[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.119 # Naradapurana 1.119 Nāradapurāṇa 1.119 - **Language:** Sanskrit ## Contents - [1.119.54](https://indike.org/pramana/in.purana.narada.1.119.54) — 1 part - [1.119.66](https://indike.org/pramana/in.purana.narada.1.119.66) — 1 part ### [1.119.1](https://indike.org/pramana/in.purana.narada.1.119.1) sanātana uvāca atha te 'haṃ pravakṣyāmi daśamyā vai vratāni ca / yāni kṛtvā naro bhaktyā dharmarājapriyo bhavet // ### [1.119.2](https://indike.org/pramana/in.purana.narada.1.119.2) caitraśuklada śamyāṃ tu dharmarājaṃ prapūjayet / tatkālasaṃbhavaiḥ puṣpaiḥ phalairgandhādibhistathā // ### [1.119.3](https://indike.org/pramana/in.purana.narada.1.119.3) sopavāso vaikabhakto bhojayitvā dvijottamān / caturddaśatatastebhyaḥ śaktyā dadyācca dakṣiṇām // ### [1.119.4](https://indike.org/pramana/in.purana.narada.1.119.4) evaṃ yaḥ kurute vipra dharmarājaprapūjanam / sa dharmasyājñayāgaccheddevaiḥ sādharmyamacyutaḥ // ### [1.119.5](https://indike.org/pramana/in.purana.narada.1.119.5) daśamyāṃ mādhave śukle viṣṇumabhyarcya mānavaḥ / gandhādyairupacāraiśca śvetapuṣpaiḥ sugandhibhiḥ // ### [1.119.6](https://indike.org/pramana/in.purana.narada.1.119.6) śataṃ pradakṣiṇāḥ kṛtvā vipransaṃbhojya yatnataḥ / labhate vaiṣṇavaṃ lokaṃ nātra kāryā vicāraṇā // ### [1.119.7](https://indike.org/pramana/in.purana.narada.1.119.7) jyeṣṭhe śukladaśamyāṃ tu jāhnavī saritāṃ varā / samāyātā dharāṃ svargāttasmātsā puṇyadā smṛtā // ### [1.119.8](https://indike.org/pramana/in.purana.narada.1.119.8) jyeṣṭhaḥ śukladalaṃ hasto budhaśca daśamīḥ tithiḥ / garānandavyatīpātāḥ kanyenduvṛṣabhāskarāḥ // ### [1.119.9](https://indike.org/pramana/in.purana.narada.1.119.9) daśayogaḥ samākhyāto mahāpuṇyatamo dvija / harate daśa pāpāni tasmāddaśaharaḥ smṛtaḥ // ### [1.119.10](https://indike.org/pramana/in.purana.narada.1.119.10) asyāṃ yo jāhnavīṃ prāpya snāti saṃprītamānasaḥ / vidhinā jāhnavītoye sa yāti harimandiram // ### [1.119.11](https://indike.org/pramana/in.purana.narada.1.119.11) āṣāḍhaśukladaśamī puṇyā manvā dikaiḥ smṛtā / tasyāṃ snānaṃ japo dānaṃ homo vā svargatipradāḥ // ### [1.119.12](https://indike.org/pramana/in.purana.narada.1.119.12) śrāvaṇe śukladaśamī sarvāśāparipūrtidā / asyāṃ śivārcanaṃ śastaṃ gandhādyai rupacārakaiḥ // ### [1.119.13](https://indike.org/pramana/in.purana.narada.1.119.13) tatropavāso naktaṃ vā dvijānāṃ bhojanaṃ japaḥ / hemno dāna ca dhenvādeḥ sarvapāpapraṇāśanam // ### [1.119.14](https://indike.org/pramana/in.purana.narada.1.119.14) atho nabhasyaśuklāyāṃ daśamyāṃ dvijasattama / vrataṃ daśāvatārākhyaṃ tatra snānaṃ jalāśaye // ### [1.119.15](https://indike.org/pramana/in.purana.narada.1.119.15) kṛtvā saṃdhyādiniyamaṃ devarṣipitṛtarpaṇam / tato daśāvatārāṇi samabhyarcetsa māhitaḥ // ### [1.119.16](https://indike.org/pramana/in.purana.narada.1.119.16) matsyaṃ kūrmaṃ varāhaṃ ca narasiṃhaṃ trivikramam / rāmaṃ rāmaṃ ca kṛṣṇaṃ ca bauddhaṃ kalkinameva ca // ### [1.119.17](https://indike.org/pramana/in.purana.narada.1.119.17) daśamūrtistu