[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.117 # Naradapurana 1.117 Nāradapurāṇa 1.117 - **Language:** Sanskrit ## Contents - [1.117.99](https://indike.org/pramana/in.purana.narada.1.117.99) — 1 part ### [1.117.1](https://indike.org/pramana/in.purana.narada.1.117.1) sanātana uvāca śuklāṣṭamyāṃ caitramāse bhavānyāḥ procyate janiḥ / pradakṣiṇaśataṃ kṛtvā kāryo yātrāmahotsavaḥ // ### [1.117.2](https://indike.org/pramana/in.purana.narada.1.117.2) darśanaṃ jagadambāyāḥ sarvānandapradaṃ nṛṇām / atraivāśo kakalikāprāśanaṃ samudāhṛtam // ### [1.117.3](https://indike.org/pramana/in.purana.narada.1.117.3) aśokakalikāścāṣṭau ye pibanti punarvasau / caitre māsi sitāṣṭamyāṃ na te śokamavāpnuyuḥ // ### [1.117.4](https://indike.org/pramana/in.purana.narada.1.117.4) mahāṣṭamīti ca proktā devyāḥ pūjāvidhānataḥ / vaiśākhasya sitāṣṭamyāṃ samupoṣyātra vāriṇā // ### [1.117.5](https://indike.org/pramana/in.purana.narada.1.117.5) snātvāparājitāṃ devīṃ māṃsībālakavāribhiḥ / snāpayitvārcya gandhādyairnaivedyaṃ śarkarāmayam // ### [1.117.6](https://indike.org/pramana/in.purana.narada.1.117.6) kumārīrbhojayeccāpi navamyāṃ pāraṇāgrataḥ / jyotirmayavimānena bhrājamāno yathā raviḥ // ### [1.117.7](https://indike.org/pramana/in.purana.narada.1.117.7) lokeṣu vicaredvipra devyāścaiva prasādataḥ / kṛṣṇāṣṭamyāṃ jyeṣṭhamāse pūjayitvā trilocanam // ### [1.117.8](https://indike.org/pramana/in.purana.narada.1.117.8) śivaloke vasetkalpaṃ sarvadevanamaskṛtaḥ / jyeṣṭhaśukle tathāṣṭamyāṃ yo devīṃ pūjayennaraḥ // ### [1.117.9](https://indike.org/pramana/in.purana.narada.1.117.9) sa vimānena carati gandharvāpsarasāṃ gaṇaiḥ / śuklāṣṭamyāṃ tathā'ṣāḍhe snātvā caiva niśāṃbunā // ### [1.117.10](https://indike.org/pramana/in.purana.narada.1.117.10) tenaiva snāpayeddevīṃ pūjayecca vidhānataḥ / tataḥ śuddhajalaiḥ snāpya viliṃpetseṃducandanaiḥ // ### [1.117.11](https://indike.org/pramana/in.purana.narada.1.117.11) naivedyaṃ śarkaropetaṃ datvā'camanamarpayet / bhojayitvā tato viprāndatvā svarṇaṃ ca dakṣiṇām // ### [1.117.12](https://indike.org/pramana/in.purana.narada.1.117.12) visṛjya ca tataḥ paścātsvayaṃ bhuñjīta vāgyataḥ / etadvrataṃ naraḥ kṛtvā devīlokamavāpnuyāt // ### [1.117.13](https://indike.org/pramana/in.purana.narada.1.117.13) nabhaḥśukletathāṣṭamyāṃ devīmiṣṭvā vidhānataḥ / kṣīreṇa snāpayitvā ca miṣṭānnaṃ vinivedayet // ### [1.117.14](https://indike.org/pramana/in.purana.narada.1.117.14) tato dvijān bhojayitvā pare 'hni svayamapyuta / bhuktvā samāpayedadvrataṃ saṃtativardhanam // ### [1.117.15](https://indike.org/pramana/in.purana.narada.1.117.15) nabhomāse sitāṣṭamyāṃ daśāphalamiti vratam / upavāsaṃ tu saṃkalpya snātvā kṛtvā ca naityikam // ### [1.117.16](https://indike.org/pramana/in.purana.narada.1.117.16) tulasyāḥ kṛṣṇāvarṇāyā dalairdaśabhirarcayet / kṛṣṇaṃ viṣṇuṃ tathānantaṃ govindaṃ garuḍadhvajam // ### [1.117.17](https://indike.org/pramana/in.purana.narada.1.117.17) dāmodaraṃ hṛṣīkeśaṃ padmanābhaṃ hariṃ prabhum / etaiśca nāmabhirnityaṃ kṛṣṇadevaṃ samarcayet // ### [1.117.18](https://indike.org/pramana/in.purana.narada.1.117.18) namaskāraṃ tataḥ kuryātpradakṣiṇasamanvitam / evaṃ daśadinaṃ kuryādvratānāmuttamaṃ vratam // ### [1.117.19](https://indike.org/pramana/in.purana.narada.1.117.19) ādau madhye tathā cānte homaṃ kuryādvidhānataḥ / kṛṣṇamantreṇa juhuyāccaruṇāṣṭottaraṃ śatam // ### [1.117.20](https://indike.org/pramana/in.purana.narada.1.117.20) homānte vidhinā samyagācāryyaṃ pūjayetsudhīḥ / sauvarṇe tāmrapātre vā mṛnmaye veṇupātrake // ### [1.117.21](https://indike.org/pramana/in.purana.narada.1.117.21) tulasīdalaṃ suvarṇena kārayitvā sulakṣaṇam / haimīṃ ca pratimāṃ kṛtvā pūjayitvā vidhānataḥ // ### [1.117.22](https://indike.org/pramana/in.purana.narada.1.117.22) nidhāya pratimāṃ pātre hyācāryāya nivedayet / dātavyā gauḥ savatsā ca vastrālaṅkārabhūṣitā // ### [1.117.23](https://indike.org/pramana/in.purana.narada.1.117.23) daśāhaṃ kṛṣṇadevāya pūrikā daśa cārpayet / tāśca dadyādvidhijñāya svayaṃ vā bhakṣayedvratī // ### [1.117.24](https://indike.org/pramana/in.purana.narada.1.117.24) śayanaṃ ca pradātavyaṃ yathāśakti dvijottama / daśame 'hni tato mūrtiṃ sadravyāṃ guraver'payet // ### [1.117.25](https://indike.org/pramana/in.purana.narada.1.117.25) vratānte daśaviprebhyaḥ pratyekaṃ daśa pūrikāḥ / dadyādeva daśābdaṃ tu kṛtvā vratamanuttamam // ### [1.117.26](https://indike.org/pramana/in.purana.narada.1.117.26) upoṣya vidhinā bhūyātsarvakā masamanvitaḥ / ante kṛṣṇasya sāyujyaṃ labhate nātra saṃśayaḥ // ### [1.117.27](https://indike.org/pramana/in.purana.narada.1.117.27) kṛṣṇajanmāṣṭamī ceyaṃ smṛtā pāpaharā nṛṇām / kevalenopavāsena tasmiñjanmadine hareḥ // ### [1.117.28](https://indike.org/pramana/in.purana.narada.1.117.28) saptajanmakṛtātpāpānmucyate nātra saṃśayaḥ / upavāsī tilaiḥ snāto nadyādau vimale jale // ### [1.117.29](https://indike.org/pramana/in.purana.narada.1.117.29) sudeśe maṇḍape kḷpte maṇḍalaṃ racayetsudhīḥ / tanmadhye kalaśaṃ sthāpya tāmrajaṃ vāpi mṛnmayam // ### [1.117.30](https://indike.org/pramana/in.purana.narada.1.117.30) tasyopari nyasetpātraṃ tāmraṃ tasyopari sthitām / haimīṃ vastrayugācchannāṃ kṛṣṇasya pratimāṃ śubham // ### [1.117.31](https://indike.org/pramana/in.purana.narada.1.117.31) pādyādyairupacāraistu pūjayetsnigdhamānasaḥ / devakīṃ vasudevaṃ ca yaśodāṃ nandameva ca // ### [1.117.32](https://indike.org/pramana/in.purana.narada.1.117.32) vrajaṃ gopāṃstathā gopīrgāśca dikṣu samarcayet / tata ārārtikaṃ kṛtvā kṣamāpyānamya bhaktitaḥ // ### [1.117.33](https://indike.org/pramana/in.purana.narada.1.117.33) tiṣṭhettathaivārddharātre punaḥ saṃsnāpayeddharim / pañcāmṛtaiḥ śuddhajalairgandhādyaiḥ pūjayetpunaḥ // ### [1.117.34](https://indike.org/pramana/in.purana.narada.1.117.34) dhānyākaṃ ca yavānīṃ ca śuṇṭhīṃ khaṇḍaṃ ca nārada / sājyaṃ raupye dhṛtaṃ pātre naivedyaṃ vinivedayet // ### [1.117.35](https://indike.org/pramana/in.purana.narada.1.117.35) punarārārtikaṃ kṛtvā daśadhā rūpadhāriṇam / vicintayanmṛgāṅkāya dadyādarghyaṃ samudyate // ### [1.117.36](https://indike.org/pramana/in.purana.narada.1.117.36) tataḥ kṣamāpya deveśaṃ rātrikhaṇḍaṃ nayedvratī / paurāṇikaiḥ stotrapāṭhairgītavādyairanekadhā // ### [1.117.37](https://indike.org/pramana/in.purana.narada.1.117.37) tataḥ prabhāte vipragryānbhojayenmadhurānnakaiḥ / datvā ca dakṣiṇāṃ tebhyo visṛjettuṣṭamānasaḥ // ### [1.117.38](https://indike.org/pramana/in.purana.narada.1.117.38) tatastāṃ pratimāṃ viṣṇoḥ svarṇadhenudharānvitām / gurave dakṣiṇāṃ datvā visṛjyāśrīta ca svayam // ### [1.117.39](https://indike.org/pramana/in.purana.narada.1.117.39) dārāpatyasuhṛdbhṛtyarevaṃ kṛtvā vrata naraḥ / sākṣādgokamāpnoti vimānavaramāsthitaḥ // ### [1.117.40](https://indike.org/pramana/in.purana.narada.1.117.40) naitena sadṛśaṃ cānyadvratamasti jagattraye / kṛtena yena labhyeta koṭyaikādaśakaṃ phalam // ### [1.117.41](https://indike.org/pramana/in.purana.narada.1.117.41) śuklāṣṭamyāṃ nabhasyasya kuryādrādhāvrataṃ naraḥ / pūrvavadrādhikāṃ haimīṃ kalaśasthāṃ prapūjayet // ### [1.117.42](https://indike.org/pramana/in.purana.narada.1.117.42) madhyāhne pūjayitvenāmekabhaktaṃ samāpayet / śakto bhaktaścopavāsaṃ pare 'hni vidhinā tataḥ // ### [1.117.43](https://indike.org/pramana/in.purana.narada.1.117.43) suvāsinīrbhojayitvā gurave pratimārpaṇam / kṛtvā svayaṃ ca bhuñjītaṃ vratamevaṃ samāpayet // ### [1.117.44](https://indike.org/pramana/in.purana.narada.1.117.44) vratenānena viprarṣe kṛtena vidhinā vratī / rahasyaṃ goṣṭhajaṃ labdhvā rādhāparikare vaset // ### [1.117.45](https://indike.org/pramana/in.purana.narada.1.117.45) dūrvāṣṭamīvrataṃ cātra kathitaṃ tacca me śṛṇu / śucau deśe prajātāyāṃ dvarvāyāṃ dvijasattama // ### [1.117.46](https://indike.org/pramana/in.purana.narada.1.117.46) sthāpya liṅgaṃ tato gandhaiḥ puṣpairdhūpaiśca dīpakaiḥ / naivedyairarcayedbhaktyā dadhyakṣataphalādibhiḥ // ### [1.117.47](https://indike.org/pramana/in.purana.narada.1.117.47) arghyaṃ pradadyātpūjānte mantrābhyāṃ susamāhitaḥ / tvaṃ dūrve 'mṛtajanmāsi surāsuranamaskṛte // ### [1.117.48](https://indike.org/pramana/in.purana.narada.1.117.48) saubhāgyaṃ saṃtatiṃ dehi sarvakāryakarī bhava / yathā śākhā praśākhābhirvistṛtāsi mahītale // ### [1.117.49](https://indike.org/pramana/in.purana.narada.1.117.49) tathā vistṛtasaṃtānaṃ dehi me 'pyajarāmaram / tataḥ pradakṣiṇīkṛtya viprānsaṃbhojya tatra vai // ### [1.117.50](https://indike.org/pramana/in.purana.narada.1.117.50) bhuktvā svayaṃ gṛhaṃ gacchedatvā vipreṣu dakṣiṇām / phalāni ca praśastāni miṣṭāni surabhīṇi ca // ### [1.117.51](https://indike.org/pramana/in.purana.narada.1.117.51) evaṃ puṇyā pāpaharā nṛṇā dūrvāṣṭamī dvija / caturṇāmapi varṇānāṃ strījanānāṃ viśeṣataḥ // ### [1.117.52](https://indike.org/pramana/in.purana.narada.1.117.52) yā na pūjayate dūrvā nārī mohādyathāvidhi / janmāni trīṇi vaidhavyaṃ labhate sā na saṃśayaḥ // ### [1.117.53](https://indike.org/pramana/in.purana.narada.1.117.53) yadā jyeṣṭharkṣasaṃyuktā