Matsyapurana 242: Svapnādhyāyaḥ
Matsyapurāṇa 242
- Language
- Sanskrit
Contents
Svapnādhyāyaḥ
242.1
manuruvāca
svapnākhyānaṃ kathaṃ deva gamane pratyupasthite
dṛśyante vividhākārāḥ kathaṃ teṣāṃ phalaṃ bhavet
242.2
matsya uvāca
idānīṃ kathayiṣyāmi nimittaṃ svapnadarśane
nābhiṃ vinā'nyagātreṣu tṛṇavṛkṣasamudbhavaḥ
Matsya said :—"Now listen to the effects of the various kinds of dreams If one dreams that grass has grown all over his body excepting on the navel, or that pieces of bell metal have been pasted on the head, or that his head is clean shaven, or that he is naked or that he has put on poor clothings or that he has fallen down from a height, or that he is besmeared with mud or oil, or that he is collecting molten iron, or sees the carcass of horses, red flowers, red trees, red halos, or that he is riding on a boar, bear, donkey or a camel, or that he iseating cooked flesh, oil or kichari (rice and pulse cooked together), or sees dancing, merry making marriage, hears songs, etc., or the playing of musical instruments other than the Vina or the guitar, or that he is plunging himself in the source of a river, or that he is bathing after rubbing himself in waters dirty with cowdung, or that he is bathing in muddled water, or that he is in his mother's womb, or that he is on a burning pole, or that the banner set up in honour of Indra has fallen, or the fall of the Sun and the Moon, or the various ills that arise in the Celestial, Intermediate or Terrestrial regions, or that the gods, the twice-born, the king or the preceptor are angry, or that he is embracing virgins, or the males committing unnatural offence, or that he has lost a limb of his body, or that he is besmeared with vomit or stool, or that he is going towards the south, or that is laid up with some disease, or that the fruits and flowers are on the decline, or that the houses have tumbled down, or the houses are being swept, or that he is playing with demons, monkeys, bears or men, or that he is discarded by his enemies, the sight of one wearing gerua (red) cloth, or that he is drinking oil or bathing in it, or that he is wearing red garlands, or his body is besmeared with red paste are all unlucky signs. It is always good to tell such bad dreams to other people. Also it is advisable to go to sleep again after seeing such dreams—2-15
242.3
cūrṇanaṃ mūrdhni kāṃsyānāṃ muṇḍanaṃ nagnatā tathā
malināmbaradhāritvamabhyaṅgaḥ paṅkadigdhatā
242.4
uccātprapatanaṃ caiva dolārohaṇameva ca
arjanaṃ paṅkalohānāṃ hayānāmapi māraṇam
242.5
raktapuṣpadrumāṇāṃ ca maṇḍalasya tathaiva ca
varāharkṣakharoṣṭrāṇāṃ tathā cā''rohaṇakriyā
242.6
bhakṣaṇaṃ pakṣimatsyānāṃ tailasya kṛsarasya ca
nartanaṃ hasanaṃ caiva vivāho gītameva ca
242.7
tantrīvādyavihīnānāṃ vādyānāmabhivādanam
srato'vagāhagamanaṃ snānaṃ gomayavāriṇā
242.8
paṅkodakena ca tathā mahītoyena cāpyatha
mātuḥ praveśo jaṭhare citārohaṇameva ca
242.9
śakradhvajābhipatanaṃ patanaṃ śaśisūryayoḥ
divyāntarikṣabhaumānāmutpātānāṃ ca darśanam
242.10
devadvijātibhūpālagurūṇāṃ krodha eva ca
āliṅganaṃ kumārīṇāṃ puruṣāṇāṃ ca maithunam
242.11
hāniścaiva svagātrāṇāṃ virekavamanakriyā
dakṣiṇāśābhigamanaṃ vyādhinā'bhibhavastathā
242.12
phalāpahāniśca tathā puṣpahānistathaiva ca
gṛhāṇāṃ caiva pātaśca gṛhasaṃmārjanaṃ tathā
242.13
krīḍā piśācakravyādavānararkṣanarairapi
parādabhibhavaścaiva tasmācca vyasanodbhavaḥ
242.14
kāṣāyavastradhāritvaṃ tadvatstrīkrīḍanaṃ tathā
snehapānāvagāhau ca raktamālyānulepanam
242.15
evamādīni cānyāni duḥsvapnāni vinirdiśet
eṣāṃ saṃkathanaṃ dhanyaṃ bhūyaḥ prasvāpanaṃ tathā
242.16
