[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.110 # Naradapurana 1.110 Nāradapurāṇa 1.110 - **Language:** Sanskrit ## Contents - [1.110.48](https://indike.org/pramana/in.purana.narada.1.110.48) — 1 part ### [1.110.1](https://indike.org/pramana/in.purana.narada.1.110.1) nārada uvāca purāṇasūtramakhilaṃ śrutaṃ tava mukhādvibho / marūcaye yathā proktaṃ brahmaṇā parameṣṭhinā // ### [1.110.2](https://indike.org/pramana/in.purana.narada.1.110.2) adhunā tu mahābhāga tithīnāṃ vai kathānakam / kramato mahyamākhyāhi yathā syādvataniścayaḥ // ### [1.110.3](https://indike.org/pramana/in.purana.narada.1.110.3) yasminmāse tu yā puṇyā tithiryena uvāsitā / yadvidhānaṃ ca pūjādestatsarvaṃ vada sāṃpratam // ### [1.110.4](https://indike.org/pramana/in.purana.narada.1.110.4) sanātana uvāca śṛṇu nārada vakṣyāmi tithīnāṃ te vrataṃ pṛthak / tithīśānukramādeva sarvasiddhividhāyakam // ### [1.110.5](https://indike.org/pramana/in.purana.narada.1.110.5) caitre māsi jagadbrahmā sasaja prathame 'hani / śuklapakṣe samagraṃ vai tadā sūryodaye sati // ### [1.110.6](https://indike.org/pramana/in.purana.narada.1.110.6) vatsarādau vasaṃtādau balirājye tathaiva ca / pūrvaviddhaiva kartavyā pratipatsarvadā budhaiḥ // ### [1.110.7](https://indike.org/pramana/in.purana.narada.1.110.7) tatra kāryā mahāśāntiḥ sarvakalmaṣanāśinī / sarvotpātapraśamanī kaliduṣkṛtahāriṇī // ### [1.110.8](https://indike.org/pramana/in.purana.narada.1.110.8) āyuḥ pradāpuṣṭikarī dhanasaubhāgyavarddhinī / maṅgalyā ca pavitrā ca lokadvayamukhāvahā // ### [1.110.9](https://indike.org/pramana/in.purana.narada.1.110.9) tasyāmādau tu saṃpūjyo brahmā vahnivapurdharaḥ / pādyārdhyapuṣpadhūpaiśca vastrālaṅkārabhojanaiḥ // ### [1.110.10](https://indike.org/pramana/in.purana.narada.1.110.10) homairbalyupahāraiśca tathā brāhmaṇatarpaṇaiḥ / tataḥ krameṇa devebhyaḥ pūjā kāryā pṛthakpṛthak // ### [1.110.11](https://indike.org/pramana/in.purana.narada.1.110.11) kṛtvoṅkāra namaskāraṃ kuśodakatilākṣataiḥ / savastraṃ sahiraṇyaṃ ca tato dadyāddijātaye // ### [1.110.12](https://indike.org/pramana/in.purana.narada.1.110.12) dakṣiṇāṃ vedaviduṣe vratasaṃpūrtihetave / evaṃ pūjāviśeṣeṇa vrataṃ syātsaurisaṃjñakam // ### [1.110.13](https://indike.org/pramana/in.purana.narada.1.110.13) ārogyadaṃ nṛṇāṃ vipra tasminneva dine mune / vidyāvratamapi proktamasyāmeva tithau mune // ### [1.110.14](https://indike.org/pramana/in.purana.narada.1.110.14) tilakaṃ nāma ca proktaṃ kṛṣṇenājātaśatrave / atha jyeṣṭhe site pakṣe pakṣatyāṃ divasodaye // ### [1.110.15](https://indike.org/pramana/in.purana.narada.1.110.15) devodyānabhavaṃ hṛdyaṃ karavīraṃ samarcayet / raktatanturīdhānaṃ gandhadhūpavilepanaiḥ // ### [1.110.16](https://indike.org/pramana/in.purana.narada.1.110.16) prarūḍhasaptadhānyaiśca nāragairbījapūrakaiḥ / abhyukṣyākṣatatoyena mantreṇetthaṃ kṣamāpayet // ### [1.110.17](https://indike.org/pramana/in.purana.narada.1.110.17) karavīra