Mokshadharma 95
Mokṣadharma 95
- Language
- Sanskrit
Contents
- 95.10 — 2 parts
95.1
brāhmaṇa uvāca - āścarya nātra saṃdehaḥ suprīto'smi bhujaṃgama
anvarthopagatairvākyaiḥ panthānaṃ cāsmi darśitaḥ
95.2
svasti te'stu gamiṣyāmi sādho bhujagasattama
smaraṇīyo'smi bhavatā saṃpreṣaṇaniyojanaiḥ
95.3
nāga uvāca - anuktvā hṛdgataṃ kāryaṃ kedānīṃ prasthito bhavān
ucyatāṃ dvija yatkāryaṃ yadarthaṃ tvamihāgataḥ
95.4
uktānurukte kṛte kārye māmāmanya dvijarṣabha
mayā pratyabhyanujñātastato yāsyasi suvrata
95.5
na hi māṃ kevalaṃ dṛṣṭvā tyaktvā praṇayavāniha
gantumarhasi viprarṣe vṛkṣamūlagato yathā
95.6
tvayi cāhaṃ dvijaśreṣṭha bhavānmayi na saṃśayaḥ
loko'yaṃ bhavataḥ sarvaḥ kā cintā mayi te'nagha
95.7
brāhmaṇa uvāca- evametanmahāprājña viditātmanbhujaṃgama
nātiriktāstvayā devāḥ sarvathaiva yathātatham
95.8
sa eva tvaṃ sa evāhaṃ yo'haṃ sa tu bhavānapi
ahaṃ bhavāṃśca bhūtāni sarve yatra gatāḥ sadā
95.9
āsīttu me bhogapate saṃśayaḥ puṇyasaṃcaye
sohamañchavrataṃ sādho cariṣyāmyarthasādhanam
95.10
eṣa me niścayaḥ sādho kṛtaṃ kāraṇamuttamam
āmantrayāmi bhadraṃ te kṛtārtho'smi bhujaṃgama
95.10.p1
[13766]
95.10.p2
iti śrīmahābhārate śatasāhasryāṃ saṃhitāyāṃ vaiyāsikyāṃ śāntiparvaṇi mokṣadharmaparvaṇi uñchavṛttyupākhyāne catuḥṣaṣṭyadhikatriśatatamo'dhyāyaḥ || 364
Linked texts (1)
- Vulgate (Nīlakaṇṭha's text) — Sanskrit