[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.114 # Naradapurana 1.114 Nāradapurāṇa 1.114 - **Language:** Sanskrit ## Contents - [1.114.61](https://indike.org/pramana/in.purana.narada.1.114.61) — 1 part ### [1.114.1](https://indike.org/pramana/in.purana.narada.1.114.1) sanātana uvāca śṛṇu vipra pravakṣyāmi pañcamyāste vratānyaham / yāni bhaktyā samāsthāya sarvānkāmānavāpnuyāt // ### [1.114.2](https://indike.org/pramana/in.purana.narada.1.114.2) proktā matsyajayantī tu pañcamī madhuśuklagā / asyāṃ matsyāvatārārcā bhaktaiḥ kāryā mahotsavā // ### [1.114.3](https://indike.org/pramana/in.purana.narada.1.114.3) śrīpañcamīti caiṣoktā tatra kāryaṃ śriyor'canam / gandhādyairupacāraistu naivedyaiḥ pāyasādibhiḥ // ### [1.114.4](https://indike.org/pramana/in.purana.narada.1.114.4) yo lakṣmīṃ pūjayeccātra taṃ vai lakṣmīrna muñcati / pṛthvīvrataṃ tathā cāndraṃ hayagarīvavrataṃ tathā // ### [1.114.5](https://indike.org/pramana/in.purana.narada.1.114.5) kāryaṃ tattadvidhānena tattatsiddhimabhīpsubhiḥ / atha vaiśākhapañcamyāṃ śeṣaṃ cābhyarcya mānavaḥ // ### [1.114.6](https://indike.org/pramana/in.purana.narada.1.114.6) sarvairnāgagaṇairyuktamabhīṣṭaṃ labhate phalam / tathā jyeṣṭhasya pañcamyāṃ pitṝnabhyarcayetsudhīḥ // ### [1.114.7](https://indike.org/pramana/in.purana.narada.1.114.7) sarvakāmaphalāvāptirbhavedvai viprabhojanaiḥ / athāṣāḍhasya pañcamyāṃ vāyuṃ sarvagataṃ mune // ### [1.114.8](https://indike.org/pramana/in.purana.narada.1.114.8) grāmādbahirvinirgatya dharopasthe samāstitaḥ / dhvajaṃ ca pañcavarṇaṃ tu vaṃśadaṇḍāgrasaṃsthitam // ### [1.114.9](https://indike.org/pramana/in.purana.narada.1.114.9) samucchritaṃ nidadhyāttu kalpitābje tu madhyataḥ / tatastanmūladeśe tu dikṣu sarvāsu nārada // ### [1.114.10](https://indike.org/pramana/in.purana.narada.1.114.10) lokapālānsamabhyarcya kuryādvāyuparīkṣaṇam / prathamādiṣu yāmeṣu yo yo vāyuḥ pravartate // ### [1.114.11](https://indike.org/pramana/in.purana.narada.1.114.11) tasmai tasmai digīśāya pūjāṃ samyak prakalpayet / evaṃ sthitvā nirāhārastatra yāmacatuṣṭayam // ### [1.114.12](https://indike.org/pramana/in.purana.narada.1.114.12) sāyamāgatya gehaṃ svaṃ bhuktvā svalpaṃ samāhitaḥ / lokapālānnamaskṛtya svapyādbhūmitale śucau // ### [1.114.13](https://indike.org/pramana/in.purana.narada.1.114.13) yaḥ svapno jāyate tasyāṃ rātrau yāme caturthake / sa eva bhavitā nūnaṃ svapna ityāha vai śivaḥ // ### [1.114.14](https://indike.org/pramana/in.purana.narada.1.114.14) aśubhe tu samutpanne śivapūjāparāyaṇaḥ / sopavāso nayedaṣṭayāmaṃ taddinameva vā // ### [1.114.15](https://indike.org/pramana/in.purana.narada.1.114.15) bhojayitvā dvijānaṣṭau tataḥ śubhaphalaṃ labhet / vratametatsamuditaṃ śubhāśubhanidarśanam // ### [1.114.16](https://indike.org/pramana/in.purana.narada.1.114.16) nṛṇāṃ saubhāgyajanakamiha loke paratra ca / śrāvaṇe kṛṣṇapañcamyāṃ vrataṃ hyannasamṛddhidam // ### [1.114.17](https://indike.org/pramana/in.purana.narada.1.114.17) caturthyāṃ dinaśeṣe tu sarvāṇyannāni nārada / pṛthak pātreṣu saṃsthāpya jalairāplāvayetsudhīḥ // ### [1.114.18](https://indike.org/pramana/in.purana.narada.1.114.18) tato pātrāntare tattu niṣkāsyāṃbu nidhāpayet / prātarbhānau samudite pitṝṃścaiva tathā ṛṣīn // ### [1.114.19](https://indike.org/pramana/in.purana.narada.1.114.19) devāṃścābhyarcya susnātaṃ kṛtvā naivedyamagrataḥ / tadannaṃ yācakebhyastu prayacchetprītamānasaḥ // ### [1.114.20](https://indike.org/pramana/in.purana.narada.1.114.20) sarvaṃ dinaṃ kṣipedevaṃ pradoṣe tu śivālaye / gatvā saṃpūjayeddevaṃ liṅgarūpiṇamīśvaram // ### [1.114.21](https://indike.org/pramana/in.purana.narada.1.114.21) gandhapuṣpādibhiḥ samyakpūjayitvā maheśvaram / japetpañcākṣarī vidyāṃ śataṃ cāpi sahasrakam // ### [1.114.22](https://indike.org/pramana/in.purana.narada.1.114.22) japaṃ nivedya devāya bhavāya bhavarūpiṇe / stutvā sarvairvaundikaiśca paurāṇaiścāpyanākulaḥ // ### [1.114.23](https://indike.org/pramana/in.purana.narada.1.114.23) prārthayeddevamīśānaṃ śaśvatsarvānnasiddhaye / śāradīyāni cānnāni tathā vāsaṃtikānyapi // ### [1.114.24](https://indike.org/pramana/in.purana.narada.1.114.24) yāni syustaiḥ samṛddho 'haṃ bhūyāṃ janmani janmani / evaṃ saṃprārthya deveśaṃ gṛhamāgatya vai svakam // ### [1.114.25](https://indike.org/pramana/in.purana.narada.1.114.25) datvānnaṃ brāhmaṇādibhyaḥ pakvaṃ bhuñjīta vāgyataḥ / etadannavrataṃ vipra vidhinā'caritaṃ nṛbhiḥ // ### [1.114.26](https://indike.org/pramana/in.purana.narada.1.114.26) sarvānnasaṃpajjanakaṃ paraloke gatipradam / śrāvaṇe śuklapañcajamyāṃ nṛbhirāstikyatatparaiḥ // ### [1.114.27](https://indike.org/pramana/in.purana.narada.1.114.27) dvārasyobhayato lekhyā gomayena viṣolbaṇāḥ / gandhādyaiḥ pūjayettāṃśca tathendrāṇīmanantaram // ### [1.114.28](https://indike.org/pramana/in.purana.narada.1.114.28) saṃpūjya svarṇarūpyādidadhyakṣatakuśāṃbubhiḥ / gandhaiḥ puṣpaistathā dhūpairdīpairnaivedyasaṃcayaiḥ // ### [1.114.29](https://indike.org/pramana/in.purana.narada.1.114.29) tataḥ pradakṣiṇīkṛtya taddravyaṃ saṃpraṇamya ca / saṃprārthya bhaktibhāvena viprāgryeṣu samarpayet // ### [1.114.30](https://indike.org/pramana/in.purana.narada.1.114.30) yadidaṃ svarṇaraupyādi dravyaṃ vai viprasātkṛtam / tadanantaphalaṃ bhūyānmama janmani janmani // ### [1.114.31](https://indike.org/pramana/in.purana.narada.1.114.31) ityevaṃ dadato dravyaṃ bhaktibhāvena nārada / prasannaḥ syāddhanādhyakṣaḥ svarṇādikasamṛddhidaḥ // ### [1.114.32](https://indike.org/pramana/in.purana.narada.1.114.32) etadvrataṃ naraḥ kṛtvā viprānsaṃbhojya bhaktitaḥ / paścātsvayaṃ ca bhuñjīta dārāpatyasuhṛddṛtaḥ // ### [1.114.33](https://indike.org/pramana/in.purana.narada.1.114.33) bhādre tu kṛṣṇapañcamyāṃ nāgān kṣīreṇa tarpayet // ### [1.114.34](https://indike.org/pramana/in.purana.narada.1.114.34) yastasyā'saptamaṃ yāvatkulaṃ sarpātsunirbhayam / bhādrasya śuklapañcamyāṃ pūjayedṛṣisattamān // ### [1.114.35](https://indike.org/pramana/in.purana.narada.1.114.35) prātarnadyādike snātvā kṛtvā nityamatandritaḥ / gṛhamāgatya yatnena vedikāṃ kārayenmṛdā // ### [1.114.36](https://indike.org/pramana/in.purana.narada.1.114.36) gomayenopalipyātha kṛtvā puṣpopaśobhitām / tatrāstīrya kuśānvipraṛṣīnsapta samarcayet // ### [1.114.37](https://indike.org/pramana/in.purana.narada.1.114.37) gandhaiśca vividhaiḥ puṣpairdhūpairdīpaiḥ suśobhaneḥ / kaśyapo 'trirbharadvājau viśvāmitro 'tha gautamaḥ // ### [1.114.38](https://indike.org/pramana/in.purana.narada.1.114.38) jamadagnirvasiṣṭhaśca saptaite ṛṣayaḥ smṛtāḥ / etaibhyo 'ghya ca vidhivatkalpayitvā pradāya ca // ### [1.114.39](https://indike.org/pramana/in.purana.narada.1.114.39) naivedyaṃ vipacedvīmānśyāmākādyairakṛṣṭakaiḥ / tannivedya visṛjyemānsvayaṃ cādyāttadeva hi // ### [1.114.40](https://indike.org/pramana/in.purana.narada.1.114.40) anena vidhinā sapta varṣāṇi prativatsaram / kṛtvā vratānte varayedācāryān sapta vaidikān // ### [1.114.41](https://indike.org/pramana/in.purana.narada.1.114.41) pratimāḥ saptakurvīnta suvarṇena svaśaktitaḥ / jaṭilāḥ sākṣasūtrāśca kamaṇḍalusamanvitāḥ // ### [1.114.42](https://indike.org/pramana/in.purana.narada.1.114.42) saṃsthāpya kalaśeṣvetāṃstāmreṣu mṛnmayeṣu vā / snāpayedvidhi vadbhaktyā pṛthakpañcāmṛtairapi // ### [1.114.43](https://indike.org/pramana/in.purana.narada.1.114.43) upacāraiḥ ṣoḍaśabhistataḥ saṃpūjya bhaktitaḥ / arghyaṃ datvā tato homaṃ tilavrīhiyavādibhiḥ // ### [1.114.44](https://indike.org/pramana/in.purana.narada.1.114.44) ṭhasahastomā'iti ṛkhā nāmanantraistu vā pṛthak / puṇyairmantraistathaivānyairhutvā pūrṇāhutiṃ caret // ### [1.114.45](https://indike.org/pramana/in.purana.narada.1.114.45) tatastu sapta gā dadyādvastrālaṅkārasaṃyutāḥ / ācāryaṃ pūjayejjaiva vastrālaṅkārabhūṣaṇaiḥ // ### [1.114.46](https://indike.org/pramana/in.purana.narada.1.114.46) anujñayā guroḥ paścānmūrtīrvipreṣu cārpayet / bhojayitvā tu tānbhaktyā praṇipatya visarjayet // ### [1.114.47](https://indike.org/pramana/in.purana.narada.1.114.47) tataśceṣṭaiḥ sahāsīnaḥ svayaṃ brāhmaṇaśeṣitam / bhuṅktvā vai ṣaḍrasopetaṃ pramudyātsaha bandhubhiḥ // ### [1.114.48](https://indike.org/pramana/in.purana.narada.1.114.48) etatkṛtvā vrataṃ gāṅgaṃ bhogānbhuktvātha vāñchitān / saptarṣīṇāṃ prasādena vimānavarago bhavet // ### [1.114.49](https://indike.org/pramana/in.purana.narada.1.114.49) āśvine