Pramāṇa · Search · About · API

Matsya Purana 224: adhyāyaḥ 224

Matsyapurāṇa 224

Language
Sanskrit

adhyāyaḥ 224

224.1

rājadharmavarṇane dānaprayogavarṇanam.

224.2

matsya uvāca.
sarveṣāmapyupāyānāṃ dānaṃ śreṣṭhatamaṃ matam.
sudatteneha bhavati dānenobhayalokajit .. 224.1 ..

224.3

na so'sti rājan! dānena vaśago yo na jāyate.
dānena vaśagā devā bhavantīha sadā nṛṇām .. 224.2 ..

224.4

dānamevopajīvanti prajāḥ sarvā nṛpottama!
priyo hi dānavān loke sarvasyaivopajāyate .. 224.3 ..

224.5

dānavānacireṇaiva tathā rājā parān jayet.
dānavāneva śakneti saṃhatān bhedituṃ parān.. 224.4 ..

224.6

yadyapyalubhdhagambhīrāḥ puruṣāḥ sāgaropamāḥ.
na gṛhṇanti tathāpyete jāyante pakṣapātinaḥ.. 224.5 ..

224.7

yadyapyalubdhagambhīrāḥ puruṣāḥ sāgaropamāḥ.
na gṛhṇanti tathāpyete jāyante pakṣapātinaḥ.. 224.6 ..

224.8

anyatrāpi kṛtaṃ puṃsāṃ dānaṃ śreṣṭhatamaṃ param.
dānavāneva lokeṣu putratve dhriyate sadā .. 224.7 ..

224.9

na kevalaṃ dānaparā jayanti bhūlokamekaṃ puruṣapravīrāḥ.
jayanti te rājasurendralokaṃ sudurjayaṃ yo vibudhādhivāsaḥ .. 224.8 ..

Linked texts (3)