Pramāṇa · Search · About · API

Matsya Purana 186: adhyāyaḥ 186

Matsyapurāṇa 186

Language
Sanskrit

adhyāyaḥ 186

186.1

narmadāmāhātmyaprārambhaḥ.
ṛṣaya ūcuḥ.
māhātmyamavimuktasya yathāvat kathitantvayā.
idānīṃ narmadāyāstu māhātmyaṃ vada sattama ! .. 186.1 ..

186.2

yatroṅkārasya māhātmyaṃ kapilā saṅgamasya ca.
amareśasya caivāhurmāhātmyaṃ pāpanāśanam .. 186.2 ..

186.3

kathaṃ pralayakāle tu na naṣṭā narmadā purā.
mārkaṇḍeyaśca bhagavānna vinaṣṭastadā kila ..
tvayoktaṃ tadidaṃ sarvaṃ punarvistarato vada .. 186.3 ..

186.4

sūta uvāca.
etadeva purā pṛṣṭaḥ pāṇḍavena mahātmanā.
narmadāyāstu māhātmyaṃ mārkaṇḍeyo mahāmuniḥ.. 186.4 ..

186.5

ugreṇa tapasā yukto vanastho vanavāsinā.
pṛṣṭaḥ pūrvāṃ mahāgāthāṃ dharmaputreṇa dhīmatā .. 1186.5 ..

186.6

yudhiṣṭhara uvāca.
śrutā me vividhā dharmāstvatprasādāddvijottama!.
bhūyaśca śrotumicchāmi tanme kathaya suvrata! .. 186.6 ..

186.7

kathameṣā mahāpuṇyā nadī sarvatra viśrutā.
narmadā nāma vikhyātā tanme brūhi mahāmune! .. 186.7 ..

186.8

mārkaṇḍeya uvāca.
narmadā saritāṃ śreṣṭhā sarvapāpapraṇāśinī.
tārayet sarvabhūtāni sthāvarāṇi carāṇi ca .. 186.8 ..

186.9

narmadāyāstu māhātmyaṃ purāṇe yanmayā śrutam.
tadetaddhi mahārāja! tatsarvaṃ kathayāmi te .. 186.9 ..

186.10

puṇyā kanakhale gaṅgā kurukṣetre sarasvatī.
grāme vā yadi vā'raṇye puṇyā sarvatra narmadā .. 186.10 ..

186.11

tribhiḥ sārasvataṃ toyaṃ saptāhena tu yāmunam.
sadyaḥ punāti gāṅgeyaṃ darśanādeva nārmadam .. 186.11 ..

186.12

kaliṅgadeśe paścārde parvate'marakaṇṭake.
puṇye ca triṣu lokeṣu ramaṇīyā manoramā .. 186.12 ..

186.13

sadevāsuragandharvā ṛṣayaśca tapodhanāḥ.
tapastaptvā mahārāja! siddhiñca paramāṅgatāḥ .. 186.13 ..

186.14

tatra snātvā naro rājanniyamastho jitendriyaḥ.
upoṣya rajanīmekāṃ kulānāṃ tārayecchatam .. 186.14 ..

186.15

jaleśvare naraḥ snātvā piṇḍaṃ dattvā yathāvidhi.
pitarastasya tṛpyanti yāvadābhūtasaṃplavam .. 186.15 ..

186.16

parvatasya samantāttu rudrakoṭiḥ pratiṣṭhitā.
snātvā yaḥ kurute tatra gandhamālyānulepanaiḥ .. 186.16 ..

186.17

prītastasya bhaveccharvo rudrakoṭirna saṃśayaḥ.
paścime parvatasyānte svayaṃ devo maheśvaraḥ .. 186.17 ..

186.18

tatra snātvā śucirbhūtvā brahmacārī jitendriyaḥ.
pitṛkāryañca kurvīta vidhivanniyatendriyaḥ .. 186.18 ..

