[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.118 # Naradapurana 1.118 Nāradapurāṇa 1.118 - **Language:** Sanskrit ## Contents - [1.118.33](https://indike.org/pramana/in.purana.narada.1.118.33) — 1 part ### [1.118.1](https://indike.org/pramana/in.purana.narada.1.118.1) sanātana uvāca atha vakṣyāmi viprendra navamyāste vratāni vai / yāni kṛtvā narā loke labhante vāñchitaṃ phalam // ### [1.118.2](https://indike.org/pramana/in.purana.narada.1.118.2) caitrasya śuklapakṣe tu śrīrāmanavamīvratam / tatropavāsaṃ vidhivacchakto bhaktaḥ samācaret // ### [1.118.3](https://indike.org/pramana/in.purana.narada.1.118.3) aśaktaścaikabhaktaṃ vai madhyāhnotsavataḥ param / viprānsaṃbhojya miṣṭānnai rāmaprīti sumācaret // ### [1.118.4](https://indike.org/pramana/in.purana.narada.1.118.4) gobhūtilahariraṇyādyervastrālaṅkaraṇestathā / eva yaḥ kurute bhaktyā śrīrāmanavamīvratam // ### [1.118.5](https://indike.org/pramana/in.purana.narada.1.118.5) vidhūya cehapāpāni vraje dviṣṇoḥ paraṃ padam / uktaṃ mātṛvrataṃ cātra bhairaveṇa samanvitāḥ // ### [1.118.6](https://indike.org/pramana/in.purana.narada.1.118.6) sraggandhavasranamanaivedyaiścatuḥṣṭistu yoginīḥ / atraiva bhadrakālo tu yoginīnāṃ mahābalā // ### [1.118.7](https://indike.org/pramana/in.purana.narada.1.118.7) brāhmaṇaśreṣṭhaḥ sarvāsāmādhipatye 'bhiṣecitā / tasmāttāṃ pūjayeccātra sopavāso jitendriyaḥ // ### [1.118.8](https://indike.org/pramana/in.purana.narada.1.118.8) rādhe navamyāṃ dalayoścaṇḍikāṃ yastu pūjayet / vidhinā sa vimānena devataiḥ saha modate // ### [1.118.9](https://indike.org/pramana/in.purana.narada.1.118.9) jyeṣṭhaśuklanavamyāṃ tu sopavāso narottamaḥ / umāṃ saṃpūjya vidhivatkumārīrbhojayeddvijān // ### [1.118.10](https://indike.org/pramana/in.purana.narada.1.118.10) svabhaktyā dakṣiṇāṃ datvā śālyannaṃ payasāśnuyāt / umāvratamidaṃ vipra yaḥ kuryādvidhivannaraḥ // ### [1.118.11](https://indike.org/pramana/in.purana.narada.1.118.11) sa bhuktveha varānbhogānante svargagatiṃ labhet / āṣāḍhe māsi viprendra yaḥ kuryātpakṣayordvija // ### [1.118.12](https://indike.org/pramana/in.purana.narada.1.118.12) naktaṃ caindrīṃ samabhyarcyedairāvatagatāṃ sitām / sa bhavedvai valoke tu bhogabhāragdevayānagaḥ // ### [1.118.13](https://indike.org/pramana/in.purana.narada.1.118.13) śrāvaṇe māsi viprendra yaḥ kuryānnaktabhojanam / pakṣayorupavāsaṃ vā kaumārīṃ caṇḍikāṃ yajet // ### [1.118.14](https://indike.org/pramana/in.purana.narada.1.118.14) evaṃ pāpaharāṃ gandhaiḥ puṣpairdhūpaiśca dīpakaiḥ / naivedyairvividhaiścaiva kumārībhojanaistathā // ### [1.118.15](https://indike.org/pramana/in.purana.narada.1.118.15) evaṃ yaḥ kurute bhaktyā kaumārīvratamuttamam / sa vimānena gacchedvai devīlokaṃ sanātanam // ### [1.118.16](https://indike.org/pramana/in.purana.narada.1.118.16) bhādre tu navamī śuklā nandāhvā parikīrtitā / tasyāṃ yaḥ pūjayeddurgāṃ vidhivaccopacārakaiḥ // ### [1.118.17](https://indike.org/pramana/in.purana.narada.1.118.17) so 'śvamedhaphalaṃ labdhvā viṣṇuloke mahīyate / āśvine śuklanavamī mahāpūrvā prakīrtitā // ### [1.118.18](https://indike.org/pramana/in.purana.narada.1.118.18) aparāhne