[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.112 # Naradapurana 1.112 Nāradapurāṇa 1.112 - **Language:** Sanskrit ## Contents - [1.112.63](https://indike.org/pramana/in.purana.narada.1.112.63) — 1 part ### [1.112.1](https://indike.org/pramana/in.purana.narada.1.112.1) sanātana uvāca śṛṇu nārada vakṣyāmi tṛtīyāyā vratāni te / yāni samyagvidhāyāśu nārī saubhāgyamāpnuyāt // ### [1.112.2](https://indike.org/pramana/in.purana.narada.1.112.2) caitraśuklatṛtīyāyāṃ gaurīṃ kṛtvā sabhartṛkām / sauvarṇā rājatīṃ vāpi tāmnīṃ vā mṛṇyayīṃ dvija // ### [1.112.3](https://indike.org/pramana/in.purana.narada.1.112.3) abhyarcya gandhapuṣpādyairvastrairābharaṇaiḥ śubhaiḥ / dūrvākāṇḍaiśca vidhivatsopavāsā tu kanyakā // ### [1.112.4](https://indike.org/pramana/in.purana.narada.1.112.4) varārthinī ca saubhāgyaputrabhartrarthinī tathā / dvijabhāryā bhartṛmatīḥ kanyakāṃ vā sulakṣaṇāḥ // ### [1.112.5](https://indike.org/pramana/in.purana.narada.1.112.5) siṃdūrāñjanavastrādyaiḥ pratoṣya prītamānasā / rātrau jāgaraṇaṃ kuryādvratasaṃpūrtikāmyayā // ### [1.112.6](https://indike.org/pramana/in.purana.narada.1.112.6) tatastāṃ pratimāṃ vipra gurave pratipādayet / dhātujāṃ mṛnmayīṃ vā tu nikṣipecca jalāśaye // ### [1.112.7](https://indike.org/pramana/in.purana.narada.1.112.7) evaṃ dvādaśavarṣāṇi kṛtvā gaurīvrataṃ śubham / dhenudvādaśasaṃkalpaṃ dadyādutsargasiddhaye // ### [1.112.8](https://indike.org/pramana/in.purana.narada.1.112.8) kimatra bahunoktena gaurī saubhāgyadāyinī / strīṇāṃ yathā tathā nānyā vidyate bhuvanatraye // ### [1.112.9](https://indike.org/pramana/in.purana.narada.1.112.9) dhanaṃ putrānpatiṃ vidyāmājñāsiddhiṃ yaśaḥ sukham / labhate sarvameveṣṭaṃ gaurīmabhyarcya bhaktitaḥ // ### [1.112.10](https://indike.org/pramana/in.purana.narada.1.112.10) rādhaśuklatṛtīyā yā sākṣayā parikīrtitā / tithistrotāyugādyā sā kṛtasyākṣayakāriṇī // ### [1.112.11](https://indike.org/pramana/in.purana.narada.1.112.11) dve śukle dve tathā kṛṣṇe yugādī kavayo viduḥ / śukle pūrvāhnike grāhye kṛṣṇe caiva tapastatha // ### [1.112.12](https://indike.org/pramana/in.purana.narada.1.112.12) dvāparaṃ hi kalirbhādre pravṛttāni yugāni vai / tatra rādhatṛtīyāyāṃ śrīsametaṃ jagadgurum // ### [1.112.13](https://indike.org/pramana/in.purana.narada.1.112.13) nārāyaṇaṃ samabhyarcetpuṣpadhūpavilepanaiḥ / yadvā gaṅgāṃbhasi snāto mucyate sarvakilbiṣaiḥ // ### [1.112.14](https://indike.org/pramana/in.purana.narada.1.112.14) akṣatnaiḥ pūjayedviṣṇuṃ snāyādapyakṣatairnaraḥ / saktūnsaṃbhojayedviprānsvayamabhyavaharecca tān // ### [1.112.15](https://indike.org/pramana/in.purana.narada.1.112.15) evaṃ kṛtavidhirvipra naro viṣṇuparāyaṇaḥ / viṣṇulokamavāpnoti sarvadevanamaskṛtaḥ // ### [1.112.16](https://indike.org/pramana/in.purana.narada.1.112.16) atha jyeṣṭhatṛtīyā tu śuklā raṃbheti nāmataḥ / tasyāṃ sabhāryaṃ vidhivatpūjayedvāhmaṇottamam // ### [1.112.17](https://indike.org/pramana/in.purana.narada.1.112.17) gandhapuṣpāṃśukādyaistu nārī saubhāgyakāmyayā / raṃbhāvratamidaṃ vipra vidhivatsamupāśritam // ### [1.112.18](https://indike.org/pramana/in.purana.narada.1.112.18) dadāti vittaṃ putrāṃśca matiṃ dharme śubhāvahām / athāṣāḍhatṛtīyāyāṃ śuklāyāṃ śuklavāsasā // ### [1.112.19](https://indike.org/pramana/in.purana.narada.1.112.19) keśavaṃ tu salakṣmīkaṃ sastrīke tu dvijer'cayet / bhojanaiḥ surabhīdānairvastraiścāpi vibhūṣaṇaiḥ // ### [1.112.20](https://indike.org/pramana/in.purana.narada.1.112.20) priyervākyairbhṛśaṃ prītā nārī saubhāgyavāñchayā / samupāsya vrataṃ caitaddhanadhānyasamanvitā // ### [1.112.21](https://indike.org/pramana/in.purana.narada.1.112.21) devadevaprasādena viṣṇulokamavāpnuyāt / nabhaḥ śuklatṛtīyāyāṃ svarṇagaurīvrataṃ caret // ### [1.112.22](https://indike.org/pramana/in.purana.narada.1.112.22) upacāraiḥ ṣoḍaśabhirbhavānīmabhipūjayet / putrāndehi dhanaṃ dehi saubhāgyaṃ dehi suvrate // ### [1.112.23](https://indike.org/pramana/in.purana.narada.1.112.23) anyāṃśca sarvakāmānme dehi dehi namo 'stu te / evaṃ saṃprārthya deveśīṃ bhavānīṃ bhavasaṃyutām // ### [1.112.24](https://indike.org/pramana/in.purana.narada.1.112.24) vratasaṃpūrtikāmā tu vāyanaṃ dāpayettathā / evaṃ ṣoḍaśavarṣāṇi kṛtvā nārī vrataṃ śubham // ### [1.112.25](https://indike.org/pramana/in.purana.narada.1.112.25) udyāpanaṃ caredbhaktyā vittaśāṭhyavivarjitā / maṇḍape maṇḍale śuddhe gaṇeśādisurārcanam // ### [1.112.26](https://indike.org/pramana/in.purana.narada.1.112.26) kṛtvā tāmramayaṃ pātraṃ kalaśoparivinyaset / sauvarṇīṃ pratimāṃ tatra bhavānyāḥ pratipūjayet // ### [1.112.27](https://indike.org/pramana/in.purana.narada.1.112.27) gandhapuṣpādibhiḥ samyak tato homaṃ samācaret / veṇupātraiḥ ṣoḍaśabhiḥ pakvānnaparipūritaiḥ // ### [1.112.28](https://indike.org/pramana/in.purana.narada.1.112.28) samarpya devyai naivedyaṃ dvijeṣvetannivedayet / vāyanaṃ ca tataḥ paścāddadyātsaṃbandhibandhuṣu // ### [1.112.29](https://indike.org/pramana/in.purana.narada.1.112.29) pratimāṃ gurave dattvā dvijebhyo dakṣiṇāṃ tathā / pūrṇaṃ labhetphalaṃ nārī vratācaraṇatatparā // ### [1.112.30](https://indike.org/pramana/in.purana.narada.1.112.30) bhādraśuklatṛtīyāyāṃ vrataṃ vai hāritālakam / kuryādbhaktyā vidhānena pādyārdhyārcana pūrvakam // ### [1.112.31](https://indike.org/pramana/in.purana.narada.1.112.31) tatastu kāñcane pātre rājate cāpi tāmrake / vaiṇave mṛnmaye vāpi vinyasyānnaṃ sadakṣiṇam // ### [1.112.32](https://indike.org/pramana/in.purana.narada.1.112.32) saphalaṃ ca savastraṃ ca dvijāya pratipādayet / tadante pāraṇaṃ kuryādiṣṭabandhujanaiḥ saha // ### [1.112.33](https://indike.org/pramana/in.purana.narada.1.112.33) evaṃ kṛtavratā nārī bhuktvā bhogānmanoramān / vratasyāsya prabhāveṇa gaurīsahacarībhavet // ### [1.112.34](https://indike.org/pramana/in.purana.narada.1.112.34) saubhāgyadravyavastrāṇi