[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.115 # Naradapurana 1.115 Nāradapurāṇa 1.115 - **Language:** Sanskrit ## Contents - [1.115.54](https://indike.org/pramana/in.purana.narada.1.115.54) — 1 part ### [1.115.1](https://indike.org/pramana/in.purana.narada.1.115.1) sanātana uvāca śṛṇu vipra pravakṣyāmi ṣaṣṭhyāścaiva vratāni te / yāni samyagvidhāyātra labhaghetsarvānmanorathān // ### [1.115.2](https://indike.org/pramana/in.purana.narada.1.115.2) caitramāse śuklaṣaṣṭhyāṃ kumāravratamuttamam / tatreṣṭvā ṣaṇmukhaṃ devaṃ nānāpūjā vidhānataḥ // ### [1.115.3](https://indike.org/pramana/in.purana.narada.1.115.3) putraṃ sarvaguṇopetaṃ prāpnuyāccirajīvinam / vaiśākhaśuklaṣaṣṭhyāṃ ca pūjayitvā ca kārtikam // ### [1.115.4](https://indike.org/pramana/in.purana.narada.1.115.4) labhate mātṛjaṃ saukhyaṃ nātra kāryā vicāraṇā / jyeṣṭhamāse śuklaṣaṣṭhyāṃ vidhineṣṭvā divākaram // ### [1.115.5](https://indike.org/pramana/in.purana.narada.1.115.5) labhate vāñchitānkāmāṃstatprasādānna saṃśayaḥ / āṣāḍhaśuklaṣaṣṭhyāṃ vai skandavratamanuttamam // ### [1.115.6](https://indike.org/pramana/in.purana.narada.1.115.6) upoṣya pūjayitvainaṃ śivomāpriyamātmajam / labhate 'bhīpsitānkāmānputrapautrādisaṃtatīḥ // ### [1.115.7](https://indike.org/pramana/in.purana.narada.1.115.7) śrāvaṇe śuklaṣaṣṭhyāṃ tu śarajanmānamarcayet / upacāraiḥ ṣoḍaśabhirbhaktyā paramayānvitaḥ // ### [1.115.8](https://indike.org/pramana/in.purana.narada.1.115.8) labhate 'bhīpsitānarthānṣaṇmukhasya prasādataḥ / bhādramāse kṛṣṇaṣaṣṭyāṃ lalitāvratamucyate // ### [1.115.9](https://indike.org/pramana/in.purana.narada.1.115.9) prātaḥ snātvā vidhānena nārī śuklāmbarāvṛtā / śuktamālyayadharā vāpi nadyāḥ saṃgamavālukām // ### [1.115.10](https://indike.org/pramana/in.purana.narada.1.115.10) gṛhītvā vaṃśapātre tu dhṛtvā piṇḍākṛtiṃ ca tām / pañcadhā lalitāṃ tatra dhyāyedvanavilāsinīm // ### [1.115.11](https://indike.org/pramana/in.purana.narada.1.115.11) paṅkajaṃ karavīraṃ ca nepālīṃ mālatīṃ tathā / nīlotpalaṃ ketakīṃ ca saṃgṛhya tagaraṃ tathā // ### [1.115.12](https://indike.org/pramana/in.purana.narada.1.115.12) ekaikāṣṭaśataṃ grāhyamaṣṭāviṃśatireva ca / akṣatāḥ kalikā gṛhya tābhirdevīṃ prapūjayet // ### [1.115.13](https://indike.org/pramana/in.purana.narada.1.115.13) prārthayedagrataḥ sthitvā devīṃ tāṃ giriśapriyām / gaṅgādvāre kuśāvartte vilvake nīlaparvate // ### [1.115.14](https://indike.org/pramana/in.purana.narada.1.115.14) snātvā kanakhale devi harariṃ labdhavatī patim / lalite subhagaṃ devi sukhasaubhāgyadāyini // ### [1.115.15](https://indike.org/pramana/in.purana.narada.1.115.15) anataṃ dahi saubhāgyemahyaṃ tubhyaṃ namo 'namanaḥ / mantreṇānena kusumaiśvaṃpakasya suśobhanaiḥ // ### [1.115.16](https://indike.org/pramana/in.purana.narada.1.115.16) abhyarcya vidhivattasyā navaidyaṃ purato nyaset / trapuṣairapi kūṣmāṇḍairnālikeraiḥ sudāḍimaiḥ // ### [1.115.17](https://indike.org/pramana/in.purana.narada.1.115.17) bījapūraiḥ sutuḍīraiḥ kāravallaiḥ sacirbhaṭaiḥ / phalaistatkālasaṃbhūtaiḥ kṛtvā śobhāṃ tadagrataḥ // ### [1.115.18](https://indike.org/pramana/in.purana.narada.1.115.18) virūḍhadhānyāṅkurakaiḥ sudīpāvalibhistathā / sāddhai sargaṇakaidhūpaḥ sauhālakakarañjakaiḥ // ### [1.115.19](https://indike.org/pramana/in.purana.narada.1.115.19) guḍapuṣpaiḥ karṇaveṣṭaḍairmodakairupamodakaiḥ / bahuprakārairnaivedyairyathā vibhavasārataḥ // ### [1.115.20](https://indike.org/pramana/in.purana.narada.1.115.20) evamabhyarcya vidhivadrātrau jāgaraṇotsavam / gītavādyanaṭairnṛtyaiḥ prokṣaṇīyairanekadhā // ### [1.115.21](https://indike.org/pramana/in.purana.narada.1.115.21) sakhībhiḥ sahitā sādhvī tāṃ rātriṃ prasabhaṃ nayet / na ca saṃmīlayennetre nārīyāmacatuṣṭayam // ### [1.115.22](https://indike.org/pramana/in.purana.narada.1.115.22) durbhagā duṣkṛtā vandhyā netrasaṃmīlanādbhavet / evaṃ jāgaraṇaṃ kṛtvā saptamyāṃ saritaṃ nayet // ### [1.115.23](https://indike.org/pramana/in.purana.narada.1.115.23) gandhapuṣpaistathābhyarcya gītavādyapuraḥsaraiḥ / tacca dadyāddvijendrāya naivedyādi dvijottama // ### [1.115.24](https://indike.org/pramana/in.purana.narada.1.115.24) snātvā gṛhaṃ samāgatya hutvā vaiśvānaraṃ tataḥ / devānpitṝnmanuṣyāṃśca pūjayitvā suvāsinīḥ // ### [1.115.25](https://indike.org/pramana/in.purana.narada.1.115.25) kanyakāścaiva saṃbhojya brāhmaṇāndaśa pañca ca / bhakṣyabhojyairbahuvidhairdatvā dānāni bhūriśaḥ // ### [1.115.26](https://indike.org/pramana/in.purana.narada.1.115.26) lalitā me 'stu suprītā ityuktvā tānvisarjayet / yaḥ kaścidācaredetadvrataṃ saubhāgyadaṃ param // ### [1.115.27](https://indike.org/pramana/in.purana.narada.1.115.27) naro vā yadi vā nārī tasya puṇyaphalaṃ śṛṇu / yadvrataiśca tapobhiśca dānairvā niyamairapi // ### [1.115.28](https://indike.org/pramana/in.purana.narada.1.115.28) tadeteneha labhyeta kiṃ bahūktena nārada / mṛteranantaraṃ prāpya śivalokaṃ sanātanam // ### [1.115.29](https://indike.org/pramana/in.purana.narada.1.115.29) modate lalitādevyā śaive vai sakhivacciram / nabhasye māsi yā śuklā ṣaṣṭhī sā candanāhvayā // ### [1.115.30](https://indike.org/pramana/in.purana.narada.1.115.30) tasyāṃ devīṃ samabhyarcya labhate tatsalokatām / rohiṇī pātabhaumaistu saṃyutā kapilā bhavet // ### [1.115.31](https://indike.org/pramana/in.purana.narada.1.115.31) tasyāṃ raviṃ samabhyarcya vratī niyamatatparaḥ / labhate vāñchitānkāmānbhāskarasya prasādataḥ // ### [1.115.32](https://indike.org/pramana/in.purana.narada.1.115.32) annadānaṃ japo homaṃ pitṛdevarṣitarpaṇam / sarvamevākṣayaṃ jñeyaṃ kṛtaṃ devarṣisattama // ### [1.115.33](https://indike.org/pramana/in.purana.narada.1.115.33) kapilāṃ dhenumabhyarcya vastramālyānule panaiḥ / pradadyādvedaviduṣe dvādaśātmapratuṣṭaye // ### [1.115.34](https://indike.org/pramana/in.purana.narada.1.115.34) atheṣuśuklaṣaṣṭhyāṃ tu pūjyā kātyāyanī dvija / gandhādyairmaṅgaladravyairnaivedyairvividhaistathā // ### [1.115.35](https://indike.org/pramana/in.purana.narada.1.115.35) tataḥ kṣamāpya deveśīṃ praṇipatya visarjayet / pūjyātra saikatī mūrtiryadvā dvijasatī mudā // ### [1.115.36](https://indike.org/pramana/in.purana.narada.1.115.36) vastrālaṅkaraṇairbhavyaiḥ kātyāyinyāḥ pratuṣṭaye / kanyā varaṃ prāpnuyācca vāñcitaṃ putramaṅganā // ### [1.115.37](https://indike.org/pramana/in.purana.narada.1.115.37) kātyāyinīprasādādvai nātra kāryā vicāraṇā / kārtike śuklaṣaṣṭhyāṃ tu ṣaṇmukhena mahātmanā // ### [1.115.38](https://indike.org/pramana/in.purana.narada.1.115.38) devasenā mahābhāgā labdhā sarvusurārpitā / atastasyāṃ suraśreṣṭhāṃ devasenāṃ ca ṣaṇmukham // ### [1.115.39](https://indike.org/pramana/in.purana.narada.1.115.39) saṃpūjya nikhilaireva upacārairmanoharaiḥ / prāpnuyādatulāṃ siddhiṃ manobhīṣṭāṃ dvijottama // ### [1.115.40](https://indike.org/pramana/in.purana.narada.1.115.40) atraiva vahnipūjoktāṃ tāṃ ca sampaksamācaret / vividhadravyahomaiśca vahnipūjāpuraḥ saram // ### [1.115.41](https://indike.org/pramana/in.purana.narada.1.115.41) mārgaśīrṣe śaklaṣaṣṭhyāṃ nihatastārakāsuraḥ / skandena satkṛtiḥ prāptā brahamādyaiḥ parikalpitā // ### [1.115.42](https://indike.org/pramana/in.purana.narada.1.115.42) tato 'syāṃ pūjayetskandaṃ gandhapuṣpākṣataiḥ phalaiḥ / vastrairābhūṣaṇaścāpi naivedyairvividhaistathā // ### [1.115.43](https://indike.org/pramana/in.purana.narada.1.115.43) ravivāreṇa saṃyuktā tathā śatabhiṣānvitā / yadi cetsā samuddiṣṭā caṃpāhvā munisattama // ### [1.115.44](https://indike.org/pramana/in.purana.narada.1.115.44) tasyāṃ viśveśvaro devo draṣṭavyaḥ pāpanāśanaḥ / pūjanīyo vedanīyaḥ smartavyaḥ saukhyamicchatā // ### [1.115.45](https://indike.org/pramana/in.purana.narada.1.115.45) snānadānādikaṃ cātra sarvamakṣayyamucyate / pauṣamāse śuklaṣaṣṭhyāṃ devo dinapatirdvija // ### [1.115.46](https://indike.org/pramana/in.purana.narada.1.115.46) viṣṇurūpī jagattrātā pradurbhūtāḥ sanātanaḥ // ### [1.115.47](https://indike.org/pramana/in.purana.narada.1.115.47) sa tasmātpūjanīyo 'syāṃ dravyairgandhapuraskṛtaiḥ / naivedyairvasttrabhūṣādyaiḥ sarvasaukhyamabhīpsubhiḥ // ### [1.115.48](https://indike.org/pramana/in.purana.narada.1.115.48) māghamāse sitā ṣaṣṭhī varuṇāhvā smṛtā tu sā / tasyāṃ varuṇamabhyarcyedviṣṇurūpaṃ sanātanam // ### [1.115.49](https://indike.org/pramana/in.purana.narada.1.115.49) raktairgandhāṃśukaiḥ puṣpairnaivedyairdhūpadīpakaiḥ / evamabhyarcya vidhivadyadyaccābhilaṣennaraḥ // ### [1.115.50](https://indike.org/pramana/in.purana.narada.1.115.50) tattacca phalato labdhvā modate tatprasādataḥ / phaālgune śuklaṣaṣṭhyāṃ tu devaṃ paśupatiṃ dvija // ### [1.115.51](https://indike.org/pramana/in.purana.narada.1.115.51) mṛnmayaṃ vidhinā kṛttvā pūjayedupacārakaiḥ / saṃsnāpya śatarudreṇa pṛthakpañcāmṛtairjalaiḥ // ### [1.115.52](https://indike.org/pramana/in.purana.narada.1.115.52) gandhairālipya suśvetairakṣataiḥ śvetapuṣpakaiḥ / bilvapatraiśca dhattūrakusumaiśca phalaistathā // ### [1.115.53](https://indike.org/pramana/in.purana.narada.1.115.53) sampūjya nānānaivedyairnīrājya vidhivattataḥ / kṣamāpya praṇipatyainaṃ kailāsāya visarjayet // ### [1.115.54](https://indike.org/pramana/in.purana.narada.1.115.54) evaṃ kṛta śivārcastu naro nāryathavā mune / iha bhuktvā varānbhogānante śivagatiṃ labhet // ### [1.115.54.p1](https://indike.org/pramana/in.purana.narada.1.115.54.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitaṣaṣṭhīvratanirūpaṇaṃ nāma pañcadaśādhikaśatatamo 'dhyāyaḥ ## Linked texts (1) - [Vratakhaṇḍa](https://indike.org/pramana/in.niti.dharma.vrata.vratakhanda.105.p3.26) — Hemādri, Sanskrit --- Source: [https://indike.org/pramana/in.purana.narada.1.115](https://indike.org/pramana/in.purana.narada.1.115) · Pramāṇa