śamīpūjā kāryāsyāṃ prāgdiśi dvija / tato niśāyāṃ prāgyāme khaḍgaṃ dhanuriṣūngadām // ### [1.118.19](https://indike.org/pramana/in.purana.narada.1.118.19) śūlaṃ śaktiṃ ca paraśuṃ chirikāṃ carma kheṭakam / chatraṃ dhvajaṃ gajaṃ cāśva govṛṣaṃ pustakaṃ tulām // ### [1.118.20](https://indike.org/pramana/in.purana.narada.1.118.20) daṇḍaṃ pāśaṃ cakraśaṅkhau gandhādyairupacārakaiḥ / saṃpūjya mahiṣaṃ tatra bhadrakālyai samālabhet // ### [1.118.21](https://indike.org/pramana/in.purana.narada.1.118.21) evaṃ baliṃ vidhāyātha bhuktvā pakkānna meva ca / dvijebhyo dakṣiṇāṃ datvā vrataṃ tatra samāpayet // ### [1.118.22](https://indike.org/pramana/in.purana.narada.1.118.22) evaṃ yaḥ pūjayeddurgāṃ nṝṇāṃ durgatināśinīm / iha bhuktvā varānbhogānante svargatimāpnuyāt // ### [1.118.23](https://indike.org/pramana/in.purana.narada.1.118.23) kārtike śuklanavamī yākṣayā sā prakīrtatā / tasyāmaśvatthamūle vai tarppaṇaṃ samyagācaret // ### [1.118.24](https://indike.org/pramana/in.purana.narada.1.118.24) devānāṃ ca ṛṣīṇāṃ ca pitṝṇāṃ cāpi nārada / svaśākhoktaistathā mantraiḥ sūryāyārghyaṃ tator'payet // ### [1.118.25](https://indike.org/pramana/in.purana.narada.1.118.25) tato dvijānbhojayitvā miṣṭānnena munūśvara / svayaṃ bhuktvā ca vihareddvijebhyo dattadakṣiṇaḥ // ### [1.118.26](https://indike.org/pramana/in.purana.narada.1.118.26) evaṃ yaḥ kurute bhaktyā japadānaṃ dvijārcanam / homaṃ ca sarvamakṣayyaṃ bhavediti vidhervayaḥ // ### [1.118.27](https://indike.org/pramana/in.purana.narada.1.118.27) mārge tu śuklanavamī nandinī parikīrtitā / tasyāmupoṣito yastu jagadaṃbāṃ prapūjayet // ### [1.118.28](https://indike.org/pramana/in.purana.narada.1.118.28) gandhādyaiḥ so 'śvamedhasya phalabhāṅnātra saṃśayaḥ / pauṣe śuklanavamyāṃ tu mahāmāyāṃ prapūjayet // ### [1.118.29](https://indike.org/pramana/in.purana.narada.1.118.29) ekabhaktaparo vipra vājapeyaphalāptaye / māghamāse tu vā śuklā navamī lokapūjitā // ### [1.118.30](https://indike.org/pramana/in.purana.narada.1.118.30) mahānandeti sā proktā sadānandakarī nṛṇām / tasyāṃ snānaṃ tathā dānaṃ japo homa upoṣaṇam // ### [1.118.31](https://indike.org/pramana/in.purana.narada.1.118.31) sarvamakṣayatāṃ yāti nātra kāryā vicāraṇā / phaālgunāmalapakṣasya navamī yā dvijottama // ### [1.118.32](https://indike.org/pramana/in.purana.narada.1.118.32) ānandā sā mahāpuṇyā sarvapāpaharā smṛtā / sopavāsor'cayettatra yastvānandāṃ dvijottama // ### [1.118.33](https://indike.org/pramana/in.purana.narada.1.118.33) sa labhedvāñchitānkāmānsatyaṃ satyaṃ mayoditam // ### [1.118.33.p1](https://indike.org/pramana/in.purana.narada.1.118.33.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitanavamīvratakathanaṃ nāmāṣṭādaśādhikaśatatamo 'dhyāyaḥ ## Linked texts (2) - [Brahmavaivartapurāṇa](https://indike.org/pramana/in.purana.brahmavaivarta.4.30.61) — Vyāsa, Sanskrit - [Yoginītantra](https://indike.org/pramana/in.sampradaya.general.sakta.yoginitantra.26.808) — Sanskrit --- Source: [https://indike.org/pramana/in.purana.narada.1.118](https://indike.org/pramana/in.purana.narada.1.118) · Pramāṇa