[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.105 # Naradapurana 1.105 Nāradapurāṇa 1.105 - **Language:** Sanskrit ## Contents - [1.105.21](https://indike.org/pramana/in.purana.narada.1.105.21) — 1 part ### [1.105.1](https://indike.org/pramana/in.purana.narada.1.105.1) brahmovāca śṛṇu vatsa pravakṣyāmi purāṇaṃ vāmanābhidham / trivikramacaritrāḍhyaṃ daśasāhasrasaṃkhyakam // ### [1.105.2](https://indike.org/pramana/in.purana.narada.1.105.2) kūrmakalpasamākhyānaṃ vargatrayakathānam / bhāgadvayasamāyuktaṃ vaktṛśrotṛśubhāvaham // ### [1.105.3](https://indike.org/pramana/in.purana.narada.1.105.3) purāṇapraśnaḥ prathamaṃ brahmaśīrṣacchidā tataḥ / kapālamocanākhyānaṃ dakṣayajñavihiṃsanam // ### [1.105.4](https://indike.org/pramana/in.purana.narada.1.105.4) harasya kālarūpākhyā kāmasya dahanaṃ tataḥ / prahlādanārāyaṇayoryuddhaṃ devāsurāhavaḥ // ### [1.105.5](https://indike.org/pramana/in.purana.narada.1.105.5) sukeśyarkasamākhyānaṃ tato bhuvanakośakam / tataḥ kāmyavratākhyānaṃ śrīdurgācaritaṃ tataḥ // ### [1.105.6](https://indike.org/pramana/in.purana.narada.1.105.6) tapatīcaritaṃ paścātkurukṣetrasya varṇanam / satyāmāhātmyamatulaṃ pārvatījanmakīrtanam // ### [1.105.7](https://indike.org/pramana/in.purana.narada.1.105.7) tapastasyā vivāhaśca gauryupākhyānakaṃ tataḥ / tataḥ kauśikyupākhyānaṃ kumāracaritaṃ tataḥ // ### [1.105.8](https://indike.org/pramana/in.purana.narada.1.105.8) tato 'ndhakavadhākhyānaṃsādhyopākhyānakantataḥ / jābālicaritaṃ paścādarajāyāḥ kathādbhutā // ### [1.105.9](https://indike.org/pramana/in.purana.narada.1.105.9) andhakeśarayoryuddhaṃ gaṇatvaṃ cāndhakasya ca / marutāṃ janmakathanaṃ baleśca caritaṃ tataḥ // ### [1.105.10](https://indike.org/pramana/in.purana.narada.1.105.10) tatastu lakṣmyāścaritaṃ traivikramamataḥ param / prahlādatīrthayātrāyāṃ procyante 'tha kathāḥ śubhāḥ // ### [1.105.11](https://indike.org/pramana/in.purana.narada.1.105.11) tataśca dhundhu caritaṃ pretopākhyānakaṃ tataḥ / nakṣatrapuruṣākhyānaṃ śrīdāmacaritaṃ tataḥ // ### [1.105.12](https://indike.org/pramana/in.purana.narada.1.105.12) trivikramacaritrānte brahmaproktaḥ stavottamaḥ / prahlādabalisaṃvāde sutale hariśaṃsanam // ### [1.105.13](https://indike.org/pramana/in.purana.narada.1.105.13) ityeṣa pūrvabhāgo 'sya purāṇasya tavoditaḥ / śṛṇṇato 'syottaraṃ bhāgaṃ bahadvāmanasaṃjñakam // ### [1.105.14](https://indike.org/pramana/in.purana.narada.1.105.14) māheśvarī bhāgavatī saurī gāṇeśvarī tathā / catasraḥ saṃhitāścātra pṛthak sāhasrasaṃkhyayā // ### [1.105.15](https://indike.org/pramana/in.purana.narada.1.105.15) māheśvaryāṃ tu kṛṣṇasya tadbhaktānāṃ ca kīrtanam / bhāgavatyāṃ jaganmātukhatārakathādbhutā // ### [1.105.16](https://indike.org/pramana/in.purana.narada.1.105.16) sauryāṃ sūryasya mahimā gaditaḥ pāpanāśanaḥ / gāṇeśvaryāṃ gaṇeśasya caritaṃ ca maheśituḥ // ### [1.105.17](https://indike.org/pramana/in.purana.narada.1.105.17) ityetadvāmanaṃ nāma purāṇaṃ suvicitrakam / pulastyena samākhyātaṃ nāradāya mahātmane // ### [1.105.18](https://indike.org/pramana/in.purana.narada.1.105.18) tato nāradataḥ prāptaṃ vyāsena sumahātmanā / vyāsāttu labdhavāṃścaitat tacchiṣyo romaharṣaṇaḥ // ### [1.105.19](https://indike.org/pramana/in.purana.narada.1.105.19) sa cākhyāsyati viprebhyo naimiṣīyebhya eva ca / evaṃ paraṃparāprāptaṃ purāṇaṃ vāmanaṃ śubham // ### [1.105.20](https://indike.org/pramana/in.purana.narada.1.105.20) ye paṭhanti ca śṛṇvanti te 'pi yānti parāṃ gatim / likhitvaitatpurāṇaṃ tu yaḥ śaradviṣuver'payet // ### [1.105.21](https://indike.org/pramana/in.purana.narada.1.105.21) viprāya vedaviduṣe ghṛtadhenusamanvitam / sa samuddhṛtya narakānnayetsvargaṃ pitṝnsvakān // dehānte bhuktabhogo 'sau yāti viṣṇoḥ paraṃ padam // ### [1.105.21.p1](https://indike.org/pramana/in.purana.narada.1.105.21.p1) iti śrībṛhannāradīyapurāṇe pūrvabhāge bṛhadupākhyāne caturthapāde vāmanapurāṇānukramaṇīvarṇanaṃ nāma pañcādhikaśatatamo 'dhyāyaḥ ## Linked texts (1) - [Mudgalapurāṇa](https://indike.org/pramana/in.purana.upa.surya.mudgala.4.13.24) — Sanskrit --- Source: [https://indike.org/pramana/in.purana.narada.1.105](https://indike.org/pramana/in.purana.narada.1.105) · Pramāṇa