[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.106 # Naradapurana 1.106 Nāradapurāṇa 1.106 - **Language:** Sanskrit ## Contents - [1.106.5](https://indike.org/pramana/in.purana.narada.1.106.5) — 1 part - [1.106.24](https://indike.org/pramana/in.purana.narada.1.106.24) — 1 part ### [1.106.1](https://indike.org/pramana/in.purana.narada.1.106.1) brahmovāca śṛṇu vatsa marīce tvaṃ purāṇaṃ kūrmasaṃjñakam / lakṣmīkalpānucaritaṃ yatra kūrmavapurhariḥ // ### [1.106.2](https://indike.org/pramana/in.purana.narada.1.106.2) dharmārthakāmamokṣāṇāṃ māhātmyaṃ ca pṛthakpṛthak / indradyumnaprasaṃgena prāharṣibhyo dayānvitaḥ // ### [1.106.3](https://indike.org/pramana/in.purana.narada.1.106.3) tatsaptadaśasāhasraṃ sucatuḥ saṃhitaṃ śubham / yatra brāhmāḥ purā proktā dharmā nānāvidhā mune // ### [1.106.4](https://indike.org/pramana/in.purana.narada.1.106.4) nānanākathāprasaṃgena nṛṇāṃ sadgatidāyakāḥ / tatra pūrvavibhāge tu purāṇopakramaḥ purā // ### [1.106.5](https://indike.org/pramana/in.purana.narada.1.106.5) lakṣmīndradyumnasaṃvādaḥ kūrṃmarṣigaṇasaṃkathā / varṇāśramācārakathā jagadutpattikīrtanam // ### [1.106.5.p1](https://indike.org/pramana/in.purana.narada.1.106.5.p1) kālasaṃkhyā samāsena layānte stavanaṃ vibhoḥ // ### [1.106.6](https://indike.org/pramana/in.purana.narada.1.106.6) tataḥ saṃkṣepataḥ sargaḥ śāṅkaraṃ caritaṃ tathā // ### [1.106.7](https://indike.org/pramana/in.purana.narada.1.106.7) sahasranāma pārvatyā yogasya ca nirūpaṇam / bhṛguvaṃśasamākhyānaṃ tataḥ svāyambhuvasya ca // ### [1.106.8](https://indike.org/pramana/in.purana.narada.1.106.8) devādīnāṃ samutpattirdakṣayajñāhatistataḥ / dakṣasṛṣṭikathā paścātkaśyapānvayakīrtanam // ### [1.106.9](https://indike.org/pramana/in.purana.narada.1.106.9) ātreyavaṃśakathanaṃ kṛṣṇasyaṃ caritaṃ śubham / mārtaṇḍakṛṣṇasaṃvādo vyāsapāṇḍavasaṃkathā // ### [1.106.10](https://indike.org/pramana/in.purana.narada.1.106.10) yugadharmānukathanaṃ vyāsajaiminikīrtanam / vārāṇasyāśca māhātmyaṃ prayāgasya tataḥ param // ### [1.106.11](https://indike.org/pramana/in.purana.narada.1.106.11) trailokyavarṇanaṃ caiva vedaśākhānirūpaṇam / uttare 'syā vibhāge tu purā gītaiśvarī tataḥ // ### [1.106.12](https://indike.org/pramana/in.purana.narada.1.106.12) vyāsagītā tataḥ proktā nānādharmaprabodhinī / nānāvidhānāṃ tīrthānāṃ māhātmyaṃ ca pṛthak tataḥ // ### [1.106.13](https://indike.org/pramana/in.purana.narada.1.106.13) pratisargaprakathanaṃ brāhmīyaṃ saṃhitā smṛtā / ataḥ paraṃ bhāgavatīsaṃhitārtha nirūpaṇam // ### [1.106.14](https://indike.org/pramana/in.purana.narada.1.106.14) kathitā yatra varṇānāṃ pṛthakvṛttirudāhṛtā / pāda'syāḥ prathame proktā brāhmaṇānāṃ vyavasthitiḥ // ### [1.106.15](https://indike.org/pramana/in.purana.narada.1.106.15) sadā cāgatmikā vatsa bhogasaukhyavivarddhanī / dvitīye kṣattriyāṇāṃ tu vṛttiḥ samyakprakīrtitā // ### [1.106.16](https://indike.org/pramana/in.purana.narada.1.106.16) yayā tvāśritayā pāpaṃ vidhūyeha vrajeddivam / tṛtīye vaiśyajātīnāṃ vṛttiruktā caturvidhā // ### [1.106.17](https://indike.org/pramana/in.purana.narada.1.106.17) yayā caritayā samyaglabhe gatimuttamām / caturthe 'syāstathā pāde śūdravṛttirudāhṛtā // ### [1.106.18](https://indike.org/pramana/in.purana.narada.1.106.18) yayā saṃtuṣyati śrīśo nṛṇāṃ śreyovivarddhanaḥ / pañcame 'syāstataḥ pāde vṛttiḥ saṃkarajoditā // ### [1.106.19](https://indike.org/pramana/in.purana.narada.1.106.19) yayā caritayāpnoti bhāvinīṃ gatimuttamām / ityeṣā pañcapadyuktā dvitīyā saṃhitā mune // ### [1.106.20](https://indike.org/pramana/in.purana.narada.1.106.20) tṛtīyātroditā saurī nṝṇāṃ kāryavidhāyinī / ṣoḍhā ṣaṭkarmasirddhi bodhayantī ca kāminām // ### [1.106.21](https://indike.org/pramana/in.purana.narada.1.106.21) caturthīvaiṣṇavo nāma mokṣadā parikīrtitā / catuṣpadī dvijātīnāṃ sākṣādbrahmasvarūriṇī // ### [1.106.22](https://indike.org/pramana/in.purana.narada.1.106.22) tāḥ kramātṣaṭcaturdvīṣusāhasrāḥ parikīrtitāḥ // ### [1.106.23](https://indike.org/pramana/in.purana.narada.1.106.23) etatkūrmapurāṇaṃ tu caturvargaphalapradam / paṭhatāṃ śṛṇvatāṃ nṝṇāṃ sarvotkṛṣṭagatipradam // ### [1.106.24](https://indike.org/pramana/in.purana.narada.1.106.24) likhitvaitattu yo bhaktyā hemakūrmasamanvitam / brāhmaṇāyā yane dadyātsa yāti paramāṃ gatim // ### [1.106.24.p1](https://indike.org/pramana/in.purana.narada.1.106.24.p1) iti śrībṛhannāradīyapurāṇe pūrvabhāge bṛhadupākhyāne caturthapāde kūrmaparāṇānukramaṇīkathanaṃ nāma ṣaḍuttaraśatatamo 'dhyāyaḥ ## Linked texts (5) - [Bhāgavatapurāṇa](https://indike.org/pramana/in.purana.bhagavata.12.12.14) — Vyāsa, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.108.2) — Sanskrit - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v7.c90.59) — P. V. Kane, English - [Anvitārthaprakāśikā](https://indike.org/pramana/in.purana.anvitarthaprakasika.355.14) — Gaṅgāsahāya Śarman, Sanskrit - [Studies in the Upapurāṇas](https://indike.org/pramana/ins.religion.hazra-1958.v2.c22.16) — R. C. Hazra, English --- Source: [https://indike.org/pramana/in.purana.narada.1.106](https://indike.org/pramana/in.purana.narada.1.106) · Pramāṇa