vṛṣāvāsa namaste bhānuvallabha / daṃbholimṛḍadurgādidevānāṃ satataṃ priya // ### [1.110.18](https://indike.org/pramana/in.purana.narada.1.110.18) ākṛṣṇeneti vedoktamantreṇetthaṃ kṣamāpayet / evaṃ bhaktyā samabhyacya dattvā viprāya dakṣiṇām // ### [1.110.19](https://indike.org/pramana/in.purana.narada.1.110.19) pradakṣiṇaṃ tataḥ kuryātpaścātsvabhavanaṃ vrajet / nabhaḥ śukle pratipadi lakṣmībuddhipradāyakam // ### [1.110.20](https://indike.org/pramana/in.purana.narada.1.110.20) dharmārthakāmamokṣāṇāṃ nidānaṃ paramaṃ vratam / somavāraṃ samārabhya sārdhamāsatrayaṃ dvija // ### [1.110.21](https://indike.org/pramana/in.purana.narada.1.110.21) kārtikāsitabhūtāyāmupoṣyaṃ vratatatparaḥ / pūrṇāyāṃ śivamabhyarcya suvaṇa vaṃśasaṃyutam // ### [1.110.22](https://indike.org/pramana/in.purana.narada.1.110.22) vāyanaṃ sumahatpuṇyaṃ devatāprītivardhakam / dadyādviprāya saṃkalpya dhanavṛddhyai munīśvara // ### [1.110.23](https://indike.org/pramana/in.purana.narada.1.110.23) bhādraśuklapratipadi vrataṃ nāmnā mahattamam / vrataṃ maunāhvayaṃ kecitprāhuratra śivor'cyate // ### [1.110.24](https://indike.org/pramana/in.purana.narada.1.110.24) naivedyaṃ tu pacenmaunī ṣoḍaśatriguṇāni ca / phalāni piṣṭapakvāni dadyādviprāya ṣoḍaśa // ### [1.110.25](https://indike.org/pramana/in.purana.narada.1.110.25) devāya ṣoḍaśānyāni bhujyante ṣoḍaśātmanā / sauvarṇaṃ śivamabhyarcya kumbhopari vidhānavit // ### [1.110.26](https://indike.org/pramana/in.purana.narada.1.110.26) tatsarvaṃ dhenusahitamācāryyāya pradāpayet / idaṃ kṛtvā vrataṃ vipra deva devasya śūlinaḥ // ### [1.110.27](https://indike.org/pramana/in.purana.narada.1.110.27) caturdaśābdaṃ dehāntaṃ bhuktabhogaḥ śivaṃ vrajet / āśvine sitapakṣatyāṃ katvāśokavrataṃ naraḥ // ### [1.110.28](https://indike.org/pramana/in.purana.narada.1.110.28) aśoko jāyate vipradhanadhānyasamanvitaḥ / aśokapūjanaṃ tatra kāryaṃ niyamatatparaiḥ // ### [1.110.29](https://indike.org/pramana/in.purana.narada.1.110.29) vratānte dvādaśe varṣe mūrtiṃ cāśokaśākhinaḥ / samarpya gurave bhaktyā śivaloke mahīyate // ### [1.110.30](https://indike.org/pramana/in.purana.narada.1.110.30) asyāmeva pratipadi navarātraṃ samārabhet / pūrvāhne pūjayeddevīṃ ghaṭasthāpanapūrvakam // ### [1.110.31](https://indike.org/pramana/in.purana.narada.1.110.31) aṅkurāropaṇaṃ kṛtvā yavairgodhūmamiśritaiḥ / tataḥ pratidinaṃ kuryādekabhuktamayācitam // ### [1.110.32](https://indike.org/pramana/in.purana.narada.1.110.32) upavāsaṃ yathāśakti pūjāpāṭhajapādikam / mārkaṃṇḍeya purāṇoktaṃ caritatritayaṃ dvija // ### [1.110.33](https://indike.org/pramana/in.purana.narada.1.110.33) paṭhanīyaṃ navadinaṃ bhuktimuktī abhīpsatā / kumārīpūjanaṃ tatra praśastaṃ bhojanādibhiḥ // ### [1.110.34](https://indike.org/pramana/in.purana.narada.1.110.34) itthaṃ kṛtvā vrataṃ vipra sarvasiddhyālayo naraḥ / jāyate bhuvi durgāyāḥ prasādānnātra saṃśayaḥ // ### [1.110.35](https://indike.org/pramana/in.purana.narada.1.110.35) athorjasitapakṣatyāṃ navarātroditaṃ caret / viśeṣādannakūṭākhyaṃ viṣṇuprītivivardhanam // ### [1.110.36](https://indike.org/pramana/in.purana.narada.1.110.36) sarvapākaiḥ sardadohaiḥ sarvaiḥ sarvārthasiddhaye / kartavyamannakūṭaṃ tu govarddhanasamarcane // ### [1.110.37](https://indike.org/pramana/in.purana.narada.1.110.37) sāyaṃ gobhiḥ saha śrīmadgovarddhanadharādharam / samarcya dakṣiṇīkṛtya bhuktimuktī samāpnuyāt // ### [1.110.38](https://indike.org/pramana/in.purana.narada.1.110.38) atha mārgasitādyāyāṃ dhanavratamanuttamam / naktaṃ viṣṇvarcanaṃ homaiḥ sauvarṇīṃ hutabhuktanum // ### [1.110.39](https://indike.org/pramana/in.purana.narada.1.110.39) raktavastrayugācchannāṃ dvijāya pratipādayet / evaṃ kṛtvā dhanairdhānyaiḥ samṛddho jāyate bhuvi // ### [1.110.40](https://indike.org/pramana/in.purana.narada.1.110.40) vahninā dagdhapāpastu viṣṇuloke mahīyate / pauṣaśuklapratipadi bhānumabhyarcya bhaktitaḥ // ### [1.110.41](https://indike.org/pramana/in.purana.narada.1.110.41) ekabhaktavrato martyo bhānulokamavāpnuyāt / māghaśuklādyadivase vahniṃ sākṣānmaheśvaram // ### [1.110.42](https://indike.org/pramana/in.purana.narada.1.110.42) samabhyacya vidhānena samṛddho jāyate bhuvi / atha phaālgunaśuklādau devadevaṃ digaṃbaram // ### [1.110.43](https://indike.org/pramana/in.purana.narada.1.110.43) dhūlidhūsarasarvāṅgaṃ jalairukṣetsamantataḥ / karmaṇā laukikenāpi saṃtuṣṭo hi maheśvaraḥ // ### [1.110.44](https://indike.org/pramana/in.purana.narada.1.110.44) svasāyujyaṃ pradiśati bhaktyā samyaksamarcitaḥ / vaiśākhe tu sitādyāyāṃ viṣṇuṃ viśvavihāriṇam // ### [1.110.45](https://indike.org/pramana/in.purana.narada.1.110.45) samabhyarcya vidhānena viprānsaṃbhojayedvatī / evaṃ śucisitādyāyāṃ brahmāṇaṃ jagatāṃ gurum // ### [1.110.46](https://indike.org/pramana/in.purana.narada.1.110.46) viṣṇunā sahito brahmā sarvalokeśvareśvaraḥ / svasāyujyaṃ pradiśati sarvasiddhimavāpnuyāt // ### [1.110.47](https://indike.org/pramana/in.purana.narada.1.110.47) āsu dvādaśamāsānāṃ pratipatsu dvijottama / vratāni tubhyaṃ proktāni bhuktimuktipradāni ca // ### [1.110.48](https://indike.org/pramana/in.purana.narada.1.110.48) vrateṣveteṣu sarveṣu brahmacaryaṃ vidhīyate / bhojane tu haviṣyānnaṃ sāmānyata udāhṛtam // ### [1.110.48.p1](https://indike.org/pramana/in.purana.narada.1.110.48.p1) iti śrībṛhannanāradīyapurāṇe pūrvabhāge bṛhadupākhyāne caturthapāde dvādaśamāsapratipadvratanirūpaṇaṃ nāma daśottaraśatatamo 'dhyāyaḥ ## Linked texts (4) - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.3.p4) — Ratnākara 1688, Sanskrit - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.5.1.1) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.2.1.1) — Anantadeva 1650, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.96.p4.1) — Hemādri, Sanskrit --- Source: [https://indike.org/pramana/in.purana.narada.1.110](https://indike.org/pramana/in.purana.narada.1.110) · Pramāṇa