bhavecjaivāṣṭabhī dvija / jyeṣṭhā nāmnī tu sā jñeyā pūjitā pāpanāśinī // ### [1.117.54](https://indike.org/pramana/in.purana.narada.1.117.54) athaināṃ tu samārabhya vrataṃ ṣoḍaśavāsaram / mahālakṣmyāḥ samuddiṣṭaṃ sarvasaṃpadvivardhanam // ### [1.117.55](https://indike.org/pramana/in.purana.narada.1.117.55) kariṣye 'haṃ mahālakṣmīvrataṃ te tvatparāyaṇaḥ / tadavighnena me yātu samāptiṃ tvatprasādataḥ // ### [1.117.56](https://indike.org/pramana/in.purana.narada.1.117.56) ityuccārya tato baddhā ḍoraka dakṣiṇe kare / ṣoḍaśagranthisahitaṃ guṇaiḥ ṣoḍaśabhiryutam // ### [1.117.57](https://indike.org/pramana/in.purana.narada.1.117.57) tato 'nvahaṃ mahālakṣmīṃ gandhādyairarccayedvratī / yāvatkṛṣṇāṣṭamī tatra caredudyāpanaṃ sudhīḥ // ### [1.117.58](https://indike.org/pramana/in.purana.narada.1.117.58) vastramaṇḍapikāṃ kṛtvā sarvatobhadramaṇḍale / kalaśaṃ supratiṣṭhāpya dīpamuddyotayettataḥ // ### [1.117.59](https://indike.org/pramana/in.purana.narada.1.117.59) uttārya ḍorakaṃ bāhoḥ kuṃbhasyādho nivedayet / catasraḥ pratimāḥ kṛtvā sauvarṇīstatsvarūpiṇīḥ // ### [1.117.60](https://indike.org/pramana/in.purana.narada.1.117.60) snapanaṃ kārayettāsāḥ jalaiḥ pañcāmṛtaistathā / upacāraiḥ ṣoḍaśabhiḥ pūjayitvā vidhānataḥ // ### [1.117.61](https://indike.org/pramana/in.purana.narada.1.117.61) jāgarastatra kartavyo gītavāditraniḥ svanaiḥ / tato niśīthe saṃprāpte 'bhyudite 'mṛtadīdhitau // ### [1.117.62](https://indike.org/pramana/in.purana.narada.1.117.62) datvārghyaṃ bandhanaṃ dravyaiḥ śrīkhaṇḍādyairvidhānataḥ / candramaṇḍalasaṃsthāyai mahālakṣyai pradāpayet // ### [1.117.63](https://indike.org/pramana/in.purana.narada.1.117.63) kṣīrodārṇavasaṃbhūta mahālakṣmīsahodara / pīyūṣadhāma rohiṇyāḥ sahitār'ghyaṃ gṛhāṇa me // ### [1.117.64](https://indike.org/pramana/in.purana.narada.1.117.64) kṣīrodārṇavasambhūte kamale kamalālaye / viṣṇuvakṣasthalasthe me sarvakāmapradā bhava // ### [1.117.65](https://indike.org/pramana/in.purana.narada.1.117.65) ekanāthe jagannāthe jamadagnipriye 'vyaye / reṇuke trāhi māṃ devi rāmamātaḥ śivaṃ kuru // ### [1.117.66](https://indike.org/pramana/in.purana.narada.1.117.66) mantrairetairmahālakṣmīṃ prārthya śrotriyayoṣitaḥ / samyaksaṃpūjya tāḥ samyaggandhayāvakakajjalaiḥ // ### [1.117.67](https://indike.org/pramana/in.purana.narada.1.117.67) saṃbhojya juhuyādagnau bilvapadmakapāyasaiḥ / tadalābhe ghṛtairvipra gṛhebhyaḥ samidhastilān // ### [1.117.68](https://indike.org/pramana/in.purana.narada.1.117.68) mṛtyuñjayāya ca paraṃ sarvarogapraśāntaye / candanaṃ tālapatraṃ ca puṣpamālāṃ tathākṣatān // ### [1.117.69](https://indike.org/pramana/in.purana.narada.1.117.69) durvāṃ kausumbhasūtraṃ ca yugaṃ śrīphalameva vā / bhakṣyāṇi ca nave śūrpe pratidravyaṃ tu ṣoḍaśa // ### [1.117.70](https://indike.org/pramana/in.purana.narada.1.117.70) samācchādyānyaśūrpeṇa vratī dadyātsamantrakam / kṣīrodārṇavasaṃbhūtā lakṣmīścandrasahodarā // ### [1.117.71](https://indike.org/pramana/in.purana.narada.1.117.71) vratenānena saṃtuṣṭā bhavatādviṣṇuvallabhā / cetasraḥ pratimāstāstu śrotriyebhyaḥ samarpayet // ### [1.117.72](https://indike.org/pramana/in.purana.narada.1.117.72) tatastu caturo viprān ṣoḍaśāpi suvāsinīḥ / miṣṭānnenāśayitvā tu visṛjettāḥ sadakṣiṇāḥ // ### [1.117.73](https://indike.org/pramana/in.purana.narada.1.117.73) samāptiniyamaḥ paścādbhañjīteṣṭaiḥ samanvitaḥ / etadvrataṃ mahālakṣmyāḥ kṛtvā vipra vidhānataḥ // ### [1.117.74](https://indike.org/pramana/in.purana.narada.1.117.74) bhuktveṣṭānaihikān kāmāṃllakṣmīloke vasecciram / eṣāṣokāṣṭamī coktā yasyāṃ pūrṇaṃ ramāvratam // ### [1.117.75](https://indike.org/pramana/in.purana.narada.1.117.75) atrāśokasya pūjā syādekabhaktaṃ tathā smṛtam / kṛtvāśokavrataṃ nārī hyaśokā śokajanmani // ### [1.117.76](https://indike.org/pramana/in.purana.narada.1.117.76) yatra kutrāpi saṃjātā nātra kāryā vicāraṇā / āśvine śuklapakṣe tu proktā vipra mahāṣṭamī // ### [1.117.77](https://indike.org/pramana/in.purana.narada.1.117.77) tatra durgācanaṃ proktaṃ savrairapyupacārakaiḥ / upavāsaṃ caikabhaktaṃ mahāṣṭamyāṃ vidhāya tu // ### [1.117.78](https://indike.org/pramana/in.purana.narada.1.117.78) sarvato vibhavaṃ prāpya modate devavacciram / ūrjje kṛṣṇādike 'ṣṭamyāṃ karakākhyaṃ vrataṃ smṛtam // ### [1.117.79](https://indike.org/pramana/in.purana.narada.1.117.79) tatromāsahitaḥ śaṃbhuḥ pūjanīyaḥ prayatnataḥ / candrodayer'ghadānaṃ ca vidheyaṃ vratibhiḥ sadā // ### [1.117.80](https://indike.org/pramana/in.purana.narada.1.117.80) putraṃ sarvaguṇopetamicchadbhirvividhaṃ sukham / gopāṣṭamīti saṃproktā kārtike dhavale dale // ### [1.117.81](https://indike.org/pramana/in.purana.narada.1.117.81) tatrakuryādgavāṃ pūjāṃ gogrāsaṃ gopradakṣiṇām / gavānugamanaṃ dānaṃ vāñchansarvāśca saṃpadaḥ // ### [1.117.82](https://indike.org/pramana/in.purana.narada.1.117.82) kṛṣṇāṣṭamyāṃ mārgaśīrṣe mithunaṃ darbhanirmitam / anaghāṃ cānaghāṃ tatra bahuputrasamanvitam // ### [1.117.83](https://indike.org/pramana/in.purana.narada.1.117.83) sthāpayitvā śubhe deśe gomayenopalepite / pūjayedgandhapuṣpādyairupacāraiḥ pṛthagvidhaiḥ // ### [1.117.84](https://indike.org/pramana/in.purana.narada.1.117.84) saṃbhojya dvijadāṃpatyaṃ visṛjellabdhadakṣiṇam / vratametannaraḥ kṛtvā nārī vā vidhipūrvakam // ### [1.117.85](https://indike.org/pramana/in.purana.narada.1.117.85) putraṃ sallakṣaṇopetaṃ labhate nātra saṃśayaḥ // ### [1.117.86](https://indike.org/pramana/in.purana.narada.1.117.86) mārgāśīrṣasitāṣṭamyāṃ kālabhairavasannidau / upoṣya jāgaraṃ kṛtvā mahāpāpaiḥ pramucyate // ### [1.117.87](https://indike.org/pramana/in.purana.narada.1.117.87) yatkiñcidaśubhaṃ karma kṛtaṃ mānuṣajanmani / tatsarvaṃ vilayaṃ yāti kālabhairavadarśanāt // ### [1.117.88](https://indike.org/pramana/in.purana.narada.1.117.88) atha pauṣasitāṣṭamyāṃ śrāddhamaṣṭakasaṃjñitam / pitṝṇāṃ tṛptidaṃ varṣaṃ kulasantativarddhanam // ### [1.117.89](https://indike.org/pramana/in.purana.narada.1.117.89) śuklāṣṭamyāṃ tu pauṣasya śivaṃ sampūjya bhaktitaḥ / bhuktimuktimavāpnoti bhaktimekāṃ samācaran // ### [1.117.90](https://indike.org/pramana/in.purana.narada.1.117.90) kṛṣṇāṣṭamyāṃ tu māghasya bhadrakālīṃ samarcayet / bhaktito vairivṛndaghnīṃ sarvakāmapradāyinīm // ### [1.117.91](https://indike.org/pramana/in.purana.narada.1.117.91) māghamāse sitāṣṭamyāṃ bhīṣmaṃ saṃtarpayaddvija / saṃtatiṃ tvavyavacchinnāmicchaṃścāpyaparājayam // ### [1.117.92](https://indike.org/pramana/in.purana.narada.1.117.92) phaālgune tvasitāṣṭamyāṃ bhīprāṃ devīṃ samarcayet / tatra vrataparo vipra sarvakāmasamṛddhaye // ### [1.117.93](https://indike.org/pramana/in.purana.narada.1.117.93) śuklāṣṭamyāṃ phaālgunasya śivaṃ cāpi śivāṃ dvija / gandhādyaiḥ samyagabhyarcya sarvasiddhīśvaro bhavet // ### [1.117.94](https://indike.org/pramana/in.purana.narada.1.117.94) phaālgunāparapakṣe tu śītalāmaṣṭamīdine / pūjayetsarvavapakkānaiḥ saptamyāṃ vidhivatkṛtaiḥ // ### [1.117.95](https://indike.org/pramana/in.purana.narada.1.117.95) śītale tvaṃ jaganmātā śītale tvaṃ jagatpitā / śītale tvaṃ jagadvātrī śītalāyai namonamaḥ // ### [1.117.96](https://indike.org/pramana/in.purana.narada.1.117.96) vande 'haṃ śītalāṃ devīṃ rāsabhasthāṃ digaṃbarām / mārjanī kalaśopetāṃ visphoṭakavināśinīm // ### [1.117.97](https://indike.org/pramana/in.purana.narada.1.117.97) śītale śītale cetthaṃ ye japanti jale lthitāḥ //ṭha teṣāṃ tu śītalā devī syādvisphoṭakaśāntidā // ### [1.117.98](https://indike.org/pramana/in.purana.narada.1.117.98) ityevaṃ śītalāmantrairyaḥ samarcayate dvija / tasya varṣaṃ bhavecchāntiḥ śītalāyāḥ prasādataḥ // ### [1.117.99](https://indike.org/pramana/in.purana.narada.1.117.99) sarvamāsobhaye pakṣe vidhivaccāṣṭamīdine / śivāṃ vāpiśivaṃ prārcyalabhate vāñchitaṃ phalam // ### [1.117.99.p1](https://indike.org/pramana/in.purana.narada.1.117.99.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitāṣṭamīvratakathanaṃ nāma saptadaśādhikaśatatamo 'dhyāyaḥ ## Linked texts (10) - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.5.p13.2) — Ratnākara 1688, Sanskrit - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.6.16.p1.33) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.3.16.p1.34) — Anantadeva 1650, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.2.p62) — Anantadeva 1645, Sanskrit - [Tithyarka](https://indike.org/pramana/in.niti.dharma.kala.tithi.tithyarka.2.p1.31) — Divākarabhaṭṭa 1658, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.27.p14.1) — Nīlakaṇṭha Dīkṣita 1625, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.109.p1.37) — Hemādri, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.6.p487) — Lakṣmīdhara, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.11.p9.1) — Nīlakaṇṭha Dīkṣita, Sanskrit - [Vratodyāpanakaumudī (Śaṅkara)](https://indike.org/pramana/in.niti.dharma.vrata.udyapana.vratodyapanakaumudi-sankara.p10.19) — Śaṅkara 1728, Sanskrit --- Source: [https://indike.org/pramana/in.purana.narada.1.117](https://indike.org/pramana/in.purana.narada.1.117) · Pramāṇa