[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.116 # Naradapurana 1.116 Nāradapurāṇa 1.116 - **Language:** Sanskrit ## Contents - [1.116.29](https://indike.org/pramana/in.purana.narada.1.116.29) — 1 part - [1.116.68](https://indike.org/pramana/in.purana.narada.1.116.68) — 1 part - [1.116.72](https://indike.org/pramana/in.purana.narada.1.116.72) — 1 part ### [1.116.1](https://indike.org/pramana/in.purana.narada.1.116.1) sanātana uvāca śṛṇu nārada vakṣyāmi saptamyāste vratānyaham / yāni kṛtvā naro bhaktyā sūryasāyujyamāpnuyāt // ### [1.116.2](https://indike.org/pramana/in.purana.narada.1.116.2) caitre tu śuklasaptamyāṃ bahiḥ snānaṃ samācaret / sthaṇḍile gomayālipte gauramṛttikayāstṛte // ### [1.116.3](https://indike.org/pramana/in.purana.narada.1.116.3) likhitvāṣṭadalaṃ padmaṃ karṇikāyāṃ vibhāvam / vinyasetpūrvapatre tu devau dvau kṛtadhātukau // ### [1.116.4](https://indike.org/pramana/in.purana.narada.1.116.4) āgneyaṃ ca nyasenpatre gandharvauṃ kṛtakārakau / dakṣiṇe ca nyasetpatre tathaiva rākṣasadvayam // ### [1.116.5](https://indike.org/pramana/in.purana.narada.1.116.5) ākṛtau dvau nyasetpatre nairṛte munisattama / kādraveyau mahānāgau paścime kṛtacārakau // ### [1.116.6](https://indike.org/pramana/in.purana.narada.1.116.6) vāyavya yātudhānau dvau uttare ca ṛṣidvayam / aiśānye vinyasetpatpe grahameko dvijottama // ### [1.116.7](https://indike.org/pramana/in.purana.narada.1.116.7) teṣāṃ saṃpūjanaṃ kāryaṃ gandhamālyānulepanaiḥ / dīpairdhūpaiḥ sanaivedyaistāṃbūlakramukādibhiḥ // ### [1.116.8](https://indike.org/pramana/in.purana.narada.1.116.8) evaṃ saṃpūjya homaṃ tu ghṛtenāṣṭaśataṃ caret / sūryasyāṣṭāṣṭa cānyeṣāṃ pradadyādāhutīḥ kramāt // ### [1.116.9](https://indike.org/pramana/in.purana.narada.1.116.9) nāmamantreṇa vedyāṃ vā tataḥ pūrṇāhutiṃ dadet / dakṣiṇā ca tato deyā dvijebhyaḥ śaktito dvija // ### [1.116.10](https://indike.org/pramana/in.purana.narada.1.116.10) etatkṛtvā vidhaānaṃ tu sarvasaukhyamavāpnuyāt / dehānte maṇḍalaṃ bhānorbhattvā gacchetparaṃ padam // ### [1.116.11](https://indike.org/pramana/in.purana.narada.1.116.11) vaiśākhaśuklasaptamyāṃ jahnunā jāhnavī svayam / krodhātpītā punastyaktā karṇarandhrāttu dakṣiṇāt // ### [1.116.12](https://indike.org/pramana/in.purana.narada.1.116.12) tāṃ tatra pūjayetsnātvā pratyūṣe vimale jale / gandhapuṣpākṣatādyaiśca sarvairevopacārakaiḥ // ### [1.116.13](https://indike.org/pramana/in.purana.narada.1.116.13) tato ghaṭasahasraṃ tu deyaṃ gaṅgāvrate tvidam / bhaktyā kṛtaṃ saptakulaṃ nayetsvargamasaṃśayaḥ // ### [1.116.14](https://indike.org/pramana/in.purana.narada.1.116.14) kamalavratamapyatra proktaṃ tadvidhirucyate / tilamātraṃ tu sauvarṇaṃ vidhāya kamalaṃ śubham // ### [1.116.15](https://indike.org/pramana/in.purana.narada.1.116.15) vastrayugmāvṛtaṃ kṛtvā gandhadhūpādinārcayet / namaste padmahastāya namaste viśvadhāriṇe // ### [1.116.16](https://indike.org/pramana/in.purana.narada.1.116.16) divākara namastubhyaṃ prabhākara namo 'stu te / iti saṃprārthya deveśaṃ sūrye cāstamupāgate // ### [1.116.17](https://indike.org/pramana/in.purana.narada.1.116.17) sodakuṃbhaṃ tu tatpadmaṃ kapilāṃ ca dvijer'payet / taddine tūpavastavyaṃ bhoktavyaṃ ca pare 'hani // ### [1.116.18](https://indike.org/pramana/in.purana.narada.1.116.18) saṃbhojya brāhmaṇānbhaktyā vratasākalyamāpnuyāt / nibavrataṃ ca tatreva tadvidhānaṃ śṛṇuṣva me // ### [1.116.19](https://indike.org/pramana/in.purana.narada.1.116.19) niṃbapatraiḥ smṛtā pūjā bhāskarasya dvijottama / khakholkāyeti mantreṇa praṇavādyena nārada // ### [1.116.20](https://indike.org/pramana/in.purana.narada.1.116.20) niṃbapatraṃ tato 'śnīyācchayedbhūmau ca vāgyataḥ / dvijānpare 'hni saṃbhojya svayaṃ bhuñjīta bandhubhiḥ // ### [1.116.21](https://indike.org/pramana/in.purana.narada.1.116.21) niṃbapatravrataṃ caitatkartṛāṇāṃ sarvasaukhyadam / saptamī śarkarākhyaiṣā proktā taccāpi me śṛṇu // ### [1.116.22](https://indike.org/pramana/in.purana.narada.1.116.22) amṛtaṃ pibato hastātsūryasyāmṛtabindavaḥ / niṣpeturbhuvi cotpannāḥ śālimudgayavekṣavaḥ // ### [1.116.23](https://indike.org/pramana/in.purana.narada.1.116.23) śarkarā ca tatastasmādikṣusārāmṛtopamā / iṣṭā raverataḥ puṇyā śarkarā havyakavyayoḥ // ### [1.116.24](https://indike.org/pramana/in.purana.narada.1.116.24) śarkarāsaptamī caiva vājimedhapalapradā / sarvaduḥkhopaśamanī putrasaṃtativardhinī // ### [1.116.25](https://indike.org/pramana/in.purana.narada.1.116.25) asyāntu śarkarādānaṃ śarkarābhojanaṃ tathā / kartavyaṃ hi prayatnena vratame tadravipriyam // ### [1.116.26](https://indike.org/pramana/in.purana.narada.1.116.26) yaḥ kuryātparāyā bhaktyā sa vai sadgatimāpnuyāt / jyeṣṭhe tu śuklasaptamyāṃ jāta indro raviḥ svayam // ### [1.116.27](https://indike.org/pramana/in.purana.narada.1.116.27) taṃ saṃpūjya vidhānena sopavāso jitendriyaḥ / svargatiṃ labhate vipra devendrasya prasādataḥ // ### [1.116.28](https://indike.org/pramana/in.purana.narada.1.116.28) āṣāḍhaśuklasaptamyāṃ vivasvānnāma bhāskaraḥ / jātastaṃ tatra saṃprārcya gandhapuṣpādibhiḥ pṛthak // ### [1.116.29](https://indike.org/pramana/in.purana.narada.1.116.29) labhate sūryasāyujyaṃ viprendrātra na saṃśayaḥ / śrāvaṇe śuklasaptamyāmavyaṅgākhyaṃ vrataṃ śubham // ### [1.116.29.p1](https://indike.org/pramana/in.purana.narada.1.116.29.p1) kārpāsaṃ tu caturhastaṃ sārddha vastraṃ hi gopateḥ /// ### [1.116.30](https://indike.org/pramana/in.purana.narada.1.116.30) pūjānte prītaye deyaṃ vratametacchubhāvaham // ### [1.116.31](https://indike.org/pramana/in.purana.narada.1.116.31) yadi ceddhastayukteyaṃ tadā syātpāpanāśinī / asyāṃ dānaṃ japo homaḥ sarvaṃ cākṣayyatāṃ vrajet // ### [1.116.32](https://indike.org/pramana/in.purana.narada.1.116.32) bhādre tu śuklasaptamyāmamuktābharaṇavratam / somasya tu maheśasya pūjanaṃ cātra kīrtitam // ### [1.116.33](https://indike.org/pramana/in.purana.narada.1.116.33) gaṅgādibhiḥ ṣoḍaśabhirupacāraiḥ samarcanam / prārthya praṇamya visṛjetsarvakāmasamṛddhaye // ### [1.116.34](https://indike.org/pramana/in.purana.narada.1.116.34) phalasaptamikā ceyaṃ tadvidhānamudīryate / nālikeraṃ ca vṛntākaṃ nāraṅgaṃ bījapūrakam // ### [1.116.35](https://indike.org/pramana/in.purana.narada.1.116.35) kūṣmāṇḍaṃ bṛhatīpūgamiti sapta phalāni vai / mahādevasya purato vinyasyāparadorakam // ### [1.116.36](https://indike.org/pramana/in.purana.narada.1.116.36) saptatantukṛtaṃ saptagranthiyuktaṃ dvijottama / saṃpūjya parayā bhaktyā dhārayedvāmake kare // ### [1.116.37](https://indike.org/pramana/in.purana.narada.1.116.37) strī naro dakṣiṇe caiva yāvadvarṣaṃ samāpyate / saṃbhojya viprānsaptaiva pāyasena visṛjyasa tān // ### [1.116.38](https://indike.org/pramana/in.purana.narada.1.116.38) svayaṃ bhuñjīta matimān vratasaṃpūrtihetave / phalāni tāni deyāni saptasvapi dvijeṣu ca // ### [1.116.39](https://indike.org/pramana/in.purana.narada.1.116.39) evaṃ tu sapta varṣāṇi kṛtvopāsya yathāvidhi / sāyujyaṃ labhate vipra mahādevasya tadvratī // ### [1.116.40](https://indike.org/pramana/in.purana.narada.1.116.40) āśvine śuklapakṣe tu vijñeyā śubhasaptamī / tasyāṃ kṛtasnānapūjo vācayitvā dvijottamān // ### [1.116.41](https://indike.org/pramana/in.purana.narada.1.116.41) ārabhya kapilāṅgāṃ ca saṃpūjya prārthayettataḥ / tvāmahaṃ dadmi kalyāṇi prīyatāmaryamā svayam // ### [1.116.42](https://indike.org/pramana/in.purana.narada.1.116.42) pālaya tvaṃ jagatkatsnaṃ yato 'si dharmasambhavā / ityuktvā vedaviduṣe dattvā kṛtvā ca dakṣiṇām // ### [1.116.43](https://indike.org/pramana/in.purana.narada.1.116.43) namaskṛtya svayaṃ vipra visṛjetprāśayetvaravayam / pacagavyaṃ vrataṃ cetthaṃ vidhāya śvo dvijottamān // ### [1.116.44](https://indike.org/pramana/in.purana.narada.1.116.44) bhojayitvā svayaṃ cādyāttadannaṃ dvijaśeṣitam / kṛtaṃ hyetadgataṃ vipra subhāṣyaṃ śraddhayānvitaḥ // ### [1.116.45](https://indike.org/pramana/in.purana.narada.1.116.45) devadevaprasādena bhuktimuktimavāpnuyāt / atha kārtikaśuklāyāṃ śākākhyaṃ saptamīvratam // ### [1.116.46](https://indike.org/pramana/in.purana.narada.1.116.46) tasyāṃ tu saptaśākānisasvarṇakamalāni ca / pradadyātsaptaviprebhyaḥ śākāhārastataḥ svayam // ### [1.116.47](https://indike.org/pramana/in.purana.narada.1.116.47) dvitīye 'hni dvijānbhojya datvā tebhyo 'nnadakṣiṇām / visṛjya bandhubhiḥ sārddhaṃ svayaṃ bhuñjīta vāgyataḥ // ### [1.116.48](https://indike.org/pramana/in.purana.narada.1.116.48) mārgasya sitasaptamyāṃ mitravratamudāhṛtam / yadviṣṇordakṣiṇaṃ netraṃ tadeva kṛtavāniha // ### [1.116.49](https://indike.org/pramana/in.purana.narada.1.116.49) adityāṃ kaśyapājjajñe mitro nāmā divākaraḥ / ato 'syāṃ pūjanaṃ tasya yathoktavidhinā dvija // ### [1.116.50](https://indike.org/pramana/in.purana.narada.1.116.50) kṛtvā dvijānbhojayitvā saptaiva madhurādinā / suvarṇadakṣiṇāṃ datvā visṛjyāśnīta ca svayam // ### [1.116.51](https://indike.org/pramana/in.purana.narada.1.116.51) kṛtvaitadvidhinā lokaṃ sṛryyasya vrajati dhruvam / dvijobrāhmaṃ tathā śūdraḥ satkulejanma cāpnuyāt // ### [1.116.52](https://indike.org/pramana/in.purana.narada.1.116.52) pauṣasya śuklasaptamyāṃ vrataṃ cābhayasaṃjñitam / upoṣya bhānuṃ triḥsandhyaṃ samabhyarcya dharāsthitaḥ // ### [1.116.53](https://indike.org/pramana/in.purana.narada.1.116.53) kṣīrasiktānnasaṃbaddhaṃ modakaṃ prasthasaṃmitam / dvijāya datvā bhojyānyānsaptāṣṭabhyaśca dakṣiṇām // ### [1.116.54](https://indike.org/pramana/in.purana.narada.1.116.54) pṛthavī vā suvarṇaṃ vā visṛjyāśnīta ca svayam / abhayākhyaṃ vrataṃ tvetatsarvasyābhayadaṃ smṛtam // ### [1.116.55](https://indike.org/pramana/in.purana.narada.1.116.55) mārtaṇḍākhyaṃ vrataṃ nāma kathayanti dvijāḥ pare / ekameveti ca proktamekadaivatayā budhaiḥ // ### [1.116.56](https://indike.org/pramana/in.purana.narada.1.116.56) māghe tu kṛṣṇasaptamyāṃ vrataṃ sarvāptisaṃjñakam / samupoṣya dine tasminsampūjyādityabimbakam // ### [1.116.57](https://indike.org/pramana/in.purana.narada.1.116.57) sauvarṇaṃ gandhapuṣpādyaiḥ kṛtvā rātrau ca jāgaram / pare 'hni viprānsambhojya pāyasena tu sapta vai // ### [1.116.58](https://indike.org/pramana/in.purana.narada.1.116.58) dakṣiṇāṃ nālikerāṇi tebhyo datvā guruṃ tataḥ / sauvarṇaṃ tu raverbimbaṃ yuktaṃ dakṣiṇayā nyayā // ### [1.116.59](https://indike.org/pramana/in.purana.narada.1.116.59) samarpya ca bhṛśaṃ prārthya visṛjyādyātsvayaṃ tataḥ / etatsarvāptidaṃ nāma saṃproktaṃ sārvakāmikam // ### [1.116.60](https://indike.org/pramana/in.purana.narada.1.116.60) vratasyāsya prabhāveṇa dvaitaṃ sidhyeddhi sarvathā / māghasya śuklasaptamyāmacalākhyaṃ vrataṃ smṛtam // ### [1.116.61](https://indike.org/pramana/in.purana.narada.1.116.61) trilocanajayantīyaṃ sarvapāpaharā smṛtā / rathākhyā saptamī ceyaṃ cakravartitvadāyinī // ### [1.116.62](https://indike.org/pramana/in.purana.narada.1.116.62) asyāṃ samarcya savituḥ pratimāṃ tu haimīṃ haimāśvayuktarathagāṃ tu dadetsahebhām / yo bhāvabhaktisahitaḥ sa gato hi lokaṃ śambhoḥ sa modata ihāpi ca bhuktabhogaḥ // ### [1.116.63](https://indike.org/pramana/in.purana.narada.1.116.63) bhāskarī saptamī ceyaṃ koṭibhāsvadgrahopamā / aruṇodayavelāyāmasyāṃ snānaṃ vidhīyate // ### [1.116.64](https://indike.org/pramana/in.purana.narada.1.116.64) arkasya