Mokshadharma 89
Mokṣadharma 89
- Language
- Sanskrit
89.1
[13667]
bhīṣma uvāca-atha tena naraśreṣṭha brāhmaṇena tapasvinā
nirāhāreṇa vasatā duḥkhitāste bhujaṃgamāḥ
89.2
sarve sambhūya sahitā hyasya nāgasya bāndhavāḥ
bhrātarastanayā bhāryā yayustaṃ brāhmaṇaṃ prati
89.3
te'paśyanpuline taṃ vai vivikte niyatavratam
samāsīnaṃ nirāhāraṃ dvijaṃ japyaparāyaṇam
89.4
te sarve samatikramya vipramabhyarcya cāsakṛt
ucurvākyama saṃdigdhamātitheyasya bāndhavāḥ
89.5
ṣaṣṭho hi divasaste'dya prāptasyeha tapodhana
na cābhibhāṣase kiṃcidāhāraṃ dharmavatsala
89.6
asmānabhigataścāsi vayaṃ ca tvāmupasthitāḥ
kāryaṃ cātithyamasmābhirvayaṃ sarve kuṭumbinaḥ
89.7
mūlaṃ phalaṃ vā parṇaṃ vā payo vā dvijasattama
āhārahetorannaṃ vā bhoktumarhasi brāhmaṇa
89.8
tyaktāhāreṇa bhavatā vane nivasatā tvayā
bālavṛddhamidaṃ sarvaṃ pīḍyate dharmasaṃkarāt
89.9
na hi no bhrūṇahā kaścijjātāpahyanṛto'pi vā
pūrvāśī vā kule hyasmin devatātathivandhuṣu
89.10
brāhmaṇa uvāca- upadeśena yuṣmākamāhāro'yaṃ kṛto mayā
dvitraṃ daśarātraṃ vai nāgasyāgamanaṃ prati
89.11
yadyaṣṭarātre'tikrānte nāgamiṣyati pannagaḥ
tadā''hāraṃ kariṣyāmi tannimittamidaṃ vratam
89.12
kartavyo na ca saṃtāpo gamyatāṃ ca yathāgatam
tannimittamidaṃ sarvaṃ naitaddhettumihārhatha
89.13
te tena samanujñātā brāhmaṇena bhujaṃgamāḥ
svameva bhavanaṃ jagmurakṛtārthā nararṣabha
Linked texts (1)
- Vulgate (Nīlakaṇṭha's text) — Sanskrit