vaṃśapātrāṇi ṣoḍaśa / dātavyāni prayatnena brāhmaṇebhyo yathāvidhi // ### [1.112.35](https://indike.org/pramana/in.purana.narada.1.112.35) anyebhyo vipravaryebhyo dakṣiṇāṃ ca prayatnataḥ / bhūyasīṃ ca tato dadyādviprebhyo devituṣṭaye // ### [1.112.36](https://indike.org/pramana/in.purana.narada.1.112.36) evaṃ yā kurute nārī vrataṃ saubhāgyavarddhanam / sā tu devīprasādena saubhāgyaṃ labhate dhruvam // ### [1.112.37](https://indike.org/pramana/in.purana.narada.1.112.37) yadā tṛtīyā bhādre tu hastarkṣasahitā bhavet / hastagaurīvrataṃ nāma taduddiṣṭaṃ hi śauriṇā // ### [1.112.38](https://indike.org/pramana/in.purana.narada.1.112.38) tathā koṭīśvarī nāma vrataṃ proktaṃ pinākinā / lakṣeśvarī caiva tathā tadvidhānamudīryate // ### [1.112.39](https://indike.org/pramana/in.purana.narada.1.112.39) asyāṃ vrataṃ tu saṃgrāhyaṃ yāvadvarṣacatuṣṭayam / upavāsena kartavyaṃ varṣe varṣe tu nārada // ### [1.112.40](https://indike.org/pramana/in.purana.narada.1.112.40) akhaṇḍānāṃ taṇḍulānāṃ tilānāṃ vā munīsvara / lakṣamekaṃ viśodhyātha kṣipetpayasi saṃsṛte // ### [1.112.41](https://indike.org/pramana/in.purana.narada.1.112.41) tatpakkena tu nirmāya devyā mūrtiṃ suśomanām / prakare gandhapuṣpāṇāṃ puṣpamālāvibhūṣitām // ### [1.112.42](https://indike.org/pramana/in.purana.narada.1.112.42) saṃsthāpya pārvatīṃ tatra pūjayedbhaktibhāvitaḥ / gandhaiḥ puṣpaistathā dhūpairdīpairnaivedyavistaraiḥ // ### [1.112.43](https://indike.org/pramana/in.purana.narada.1.112.43) vividhaiśca phalairvipra namaskṛtya kṣamāpayet / tato visarjayaddevīṃ jalamadhye 'tha dakṣiṇām // ### [1.112.44](https://indike.org/pramana/in.purana.narada.1.112.44) dattvā vidhijñaviprebhyo bhuñjīyācca pare dine / iti te kathitaṃ vipra koṭilakṣeśvarīvratam // ### [1.112.45](https://indike.org/pramana/in.purana.narada.1.112.45) gaurīlokaṃ prayātyante vratasyāsya prabhāvataḥ / iṣaśuklatṛtīyāyāṃ bṛbadgaurīvrataṃ caret // ### [1.112.46](https://indike.org/pramana/in.purana.narada.1.112.46) pañcavarṣaṃ vidhānena pūrvoktenaiva nārada / ācāryaṃ pūjayedante viprānanyāndhanādibhiḥ // ### [1.112.47](https://indike.org/pramana/in.purana.narada.1.112.47) suvāsinīḥ pañca pūjyā vastrālaṅkāracandanaiḥ / kañcukaiścaiva tāṭaṅkaiḥ kaṇṭhasūtrairharipriyāḥ // ### [1.112.48](https://indike.org/pramana/in.purana.narada.1.112.48) vaṃśapātrāṇi pañcaiva sūtraiḥ saṃveṣṭitāni ca / siṃdūraṃ jīrakaṃ caiva saubhāgyadravyasaṃyutam // ### [1.112.49](https://indike.org/pramana/in.purana.narada.1.112.49) godhīmapiṣṭajātaṃ ca navāpūpaṃ phalā dikam / vāyanāni ca pañcaiva tābhyo dadyācca bhojayet // ### [1.112.50](https://indike.org/pramana/in.purana.narada.1.112.50) arghaṃ dattvā vāyanāni paścādbhuñjīta vāgyatā / tatphalaṃ dhārayetkaṇṭhe sarvakāmasamṛddhaye // ### [1.112.51](https://indike.org/pramana/in.purana.narada.1.112.51) tataḥ prātaḥ samutthāya sālaṅkārā sakhījanaiḥ / gītavādyayutā nadyāṃ gaurīṃ tāṃ tu visarjayet // ### [1.112.52](https://indike.org/pramana/in.purana.narada.1.112.52) āhūtāsi mayābhadre pūjitā ca yathā vidhi / mama saubhāgyadānāya yatheṣṭaṃ gamyatāṃ tvayā // ### [1.112.53](https://indike.org/pramana/in.purana.narada.1.112.53) evaṃ kṛtvā vrataṃ bhaktyā dvija devīprasādataḥ / bhuktvā bhogāṃstu dehānte gaurīlokamavāpnuyāt // ### [1.112.54](https://indike.org/pramana/in.purana.narada.1.112.54) ūrjaśuklatṛtīyāyāṃ viṣṇugaurīvrataṃ caret / pūjayitvā jagadvandyāmupacāraiḥ pṛthagvidhaiḥ // ### [1.112.55](https://indike.org/pramana/in.purana.narada.1.112.55) suvāsinīṃ bhojayitvā maṅgaladravyapūjitām / visarjayetpraṇamyaināṃ viṣṇugaurīpratuṣṭaye // ### [1.112.56](https://indike.org/pramana/in.purana.narada.1.112.56) mārgaśuklatṛtīyāyāṃ haragaurīvrataṃ śubham / kṛtvā pūrvavidhānena pūjayejjagadaṃbikām // ### [1.112.57](https://indike.org/pramana/in.purana.narada.1.112.57) etadvrataprabhāveṇa bhuktvā bhogānmanoramān / devīlokaṃ samāsādya modate ca tayā saha // ### [1.112.58](https://indike.org/pramana/in.purana.narada.1.112.58) pauṣaśuklatṛtīyāyāṃ brahmagaurīvrataṃ caret / pūrvoktena vidhānena pūjitāpi dvijottama // ### [1.112.59](https://indike.org/pramana/in.purana.narada.1.112.59) brahmagaurīprasādena modate tatra saṃgatā / māghaśuklatṛtīyāyāṃ pūjyā saubhāgyasuṃdarī // ### [1.112.60](https://indike.org/pramana/in.purana.narada.1.112.60) pūrvoktena vidhānena nālikerārghyadānataḥ / prasannā diśati svīyaṃ lokaṃ tu vratatoṣitā // ### [1.112.61](https://indike.org/pramana/in.purana.narada.1.112.61) phaālgunasya site pakṣe tṛtīyā kulasaukhyadā / pūjitā gandhapuṣpādyaiḥ sarvamaṅgaladā bhavet // ### [1.112.62](https://indike.org/pramana/in.purana.narada.1.112.62) sarvāsu ca tṛtīyāsu vidhiḥ sādhāraṇo mune / devīpūjā viprapūjā dānaṃ homo visarjanam // ### [1.112.63](https://indike.org/pramana/in.purana.narada.1.112.63) ityevaṃ kathitānīha tṛtīyāyā vratāni te / bhaktyā kṛtāni ceṣṭāṃstu kāmāndardyumanogatān // ### [1.112.63.p1](https://indike.org/pramana/in.purana.narada.1.112.63.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsatṛtīyāvratakathanaṃ nāma dvādaśādhikaśatatamo 'dhyāyaḥ ## Linked texts (7) - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.23.p4) — Nīlakaṇṭha Dīkṣita 1625, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.103.5.8) — Hemādri, Sanskrit - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.6.16.p1.8) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.3.16.p1.9) — Anantadeva 1650, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.2.p45.4) — Anantadeva 1645, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.6.p4) — Nīlakaṇṭha Dīkṣita, Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p163.1) — Dalapatirāja 1511, Sanskrit --- Source: [https://indike.org/pramana/in.purana.narada.1.112](https://indike.org/pramana/in.purana.narada.1.112) · Pramāṇa