Mokshadharma 4

Mokṣadharma 4

yudhiṣṭhira uvāca-bahūnāṃ yajñatapasāmekārthānāṃ pitāmaha
dharmārthaṃ na sukhārthārthaṃ kathaṃ yajñaḥ samāhitaḥ

bhīṣma uvāca—
atra te vartayiṣyāmi nāradenānukīrtitam
uñchavṛtteḥ purāvṛttaṃ yajñārthaṃ brāhmaṇasya ca

nārada uvāca—
rāṣṭre dharmottare śreṣṭhe vidarbheṣvabhavad dvijaḥ
uñchavṛttīrṛṣiḥ kaścidyaṣṭuṃ samudadhe

śyāmākamaśanaṃ tatra sūryaparṇī suvarcalā
tiktaṃ ca virasaṃ śākaṃ tapasā svādutāṃ gatam

upagamya vane śuddhiṃ sarvabhūtāvihiṃsayā
api mūlaphalairiṣṭo yajñaḥ svargyaḥ paraṃtapa

tasya bhāryā vratakṛśā śuciḥ puṣkaradhāriṇī
yajñapatnī samānītā satye nānuvidhīyate

sā tu pāpaparitrastā tatsvabhāvānuvartinī
māyūrajīrṇaparṇānāṃ vastraṃ tasyāśca varṇitam

akāmayā kṛtastatra yajño hotranuśāsanāt
śukrasya punarājñābhiḥ parṇādo nāma dharmavit

tasminvane samīpastho mṛgo'bhūtasahavāsikaḥ
vacobhirabravītsatyaṃ tvayedaṃ duṣkṛtaṃ kṛtam

yadi mantrāṅgahīno'yaṃ yajño bhavati vaikṛtaḥ
māṃ bhoḥ prakṣipa hotre tvaṃ gaccha svargamaninditaḥ

tatastu yajñe sāvitrī sākṣāttaṃ saṃyamantrayat
nimantrayantī pratyuktā na hanyāṃ sahavāsinam

evamuktā nivṛttā sā praviṣṭā yajñapāvakam
kiṃ nu duścaritaṃ yajñe didṛkṣuḥ sā rasātalam

sa tu baddhāñjaliṃ satyamayācaddhariṇaḥ punaḥ
satyena sa pariṣvajya saṃdiṣṭo gamyatāmiti

tataḥ sa hariṇo gatvā padānyaṣṭau nyavartata
sādhu hiṃsaya māṃ satya hato yāsyāmi sadgatim

paśya hyāpsaraso divyā mayā dattena cakṣuṣā
vimānāni vicitrāṇi gandharvāṇāṃ mahātmanām

tataḥ sa suciraṃ dṛṣṭvā spṛhayālena cakṣuṣā
mṛgamālokya hiṃsāyāṃ svargavāsaṃ samarthayat

sa tu dharmo mṛgo bhūtvā bahuvarṣoṣito vane
tasya niṣkṛtimādhatta na tvasau yajñasaṃvidhiḥ

tasya tenānubhāvena mṛgahiṃsātmanastadā
tapo mahatsamucchinnaṃ tasmādviṃsā na yajñiyā

tatastaṃ bhagavāndharmo yajñaṃ yājayata svayam
samādhānaṃ ca bhāryāyā lebhe sa tapasā param

ahiṃsā sakalo dharmo hiṃsādharmastathāhitaḥ
satyaṃ te'haṃ pravakṣyāmi no dharmaḥ satyavādinām

Linked texts (1)