Mokshadharma 90
Mokṣadharma 90
- Language
- Sanskrit
Contents
- 90.16 — 2 parts
90.1
[13680]
bhīṣma uvāca- atha kāle bahutithe pūrṇe prāpto bhujaṃgamaḥ
dattābhyanujñaḥ svaṃ veśma kṛtakarmā vivasvatā
90.2
taṃ bhāryā'bhyupacakrāma pādaśaucādibhirguṇaiḥ
upapannāṃ ca tāṃ sādhvīṃ pannagaḥ paryapṛcchata
90.3
atha tvamasi kalyāṇi devatātithipūjane
pūrvamuktena vidhinā yuktiyuktena tatsamam
90.4
na khalvasya kṛtārthena strībuddhyā mārdavīkṛtā
madviyogena suśroṇi vimuktā dharmasetunā
90.5
nāgabhāryovāca- śiṣyāṇāṃ guruśuśrūṣā viprāṇāṃ vedadhāraṇam
bhṛtyānāṃ svāmivacanaṃ rājño lokānupālanam
90.6
sarvabhūtaparitrāṇaṃ kṣatradharma ihocyate
vaiśyānāṃ yajñasaṃvṛttirātitheyasamanvitā
90.7
viprakṣatriyavaiśyānāṃ śuśrūṣā śūdrakarma tat
gṛhasthadharmo nāgendra sarvabhūtahitaiṣitā
90.8
niyatāhāratā nityaṃ vratacaryā yathākramam
dharmo hi dharmasambandhādindriyāṇāṃ viśeṣataḥ
90.9
ahaṃ kasya kuto vā'pi kaḥ ko me ha bhavediti
prayojanamatirnityamevaṃ mokṣāśrame vaset
90.10
pativratātvaṃ bhāryāyāḥ paramo dharma ucyate
tvavopadeśānnāgendra tacca tattvena vedmi vai
90.11
sā'haṃ dharmaṃ vijānantī dharmanitye tvayi sthite
satpathaṃ kathamutsṛjya yāsyāmi vipathaṃ pathaḥ
90.12
devatānāṃ mahābhāga dharmacaryā na hīyate
atithīnāṃ ca satkāre nityayuktā'smyatandritā
90.13
saptāṣṭadivasāstvadya viprasyehāgatasya vai
tacca kāryaṃ na me khyāti darśanaṃ tava kāṅkṣati
90.14
gomatyāstveṣa puline tvaddarśanasamutsukaḥ
āsīno vartayanbrahma brāhmaṇaḥ saṃśitavrataḥ
90.15
ahaṃ tvanena nāgendra satyapūrvaṃ samāhitā
prasthāpyo matsakāśaṃ sa saṃprāpto bhujagottamaḥ
90.16
etacchrutvā mahāprājña tatra gantuṃ tvamarhasi
dātumarhasi vā tasya darśanaṃ darśanaśravaḥ
90.16.p1
[13696]
90.16.p2
iti śrīmahābhārate śatasāhasryāṃ saṃhitāyāṃ vaiyāsikyāṃ śāntiparvaṇi mokṣadharmaparvaṇi uñchavṛttyupākhyāne ekonaṣaṣṭyadhikatriśatatamo'dhyāyaḥ || 359
Linked texts (1)
- Vulgate (Nīlakaṇṭha's text) — Sanskrit