Mokshadharma 96
Mokṣadharma 96
- Language
- Sanskrit
Contents
- 96.9 — 2 parts
96.1
bhīṣma uvāca- sa cāmantryoragaśreṣṭhaṃ brāhmaṇaḥ kṛtaniścayaḥ
dīkṣākāṅkṣī tadā rājaṃścyavanaṃ bhārgavaṃ śritaḥ
96.2
sa tena kṛtasaṃskāro dharmamevāśritasthivān
tathaiva ca kathāmetāṃ rājankathitavāṃstadā
96.3
bhārgaveṇāpi rājendra janakasya niveśane
kathaiṣā kathitā puṇyā nāradāya mahātmane
96.4
nāradenāpi rājendra devendrasya niveśane
kathitā bharataśreṣṭha pṛṣṭenākliṣṭakarmaṇā
96.5
devarājena ca purā kathitaiṣā kathā śubhā
samastebhyaḥ praśastebhyo viprebhyo vasudhādhipa
96.6
yadā ca mama rāmeṇa yuddhamāsītsudāruṇam
vasubhiśca tadā rājankatheyaṃ kathitā mama
96.7
pṛcchamānāya tattvena mayā caivottamā tava
katheyaṃ kathitā puṇyā dharmyā dharmabhṛtāṃ vara
96.8
yadayaṃ paramo dharmo yanmāṃ pṛcchasi bhārata
āsīdvīro hyanākāṅkṣī dharmārthakaraṇe nṛpa
96.9
sa ca kila kṛtaniścayo dvijo bhujagapatipratidarśitātmakṛtyaḥ
yamaniyamasaho vanāntaraṃ parigaṇitoñchaśilāśanaḥ praviṣṭaḥ
96.9.p1
[13775]
96.9.p2
iti śrīmahābhārate śatasāhasryāṃ saṃhitāyāṃ vaiyāsikyāṃ śāntiparvaṇi mokṣadharmaparvaṇi uñchavṛttyupākhyāne pañcaṣaṣṭyadhikatriśatatamo'dhyāyaḥ || 365
Linked texts (1)
- Vulgate (Nīlakaṇṭha's text) — Sanskrit