Mokshadharma 86
Mokṣadharma 86
- Language
- Sanskrit
Contents
- 86.11 — 2 parts
86.1
atithiruvāca- upadeśaṃ tu te vipra kariṣye'haṃ yathākramam
guruṇā me yathā''khyātamarthatattvaṃ tu me śṛṇu
86.2
yatra pūrvābhisarge vai dharmacakraṃ pravartitam
naimiṣe gomatītīre tatra nāgahvayaṃ puram
86.3
samagraistridaśaistatra iṣṭamāsīd dvijarṣabha
yatrendrātikramaṃ cakre māndhātā rājasattamaḥ
86.4
kṛtādhivāso dharmātmā tatra cakṣuḥśravā mahān
padmanābho mahānāgaḥ padma ityeva viśrutaḥ
86.5
sa vācā karmaṇā caiva manasā ca dvijarṣabha
prasādayati bhūtāni trividhe vartmani sthitaḥ
86.6
sāmnā bhedena dānena daṇḍeneti caturvidham
viṣamasthaṃ samasthaṃ ca cakṣurdhyānena rakṣati
86.7
tamattikramya vidhinā praṣṭumarhasi kāṅkṣitam
sa te paramakaṃ dharmaṃ na mithyā darśayiṣyati
86.8
sa hi sarvātithirnāgo buddhiśāstraviśāradaḥ
guṇairanupamairyuktaḥ samastairābhikāmikaiḥ
86.9
prakṛtyā nityasalilo nityamadhyayane rataḥ
tapodamābhyāṃ saṃyukto vṛttenānavareṇa ca
86.10
yajvā dānapatiḥ kṣānto vṛtte ca parame sthitaḥ
satyavāganasūyuśca śīlavānniyatendriyaḥ
86.11
śeṣānnabhoktā vacanānukūlo hitārjavotkṛṣṭakṛtākṛtajñaḥ
avairukrūddhatahite niyukto gaṅgāhadāmbho'bhijanopapannaḥ
86.11.p1
13643
86.11.p2
iti śrīmahābhārate śatasāhasryāṃ saṃhitāyāṃ vaiyāsikyāṃ śāntiparvaṇi mokṣadharmaparvaṇi uñchavṛttyupākhyāne pañcapañcāśadadhikatriśatatamo'dhyāyaḥ || 355
Linked texts (1)
- Vulgate (Nīlakaṇṭha's text) — Sanskrit