Pramāṇa · Search · About · API

Matsya Purana 276: adhyāyaḥ 276

Matsyapurāṇa 276

Language
Sanskrit

adhyāyaḥ 276

276.1

brahmāṇḍamahādānavidhivarṇanam.

276.2

matsya uvāca.
athātaḥ sampravakṣyāmi brahmāṇḍavidhimuttamam.
yacchreṣṭhaṃ sarvadānānāṃ mahāpātakanāśanam .. 276.1

276.3

puṇyaṃ dinamathāsādya tulā puruṣa dānavat.
ṛtvigmaṇḍapasambhāra bhūṣaṇācchādanādikam .. 276.2

276.4

lokeśāvāhanaṃ kuryyādadhivāsanakaṃ tathā.
kuryyādviṃśapalādūrdhvamāsahasrācca śaktitaḥ .. 276.3

276.5

kalaśadvayasaṃyuktaṃ brahmāṇḍaṃ kāñcanaṃ budhaḥ.
diggajāṣṭakasaṃyuktaṃ ṣaḍvedāṅga samanvitam .. 276.4

276.6

lokapālāṣṭakopetaṃ madhyasthita caturmukham.
śivācyutārkaśikharamumā lakṣmī samanvitam .. 276.5

276.7

vasvādityamarudgarbhaṃ mahāratnasamanvitam.
vitasteraṃ gulaśataṃ yāvadāyāma vistaram .. 276.6

276.8

kauśeyavastrasamvītaṃ tiladroṇopari nyaset.
tathāṣṭādaśa dhānyāni samantāt parikalpayet .. 276.7

276.9

pūrveṇānantaśayanaṃ pradyumnaṃ pūrvadakṣiṇe.
prakṛtiṃ dakṣiṇe deśe saṅkarṣaṇamataḥ param .. 276.8

276.10

paścime caturo vedānaniruddhamataḥ param.
agnimuttarato haimaṃ vāsudevamataḥ param .. 276.9

276.11

samantād gur̤apīṭhasthānarcayet kāñcanān budhaḥ.
sthāpayedvastrasamvītān pūrṇakumbhān daśaiva tu .. 276.10

276.12

daśaiva dhenavo deyāḥ sahaivāmbaradohanāḥ.
pādukopānahacchatra cāmarāsanadarpaṇaiḥ.
bhakṣyabhojyānnadī pekṣu phalamālyānulepanaiḥ .. 276.11

276.13

homādhivāsanānte ca snāpito vedapuṅgavaiḥ.
imamuccārayenmantraṃ triḥ kṛtvātha pradakṣiṇam .. 276.12

276.14

namo'stu viśveśvara! viśvadhāma! jagatsavitre bhagavannamaste.
saptarṣilokāmarabhūtaleśa! garbheṇa sārdhaṃ vitarābhirakṣām .. 276.13

276.15

ye duḥkhitāste sukhino bhavantu prayāntu pāpāni carācarāṇām.
tvaddānaśastrāhatapātakānāṃ brahmāṇḍadoṣaḥ pralayaṃ vrajantu .. 276.14

276.16

evaṃ praṇamyāmaraviśvagarbhaṃ dadyād dvijebhyo daśadhā vibhajya.
bhāgadvayaṃ tatra guro prakalpya samaṃ bhajeccheṣamanukrameṇa .. 276.15

276.17

svalpe ca homaṃ gurureka eva kuryyādathaikāgnividhānayuktyā.
sa eva sampūjyatamo'lpavitte yatoktavastrābharaṇādikena .. 276.16

276.18

itthaṃ ya etadakhilaṃ puruṣo'tra kuryyād brahmāṇḍadānamadhigamya mahadvimānam.
nirdhūtakalmaṣaviśuddhatanurmurāre rānandakṛtpadamupaiti sahāpsarobhiḥ .. 276.17

276.19

santārayet pitṛpitāmahaputrapautra bandhupriyātithi kalatra śatāṣṭakaṃ saḥ.
brahmāṇḍadānaśakalīkṛtapātakaughamānandayecca jananīkulamapyaśeṣam .. 276.18

276.20

iti paṭhati śruṇoti vā ya etat surabhavaneṣu gṛheṣu dhārmikāṇām.
matimapi ca dadāti modate'sāvamarapaterbhavane sahāpsarobhiḥ .. 276.19

Linked texts (8)