Mokshadharma 88
Mokṣadharma 88
- Language
- Sanskrit
88.1
bhīṣma uvāca —
sa vanāni vicitrāṇi tīrthāni ca sarāṃsi ca
abhigacchan krameṇa sma kaṃcinmunimupāsthitaḥ
88.2
taṃ sa tena yathoddiṣṭaṃ nāgaṃ vipreṇa brāhmaṇaḥ
paryapṛcchadyathānyāyaṃ śrutvaiṣa ca jagāma saḥ
88.3
so'bhigamya yathānyāyaṃ nāgāyatanamarthavit
proktavānahamasmīti bhoḥ śabddhālaṃkṛtaṃ vacaḥ
88.4
tattasya vacanaṃ śrutvā rūpiṇī dharmavatsalā
darśayāmāsa taṃ vipraṃ nāgapatnī pativratā
88.5
sā tasmai vidhivatpūjāṃ cakre dharmaparāyaṇā
svāgatenāgataṃ kṛtvā kiṃ karomīti cābravīt
88.6
brāhmaṇa uvāca-viśrānto'bhyarcitaścāsmi bhavatyā ślakṣṇayā girā
draṣṭumicchāmi bhavati devaṃ nāgamanuttamam
88.7
etaddhi paramaṃ kāryametanme paramepsitam
anena cārthenāsmyadya saṃprāptaḥ pannagāśramam
88.8
nāgabhāryovāca- āryaḥ sūryarathaṃ voḍhuṃ gato'sau māsacārikaḥ
saptāṣṭābhirdinairvipra darśayiṣyatyasaṃśayam
88.9
etadviditamāryasya vivāsakaraṇaṃ tava
bharturbhavatu kiṃ cānyatkriyatāṃ tadvadasva me
88.10
brāhmaṇa uvāca-anena niścayenāhaṃ sādhvi saṃprāptavāniha
pratīkṣannāgamaṃ devi vatsyāmyasminmahāvane
88.11
saṃprāptasyaiva vācyastvamavācyo'hamiyāgataḥ
mamābhigamanaṃ prāpto vācyaśca vacanaṃ tvayā
88.12
ahamapyatra vatsyāmi gomatyāḥ puline śubhe
kālaṃ parimitāhāro yathoktaṃ paripālayan
88.13
tataḥ sa viprastāṃ nāgoṃ samādhāya punaḥ punaḥ
tadeva pulinaṃ nadyāḥ prayayau brāhmaṇarṣabhaḥ
Linked texts (1)
- Vulgate (Nīlakaṇṭha's text) — Sanskrit