186.19

tilodakena tatraiva tarpayet pitṛdevatāḥ.
āsaptamaṃ kulaṃ tasya svarge modeta pāṇḍava! .. 186.19 ..

186.20

ṣaṣṭivarṣasahasrāṇi svargaloke mahīyate.
apsarogaṇasaṃkīrṇe siddhacāraṇasevite .. 186.20 ..

186.21

divyagandhānuliptaśca divyālaṅkārabhūṣitaḥ.
tataḥ svargātparibhraṣṭo jāyate vipule kule .. 186.21 ..

186.22

dhanavān dānaśīlaśca dhārmikaścaiva jāyate.
punaḥ smarati tattīrthaṃ gamanaṃ tatra rocate .. 186.22 ..

186.23

kulāni tārayet sapta rudralokaṃ sa gacchati.
yojanānāṃ śataṃ sāgraṃ śrūyate sariduttamā .. 186.23 ..

186.24

vistāreṇa tu rājendra! yojanadvayamāyatā.
ṣaṣṭitīrthasahasrāṇi ṣaṣṭikoṭyastathaiva ca .. 186.24 ..

186.25

sarvaṃ tasya samantāttu tiṣṭhate'marakaṇṭake.
brahmacārī śucirbhūtvā jitakrodho jitendriyaḥ .. 186.25 ..

186.26

sarvahiṃsā nivṛttastu sarvabhūtahite rataḥ.
paraṃ śarvasamācāro yastu prāṇān parityajet .. 186.26 ..

186.27

tasya puṇyaphalaṃ rājan! śrṛṇuṣvāvahito mama.
śatavarṣasahasrāṇāṃ svarge modeta pāṇḍava! .. 186.27 ..

186.28

apsarogaṇasaṃkīrṇe siddhacāraṇa sevite.
divyagandhānuliptaśca divyapuṣpopaśobhitaḥ .. 186.28 ..

186.29

krīr̤ate devalokastho daivataiḥ saha modate.
tataḥ svargātparibhraṣṭo rājā bhavati vīryavān .. 186.29 ..

186.30

gṛhantu labhate sa vai nānāratnavibhūṣitam.
stambhairmaṇimayairdivyairvajravaiḍhūryabhūṣitaiḥ .. 186.30 ..

186.31

ālekhyasahitaṃ divyaṃ dāsīdāsasamanvitam.
mattamātaḍgaśabdaiśca hayānāṃ heṣitena ca .. 186.31 ..

186.32

kṣubhyate tasya taddvāraṃ indrasya bhavanaṃ yathā.
rājarājeśvaraḥ śrīmān sarvastrījanavallabhaḥ .. 186.32 ..

186.33

tasmin gṛhe vasitvā tu krīr̤ābhoga-samanvite.
jīvedvarṣaśataṃ sāgraṃ sarvarogavivarjitaḥ .. 186.33 ..

186.34

evaṃ bhogo bhavettasya yo mṛto'marakaṇṭake.
agnau viṣajale vāpi tathā caiva hyanāśake .. 186.34 ..

186.35

anivartikā gatistasya pavanasyāmbare yathā.
patanaṃ kurute yastu amareśe narādhipa! .. 186.35 ..

186.36

kanyānāṃ trisahasrāṇi ekaikasyāpi cāpare.
tiṣṭhanti bhuvane tasya preṣaṇaṃ prārthayanti ca .. 186.36 ..

186.37

divyabhogaiḥ susampannaḥ krīr̤ate kālamakṣayam.
parvatasya samantāttu rudrakoṭiḥ pratiṣṭhitāḥ .. 186.37 ..

186.38

snānaṃ yaḥ kurute tatra gandhamālyānulepanaiḥ.
prītaḥ so'sya bhavet sarvo rudrakoṭirnasaṃśayaḥ .. 186.38 ..

186.39

paścime parvatasyānte hyayaṃ devo maheśvaraḥ.
tatra snātvā śucirbhūtvā brahmacārī jitendriyaḥ .. 186.39 ..

186.40

pitṛkāryaśca kurvīta vidhivanniyatendriyaḥ.
tilodakena vidhivattarpayet pitṛdevatāḥ .. 186.40 ..

186.41

āsaptamaṃ kulantasya svarge modeta pāṇḍava!.
ṣaṣṭivarṣasahasrāṇi svargaloke mahīyate .. 186.41 ..

186.42

divyagandhānuliptaśca divyālaṅkārabhūṣitaḥ .
tataḥ svargātparibhraṣṭo jāyate vipule kule .. 186.42 ..

186.43

dhanavān dānaśīlaśca dhārmikaścaiva jāyate.
punaḥ smarati tīrthārthaṃ gamanaṃ tatra rocate .. 186.43 ..

186.44

tārayettu kulān sapta rudralokaṃ sa gacchati.
yojanānāṃ śataṃ sāgraṃ śrūyate sariduttamā .. 186.44 ..

186.45

vistāreṇa tu rājendra! yojanadvayamāyatā.
ṣaṣṭitīrthasahasrāṇi ṣaṣṭikoṭyastathaiva ca .. 186.45 ..

186.46

parvatasya samantāntu tiṣṭhatyamarakaṇṭake.
brahmacārī śucirbhūtvā jitakrodho jitendriyaḥ .. 186.46 ..

186.47

sarvahiṃsānivṛttastu sarvabhūtahite rataḥ.
evaṃ śarvasamācāro yastu prāṇān parityajet .. 186.47 ..

186.48

tasya puṇyaphalaṃ rājan! śrṛṇuṣvāvāhito mama.
śataṃ varṣasahasrāṇāṃ svarge modeta pāṇḍava! .. 186.48 ..

186.49

pṛthivyāmāsamudrāṇāmīdṛśo naiva jāyate.
yādṛśo'yaṃ nṛpaśreṣṭha! parvate'marakaṇṭake .. 186.49 ..

186.50

tāvattīrthaṃ tu vijñeyaṃ parvatasya tu paścime.
hrado jaleśvaro nāma triṣu lokeṣu viśrutaḥ .. 186.50 ..

186.51

tatra piṇḍapradānena sandhyopāsanakarmaṇā.
pitaro daśavarṣāpi tarpitāstu bhavanti vai .. 186.51 ..

186.52

dakṣiṇe narmadākūle kapileti mahānadī.
sakalārjuna-saṃcchannā nātidūre vyavasthitā .. 186.52 ..

186.53

sāpi puṇyā mahābhāgā triṣu lokeṣu viśrutā.
tatra koṭiśataṃ sāgraṃ tīrthānāṃ tu yudhiṣṭhira .. 186.53 ..

186.54

purāṇe śrūyate rājan! sarvaṃ koṭiguṇaṃ bhavet.
tasyāstīretu ye vṛkṣāḥ patitāḥ kālaparyayāt .. 186.54 ..

186.55

narmadātoyasaṃspṛṣṭāste'pi yānti paraṅgatim.
dvitīyā tu mahābhāgā viśalyakaraṇī śubhā .. 186.55 ..

186.56

tatra tīrthe naraḥ snātvā viśalyo bhavati kṣaṇāt.
tatra devagaṇā sarve'te kinnaramahoragāḥ .. 186.56 ..

186.57

yakṣarākṣasagandharvā ṛṣayaśca tapodhanāḥ.
sarve samāgatāstatra parvate'marakaṇṭake .. 186.57 ..

186.58

taiśca sarvaiḥ samāgamya munibhiśca tapodhanaiḥ.
narmadāmāśritā puṇyā viśalyā nāma nāmataḥ .. 186.58 ..

186.59

utpāditā mahābhāgā sarvapāpapraṇāśinī.
tatra snātvā naro rājan! brahmacārī jitendriyaḥ .. 186.59 ..

