Pramāṇa · Search · About · API

Matsya Purana 280: adhyāyaḥ 280

Matsyapurāṇa 280

Language
Sanskrit

adhyāyaḥ 280

280.1

hiraṇyāśvamahādānavidhivarṇanam.

280.2

matsya uvāca.

280.3

athāta saṃpravakṣyāmi hiraṇyāśvavidhiṃ param.
yasya pradānād bhuvane cānantyaṃ phalamaśnute .. 280.1

280.4

puṇyāṃ tithimathāsādya kṛtvā brāhmaṇavācanam.
lokeśāvāhanaṃ kuryāt tulā puruṣadānavat .. 280.2

280.5

ṛtvikmaṇḍapasambhāra bhūṣaṇācchādanādikam.
svalpe tvekāgnivat kuryāddhemavāji makhambudhaḥ .. 280.3

280.6

sthāpayedvedimadhye tu kṛṣṇājina tilopari.
kauśeyavastrasamvītaṃ kārayet hema vājinam .. 280.4

280.7

śaktitastripalādūrdhvamāsahasrapalād budhaḥ.
pādukopānahacchatra cāmarāsanabhājanaiḥ .. 280.5

280.8

pūrṇakumbhāṣṭakopetaṃ mālyekṣu-phalasaṃyutam.
śayyāṃ sopaskarāṃ tadvat hemamārtaṇḍasaṃyutām .. 280.6

280.9

tataḥ sarvauṣadhī snāna snāpito dvijapuṅgavaiḥ.
imamuccārayen mantraṃ gṛhīta kusumāñjaliḥ .. 280.7

280.10

namaste sarvadeveśa vedāharaṇalampaṭa!.
vājirūpeṇa māmasmāt pāhi saṃsārasāgarāt .. 280.8

280.11

tvameva saptadhā bhūtvā chandorūpeṇa bhāskara!.
yasmād bhāsayase lokānataḥ pāhi sanātana! .. 280.9

280.12

evamuccārya gurave tamaśvaṃ vinivedayet.
datvā pāpakṣayād bhānoḥ lokamabhyeti śāśvatam .. 280.10

280.13

gobhirvibhavataḥ sarvānnṛtvijaścāpi pūjayet.
sarvadhānyopakaraṇaṃ gurave vinivedayet .. 280.11

280.14

sarvaṃ śayyādikaṃ datvā bhuñjītā tailameva hi.
purāṇaśravaṇaṃ tadvat kārayed bhojanādikam .. 280.12

280.15

imaṃ hiraṇyāśvavidhiṃ karoti yaḥ saṃpūjyamāno divi devasaṅghaiḥ.
vimuktapāpaḥ sa puraṃ murāreḥ prāpnoti siddhairabhipūjitaḥ san .. 280.13

280.16

iti paṭhati ya etadvemavājipradānaṃ sakalakaluṣamuktaḥ so'śvamedhena yuktaḥ.
kanakamayavimānenārkalokaṃ prayāti tridaśapativadhūbhiḥ pūjyate yo'bhipaśyet .. 280.14

280.17

yo vā śrṛṇoti puruṣo'lpadhanaḥ smaredvā hemāśvadānamabhinandayatīha loke.
so'pi prayāti hatakalmaṣaśuddhadehaḥ sthānaṃ purandaramaheśvaradevajuṣṭam .. 280.15

Linked texts (7)

Discussed in (2)