Naradapurana 1.107
Nāradapurāṇa 1.107
- Language
- Sanskrit
Contents
- 1.107.31 — 1 part
1.107.1
brahmovāca
atha mātsyaṃ purāṇaṃ te pravakṣye dvijasattama /
yatroktaṃ saptakalpānāṃ vṛttaṃ saṃkṣipya bhūtale //
1.107.2
vyāsena vedaviduṣā nārasiṃhopavarṇane /
upakramya taduddiṣṭaṃ caturddaśasahasrakam //
1.107.3
manumatsyasusaṃvādo brahmāṇḍakathanaṃ tataḥ /
brahmadevāsurotpattirmārutotpattireva ca //
1.107.4
madanadvādaśī tadvallokapālābhipūjanam /
manvantarasamuddeśo vaiśyarājyābhivarṇanam //
1.107.5
sūryavaivasvatotpattirbudhasaṃgamanaṃ tathā /
pitṛvaṃśānukathanaṃ śraddhākālastathaiva ca //
1.107.6
pitṛtīrthapracāraśca somotpattistathaiva ca /
kīrtanaṃ somavaṃśasya yayāticaritaṃ tathā //
1.107.7
pitṛvaṃśānukathanaṃ sṛṣṭavaṃśānukīrtanam /
bhṛguśāpastathā viṣṇordaśadhā janmane kṣitau //
1.107.8
kīrttanaṃ pūruvaṃśasya vaṃśo hautāśanaḥ param /
kriyāyogastataḥ paścātpurāṇaparikīrtanam //
1.107.9
vrataṃ nakṣatrapuruṣaṃ mārtaṇḍaśayanaṃ tathā /
kṛṣṇāṣṭamīvrataṃ tadvadrohiṇīcandrasaṃjñitam //
1.107.10
taḍāgavidhi māhātmyaṃ pādapotsarga eva ca /
saubhāgyaśayanaṃ tadvadagastyavratameva ca //
1.107.11
tathānantatṛtīyāyā rasakalyāṇinīvratam /
tathaivānaṃ dakaryāśca vrataṃ sārasvataṃ punaḥ //
1.107.12
uparāgābhiṣekaśca saptamīśanaṃ tathā /
bhīmākhyā dvādaśī tadvadanaṅgaśayanaṃ tathā //
1.107.13
aśūnyaśayanaṃ tadvattathaivāṅgārakavratam /
saptamīsaptakaṃ tadvadviśokadvādaśīvratam //
1.107.14
merupradānaṃ daśadhā grahaśāntistathaiva ca /
grahasvarūpakathanaṃ tathā śivacaturdaśī //
1.107.15
tathā sarvaphalatyāgaḥ sūryavāravrataṃ tathā /
saṃkrāntisnapanaṃ tadvadvibhūtidvādaśīvratam //
1.107.16
ṣaṣṭīvratānāṃ māhātmyaṃ tathā snānavidhikamaḥ /
prayāgasya tu māhātmyaṃ dvīpalokānuvarṇanam //
1.107.17
tathāntarikṣacāraśca dhruvamāhātmyameva ca /
bhavanāni suredrāṇāṃ tripurodyotanaṃ tathā //
1.107.18
pitṛpravaramāhātmyaṃ manvantaravinirṇayaḥ /
caturyugasya saṃbhūtiryugadharmanirūpaṇam //
1.107.19
vajrāṅgasya tu saṃbhūti stārakotpattireva ca /
tārakāsuramāhātmyaṃ brahmadevānukīrtanam //
1.107.20
pārvatīsaṃbhavastadvattathā śivatapovanam /
anaṅgadehadāhaśca ratiśokastathaiva ca //
1.107.21
gaurītapovanaṃ tadvacchivenātha prasādanam /
pārvatīṛṣisaṃvādastathairodvāhamaṅgalam //
1.107.22
kumārasaṃbhavastadvatkumāravijayastathā /
tārakasya vadho ghoro narasiṃhopavarṇanam //
1.107.23
padmodbhavavisargastu tathaivāndhakaghātanam /
vārāṇasyāstu māhātmyaṃ narmadāyāstathaiva ca //
1.107.24
pravarānukramastadvatpitṛgāthānukīrtanam /
tathobhayamukhīdānaṃ dānaṃ kṛṣṇājinasya ca //
1.107.25
tataḥ sāvitryupākhyānaṃ rājadharmāstathaiva ca /
vividhotpātakathanaṃ grahaṇāntastathaiva ca //
1.107.26
yātrānimittakathanaṃ svapnamaṅgalakīrtane /
vāmanasya tu māhātmyaṃ vārāhasya tataḥ param //
1.107.27
samudramathanaṃ tadvatkālakūṭābhiśāntanam /
devāsuravimardaśca vāstuvidyā tathaiva ca //
1.107.28
pratimālakṣaṇaṃ tadvaddevatāyatanaṃ tathā /
prāsādalakṣaṇaṃ tadvanmaṇḍapāna ca lakṣaṇam //
1.107.29
bhaviṣyarājñāmuddeśo mahādānānukīrtanam /
kalpānukīrtanaṃ tadvatpurāṇe 'sminprakīrtitam //
1.107.30
pavitrametatkalyāṇamāyuḥ kīrtivivarddhanam /
yaḥ paṭhecchṛṇuyādvāpi sa yāti bhavanaṃ hareḥ //
1.107.31
likhitvaitattu yo dadyāddhemamatsyagavānvitam /
viprāyābhyarcya viṣuve sa yāti paramaṃ padam //
1.107.31.p1
iti śrībṛhannāradīyapurāṇe pūrvabhāge bṛhadupākhyāne caturthapāde matsyapurāṇānukramaṇīkathanaṃ nāma saptottaraśatatamo 'dhyāyaḥ
Linked texts (2)
- Nāradopapurāṇa — Sanskrit
- Matsya — Sanskrit