[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.10 # Naradapurana 1.10 Nāradapurāṇa 1.10 - **Language:** Sanskrit ## Contents - [1.10.52](https://indike.org/pramana/in.purana.narada.1.10.52) — 1 part ### [1.10.1](https://indike.org/pramana/in.purana.narada.1.10.1) nārada uvāca viṣṇupādāgrasaṃbhūtā yā gaṅgetyabhidhīyate / tadutpattiṃ vada bhrātaranugrāhyo 'smi te yadi // ### [1.10.2](https://indike.org/pramana/in.purana.narada.1.10.2) sanaka uvāca śṛṇu nārada vakṣyāmi gaṅgotpattiṃ tavānagha / vadṛtāṃ śṛṇvatāṃ caiṃva puṇyadāṃ pāpanāśinīm // ### [1.10.3](https://indike.org/pramana/in.purana.narada.1.10.3) āsīdindrādidevānāṃ janakaḥ kaśyapo muniḥ / dakṣātmaje tasya bhārye ditiścāditireva ca // ### [1.10.4](https://indike.org/pramana/in.purana.narada.1.10.4) agaditirdevamātāsti daityānāṃ jananī ditiḥ / te tayorātmajā vipra parasparajayaiṣiṇaḥ // ### [1.10.5](https://indike.org/pramana/in.purana.narada.1.10.5) sadā sapūrvadevāstu yato daityāḥ prakīrtitāḥ / ādir daityo diteḥ putro hiraṇyakaśipurbalī // ### [1.10.6](https://indike.org/pramana/in.purana.narada.1.10.6) prahlādastasya putro 'bhūtsumahāndaityasattamaḥ / virocana stasya suto babhūva dvijabhaktimān // ### [1.10.7](https://indike.org/pramana/in.purana.narada.1.10.7) tasya putro 'titejasvī balirāsītpratāpavān / sa eva vāhinīpālo daityānāmabhavanmuneḥ // ### [1.10.8](https://indike.org/pramana/in.purana.narada.1.10.8) balena mahatā yukto bubhuje medinīmimām / vijitya vasudhāṃ sarvāṃ svargaṃ jetuṃ mano dadhe // ### [1.10.9](https://indike.org/pramana/in.purana.narada.1.10.9) gajāśca yasyāyutakoṭilakṣāstāvanta evāścarathā munīndra / gajegaje pañcaśatī padāteḥ kiṃ varṇyate tasya camūrvariṣṭā // ### [1.10.10](https://indike.org/pramana/in.purana.narada.1.10.10) amātyakoṭyagrasarāvamātyau kumbhāṇḍanāmāpyatha kūpakarṇaḥ / pitrā samaṃ śauryaparākramābhyāṃ bāṇo baleḥ putraśatagrajo 'bhūt // ### [1.10.11](https://indike.org/pramana/in.purana.narada.1.10.11) baliḥ surāñjetumanāḥ pravṛttaḥ sainyena yukto mahatā pratasthe / dhvajātapartrairgaganāburāśestaraṅgavidyutsmaraṇaṃ prakurvan // ### [1.10.12](https://indike.org/pramana/in.purana.narada.1.10.12) avāpya vṛtrāripuraṃ surārī rurogha daityairmṛgarājagāḍhaiḥ / suraśca yuddhāya purāttathaiva viniryayurvajrakarādayaśca // ### [1.10.13](https://indike.org/pramana/in.purana.narada.1.10.13) tataḥ pravavṛte yuddhaṃ ghoraṃ gīrvāṇadaityayo / kalpāntameghānirdhoṣaṃ ḍiṇḍiṃmadhvanisaṃbhramam // ### [1.10.14](https://indike.org/pramana/in.purana.narada.1.10.14) mumucuḥ śarajālāni daḥtyāḥ sumanasāṃ bale / devāśca daityasenāsu saṃgrāme 'tyantadāruṇe // ### [1.10.15](https://indike.org/pramana/in.purana.narada.1.10.15) jahi dāraya bhindhīte chindhi māraya tāḍaya / ityevaṃ sumahānghoṣo vadatāṃ senayorabhūt // ### [1.10.16](https://indike.org/pramana/in.purana.narada.1.10.16) śaradundubhinidhvānaiḥ siṃhanādaiḥ siṃhanādaiḥ suradviṣām / bhāṅkāraiḥ syandanānāṃ ca bāṇakreṅgāraniḥsvanaiḥ // ### [1.10.17](https://indike.org/pramana/in.purana.narada.1.10.17) aśvānāṃ heṣitaiścaiva gajānāṃ bṛṃhitaistathā / ṭaṅgārairdhanuṣāṃ caiva lokaḥ śabdatmayo 'bhavat // ### [1.10.18](https://indike.org/pramana/in.purana.narada.1.10.18) surāsuravinirmuktabāṇaniṣpeṣajānale / akālapralayaṃ mene nirīkṣya sakalaṃ jagat // ### [1.10.19](https://indike.org/pramana/in.purana.narada.1.10.19) babhau devadviṣāṃ senā sphuracchastraughadhāriṇī / caladvidyunnibhā rātriśchāditā jaladairiva // ### [1.10.20](https://indike.org/pramana/in.purana.narada.1.10.20) tasminyuddhe mahādhorairgirīn kṣitpān surāribhiḥ / nārācaiścūrṇayāmāsurvevāste laghuvikramāḥ // ### [1.10.21](https://indike.org/pramana/in.purana.narada.1.10.21) kecitsatāḍayāmāsurnāgairnāgānrathānrathaiḥ / aśvairaśvāṃśca kecittu gadādaṇḍairathārddayan // ### [1.10.22](https://indike.org/pramana/in.purana.narada.1.10.22) paridhaistāḍitāḥ kecitpetuḥ śoṇitakarddame / samuktrāntāsavaḥ kecidvimānāni samāśritāḥ // ### [1.10.23](https://indike.org/pramana/in.purana.narada.1.10.23) ye daityā nihatā devaiḥ prasahya saṅgare tadā / te devabhāvamāpannā daiteyānsamupādravan // ### [1.10.24](https://indike.org/pramana/in.purana.narada.1.10.24) atha daityagaṇāḥ krudvāstaḍyamānāḥ survairbhṛśam / śastrairbahuvidhairddevānnijadhnuratidāruṇāḥ // ### [1.10.25](https://indike.org/pramana/in.purana.narada.1.10.25) dṛṣadbhirbhidipālaiśca khaḍgaiḥ paraśutomaraiḥ / paridhaiśchurikābhiśca kuntaiścakraiśca śaṅkubhiḥ // ### [1.10.26](https://indike.org/pramana/in.purana.narada.1.10.26) musalairaṅkuśeśvaiva lāṅgalaiḥ paṭṭiśaistathā / śaktyopalaiḥ śataghrībhiḥ pāśaiśca talamuṣṭibhiḥ // ### [1.10.27](https://indike.org/pramana/in.purana.narada.1.10.27) śūlairnālīkanārācaiḥ kṣepaṇīyaiḥsamudraraiḥ / rathāśvanāgapadagaiḥ saṅkulo vavṛdhe raṇaḥ // ### [1.10.28](https://indike.org/pramana/in.purana.narada.1.10.28) devāśca vividhāstrāṇi daiteyebhyaḥ samākṣipan / evamaṣṭasahasrāṇi yuddhamāsītsudāruṇam // ### [1.10.29](https://indike.org/pramana/in.purana.narada.1.10.29) atha daityabale vṛddhe parābhūtā divaukasaḥ / suralokaṃ parityatajya sarve bhītāḥ pradudruvuḥ // ### [1.10.30](https://indike.org/pramana/in.purana.narada.1.10.30) nararupaparicchannā viceru ravanītale / vairocanistribhuvanaṃ nārāyaṇaparāyaṇaḥ // ### [1.10.31](https://indike.org/pramana/in.purana.narada.1.10.31) bubhuje 'vyāhataiścaryapravṛddhaśrīrmahābalaḥ / ityāja cāśvameghaiḥ sa viṣṇuprīṇanatatparaḥ // ### [1.10.32](https://indike.org/pramana/in.purana.narada.1.10.32) indratvaṃ cākarotsvarge dikpālatvaṃ tathaiva ca / devānāṃ prīṇanārthāya yaiḥ kriyante dvijairmakhāḥ // ### [1.10.33](https://indike.org/pramana/in.purana.narada.1.10.33) teṣu yajñeṣu sarveṣu havirbhuṅkte sa daityarāṭ / aditiḥ svātmajānvīkṣya devamātātiduḥkhitā // ### [1.10.24\_2](https://indike.org/pramana/in.purana.narada.1.10.24_2) vṛthātra nivasāmīti matvāgāddhimavadgiram / śakrasyaiśvaryamicchantī daityānāṃ ca parājayam // ### [1.10.35](https://indike.org/pramana/in.purana.narada.1.10.35) haridhyānaparā bhūtvā tapastepe 'tiduṣkaram / kiñcitkālaṃ samāsīnā tiṣṭantī ca tataḥ param // ### [1.10.36](https://indike.org/pramana/in.purana.narada.1.10.36) pādenaikena suciraṃ tataḥ pādāgramātrataḥ / kañcitkālaṃ phalāhārā tataḥ śīrṇadalāśanā // ### [1.10.37](https://indike.org/pramana/in.purana.narada.1.10.37) tato jalāśamā vāyubhojanāhāravarjitā / sañcidānandasandohaṃ dhyāyatyātmānamatmanā // ### [1.10.38](https://indike.org/pramana/in.purana.narada.1.10.38) divyābdānāṃ sahasraṃ sā tapo 'tapyata nārada / durantaṃ tattapaḥ śrutvā daiteyā māyino 'ditim // ### [1.10.39](https://indike.org/pramana/in.purana.narada.1.10.39) devatārupamāsthāya saṃprocurbalinoditāḥ / kimarthaṃ tapyate mātaḥ śarīrapariśoṣaṇam // ### [1.10.40](https://indike.org/pramana/in.purana.narada.1.10.40) yadi jananti daiteyā mahahukhaṃ tato bhavet / tyajedaṃ duḥkhabahulaṃ kāyaśoṣaṇakāraṇam // ### [1.10.41](https://indike.org/pramana/in.purana.narada.1.10.41) prayāsasādhyaṃ sukṛtaṃ na praśaṃsanti paṇḍitāḥ / śarīraṃ yantato rakṣyaṃ dharmasādhanatatparaiḥ // ### [1.10.42](https://indike.org/pramana/in.purana.narada.1.10.42) ye śarīramupekṣante te syurātmavighātinaḥ / sukhaṃ tvaṃ tiṣṭa subhage putrānasmānna khedaya // ### [1.10.43](https://indike.org/pramana/in.purana.narada.1.10.43) mātrā hīnā janā mātarmṛtaprāyā na saṃśayaḥ / gāvo vā paśavo vāpiyatra gāvo mahīruhāḥ // ### [1.10.44](https://indike.org/pramana/in.purana.narada.1.10.44) na labhante sukhaṃ kiñcinmātrā hīnā mṛtopamāḥ / daridro vāpi rogī vā deśāntaragato 'pi vā // ### [1.10.45](https://indike.org/pramana/in.purana.narada.1.10.45) māturdarśanamātreṇa labhate paramāṃ mudam / anne vā salile vāpi dhanādau vā priyāsu ca // ### [1.10.46](https://indike.org/pramana/in.purana.narada.1.10.46) kadācidvimukho yāti jano mātari ko 'pi na / yasya mātā gṛhe nāsti yatra dharmaparāyaṇā / sādhvī ca strī patiprāṇā gantavyaṃ tena vai vanam // ### [1.10.47](https://indike.org/pramana/in.purana.narada.1.10.47) dharmaśca nārāyaṇabhaktihīnāṃ dhanaṃ ca sadbhogavivarjitaṃ hi / gṛhaṃ ca māryātanayervihīnaṃ yathā tathā mātṛvihīnamartyaḥ // ### [1.10.48](https://indike.org/pramana/in.purana.narada.1.10.48) tasmāddevi paritrāhi duḥkhārtānātmajāṃstavā / ityuktāpyaditirdaipyairna cacāla samādhitaḥ // ### [1.10.49](https://indike.org/pramana/in.purana.narada.1.10.49) evamuktvāsurāḥ sarve haridhyānaparāyaṇām / nirīkṣya krodhasaṃyuktā hantuṃ cakrurmanoratham // ### [1.10.50](https://indike.org/pramana/in.purana.narada.1.10.50) kalpāntameghanirghoṣāḥ krodhasaṃraktalocanāḥ / daṃṣṭragrairasṛjanvahniṃ so 'dahatkānanaṃ kṣaṇāt // ### [1.10.51](https://indike.org/pramana/in.purana.narada.1.10.51) śatayojanavistīrṇaṃ nānājīvasamākulam / tenaiva dagdhā daiteyā ye pradharṣayituṃ gatāḥ // ### [1.10.52](https://indike.org/pramana/in.purana.narada.1.10.52) saivāvaśiṣṭā jananī surāṇāmabdācchatādacyutasaktacitā / saṃrakṣitā viṣṇusudarśanena daityāntakena svajanānukampinā // ### [1.10.52.p1](https://indike.org/pramana/in.purana.narada.1.10.52.p1) iti śrībṛhannāradīyapurāṇe pūrvabhāge prathamapāde gaṅgātpattau balikṛtadevaparājayavarṇanannāma daśamo 'dhyāyaḥ ## Linked texts (3) - [Nāradopapurāṇa](https://indike.org/pramana/in.purana.upa.vaisnava.naradopapurana.10.1) — Sanskrit - [Bṛhannāradapurāṇa](https://indike.org/pramana/in.purana.upa.vaisnava.brhannaradapurana.10.4) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.10.4) — Sanskrit --- Source: [https://indike.org/pramana/in.purana.narada.1.10](https://indike.org/pramana/in.purana.narada.1.10) · Pramāṇa