śuklapañcamyāmupāṅgalalitāvratam // ### [1.114.50](https://indike.org/pramana/in.purana.narada.1.114.50) tasyāḥ svarṇamayīṃ mūrtiṃ śaktyā nirmāya nārada / upacāraiḥ ṣoḍaśabhiḥ pūjayettāṃ vidhānataḥ // ### [1.114.51](https://indike.org/pramana/in.purana.narada.1.114.51) pakvānnaṃ phalasaṃyuktaṃ saghṛtaṃ dakṣiṇānvitam / dvijavaryāya dātavyaṃ vratasaṃpūrtihetave // ### [1.114.52](https://indike.org/pramana/in.purana.narada.1.114.52) "savāhanā śaktiyutā varadā pūjitā mayā / mātarmāmanugṛhyātha gamyatāṃ nijamandiram // ### [1.114.53](https://indike.org/pramana/in.purana.narada.1.114.53) kārtike śuklapañcamyāṃ jayāvratamanuttamam / kartavyaṃ pāpanāśāya śraddhayā dvijasattama // ### [1.114.54](https://indike.org/pramana/in.purana.narada.1.114.54) pūjayitvā jayāṃ vipra yathāvidhi samāhitaḥ / upacāraiḥ ṣoḍaśabhistataḥ śuciralaṅkṛtaḥ // ### [1.114.55](https://indike.org/pramana/in.purana.narada.1.114.55) vipraikaṃ bhojayeccāpi tasmai dattvā ca dakṣiṇām / visarjayettataḥ paścātsvayaṃ bhuñjīta vāgyataḥ // ### [1.114.56](https://indike.org/pramana/in.purana.narada.1.114.56) yastu vai bhaktisaṃyuktaḥ snānaṃ kuryāj jayādine / naśyanti tasya pāpāni siṃhākrāntā mṛgā yathā // ### [1.114.57](https://indike.org/pramana/in.purana.narada.1.114.57) yadaśvamedhāvabhṛthe phalaṃ snānena kīrtitam / tatphalaṃ prāpyate viprasnānenāpi jayādine // ### [1.114.58](https://indike.org/pramana/in.purana.narada.1.114.58) aputro labhate putraṃ vandhyā gabha ca vindati / rogī rogātpramucyeta baddho mucyeta bandhanāt // ### [1.114.59](https://indike.org/pramana/in.purana.narada.1.114.59) mārgaśukle ca pañcamyāṃ nāgāniṣṭvā vidhānataḥ / nāgebhyo hyabhayaṃ labdhvā modate saha bāndhavaiḥ // ### [1.114.60](https://indike.org/pramana/in.purana.narada.1.114.60) pauṣe 'pi śuklapañcamyāṃ sampūjya madhusūdanam / labhate bāñchitānkāmānnātra kāryā vicāraṇā // ### [1.114.61](https://indike.org/pramana/in.purana.narada.1.114.61) pañcamyāṃ pratimāse tu śukle kṛṣṇe ca nārada / pitṝṇāṃ pūjanaṃ śastaṃ nāgānāṃ cāpi sarvathā // ### [1.114.61.p1](https://indike.org/pramana/in.purana.narada.1.114.61.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthapañcamīvratanirūpaṇaṃ nāma caturdaśādhikaśatatamo 'dhyāyaḥ ## Linked texts (4) - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.4.p88) — Ratnākara 1688, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.3.16.p1.22) — Anantadeva 1650, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.2.p53) — Anantadeva 1645, Sanskrit - [Vratodyāpanakaumudī (Śaṅkara)](https://indike.org/pramana/in.niti.dharma.vrata.udyapana.vratodyapanakaumudi-sankara.p10.14) — Śaṅkara 1728, Sanskrit --- Source: [https://indike.org/pramana/in.purana.narada.1.114](https://indike.org/pramana/in.purana.narada.1.114) · Pramāṇa