Mokshadharma 84
Mokṣadharma 84
- Language
- Sanskrit
Contents
- 84.9 — 2 parts
84.1
[ 13607 ]
bhīṣma uvāca- āsītkila naraśreṣṭha mahāpadme purottame
gaṅgāyā dakṣiṇe tīre kaścidvipraḥ samāhitaḥ
84.2
saumyaḥ somānvaye vede gatādhvā chinnasaṃśayaḥ
dharmanityo jitakrodho nityatṛpto jitendriyaḥ
84.3
tapaḥsvādhyāyanirataḥ satyaḥ sajjanasaṃmataḥ
nyāyaprāptena vittena svena śīlena cānvitaḥ
84.4
jñātisaṃbandhivipule sattvādyāśrayasaṃmite
kule mahati vikhyāte viśiṣṭāṃ vṛttimāsthitaḥ
84.5
sa putrānbahulāndṛṣṭvā vipule karmaṇi sthitaḥ
kuladharmāśrito rājandharmacaryā''sthito'bhavat
84.6
tataḥ sa dharmaṃ vedoktaṃ tathā śāstroktameva ca
śiṣṭācīrṇaṃ ca dharmaṃ ca trividhaṃ cintya cetasā
84.7
kiṃ nu me syācchubhaṃ kṛtvā kiṃ kṛtaṃ kiṃ parāyaṇam
ityevaṃ khidyate nityaṃ na ca yāti viniścayam
84.8
tasyaivaṃ khidyamānasya dharmaṃ paramamāsthitaḥ
kadācidatithiḥ prāpto brāhmaṇaḥ susamāhitaḥ
84.9
sa tasmai satkriyāṃ cakre kriyāyuktena hetunā
viśrāntaṃ susamāsīnamidaṃ vacanamabravīt
84.9.p1
[13616]
84.9.p2
iti śrīmahābhārate śatasāhasryāṃ saṃhitāyāṃ vaiyāsikyāṃ śāntiparvaṇi mokṣadharmaparvaṇi uñchavṛttyupākhyāne tripañcāśadadhikatriśatatamo'dhyāyaḥ || 353
Linked texts (1)
- Vulgate (Nīlakaṇṭha's text) — Sanskrit