[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.100 # Naradapurana 1.100 Nāradapurāṇa 1.100 - **Language:** Sanskrit ## Contents - [1.100.19](https://indike.org/pramana/in.purana.narada.1.100.19) — 1 part ### [1.100.1](https://indike.org/pramana/in.purana.narada.1.100.1) śrībrahmovāca atha te saṃpravakṣyāmi purāṇaṃ sarvasiddhidam / bhaviṣyaṃ bhavataḥ sarvalokābhīṣṭapradāyakam // ### [1.100.2](https://indike.org/pramana/in.purana.narada.1.100.2) yatrāhaṃ sarvadevānāmādikartā samudgataḥ / sṛṣṭyarthaṃ tatra saṃjāto manuḥ svāryabhuvaḥ purā // ### [1.100.3](https://indike.org/pramana/in.purana.narada.1.100.3) sa māṃ praṇamya papraccha dharmaṃ sarvāthasādhakam / ahaṃ tasmai tadā prītaḥ prāvocaṃ dharmasaṃhitām // ### [1.100.4](https://indike.org/pramana/in.purana.narada.1.100.4) purāṇānāṃ yadā vyāso vyāsaṃ caktre mahāmatiḥ / tadā tāṃ saṃhitāṃ sarvāṃ pañcadhā vyabhajanmuniḥ // ### [1.100.5](https://indike.org/pramana/in.purana.narada.1.100.5) adhorakalpavṛttāntaṃ nānāścaryakathanvitam / tatrādimaṃ smṛtaṃ parvaṃ brāhmaṃ yatrāstyupakramaḥ // ### [1.100.6](https://indike.org/pramana/in.purana.narada.1.100.6) sūtaśaunakasaṃvāde purāṇapraśnasaṃkramaḥ / ādityacaritaprāyaḥ sarvākhyānasamanvitaḥ // ### [1.100.7](https://indike.org/pramana/in.purana.narada.1.100.7) sṛṣṭyādilakṣaṇopetaḥ śāstrasarvasvarūpakaḥ / pustalekhakalekhānāṃ lakṣaṇaṃ ca tataḥ param // ### [1.100.8](https://indike.org/pramana/in.purana.narada.1.100.8) saṃskārāṇāṃ ca sarveṣāṃ lakṣaṇaṃ cātra kīrtitam / pakṣasyāditithīnāṃ ca kalpāḥ sapta ca kīrtitāḥ // ### [1.100.9](https://indike.org/pramana/in.purana.narada.1.100.9) aṣṭamyādyāḥ śeṣakalpā vaiṣṇave parvaṇi smṛtāḥ / śaive ca kāyato bhinnāḥ saure cāntyakathānvayaḥ // ### [1.100.10](https://indike.org/pramana/in.purana.narada.1.100.10) pratisargāhvayaṃ paścānnānākhyānasamanvitam / purāṇasyopasaṃhārasahitaṃ parva pañcamam // ### [1.100.11](https://indike.org/pramana/in.purana.narada.1.100.11) eṣu pañcasu pūrvasmin brahmaṇo mahimādhikāḥ / dharme kāme ca mokṣe tu viṣṇoścāpi śivasya ca // ### [1.100.12](https://indike.org/pramana/in.purana.narada.1.100.12) dvitīyaṃ ca tṛtīye ca saure vargacatuṣṭaye / pratisargāhvayaṃ tvantyaṃ proktaṃ sarvakathānvitam // ### [1.100.13](https://indike.org/pramana/in.purana.narada.1.100.13) sabhaviṣyaṃ vinirddiṣṭaṃ parva vyāsena dhīmatā / caturddaśasahasraṃ tu purāṇaṃ parikīrtitam // ### [1.100.14](https://indike.org/pramana/in.purana.narada.1.100.14) bhaviṣyaṃ sarvadevānāṃ sāmyaṃ yatra prakīrtitam / guṇānāṃ tāratamyena samaṃ brahmeti hi śrutiḥ // ### [1.100.15](https://indike.org/pramana/in.purana.narada.1.100.15) taṃ likhitvā tu yo dadyātpauṣyāṃ vidvānvimatsaraḥ / guḍadhenuyutaṃ hemavastramālyavibhūṣaṇaiḥ // ### [1.100.16](https://indike.org/pramana/in.purana.narada.1.100.16) vācakaṃ pustakaṃ cāpi pūjayitvā vidhānataḥ / gandhādyairbhojyabhakṣyaiśca kṛtvā nīrājanādikam // ### [1.100.17](https://indike.org/pramana/in.purana.narada.1.100.17) yo vai jitendriyo bhūtvā sopavāsaḥ samāhitaḥ / atha vaikahaviṣyāśī kīrtayecchṛṇuyādapi // ### [1.100.18](https://indike.org/pramana/in.purana.narada.1.100.18) sa muktaḥ pātakairghoraiḥ prayāti brahmaṇaḥ padam / yo 'pyanukramaṇīmetāṃ bhaviṣyasya nirūpitām // ### [1.100.19](https://indike.org/pramana/in.purana.narada.1.100.19) paṭhedvā śṛṇuyāccaitāṃ bhuktiṃ muktiṃ ca vindati // ### [1.100.19.p1](https://indike.org/pramana/in.purana.narada.1.100.19.p1) iti śrībṛhannāradīyapurāṇe pūrvabhāge bṛhadupākhyāne caturthapāde bhaviṣyapurāṇānukramaṇī nirūpaṇaṃ nāma śatatamo 'dhyāyaḥ --- Source: [https://indike.org/pramana/in.purana.narada.1.100](https://indike.org/pramana/in.purana.narada.1.100) · Pramāṇa