Pramāṇa · Search · About · API

Matsya Purana 271: adhyāyaḥ 271

Matsyapurāṇa 271

Language
Sanskrit

adhyāyaḥ 271

271.1

kalau bhāvinṛpānvayavarṇanam.

271.2

ṛṣaya ūcuḥ.
pūrorvaṃśastvayā sūta! sabhaviṣyo niveditaḥ.
sūrya vaṃśe nṛpāye tu bhaviṣyanti hi tān vada .. 271.1

271.3

tathaiva yādave vaṃśe rājānaḥ kīrtivardhanāḥ.
kalau yuge bhaviṣyanti tānapīha vadasva naḥ .. 271.2

271.4

vaṃśānte jñātayo yāśca rājyaṃ prāpsyanti suvratāḥ.
brūhi saṃkṣepatastāsāṃ yathā bhāvyamanukramāt .. 271.3

271.5

sūta uvāca.
bṛhad balasya dāyādo vīro rājā hyurukṣayaḥ.
urukṣayasutaścāpi vatsa droho mahāyaśāḥ .. 271.4

271.6

vatsadrohāt prativyomastasya putro divākaraḥ.
tasyaiva madhyadeśe tu ayodhyā nagarī śubhā .. 271.5

271.7

divākarasya bhavitā sahadevo mahāyaśāḥ.
sahadevācca bhavitā dhruvāśvo vai mahāmanāḥ .. 271.6

271.8

tasya bhāvyo mahābhāgaḥ pratīpāśvaśca tatsutaḥ.
pratīpāśvasutaścāpi supratīpo bhaviṣyati .. 271.7

271.9

marudevaḥ sutastasya sunakṣatrastato'bhavat.
kinnarāśvaḥ sunakṣatrād bhaviṣyati parantapaḥ .. 271.8

271.10

kinnarāśvādantarikṣo bhaviṣyati mahāmanāḥ .
suṣeṇaścāntarikṣācca sumitraścāpyamitrajit .. 271.9

271.11

sumitrajo bṛhadrājaḥ bṛhadrājasya vīryavān .
putra kṛtañjayo nāma dhārmikaśca bhaviṣyati .. 271.10

271.12

kṛtañjayasuto vidvān bhaviṣyati raṇe jayaḥ.
bhavitā sañjayaścāpi vīro rājā raṇe jayāt .. 271.11

271.13

sañjayasya sutaḥ śākyaḥ śākyācchuddhaudano nṛpaḥ.
śuddhaudanasya bhavitā siddhārthaḥ puṣkalaḥ sutaḥ .. 271.12

271.14

prasenajit tato bhāvyaḥ kṣudrako bhavitā tataḥ.
kṣudrakāt kulako bhāvyaḥ kulakāt surathaḥ smṛtaḥ .. 271.13

271.15

sumitrasurathājjāto anyastu bhavitā nṛpaḥ.
etecaikṣvākavaḥ proktā bhaviṣyā ye kalau yuge .. 271.14

271.16

bṛhadvalānvavāye tu bhaviṣyāḥ kulavarddhanāḥ.
atrānuvaṃśaśloko'yaṃ viprairgītaḥ purātanaiḥ .. 271.15

271.17

ikṣvākūṇāmayaṃ vaṃśaḥ sumitrānto bhaviṣyati.
sumitraṃ prāpya rājānaṃ saṃsthāṃ prāpsyati vai kalau .. 271.16

271.18

ityevaṃ mānavo vaṃśaḥ prāgeva samudāhṛtaḥ.
ata ūrdhvaṃ pravakṣyāmi māgadhā ye bṛhadrathāḥ .. 271.17

271.19

pūrveṇa ye jarāsandhāt sahadevānvaye nṛpāḥ.
atītā varttamānāśca bhaviṣyāṃśca nibodhata .. 271.18

271.20

saṃgrāme bhārate vṛtte sahadeve nipātite.
somādhistasya dāyādo rājā'bhūt sagirivraje .. 271.19

271.21

pañcāśataṃ tatāṣṭau ca samā rājyamakārayat.
śrutaśravāḥ catuḥṣaṣṭiṃ samāstasyānvaye'bhavat .. 271.20

271.22

apratīpī ca ṣaṭtriṃśat samā rājyamakārayat.
catvāriṃśat samāstasya niramitro divaṅgataḥ .. 271.21

271.23

pañcāśataṃ samāḥ ṣaṭ ca surakṣaḥ prāptavān mahīm.
bṛhat karmā trayoviṃśadabdaṃ rājyamakārayat .. 271.22

271.24

senājit samprayātaśca bhuktvā pañcaśataṃ mahīm.
śrutañjayastu varṣāṇi catvāriṃśad bhaviṣyati .. 271.23

271.25

aṣṭāviṃśati varṣāṇi mahīṃ prāpsyati vai vibhuḥ.
aṣṭapañcāśataṃ ṣaṭ ca rājye sthāsyati vai śuciḥ .. 271.24

271.26

aṣṭāviṃśat samā rājā kṣemo bhokṣyati vai mahīm.
anuvrataścatuḥṣaṣṭi rājyaṃ prāpsyati vīryavān .. 271.25

271.27

pañcatriṃśativarṣāṇi sunetro bhokṣyate mahīm.
bhokṣyate nirvṛtiścemāmaṣṭapañcāśataṃ samāḥ .. 271.26

271.28

aṣṭāviṃśat samārājyaṃ trinetro bhokṣyate tataḥ.
catvāriṃśattathāṣṭau ca dyumatseno bhaviṣyati .. 271.27

271.29

trayastriṃśattu varṣāṇi mahīnetraḥ prakāśyate.
dvātriṃśattu samā rājā hyacalastu bhaviṣyati .. 271.28

271.30

ripuñjayastu varṣāṇi pañcāśat prāpsyate mahīm.
dvātriṃśati nṛpāhyete bhavitāro bṛhadrathāḥ .. 271.29

271.31

pūrṇaṃ varṣasahasrantu teṣāṃ rājyaṃ bhaviṣyati.
jayatāṃ kṣatriyāṇāñca bālakaḥ pulako bhavet .. 271.30

Linked texts (4)

Discussed in (5)