186.60

upoṣya rajanīmekāṃ kulānāntārayecchatam.
kapilā ca viśalyā tu śrūyate rājasattama! .. 186.60 ..

186.61

īśvareṇa purā prokte lokānāṃ hitakāmyayā.
tatra snātvā naro rājannaśvamedhaphalaṃ labhet .. 186.61 ..

186.62

anāśakantu yaḥ kuryāt tasmiṃstīrthe narādhipa!.
sarvapāpaviśuddhātmā rudralokaṃ sa gacchati .. 186.62 ..

186.63

narmadāyāstu rājendra! purāṇe yanmayā śrutam.
yatra tatra naraḥ snātvā cāśvamedhaphalaṃ labhet .. 186.63 ..

186.64

ye vasantyuttare kūle rudraloke vasanti te.
sarasvatyāñca gaṅgāyāṃ narmadāyāṃ yudhiṣṭhira!.. 186.64 ..

186.65

samaṃ snānaṃ ca dānañca yathā me śaṅkaro'bravīt.
parityajati yaḥ prāṇān parvate'marakaṇṭake .. 186.65 ..

186.66

varṣakoṭiśataṃ sāgraṃ rudraloke mahīyate.
narmadāyā jalaṃ puṇyaṃ kenormibhiralaṅkṛtam .. 186.66 ..

186.67

pavitraṃ śirasā vandyaṃ sarvapāpaiḥ pramucyate.
narmadā parvataḥ puṇyā narmadā pāṇḍunandana! .. 186.67 ..

186.68

trayāṇāmapi lokānāṃ puṇyā hyeṣā mahānadī.
vaṭeśvare mahāpuṇye gaṅgādvāre tapovane .. 186.68 ..

186.69

eteṣu sarvasthāneṣu dvijāḥ syuḥ saṃśitavratāḥ.
śrutaṃ daśaguṇaṃ puṇyaṃ narmado dadhisaṅgame .. 186.69 ..

186.69_1

ṛṣaya ūcuḥ.
māhātmyamavimuktasya yathāvat kathitantvayā.
idānīṃ narmadāyāstu māhātmyaṃ vada sattama ! .. 186.1 ..

186.69_2

yatroṅkārasya māhātmyaṃ kapilā saṅgamasya ca.
amareśasya caivāhurmāhātmyaṃ pāpanāśanam .. 186.2 ..

186.69_3

kathaṃ pralayakāle tu na naṣṭā narmadā purā.
mārkaṇḍeyaśca bhagavānna vinaṣṭastadā kila ..
tvayoktaṃ tadidaṃ sarvaṃ punarvistarato vada .. 186.3 ..

186.69_4

sūta uvāca.
etadeva purā pṛṣṭaḥ pāṇḍavena mahātmanā.
narmadāyāstu māhātmyaṃ mārkaṇḍeyo mahāmuniḥ.. 186.4 ..

186.69_5

ugreṇa tapasā yukto vanastho vanavāsinā.
pṛṣṭaḥ pūrvāṃ mahāgāthāṃ dharmaputreṇa dhīmatā .. 1186.5 ..

186.69_6

yudhiṣṭhara uvāca.
śrutā me vividhā dharmāstvatprasādāddvijottama!.
bhūyaśca śrotumicchāmi tanme kathaya suvrata! .. 186.6 ..

186.69_7

kathameṣā mahāpuṇyā nadī sarvatra viśrutā.
narmadā nāma vikhyātā tanme brūhi mahāmune! .. 186.7 ..

186.69_8

mārkaṇḍeya uvāca.
narmadā saritāṃ śreṣṭhā sarvapāpapraṇāśinī.
tārayet sarvabhūtāni sthāvarāṇi carāṇi ca .. 186.8 ..

186.69_9

narmadāyāstu māhātmyaṃ purāṇe yanmayā śrutam.
tadetaddhi mahārāja! tatsarvaṃ kathayāmi te .. 186.9 ..

186.69_10

puṇyā kanakhale gaṅgā kurukṣetre sarasvatī.
grāme vā yadi vā'raṇye puṇyā sarvatra narmadā .. 186.10 ..

186.69_11

tribhiḥ sārasvataṃ toyaṃ saptāhena tu yāmunam.
sadyaḥ punāti gāṅgeyaṃ darśanādeva nārmadam .. 186.11 ..

186.69_12

kaliṅgadeśe paścārde parvate'marakaṇṭake.
puṇye ca triṣu lokeṣu ramaṇīyā manoramā .. 186.12 ..

186.69_13

sadevāsuragandharvā ṛṣayaśca tapodhanāḥ.
tapastaptvā mahārāja! siddhiñca paramāṅgatāḥ .. 186.13 ..

186.69_14

tatra snātvā naro rājanniyamastho jitendriyaḥ.
upoṣya rajanīmekāṃ kulānāṃ tārayecchatam .. 186.14 ..

186.69_15

jaleśvare naraḥ snātvā piṇḍaṃ dattvā yathāvidhi.
pitarastasya tṛpyanti yāvadābhūtasaṃplavam .. 186.15 ..

186.69_16

parvatasya samantāttu rudrakoṭiḥ pratiṣṭhitā.
snātvā yaḥ kurute tatra gandhamālyānulepanaiḥ .. 186.16 ..

186.69_17

prītastasya bhaveccharvo rudrakoṭirna saṃśayaḥ.
paścime parvatasyānte svayaṃ devo maheśvaraḥ .. 186.17 ..

186.69_18

tatra snātvā śucirbhūtvā brahmacārī jitendriyaḥ.
pitṛkāryañca kurvīta vidhivanniyatendriyaḥ .. 186.18 ..

186.69_19

tilodakena tatraiva tarpayet pitṛdevatāḥ.
āsaptamaṃ kulaṃ tasya svarge modeta pāṇḍava! .. 186.19 ..

186.69_20

ṣaṣṭivarṣasahasrāṇi svargaloke mahīyate.
apsarogaṇasaṃkīrṇe siddhacāraṇasevite .. 186.20 ..

186.69_21

divyagandhānuliptaśca divyālaṅkārabhūṣitaḥ.
tataḥ svargātparibhraṣṭo jāyate vipule kule .. 186.21 ..

186.69_22

dhanavān dānaśīlaśca dhārmikaścaiva jāyate.
punaḥ smarati tattīrthaṃ gamanaṃ tatra rocate .. 186.22 ..

186.69_23

kulāni tārayet sapta rudralokaṃ sa gacchati.
yojanānāṃ śataṃ sāgraṃ śrūyate sariduttamā .. 186.23 ..

186.69_24

vistāreṇa tu rājendra! yojanadvayamāyatā.
ṣaṣṭitīrthasahasrāṇi ṣaṣṭikoṭyastathaiva ca .. 186.24 ..

186.69_25

sarvaṃ tasya samantāttu tiṣṭhate'marakaṇṭake.
brahmacārī śucirbhūtvā jitakrodho jitendriyaḥ .. 186.25 ..

186.69_26

sarvahiṃsā nivṛttastu sarvabhūtahite rataḥ.
paraṃ śarvasamācāro yastu prāṇān parityajet .. 186.26 ..

186.69_27

tasya puṇyaphalaṃ rājan! śrṛṇuṣvāvahito mama.
śatavarṣasahasrāṇāṃ svarge modeta pāṇḍava! .. 186.27 ..

186.69_28

apsarogaṇasaṃkīrṇe siddhacāraṇa sevite.
divyagandhānuliptaśca divyapuṣpopaśobhitaḥ .. 186.28 ..

186.69_29

krīr̤ate devalokastho daivataiḥ saha modate.
tataḥ svargātparibhraṣṭo rājā bhavati vīryavān .. 186.29 ..

186.69_30

gṛhantu labhate sa vai nānāratnavibhūṣitam.
stambhairmaṇimayairdivyairvajravaiḍhūryabhūṣitaiḥ .. 186.30 ..

