Pramāṇa · Search · About · API

Matsya Purana 200: adhyāyaḥ 200

Matsyapurāṇa 200

Language
Sanskrit

adhyāyaḥ 200

200.1

vaśiṣṭhavaṃśajān viprān nāmagotravaṃśapravaravarṇanam.
matsya uvāca.
vasiṣṭhavaṃśajān viprān nibodha vadato mama.
ekārṣeyastu pravaro vāsiṣṭhānāṃ prakīrtitaḥ .. 200.1 ..

200.2

vasiṣṭhā eva vāsiṣṭhā avivāhyā vasiṣṭhajaiḥ.
vyāghrapādā aupagavā vaiklavāḥ śādvalāyanāḥ .. 200.2 ..

200.3

kapiṣṭhalā aupalomā alabdhāśca ṣaṭhāḥ kaṭhāḥ.
gaupayānā bodhapāśca dākavyā hyatha vāhyakāḥ .. 200.3 ..

200.4

vāliśayāḥ pāliśayāstato vāggranthayaścaye.
āpasthūṇāḥ śītavṛttāḥ tathā brāhma pureyakāḥ .. 200.4 ..

200.5

lomāyanāḥ svastikarāḥ śāṇḍilirgauḍinistathā.
vāḍohaliśca sumanāścopāvṛddhistathaiva ca .. 200.5 ..

200.6

caulirvaulirbrahmabalaḥ pauliḥ śravasa eva ca.
paur̤avo yājñavalkyaśca ekārṣeyā maharṣayaḥ .. 200.6 ..

200.7

vasiṣṭha eṣāṃ pravara avaivāhyāḥ parasparam.
śailālayo mahākarṇaḥ kauravyaḥ krodhinastathā .. 200.7 ..

200.8

kapiñjalā vālakhilyā bhāgavittāyanāśca ye.
kīlāyanaḥ kālaśikhaḥ korakṛṣṇāḥ surāyaṇāḥ .. 200.8 ..

200.9

śākāhāryāḥ śākadhiyaḥ kāṇvā upalapāśca ye.
śākāyanā uhākāśca atha māṣaśarāvayaḥ .. 200.9 ..

200.10

dākāyanā vālavayo vākayo gorathāstathā.
lambāyanāḥ śyāmavayo ye cakoḍodarāyaṇāḥ .. 200.10 ..

200.11

pralambāyanāśca ṛṣaya aupamanyava eva ca.
sāṅkhyāyanāśca ṛṣayastathā vai vedaśerakāḥ .. 200.11 ..

200.12

pālaṅkāyana udgāhā ṛṣayaśca balekṣavaḥ.
māteyā brahmabalinaḥ parṇāgāristathaiva ca .. 200.12 ..

200.13

tryārṣeyo'bhimataścaiṣāṃ sarveṣāṃ pravarastathā.
bhigīvasurvaśiṣṭhaśca indrapramadireva ca .. 200.13 ..

200.14

parasparamavaivāhyā ṛṣayaḥ parikīrtitāḥ.
aupasthalāsvasthalayo pālohālo halāśca ye.. 200.14 ..

200.15

mādhyandino mākṣatayaḥ paippalādirvicakṣuṣaḥ.
traiśrṛṅgāyana saivalkāḥ kuṇḍinaśca narottama!.. 200.15 ..

200.16

tryārṣeyābhimatāścaiṣāṃ sarveṣāṃ pravarāḥ śubhāḥ.
vasiṣṭhamitrāvaruṇau kuṇḍinaśca mahātapāḥ .. 200.16 ..

200.17

parasparamavaivāhyā ṛṣayaḥ parikīrtitāḥ.
śivakarṇo vayaścaiva pādapaśca tathaiva ca .. 200.17 ..

200.18

tryārṣeyo'bhimataścaiṣāṃ sarveṣāṃ pravarastathā.
jātūkarṇyo vasiṣṭhaśca tathaivātriśca pārthiva !
parasparamavaivāhyā ṛṣayaḥ parikīrtitāḥ .. 200.18 ..

200.19

vasiṣṭhavaṃśe'bhihitā mayaite ṛṣipradhānāḥ satataṃ dvijendrāḥ.
yeṣāṃ tu nāmnā parikīrtitena pāpaṃ samagraṃ puruṣo jahāti .. 200.19 ..

Linked texts (3)

Discussed in (2)