Mokshadharma 36
Mokṣadharma 36
- Language
- Sanskrit
Contents
- 36.11 — 2 parts
36.1
vasiṣṭha uvāca-evamapratibuddhatvādabuddhajanasevanāt
sarvakoṭisahasrāṇi patanāntāni gacchati
36.2
dhāmnā dhāmasahasrāṇi maraṇāntāni gacchati
tiryagyonimanuṣyatve devaloke tathaiva ca
36.3
candramā iva bhūtānāṃ punastatra sahasraśaḥ
līyate pratibuddhatvādevameṣa hyabuddhimān
36.4
kalā pañcadaśī yonistaddhāma pratibudhyate
nityametadvijānīhi somaṃ vai ṣoḍaśīṃ kalām
36.5
kalāyāṃ jāyate'jasraṃ punaḥ punarabuddhimān
dhāma tasyopayuñjanti bhūya evopajāyate
36.6
ṣoḍaśī tu kalā sūkṣmā sa soma upadhāryatām
na tūpayujyate devairdevānupayunakti sā
36.7
etāmakṣayayitvā hi jāyate nṛpasattama
sā hyasya prakṛtirdṛṣṭā tatkṣayānmokṣa ucyate
36.8
tadeva ṣoḍaśakalaṃ dehamavyaktasaṃjñakam
mamāyamiti manvānastatraiva parivartate
36.9
pañcaviṃśo mahānātmā tasyaivāpratibodhanāt
vimalasya viśuddhasya śuddhāśuddhaniṣevaṇāt
36.10
aśuddha eva śuddhātmā tādṛgbhavati pārthiva
avuddhasevanāccāpi buddho'pyabuddhatāṃ vrajet
36.11
tathaivāpratibuddho'pi vijñeyo nṛpasattama
prakṛtestriguṇāpāstu sevanāttriguṇo bhavet
36.11.p1
[11164]
36.11.p2
iti śrīmahābhārate śatasāhasryāṃ saṃhitāyāṃ vaiyāsikyāṃ śāntiparvaṇi mokṣadharmaparvaṇi vasiṣṭhakarālajanakasaṃvāde caturadhikatriśatatamo'dhyāyaḥ|| 304
Linked texts (1)
- Vulgate (Nīlakaṇṭha's text) — Sanskrit