186.69_31

ālekhyasahitaṃ divyaṃ dāsīdāsasamanvitam.
mattamātaḍgaśabdaiśca hayānāṃ heṣitena ca .. 186.31 ..

186.69_32

kṣubhyate tasya taddvāraṃ indrasya bhavanaṃ yathā.
rājarājeśvaraḥ śrīmān sarvastrījanavallabhaḥ .. 186.32 ..

186.69_33

tasmin gṛhe vasitvā tu krīr̤ābhoga-samanvite.
jīvedvarṣaśataṃ sāgraṃ sarvarogavivarjitaḥ .. 186.33 ..

186.69_34

evaṃ bhogo bhavettasya yo mṛto'marakaṇṭake.
agnau viṣajale vāpi tathā caiva hyanāśake .. 186.34 ..

186.69_35

anivartikā gatistasya pavanasyāmbare yathā.
patanaṃ kurute yastu amareśe narādhipa! .. 186.35 ..

186.69_36

kanyānāṃ trisahasrāṇi ekaikasyāpi cāpare.
tiṣṭhanti bhuvane tasya preṣaṇaṃ prārthayanti ca .. 186.36 ..

186.69_37

divyabhogaiḥ susampannaḥ krīr̤ate kālamakṣayam.
parvatasya samantāttu rudrakoṭiḥ pratiṣṭhitāḥ .. 186.37 ..

186.69_38

snānaṃ yaḥ kurute tatra gandhamālyānulepanaiḥ.
prītaḥ so'sya bhavet sarvo rudrakoṭirnasaṃśayaḥ .. 186.38 ..

186.69_39

paścime parvatasyānte hyayaṃ devo maheśvaraḥ.
tatra snātvā śucirbhūtvā brahmacārī jitendriyaḥ .. 186.39 ..

186.69_40

pitṛkāryaśca kurvīta vidhivanniyatendriyaḥ.
tilodakena vidhivattarpayet pitṛdevatāḥ .. 186.40 ..

186.69_41

āsaptamaṃ kulantasya svarge modeta pāṇḍava!.
ṣaṣṭivarṣasahasrāṇi svargaloke mahīyate .. 186.41 ..

186.69_42

divyagandhānuliptaśca divyālaṅkārabhūṣitaḥ .
tataḥ svargātparibhraṣṭo jāyate vipule kule .. 186.42 ..

186.69_43

dhanavān dānaśīlaśca dhārmikaścaiva jāyate.
punaḥ smarati tīrthārthaṃ gamanaṃ tatra rocate .. 186.43 ..

186.69_44

tārayettu kulān sapta rudralokaṃ sa gacchati.
yojanānāṃ śataṃ sāgraṃ śrūyate sariduttamā .. 186.44 ..

186.69_45

vistāreṇa tu rājendra! yojanadvayamāyatā.
ṣaṣṭitīrthasahasrāṇi ṣaṣṭikoṭyastathaiva ca .. 186.45 ..

186.69_46

parvatasya samantāntu tiṣṭhatyamarakaṇṭake.
brahmacārī śucirbhūtvā jitakrodho jitendriyaḥ .. 186.46 ..

186.69_47

sarvahiṃsānivṛttastu sarvabhūtahite rataḥ.
evaṃ śarvasamācāro yastu prāṇān parityajet .. 186.47 ..

186.69_48

tasya puṇyaphalaṃ rājan! śrṛṇuṣvāvāhito mama.
śataṃ varṣasahasrāṇāṃ svarge modeta pāṇḍava! .. 186.48 ..

186.69_49

pṛthivyāmāsamudrāṇāmīdṛśo naiva jāyate.
yādṛśo'yaṃ nṛpaśreṣṭha! parvate'marakaṇṭake .. 186.49 ..