kalkasnānaṃ tilairhomo brāhmaṇānāṃ ca pūjanam
stutiśca vāsudevasya tathā tasyaiva pūjanam
By bathing after rubbing over his body some grain paste, performing a sacrifice with sesamums, or worshipping the Brâhmaṇas, worshipping Viṣṇu, and by listening to the story of the liberation of the elephant by the Lord (Gajamoksan) the evil effects of bad dreams are driven away. A dream dreamt in the first part of the night gives its fruit in the first year, if it is dreamt in the second part of the night it gives its fruit in six months, if it occurs in the third part of the night it gives fruit in three months and if it comes in the fourth part of the night, it undoubtedly gives its fruit within a month—16-18
242.17
nāgendramokṣaśravaṇaṃ jñeyaṃ duḥsvapnanāśanam
svapnāstu prathame yāme saṃvatsaravipākinaḥ
242.18
ṣaḍbhirmāsairdvitīye tu tribhirmāsaistṛtīyake
caturthe māsamātreṇa paśyato nātra saṃśayaḥ
242.19
aruṇodayavelāyāṃ daśāhena phalaṃ bhavet
ekasyāṃ yadi vā rātrau śubhaṃ vā yadi vā'śubham
If one gets a dream just before sunrise, it gives fruit within ten days If one gets a couple of dreams in the night, the last one bears fruit consequently one should not go to sleep after he has dreamt a good dream—19 20
242.20
paścāddṛṣṭastu yastatra tasya pākaṃ vinirdiśet
tasmācchobhanake svapne paścātsvapno na paśyati
242.21
śailaprāsādanāgāśvavṛṣabhārohaṇaṃ hitam
drumāṇāṃ śvetapuṣpāṇāṃ gamane ca tathā dvija
242.22
drumatṛṇodbhavo nābhau tathaiva bahubāhutā
tathaiva bahuśīrṣatvaṃ phalitodbhava eva ca
242.23
suśuklamālyadhāritvaṃ suśuklāmbaradhāritā
candrārkatārāgrahaṇaṃ parimārjanameva ca
242.24
śakradhvajāliṅganaṃ ca taducchrāyakriyā tathā
bhūmyambudhīnāṃ grasanaṃ śatrūṇāṃ ca vadhakriyā
242.24.p1
jayo vivāde dyūte ca saṅgrāme ca tathā dvija
bhakṣaṇaṃ cā''rdramāṃsānāṃ matsyānāṃ pāyasasya ca
242.26
darśanaṃ rudhirasyāpi snānaṃ vā rudhireṇa ca
surārudhiramadyānāṃ pānaṃ kṣīrasya cātha vā
242.27
antrairvā veṣṭanaṃ bhūmau nirmalaṃ gaganaṃ tathā
mukhena dohanaṃ śastaṃ mahiṣīṇāṃ tathā gavām
242.28
siṃhīnāṃ hastinīnāṃ ca vaḍavānāṃ tathaiva ca
prasādo devaviprebhyo gurubhyaśca tathā śubhaḥ
242.29
ambhasā tvabhiṣekastu gavāṃ śṛṅgasrutena vā
candrādbhraṣṭena vā rājañjñeyo rājyaprado hi saḥ
242.30
rājyābhiṣekaśca tathā chedanaṃ śirasastathā
maraṇaṃ vahnidāhaśca vahnidāho gṛhādiṣu
242.31
labdhiśca rājyaliṅgānāṃ tantrīvādyābhivādanam
tathodakānāṃ taraṇaṃ tathā viṣamalaṅghanam
242.32
hastinīvaḍavānāṃ ca gavāṃ ca prasavo gṛhe
ārohaṇamathāśvānāṃ rodanaṃ ca tathā śubham
242.33
varastrīṇāṃ tathā lābhastathā''liṅganameva ca
nigaḍairbandhanaṃ dhanyaṃ tathā viṣṭhānulepanam
242.34
jīvatāṃ bhūmipālānāṃ suhṛdāmapi darśanam
darśanaṃ devatānāṃ ca vimalānāṃ tathā'mbhasām
242.35
śubhānyathaitāni narastu dṛṣṭvā prāpnotyayatnāddhruvamarthalābham
svapnāni vai dharmabhṛtāṃ variṣṭha vyādhervimokṣaṃ ca tathā''turo'pi
One who sees such dreams readily gets wealth without any effort and if a sick person gets such dreams he is sure to be cured ere long—35
242.35.p1
iti śrīmātsye mahāpurāṇe yātrānimitte svapnādhyāyo nāma dvicatvāriṃśadadhikadviśatatamo'dhyāyaḥ
Translations (1)
- The Matsya Puranam — A Taluqdar of Oudh 1916, English
Other recensions (1)
- Matsyapurāṇa (a volunteers' transcription (edition not named; its verse numbers often run ahead)) — Sanskrit
Linked texts (5)
- Agnipurāṇa — Vyāsa, Sanskrit
- Adbhutasāgara — Ballālasena & Lakṣmaṇasena, Sanskrit
- Kāmikāgama — Sanskrit
- Kāmikāgama (another edition) — Sanskrit
- Matsya — Sanskrit
Discussed in (1)
- History of Dharmaśāstra (Ancient and Mediaeval Religious and Civil Law in India) — Kane 1930, English