[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.111 # Naradapurana 1.111 Nāradapurāṇa 1.111 - **Language:** Sanskrit ## Contents - [1.111.34](https://indike.org/pramana/in.purana.narada.1.111.34) — 1 part ### [1.111.1](https://indike.org/pramana/in.purana.narada.1.111.1) sanātana uvāca śṛṇu vipra pravakṣyāmi dvitīyāyā vratāni te / yāni kṛtvā naro bhaktyā brahmaloke mahīyate // ### [1.111.2](https://indike.org/pramana/in.purana.narada.1.111.2) caitraśukladvitīyāyāṃ brahmaṇaṃ ca saśaktikam / haviṣyānnena gandhādyaiḥ stoṣya sarvakratūdbhavam // ### [1.111.3](https://indike.org/pramana/in.purana.narada.1.111.3) phalaṃ labdhvākhilānkāmānante brahmapadaṃ labhet / asminneva dine vipra bālendumuditaṃ pare // ### [1.111.4](https://indike.org/pramana/in.purana.narada.1.111.4) samabhyarcya niśāraṃbhe bhuktimuktiphalaṃ bhavet / atha vāsmindine bhaktyā dasrāvabhyarcya yatnataḥ // ### [1.111.5](https://indike.org/pramana/in.purana.narada.1.111.5) suvarṇarajate netre pradadyācca dvijātaye / pūrṇayātrāvrate hyasmindadhnā vāpi ghṛtena ca // ### [1.111.6](https://indike.org/pramana/in.purana.narada.1.111.6) netravrataṃ dvādaśa vatsarānvai kṛtyā bhavedbhūmipatirdvijendra / surūparūpo 'rigaṇapratāpī dharmābhirāmo nṛpavargamukhyaḥ // ### [1.111.7](https://indike.org/pramana/in.purana.narada.1.111.7) rādhaśukladvitīyāyāṃ brahmaṇaṃ viṣṇurūpiṇam / samarcya saptadhānyānyāḍhyakuṃbhopari vidhānataḥ // ### [1.111.8](https://indike.org/pramana/in.purana.narada.1.111.8) viṣṇulokamavāpnoti bhuktvā bhogānmanoramān / jyeṣṭhaśukladvitīyāyāṃ bhāskaraṃ bhuvanādhipam // ### [1.111.9](https://indike.org/pramana/in.purana.narada.1.111.9) catuvaktrasvarūpaṃ ca samabhyarcya vidhānataḥ / bhojayitvā dvijān bhaktyā bhāskaraṃ lokamāpnuyāt // ### [1.111.10](https://indike.org/pramana/in.purana.narada.1.111.10) āṣāḍhasya site pakṣe dvitīyā puṇyasaṃyutā / tasyāṃ rathaṃ samāropya rāmaṃ saha subhadrayā // ### [1.111.11](https://indike.org/pramana/in.purana.narada.1.111.11) dvijādibhirvratī sārdhaṃ parikramya purādikam / jalāśayāntikaṃ gatvā kārayecca mahotsavam // ### [1.111.12](https://indike.org/pramana/in.purana.narada.1.111.12) tadante devabhavane niveśya ca yathāvidhi / brāhmaṇānbhojayeccaiva vratasyāsya prapūrtaye // ### [1.111.13](https://indike.org/pramana/in.purana.narada.1.111.13) nabhaḥ śukladvitīyāyāṃ viśvakarmā prajāpatiḥ / svapitīti tithiḥ puṇyā hyaśokaśayanāhvayā // ### [1.111.14](https://indike.org/pramana/in.purana.narada.1.111.14) saśaktika tu śayyāsthaṃ pūjayitvā caturmukham / imamuccārayenmantraṃ praṇamya jagatāṃ patim // ### [1.111.15](https://indike.org/pramana/in.purana.narada.1.111.15) śrīvatsadhāriñchrīkānta śrīvāsa śrīpate prabho / gārhasthyaṃ mā praṇāśaṃ me yātu dharmārthakāmada // ### [1.111.16](https://indike.org/pramana/in.purana.narada.1.111.16) candrārddhadānamatroktaṃ sarvasiddhividhāyakam / bhādraśukladvitīyāyāṃ śakrarūpaṃ jagadvidhim // ### [1.111.17](https://indike.org/pramana/in.purana.narada.1.111.17) pūjayitvā vidhānenana sarvakratuphalaṃ labhet / āśvine māsi vai puṇyā dvitīyā śuklapakṣagā // ### [1.111.18](https://indike.org/pramana/in.purana.narada.1.111.18) dānaṃ pradattametasyāmanantaphalamucyate / ūrjjaśukladvitīyāyāṃ yamo