Matsya Purana 282: adhyāyaḥ 282
Matsyapurāṇa 282
- Language
- Sanskrit
adhyāyaḥ 282
282.1
hemahastimahādānavidhivarṇanam.
282.2
matsya uvāca.
athātaḥ saṃpravakṣyāmi hemahastirathaṃ śubham.
yasya pradānād bhuvanaṃ vaiṣṇavaṃ yāti mānavaḥ .. 282.1
282.3
puṇyāṃ tithimathāsādya tulā puraṣa dānavat.
vipravācanakaṃ kuryāl lokeśāvāhanaṃ budhaḥ .. 282.2
282.4
ṛtvikmaṇḍapasambhāra bhūṣaṇācchādanādikam.
atrāpyupoṣitastadvad brāhmaṇaiḥ sahabhojanam.
kuryāt puṣparathākāraṃ kāñcanaṃ maṇimaṇḍitam .. 282.3
282.5
valabhībhirvicitrābhiścatuścakra samanvitam.
kṛṣṇājine tiladroṇaṃ kṛtvā saṃsthāpayet ratham .. 282.4
282.6
lokapālāṣṭakopetaṃ brahmārkaśivasaṃyutam.
madhye nārāyaṇopataṃ lakṣmīpuṣṭisamanvitam .. 282.5
282.7
tathāṣṭādaśa dhānyāni bhājanāsanacandanaiḥ.
dīpikopānahacchatra darpaṇaṃ pādukānvitam .. 282.6
282.8
dhvaje tu garur̤aṃ kuryāt kūbarāgre vināyakam.
nānāphalasāmāyuktamupariṣṭādvitānakam .. 282.7
282.9
kauśeyaṃ pañcavarṇantu amlānakusumānvitam.
caturbhiḥ kalaśaiḥ sārddhaṃ gaubhiraṣṭābhiranvitam .. 282.8
282.10
caturbhirhemamātaṅgaiḥ muktādāma vibhūṣitaiḥ.
svarūpataḥ karibhyāñca yuktaṃ kṛtvā nivedayet .. 282.9
282.11
kuryāt pañcapalādūrdhvamābhārādapi śaktitaḥ.
tathā maṅgalaśabdena snāpito vedapuṅgavaiḥ .. 282.10
282.12
triḥ pradakṣiṇamāvṛtya gṛhīta kusumāñjaliḥ.
imamuccārayenmantraṃ brāhmaṇebhyo nivedayet .. 282.11
282.13
namo namaḥ śaṅkarapadmajārka lokeśavidyādhara vāsudevaiḥ.
tvaṃ sevyase vedapurāṇayajñaiḥ tejomayasyandana pāhi tasmāt .. 282.12
282.14
yattatpadaṃ paramaguhyatamaṃ murārerhyānanda hetu guṇa rūpa vimuktamantaḥ.
yogaikamānasadṛśo munayaḥ samādhau paśyanti tattvamasi nātha rathādhirūr̤ha!.. 282.13
282.15
yasmāttvameva bhavasāgara saṃplutānāmānandabhāgamṛtamadhvagapārapatram.
tasmādaghaughaśamanena kuru prasādañcāmīkare bharatha!mādhava sampradānāt .. 282.14
282.16
itthaṃ praṇamya kanake bharatha pradānaṃ yaḥ kārayet sakalapāpavimuktadehaḥ.
vidyādharāmaramunīndragaṇābhijuṣṭaṃ prāpnotyasau padamatīndriyamindumauleḥ .. 282.15
282.17
kṛtaduritavitānaprajvaladvahnijāla vyatikarakṛtadehodvegabhājo'pi bandhūn.
nayati sa pitṛputrān bāndhavānapyaśeṣān kṛtagajarathadānācchāśvataṃ sadma viṣṇoḥ .. 282.16
Linked texts (7)
- Bhaviṣyapurāṇa — Vyāsa, Sanskrit
- Matsya — Sanskrit
- Dānasāgara — Ballālasena, Sanskrit
- Caturvargacintāmaṇi — Hemādri, Sanskrit
- Dānakalpataru — Lakṣmīdhara, Sanskrit
- Dānakhaṇḍa — Hemādri, Sanskrit
- Dānamayūkha — Nīlakaṇṭha Dīkṣita 1600, Sanskrit
Discussed in (1)
- History of Dharmaśāstra (Ancient and Mediaeval Religious and Civil Law in India) — Kane 1930, English