ca badaryāśca sapta sapta dalāni vai / nidhāya śirasi snāyātsaptajanmāghaśāntaye // ### [1.116.65](https://indike.org/pramana/in.purana.narada.1.116.65) putrapradaṃ vrataṃ cātra prāhādityaḥ svayaṃ prabhuḥ / yo māghasitaptamyāṃ pūjayenmāṃ vidhānataḥ // ### [1.116.66](https://indike.org/pramana/in.purana.narada.1.116.66) tasyāhaṃ putratāṃ yāsye svāṃśena bhṛśatoṣitaḥ / tasmājjitendriyo bhūtvā samupoṣya divāniśam // ### [1.116.67](https://indike.org/pramana/in.purana.narada.1.116.67) pūjayedapare cāhni homaṃ kṛtvā dvijāṃ stataḥ / dadhyodanena payasā pāyasena ca bhojayet // ### [1.116.68](https://indike.org/pramana/in.purana.narada.1.116.68) anena vidhinā yamtu kurute putrasaptamīḥ / labhate sa tu satputraṃ cirāyuṣamanāmayam // ### [1.116.68.p1](https://indike.org/pramana/in.purana.narada.1.116.68.p1) tapasyaśuklasaptamyāṃ vratamarkapuṭaṃ caret // ### [1.116.69](https://indike.org/pramana/in.purana.narada.1.116.69) arkapatrairyajedarkamarkapatrāṇi cāśnuyāt // ### [1.116.70](https://indike.org/pramana/in.purana.narada.1.116.70) arkanāma japecchaśvaditthaṃ cārkapuṭavratam / dhanadaṃ putradaṃ caitatsarvapāpapraṇāśanam // ### [1.116.71](https://indike.org/pramana/in.purana.narada.1.116.71) trivargadāmiti prāhuḥ kecidetadvataṃ dvija / yajñavrataṃ tathāpyanye vidhivaddhomakarmaṇā // ### [1.116.72](https://indike.org/pramana/in.purana.narada.1.116.72) sarvāsu sarvamāseṣu saptamīṣu dvijottamaḥ / bhāskarārādhanaṃ proktaṃ sarvakāmikamityalam // ### [1.116.72.p1](https://indike.org/pramana/in.purana.narada.1.116.72.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitasappamīvratanirūpaṇaṃ nāma ṣoḍaśādhikaśatatamo 'dhyāyaḥ ## Linked texts (10) - [Matsyapurāṇa](https://indike.org/pramana/in.purana.matsya.78.3) — Vyāsa, Sanskrit - [Brahmavaivartapurāṇa](https://indike.org/pramana/in.purana.brahmavaivarta.4.6.8) — Vyāsa, Sanskrit - [Śāktapramoda](https://indike.org/pramana/in.sampradaya.general.sakta.saktapramoda.10.1555) — Sanskrit - [Bṛhatparāśarahorāśāstra](https://indike.org/pramana/in.astro.hora.yavana.brhatparasara.57.80) — Parāśara, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.4.p121) — Ratnākara 1688, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.106.p2.7) — Hemādri, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.27.p1) — Nīlakaṇṭha Dīkṣita 1625, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.6.p447) — Lakṣmīdhara, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.10.p1) — Nīlakaṇṭha Dīkṣita, Sanskrit - [Tithyarka](https://indike.org/pramana/in.niti.dharma.kala.tithi.tithyarka.2.p1.19) — Divākarabhaṭṭa 1658, Sanskrit --- Source: [https://indike.org/pramana/in.purana.narada.1.116](https://indike.org/pramana/in.purana.narada.1.116) · Pramāṇa