Pramāṇa · Search · About · API

Naradapurana 1.108

Nāradapurāṇa 1.108

Language
Sanskrit

Contents

1.108.1

brahmovāca
marīce śṛṇu vakṣyābhi purāṇaṃ gāruḍaṃ śubham /
garuḍāyābravītpṛṣṭo bhagavāngaruḍāsanaḥ //

1.108.2

ekonaviṃśasāhasraṃ tārkṣyakalpakathānvitam /
purāṇopakramapraśnaḥ sargaḥ saṃkṣepatastataḥ //

1.108.3

sūryādipūjanavidhirdīkṣāvidhirataḥ param /
śrāddhapūjā tataḥ paścānnavavyūhārcanaṃ dvija //

1.108.4

pūjāvidhānaṃ ca tathā vaiṣṇavaṃ pañjaraṃ tataḥ /
yogādhyāyastato viṣṇornāmasāhasrakīrtanam //

1.108.5

dhyānaṃ viṣṇostataḥ sūryapūjā mṛtyuñjayārcanam /
mālāmantraḥ śivārcātha gaṇapūjā tataḥ param //

1.108.6

gopālapūjā trailokyamohanaśrīdharārcanam /
viṣṇvarcā pañcatattvārcā cakrārcā devapūjanam //

1.108.7

nyāsādisaṃdhyopāstiśca durgārcātha surārcanam /
pūjā māheśvarī cātaḥ pavitrāropaṇārcanam //

1.108.8

mūrtidhyāṃnavāstumānaṃ prāsādānāṃ ca lakṣaṇam /
pratiṣṭhā sarvadevānāṃ pṛthakpūjā vidhānataḥ //

1.108.9

yogo 'ṣaṭāṅgo dānadharmāḥ prayaścittavidhikriyā /
dvīpeśanarakākhyānaṃ sūryavyūhaśca jyotiṣam //

1.108.10

sāmudrikaṃ svarajñānaṃ navaratnaparīkṣaṇam /
māhātmyamatha tīrthānāṃ gayāmāhātmyamuttamam //

1.108.11

tato manvantarākhyānaṃ pṛthakpṛthagvibhāgaśaḥ /
pitrākhyānaṃ varṇadharmā dravyaśuddhiḥ samarpaṇam //

1.108.12

śrāddhaṃ vināyakasyārcā grahayajñastathaā śramāḥ /
jananākhyaṃ pretaśaucaṃ nītiśāstraṃ vratoktayaḥ //

1.108.13

sūryavaṃśaḥ somavaṃśo 'vatārakathanaṃ hareḥ /
rāmāyaṇaṃ harervaṃśo bhāratākhyānakaṃ tataḥ //

1.108.14

āyurvedanidānaṃ prāk cikikatsā dravyajā guṇāḥ /
rogaghnaṃ kavacaṃ viṣṇorgāruḍaṃ traipuro manuḥ //

1.108.15

praśnacūḍāmaṇiścānto hayāyurvedakīrtanam /
oṣaghīnāma kathanaṃ tato vyākaraṇohanam //

1.108.16

chandaḥ śāstraṃ sadācārastataḥ snānavidhiḥ smṛtaḥ /
tarpaṇaṃ vaiśvadevaṃ ca saṃdhyā pārvaṇakarma ca //

1.108.17

nityaśrāddhaṃ sarpiḍākhyaṃ dharmasāro 'ghaniṣkṛtiḥ /
pratisaṃkrama uktāḥ sma yugadharmāḥ kṛteḥ phalam //

1.108.18

yogaśāstraṃ viṣṇubhaktirnamaskṛtiphalaṃ hareḥ /
māhātmyaṃ vaiṣṇavaṃ cātha nārasiṃhastavottamam //

1.108.19

jñānāmṛtaṃ guhuṣṭakaṃ stotraṃ viṣṇvarcanāhvayam /
vedāntasāṃkhyasiddhānto brahmajñānaṃ tathālmakam //

1.108.20

gītāsāraḥ phalotkīrtiḥ pūrvakhaṇḍo 'yamīritaḥ /
athāsyaivottare khaṇḍe pretakalpaḥ puroditaḥ //

1.108.21

yatra tārkṣyeṇa saṃpṛṣṭo bhagavānāha vāḍavāḥ /
dharmaprakaṭanaṃ pūrvaṃ yogināṃ gatikāraṇam //

1.108.22

dānādikaṃ phalaṃ cāpi proktamantrorddhadaihikam /
yamalokasthamārgasya varṇana ca taḥ param //

1.108.23

ṣoḍaśaśrāddhaphalako vṛttāntaścātra varṇitaḥ /
niṣkṛtiryamamārgasya dharmarājasya vaibhavam //

1.108.24

pretapīḍāṃvinirddeśaḥ pretacihnanirūpaṇam /
pretānāṃ caritākhyānaṃ kāraṇaṃ pretatāṃ prati //

1.108.25

pretakṛtyavicāraśca sarpiḍīkaraṇoktayaḥ /
pretatvamokṣaṇākhyānaṃ dānāni ca vimuktaye //

1.108.26

āvaśyakottamaṃ dānaṃ pretasaukhyakarohanam /
śārīrakavinirdeśo yamalokasya varṇanam //

1.108.27

pretatvoddhārakathanaṃ karmakṛrttṛvinirṇayaḥ /
mṛtyoḥ pūrvakriyākhyānaṃ paścātkarmanirūpaṇam //

1.108.28

madhyaṣoḍaśakaśrāddhaṃ svargaprāptikriyohanam /
sūtakasyātha saṃkhyāṃnaṃ nārāyaṇabalikriyā //

1.108.29

vṛṣotsargasya māhātmyaṃ niṣiddhaparivarjanam /
apamṛtyukriyoktiśca vipākaḥ karmaṇāṃ nṛṇām //

1.108.30

kṛtyākṛtyavicāraśca viṣṇudhyānavimuktaye /
svargatau vihitākhyānaṃ svargasaukhyanirūpaṇam //

1.108.31

bhūrlokavarṇanaṃ caiva saptādholokavarṇanam /
pañcorddhvalokakathanaṃ brahmāṇḍasthitikīrtanam //

1.108.32

brahmāṇḍānekacaritaṃ brahmajīvanirūpaṇam /
ātyantikaṃ layākhyānaṃ phalastuti nirūpaṇam //

1.108.33

ityetadgāruḍaṃ nāma purāṇaṃ bhuktimuktidam /
kīrtitaṃ pāpaśamanaṃ paṭhatāṃ śṛṇvatāṃ nṛṇām //

1.108.34

likhitvaitatpurāṇaṃ tu viṣuve yaḥ prayacchati /
sauvarṇahaṃsayugmāḍhyaṃ viprāya sa divaṃ vrajet //

1.108.34.p1

iti śrībṛhannāradīyapurāṇe pūrvabhāge bṛhadupākhyāne caturthapāde gāruḍānukramaṇīvarṇanaṃ nāmāṣṭottaraśatatamo 'dhyāyaḥ

Linked texts (2)