186.69_50

tāvattīrthaṃ tu vijñeyaṃ parvatasya tu paścime.
hrado jaleśvaro nāma triṣu lokeṣu viśrutaḥ .. 186.50 ..

186.69_51

tatra piṇḍapradānena sandhyopāsanakarmaṇā.
pitaro daśavarṣāpi tarpitāstu bhavanti vai .. 186.51 ..

186.69_52

dakṣiṇe narmadākūle kapileti mahānadī.
sakalārjuna-saṃcchannā nātidūre vyavasthitā .. 186.52 ..

186.69_53

sāpi puṇyā mahābhāgā triṣu lokeṣu viśrutā.
tatra koṭiśataṃ sāgraṃ tīrthānāṃ tu yudhiṣṭhira .. 186.53 ..

186.69_54

purāṇe śrūyate rājan! sarvaṃ koṭiguṇaṃ bhavet.
tasyāstīretu ye vṛkṣāḥ patitāḥ kālaparyayāt .. 186.54 ..

186.69_55

narmadātoyasaṃspṛṣṭāste'pi yānti paraṅgatim.
dvitīyā tu mahābhāgā viśalyakaraṇī śubhā .. 186.55 ..

186.69_56

tatra tīrthe naraḥ snātvā viśalyo bhavati kṣaṇāt.
tatra devagaṇā sarve'te kinnaramahoragāḥ .. 186.56 ..

186.69_57

yakṣarākṣasagandharvā ṛṣayaśca tapodhanāḥ.
sarve samāgatāstatra parvate'marakaṇṭake .. 186.57 ..

186.69_58

taiśca sarvaiḥ samāgamya munibhiśca tapodhanaiḥ.
narmadāmāśritā puṇyā viśalyā nāma nāmataḥ .. 186.58 ..

186.69_59

utpāditā mahābhāgā sarvapāpapraṇāśinī.
tatra snātvā naro rājan! brahmacārī jitendriyaḥ .. 186.59 ..

186.69_60

upoṣya rajanīmekāṃ kulānāntārayecchatam.
kapilā ca viśalyā tu śrūyate rājasattama! .. 186.60 ..

186.69_61

īśvareṇa purā prokte lokānāṃ hitakāmyayā.
tatra snātvā naro rājannaśvamedhaphalaṃ labhet .. 186.61 ..

186.69_62

anāśakantu yaḥ kuryāt tasmiṃstīrthe narādhipa!.
sarvapāpaviśuddhātmā rudralokaṃ sa gacchati .. 186.62 ..

186.69_63

narmadāyāstu rājendra! purāṇe yanmayā śrutam.
yatra tatra naraḥ snātvā cāśvamedhaphalaṃ labhet .. 186.63 ..

186.69_64

ye vasantyuttare kūle rudraloke vasanti te.
sarasvatyāñca gaṅgāyāṃ narmadāyāṃ yudhiṣṭhira!.. 186.64 ..

186.69_65

samaṃ snānaṃ ca dānañca yathā me śaṅkaro'bravīt.
parityajati yaḥ prāṇān parvate'marakaṇṭake .. 186.65 ..

186.69_66

varṣakoṭiśataṃ sāgraṃ rudraloke mahīyate.
narmadāyā jalaṃ puṇyaṃ kenormibhiralaṅkṛtam .. 186.66 ..

186.69_67

pavitraṃ śirasā vandyaṃ sarvapāpaiḥ pramucyate.
narmadā parvataḥ puṇyā narmadā pāṇḍunandana! .. 186.67 ..

186.69_68

trayāṇāmapi lokānāṃ puṇyā hyeṣā mahānadī.
vaṭeśvare mahāpuṇye gaṅgādvāre tapovane .. 186.68 ..

186.69_69

eteṣu sarvasthāneṣu dvijāḥ syuḥ saṃśitavratāḥ.
śrutaṃ daśaguṇaṃ puṇyaṃ narmado dadhisaṅgame .. 186.69 ..

Linked texts (8)

Discussed in (3)