4)