yamunayā purā // ### [1.111.19](https://indike.org/pramana/in.purana.narada.1.111.19) bhojitaḥ svagṛhe tena dvitīyaiṣā yamāhvayā / puṣṭipravarddhanaṃ cātra bhaginyā bhojanaṃ gṛhe // ### [1.111.20](https://indike.org/pramana/in.purana.narada.1.111.20) vastrālaṅkārapūrvaṃ tu tasmai deyamataḥ param // ### [1.111.21](https://indike.org/pramana/in.purana.narada.1.111.21) yasyāṃ tithau yamunayā yamarājadevaḥ saṃbhojito nijakarātsvasṛsauhṛdena / tasyāṃ svasuḥ karatalādiha yo bhunakti prāpnoti ratnadhanadhānyamanuttamaṃ saḥ // ### [1.111.22](https://indike.org/pramana/in.purana.narada.1.111.22) mārgaśukladvitīyāyāṃ śrāddhena pitṛpūjanam / ārogyaṃ labhate cāpi putrapautrasamanvayaḥ // ### [1.111.23](https://indike.org/pramana/in.purana.narada.1.111.23) pauṣaśukladvitīyāyāṃ gośṛṅgodakamārjanam / sarvakāmapradaṃ nṝṇāmāste bālendudarśanam // ### [1.111.24](https://indike.org/pramana/in.purana.narada.1.111.24) yor'ghyadānena bālenduṃ haviṣyāśī jitendriyaḥ / pūjayetsājyasumanedharmakāmārthasiddhaye // ### [1.111.25](https://indike.org/pramana/in.purana.narada.1.111.25) māghaśukladvitīyāyāṃ bhānurūpaṃ prajāpatim / samabhyarcya yathānyāyaṃ pūjayedraktapuṣpakaiḥ // ### [1.111.26](https://indike.org/pramana/in.purana.narada.1.111.26) raktairgaṃvaistathā svarṇamūrtiṃ nirmāya śaktitaḥ / tataḥ pūrṇaṃ tāmrapātraṃ gāghṛmairvāpitaṇḍulaiḥ // ### [1.111.27](https://indike.org/pramana/in.purana.narada.1.111.27) samarpya deve bhaktyaiva sa mūrtiṃ pradadeddvije / evaṃ kṛte vrate vipra sākṣātsūrya ivoditaḥ // ### [1.111.28](https://indike.org/pramana/in.purana.narada.1.111.28) durāsado durādharṣo jāyate bhuvimānavaḥ / iha kāmānvarāmbhuktvā yātyante brahmaṇaḥ padam // ### [1.111.29](https://indike.org/pramana/in.purana.narada.1.111.29) sarvadevastuto 'bhīkṣṇaṃ vimānavaramāsthitaḥ / atha phaālgunaśuklāyā dvitīyāyāṃ dvijottamaḥ // ### [1.111.30](https://indike.org/pramana/in.purana.narada.1.111.30) puṣpaiḥ śivaṃ samabhyarcya suśvetaiśca sugandhibhaḥ / puṣpairvitānakaṃ kṛtvā puṣpālaṅkaraṇaiḥ śubhaiḥ // ### [1.111.31](https://indike.org/pramana/in.purana.narada.1.111.31) naivedyairvividhairdhūpairdīparnīrājanādibhiḥ / prasādya praṇameccaiva sāṣṭāṅgaṃ patito bhuvi // ### [1.111.32](https://indike.org/pramana/in.purana.narada.1.111.32) evamabhyarcya deveśaṃ martyo vyādhivivarjitaḥ / dhanadhānyasamāyukto jīvedvirṣaśataṃ dhruvam // ### [1.111.33](https://indike.org/pramana/in.purana.narada.1.111.33) yadvidhānaṃ dvitīyāsu śuklapakṣagatāsu vā / proktaṃ tadeva kṛṣṇāsu karttavyaṃ vidhikovidaiḥ // ### [1.111.34](https://indike.org/pramana/in.purana.narada.1.111.34) vahnireva pṛthaṅmāḥsu nānārūpavapurddharaḥ / pūjyate hi dvitīyāsu brahmacaryyādi pūrvavat // ### [1.111.34.p1](https://indike.org/pramana/in.purana.narada.1.111.34.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsadvitīyāvratanirūpaṇaṃ nāmaikādaśādhikaśatatamo 'dhyāyaḥ ## Linked texts (2) - [Vīramitrodaya](https://indike.org/pramana/in.niti.dharma.nibandha.viramitrodaya.241) — Mitramiśra 1610, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.4.p19.5) — Ratnākara 1688, Sanskrit --- Source: [https://indike.org/pramana/in.purana.narada.1.111](https://indike.org/pramana/in.purana.narada.1.111) · Pramāṇa