Matsya Purana 263: adhyāyaḥ 263
Matsyapurāṇa 263
- Language
- Sanskrit
adhyāyaḥ 263
263.1
liṅgalakṣaṇavarṇanam.
263.2
sūta uvāca.
athātaḥ saṃpravakṣyāmi liṅgalakṣaṇamuttamam.
susnigdhañca suvarṇañca liṅgaṃ kuryādvicakṣaṇaḥ .. 263.1
263.3
prāsādasya pramāṇena liṅgamānaṃ vidhīyate.
liṅgamānena vā vidyāt prāsādaṃ śubhalakṣaṇam.. 263.2
263.4
caturasre same gartte brahmasūtraṃ nipātayet.
vāmena brahmasūtrasya arccā vā liṅgameva ca .. 263.3
263.5
prāguttareṇa līnantu dakṣiṇā parayā śritam.
purasyāparadigbhāge pūrvadvāraṃ prakalpayet .. 263.4
263.6
pūrveṇa cāparaṃ dvāraṃ māhendraṃ dakṣiṇottaram.
dvāraṃ vibhajya pūrvantu ekāviṃśati bhāgikam .. 263.5
263.7
tato madhyagataṃ jñātvā brahmasūtraṃ prakalpayet.
tasyārddhantu tridhā kṛtvā bhāgañcottaratastyajet .. 263.6
263.8
evaṃ dakṣiṇatastyaktvā brahmasthānaṃ prakalpayet.
bhāgārddhena tu yalliṅgaṃ kāryantadiha śasyate .. 263.7
263.9
pañcabhāgavibhakte vā tribhāge jyaiṣṭhyamucyate.
bhājite navadhā garbhe mādhyamaṃ pāñcabhāgikam .. 263.8
263.10
ekasminneva navadhā garbhe liṅgāni kārayet.
samasūtraṃ vibhajyātha navadhā garbhabhājitam .. 263.9
263.11
jyeṣṭhamarddhaṃ kanīyo'rdhaṃ tathā madhyama madhyamam.
evaṃ garbhaḥ samākhyātastribhirbhāgairvibhājayet .. 263.10
263.12
jyeṣṭhantu trividhaṃ jñeyaṃ madhyamantrividhantathā.
kanīyaṃ trividhaṃ tadvat liṅgabhedā navaiva tu .. 263.11
263.13
nābhyardhamaṣṭabhāgena vibhajyātha samaṃ budhaiḥ.
bhāgatrayaṃ parityajya viṣkambhañcaturasrakam .. 263.12
263.14
aṣṭāsraṃ madhyamaṃ jñeyaṃ bhāgaṃ liṅgasya vai dhruvam.
vikīrṇe cettato gṛhya koṇābhyāṃ lāñchayed budhaḥ .. 263.13
263.15
aṣṭāsraṃ kārayettadvadūrdhvamapyevameva tu.
ṣor̤aśāstrīkṛtaṃ paścādvartulaṃ kārayettataḥ .. 263.14
263.16
āyāmā tasya devasya nābhyāṃ vai kuṇḍalīkṛtam.
māheśvaraṃ tribhāgantu ūrdhvavṛttaṃ tvavasthitam .. 263.15
263.17
adhastād brahmabhāgastu caturasro vidhīyate.
aṣṭāsro vaiṣṇavo bhāgo madhyastasya udāhṛtaḥ .. 263.16
263.18
evaṃ pramāṇasaṃyuktaṃ liṅgavṛddhipradambhavet.
tathānyadapi vakṣyāmi garbhamānaṃ pramāṇataḥ .. 263.17
263.19
garbhamānapramāṇena yalliṅgamucitaṃ bhavet.
caturdhā tadvibhajyātha viṣkumbhantu prakalpayet .. 263.18
263.20
devatāyatane sūtraṃ bhāgatrayavikalpitam.
adhastāccaturasrantu aṣṭāsraṃ madhyabhāgataḥ .. 263.19
263.21
pūjyabhāgastato'rddhantu nābhibhāgastathocyate.
āyāme yadbhavetsūtraṃ nāhasya caturasrake .. 263.20
263.22
caturasrārddhaṃ parityajya aṣṭāsrasyatu yad bhavet.
tasyāpyarddhaṃ parityajya tato vṛttantu kārayet .. 263.21
263.23
śiraḥ pradakṣiṇaṃ tasya saṃkṣiptaṃ mūlato nyaset.
jyeṣṭhapūjyaṃ bhavelliṅgamadhastādvipulañca yat .. 263.22
263.24
śirasā ca sadā nimnaṃ manojñaṃ lakṣaṇānvitam.
saumyantu dṛśyate liṅgantadvai vṛddhipradaṃ bhavet .. 263.23
263.25
atha mūle ca madhye tu pramāṇe sarvataḥ samam.
evamvidhantu yalliṅgaṃ bhavettatsārvakāmikam .. 263.24
263.26
anyathā yadbhavelliṅgaṃ tadasat saṃpracakṣate.
evaṃ ratnamayaṃ kuryāt sphāṭikaṃ pārthivaṃ tathā .. 263.25
śubhaṃ dārumayañcāpi yadvā manasi rocate ..
Linked texts (1)
- Matsya — Sanskrit