sauvarṇīḥ pūjayitvā vidhānataḥ / daśabhyo vipravaryebhyo dadyātsatkṛtya nārada // ### [1.119.18](https://indike.org/pramana/in.purana.narada.1.119.18) upavāsaṃ caikabhaktaṃ kṛtvā saṃbhojya vāḍavān / visṛjya paścādbhuñjīta svayaṃ sveṣṭaiḥ samāhitaḥ // ### [1.119.19](https://indike.org/pramana/in.purana.narada.1.119.19) bhaktyā kṛtvā vrataṃ tvetadbhuktvā bhogānihottamān / vimānena vrajedante viṣṇulokaṃ sanātanam // ### [1.119.20](https://indike.org/pramana/in.purana.narada.1.119.20) āśvine śukladaśamī vijayā sā prakīrtitā / caturgomayapiṇḍāni prātarnyasya gṛhāṅgaṇe // ### [1.119.21](https://indike.org/pramana/in.purana.narada.1.119.21) cakravālasvarūpeṇa tanmadhye rāmalakṣmaṇau / tathā bharataśatrughnau pūjayeccaturo 'pi hi // ### [1.119.22](https://indike.org/pramana/in.purana.narada.1.119.22) sapidhānāsu pātrīṣu gomayīṣu catasṛṣṭa / kinnaṃ dhānyaṃ saraupyaṃ tu dhṛtvā dhautāṃśukāvṛtam // ### [1.119.23](https://indike.org/pramana/in.purana.narada.1.119.23) pitṛmātṛbhrātṛputrajāyā bhṛtyasamanvitam / saṃpūjyaṃ gandhapuṣpādyairnaivedyaiśca vidhānataḥ // ### [1.119.24](https://indike.org/pramana/in.purana.narada.1.119.24) namaskṛtyātha bhuñjīta dvijānsaṃbhojya pūjitān / evaṃ kṛtvā vidhānaṃ tu naro varṣaṃ suravānvitaḥ // ### [1.119.25](https://indike.org/pramana/in.purana.narada.1.119.25) dhanadhānyasamṛddhaśca niścitaṃ jāyate dvija / athāpārāhnasamaye navamyāṃ saṃnimantritām // ### [1.119.26](https://indike.org/pramana/in.purana.narada.1.119.26) pūrvadikṣu śamīṃ vipra gatvā tanmūlajāṃ mṛdam / gṛhītvā svagṛhaṃ prāpya gītavāditraniḥsvanaiḥ // ### [1.119.27](https://indike.org/pramana/in.purana.narada.1.119.27) saṃpūjya tāṃ vidhānena sajjīkṛtya svakaṃ balam / nirgatya pūrvadvāreṇa grāmādbrahiranākulaḥ // ### [1.119.28](https://indike.org/pramana/in.purana.narada.1.119.28) tataḥ śatrupratikṛtiṃ nirmitāṃ patrakādibhiḥ / manasā kalpitāṃ vāpi svarṇaṃ puṃravaṃśareṇa vai // ### [1.119.29](https://indike.org/pramana/in.purana.narada.1.119.29) vidhyediti bhṛśaṃ prītaḥ prāpnuyātsvagṛhaṃ niśi / evaṃ kṛtavidhirvāpi gacchedvā śatrunigrahe // ### [1.119.30](https://indike.org/pramana/in.purana.narada.1.119.30) eṣaivaṃ daśamī vipra vidhinā'caritā sadā / dhanaṃ jayaṃ sutān gāśca gajāśvaṃ vāpyajāvikam // ### [1.119.31](https://indike.org/pramana/in.purana.narada.1.119.31) dadyādiha śarīrānte svargatiṃ cāpi nārada / daśamyāṃ kārtike śukle sārvabhaumavrataṃ caret // ### [1.119.32](https://indike.org/pramana/in.purana.narada.1.119.32) kṛtopavāso vaikāśī niśīthe 'pūpakādibhiḥ / daśadikṣu baliṃ dadyād gṛhadvāpi purādbrahiḥ // ### [1.119.33](https://indike.org/pramana/in.purana.narada.1.119.33) maṇḍale 'ṣṭadale kḷpte goviḍliptadharātale / mantrairebhirdvijaśreṣṭha gaṇeśādikṛtārcanaḥ // ### [1.119.34](https://indike.org/pramana/in.purana.narada.1.119.34) yo me pūrvagataḥ pāpmā pāpakeneha karmaṇā / tamindro devarā jo 'dya nāśayatvakhileṣṭadaḥ // ### [1.119.35](https://indike.org/pramana/in.purana.narada.1.119.35) yo me vahnigataḥ pāpmā pāpakeneha karmaṇā / tejorājo 'tha vahnistaṃ nāśayatvakhileṣṭadaḥ // ### [1.119.36](https://indike.org/pramana/in.purana.narada.1.119.36) yo me dakṣagataḥ pāpmā pāpakeneha karmaṇā / taṃ yamaḥ pretarājo vai nāśayatvakhileṣṭadaḥ // ### [1.119.37](https://indike.org/pramana/in.purana.narada.1.119.37) yo me nairṛtigaḥ pāpmā pāpakeneha karmaṇā / rakṣorājo nairṛtistaṃ nāśayatvakhileṣṭadaḥ // ### [1.119.38](https://indike.org/pramana/in.purana.narada.1.119.38) yo me paścimagaḥ pāpmā pāpakenehakarmaṇā / yādaḥ patistaṃ varuṇo nāśayatvakhileṣṭadaḥ // ### [1.119.39](https://indike.org/pramana/in.purana.narada.1.119.39) yo me vāyugataḥ pāpmā pāpakeneha karmaṇā / vāyustaṃ marutāṃ rājo nāśayatvakhileṣṭadaḥ // ### [1.119.40](https://indike.org/pramana/in.purana.narada.1.119.40) yo me saumyagataḥ pāpmā pāpakeneha karmaṇā / somastamṛkṣayakṣeśo nāśayatvakhileṣṭadaḥ // ### [1.119.41](https://indike.org/pramana/in.purana.narada.1.119.41) yo ma īśagataḥ pāpmā pāpakeneha karmaṇā / īśāno bhūtanāthastaṃ nāśayatvakhileṣṭadaḥ // ### [1.119.42](https://indike.org/pramana/in.purana.narada.1.119.42) yo maṃ ūrddhvagataḥ pāpmā pāpakeneha karmaṇā / brahmā prajāpatīśastaṃ nāśayatvakhileṣṭadaḥ // ### [1.119.43](https://indike.org/pramana/in.purana.narada.1.119.43) yo me 'dhaḥsaṃsthitaḥ pāpmā pāpakeneha karmaṇā / ananto nāgarājastaṃ nāśayatvakhileṣṭadaḥ // ### [1.119.44](https://indike.org/pramana/in.purana.narada.1.119.44) ityevaṃ dikṣu daśasu baliṃ datvā samāhitaḥ / kṣetrapālāya tadbāhye kṣipedbalimatandritaḥ // ### [1.119.45](https://indike.org/pramana/in.purana.narada.1.119.45) evaṃ kṛtavidhiḥ śeṣaṃ niśāyāṃ ninayetsudhīḥ / gītaiḥ sumaṅgalaprāyaiḥ stavapāṭhairjapādibhiḥ // ### [1.119.46](https://indike.org/pramana/in.purana.narada.1.119.46) prātaḥ snātvā samabhyarcya lokapālān dvijottamān / dvādaśābhyarcya saṃbhojya śaktito dakṣiṇāṃ dadet // ### [1.119.47](https://indike.org/pramana/in.purana.narada.1.119.47) itthaṃ kṛtvā vrataṃ vipra bhogānbhuktaihikāñchubhān / yugaṃ svargasukhaṃ bhuktvā sārvabhaumo nṛpo bhavet // ### [1.119.48](https://indike.org/pramana/in.purana.narada.1.119.48) mārgaśukladaśamyāṃ tu caredā rogyakaṃ vratam / gandhādyairarcayedviprān daśa taccaraṇodakam // ### [1.119.49](https://indike.org/pramana/in.purana.narada.1.119.49) pītvātha dakṣiṇāṃ datvā visūjedekabhojanaṃ / etatkṛtvā vrataṃ vipra hyārogyaṃ prāpya bhūtale // ### [1.119.50](https://indike.org/pramana/in.purana.narada.1.119.50) dharmarājaprasādena modate divi devavat / pauṣe daśamyāṃ śuklāyāṃ viśvedevān samarcayet // ### [1.119.51](https://indike.org/pramana/in.purana.narada.1.119.51) ṛtuṃ dakṣaṃ vasū6nsatyaṃ kālaṃ kāmaṃ muniṃ gurum / vipraṃ rāmaṃ ca daśadhā keśavastānsamāsthitaḥ // ### [1.119.52](https://indike.org/pramana/in.purana.narada.1.119.52) svāpayitvā darbhamayānāsaneṣu ca saṃsthitān / gandhairdhūpaistathā dīpairnaivedyaiścāpi nārada // ### [1.119.53](https://indike.org/pramana/in.purana.narada.1.119.53) pratyekaṃ dakṣiṇāṃ datvā praṇiyatya visarjayet / dakṣiṇāṃ tāṃ dvijāgryebhyo gurave vā samarpayet // ### [1.119.54](https://indike.org/pramana/in.purana.narada.1.119.54) evaṃ kṛtavidhi ścaikabhakto bhogī vratī bhavet / lokadvayasya viprarṣe nātra kāryā vicāraṇā // ### [1.119.54.p1](https://indike.org/pramana/in.purana.narada.1.119.54.p1) māghaśukladaśamyāṃ tu sopavāso jitendriyaḥ /// ### [1.119.55](https://indike.org/pramana/in.purana.narada.1.119.55) devāṃnagiraso nāma daśa samyaksamarcayet // ### [1.119.56](https://indike.org/pramana/in.purana.narada.1.119.56) kṛtvā svarṇamayānvipra gandhādyairupacārakaiḥ / ātmā hyāyurmano dakṣo madaḥ prāṇastathaiva ca // ### [1.119.57](https://indike.org/pramana/in.purana.narada.1.119.57) barhiṣmāṃśca gaviṣṭhaśca dattaḥ satyaśca te daśa / daśa viprānbhojayitvā madhurānnena nārada // ### [1.119.58](https://indike.org/pramana/in.purana.narada.1.119.58) mūrtīstebhyaḥ pradadyāttāḥ svargalokāptaye kramāt / antyaśukladaśamyāṃ tu caturdaśaṃ yamānyajet // ### [1.119.59](https://indike.org/pramana/in.purana.narada.1.119.59) yamaśca dharmarājaśca mṛtyuścaivāntakastathā / vaivasvataśca kālaśca sarvabhūtakṣayastathā // ### [1.119.60](https://indike.org/pramana/in.purana.narada.1.119.60) audumbaraśca daghnaśca dvau nīlaparameṣṭhinau / vṛkodaraścacitraśca citraguptaścaturdaśa // ### [1.119.61](https://indike.org/pramana/in.purana.narada.1.119.61) gandhādyairupacāraiśca samabhyarcyāthatarpayet / tilāṃbumiśrāñjalibhirdarbhaiḥ pratyekaśastribhiḥ // ### [1.119.62](https://indike.org/pramana/in.purana.narada.1.119.62) tataśca dadyātsūryārghaṃ tāmrapātreṇa nārada / raktacandanasaṃmiśratilākṣatayavāṃbubhiḥ // ### [1.119.63](https://indike.org/pramana/in.purana.narada.1.119.63) ehi sūryasahasrāṃśo tejorāśe jagatpate / gṛhāṇārghyaṃ mayā dattaṃ bhaktyā māmanukaṃpaya // ### [1.119.64](https://indike.org/pramana/in.purana.narada.1.119.64) iti mantreṇa datvārghyaṃ viprānbhojya caturddaśa / raupyāṃ sudakṣiṇāṃ datvā visṛjyāśnīta ca svayam // ### [1.119.65](https://indike.org/pramana/in.purana.narada.1.119.65) evaṃ kṛtavidhirvipra dharmarājaprasādataḥ / bhuktvā bhogāṃśca putrārthānaihikāndevadurlabhān // ### [1.119.66](https://indike.org/pramana/in.purana.narada.1.119.66) vimānavaramāsthāya dehānte viṣṇulokabhāk // ### [1.119.66.p1](https://indike.org/pramana/in.purana.narada.1.119.66.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitadaśamīvratanirūpaṇaṃ nāmaikonaviṃśatyadhikaśatatamo 'dhyāyaḥ ## Linked texts (6) - [Vratakhaṇḍa](https://indike.org/pramana/in.niti.dharma.vrata.vratakhanda.114.p1.11) — Hemādri, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.7.p93) — Lakṣmīdhara, Sanskrit - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.6.16.p1.49) — Anantadeva 1638, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.3.16.p1.50) — Anantadeva 1650, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.2.p69) — Anantadeva 1645, Sanskrit - [Vratodyāpanakaumudī (Śaṅkara)](https://indike.org/pramana/in.niti.dharma.vrata.udyapana.vratodyapanakaumudi-sankara.p13.7) — Śaṅkara 1728, Sanskrit --- Source: [https://indike.org/pramana/in.purana.narada.1.119](https://indike.org/pramana/in.purana.narada.1.119) · Pramāṇa