Mokshadharma 94
Mokṣadharma 94
- Language
- Sanskrit
Contents
- 94.6 — 2 parts
94.1
sūrya uvāca - naiṣa devo'nilasakho nāsuro na ca pannagaḥ
uñchavṛttivrate siddho munireṣa divaṃ gataḥ
94.2
eṣa mūlaphalāhāraḥ śīrṇaparṇāśanastathā
abbhakṣo vāyubhakṣaśca āsīdvipraḥ samāhitaḥ
94.3
bhavaścānena vipreṇa saṃhitābhirabhiṣṭutaḥ
svargadvāre kṛtoyogo yenāsau tridivaṃ gataḥ
94.4
asaṃgatiranākāṅkṣī nityamuñchaśilāśanaḥ
sarvabhūtahite yukta eṣa vipro bhujaṃgamaḥ
94.5
na hi devā na gandharvā nāsurā na ca pannagāḥ
prabhavantīha bhūtānāṃ prāptānāmuttamāṃ gatim
94.6
etadevaṃvidhaṃ dṛṣṭvāścaryaṃ tanna me dvija
saṃsiddho mānuṣaḥ kāmaṃ yo'sau siddhagatiṃ gataḥ
sūryeṇa sahito brahmanpṛthivīṃ parivartate
94.6.p1
[11753]
94.6.p2
iti śrīmahābhārate śatasāhasryāṃ saṃhitāyāṃ vaiyāsikyāṃ śāntiparvaṇi mokṣadharmaparvaṇi uñchavṛttyupākhyāne tripaṣṭyadhikatriśatatamo'dhyāyaḥ || 363
Linked texts (1)
- Vulgate (Nīlakaṇṭha's text) — Sanskrit