[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.11 # Naradapurana 1.11 Nāradapurāṇa 1.11 - **Language:** Sanskrit ## Contents - [1.11.81](https://indike.org/pramana/in.purana.narada.1.11.81) — 1 part - [1.11.197](https://indike.org/pramana/in.purana.narada.1.11.197) — 1 part ### [1.11.1](https://indike.org/pramana/in.purana.narada.1.11.1) nārada uvāca aho hyatyadbhutaṃ proktaṃ tvayā bhrātaridaṃ mama / sa vahniraditiṃ muktvā kathaṃ tānadahatkṣaṇāt // ### [1.11.2](https://indike.org/pramana/in.purana.narada.1.11.2) vadāditermahāsattvaṃ viśeṣāścaryakāraṇam / paropadeśaniratāḥ sajjanā hi munīśvarāḥ // ### [1.11.3](https://indike.org/pramana/in.purana.narada.1.11.3) sanaka uvāca śṛṇu nārada māhātmyaṃ haribhaktiratātmanām / haridhyānaparānsādhūnkaḥ samarthaḥ prabādhitum // ### [1.11.4](https://indike.org/pramana/in.purana.narada.1.11.4) haribhaktiparo yatra tatra brahmā hariḥ śivaḥ / devāḥ siddhā munīśvāśca nityaṃ tiṣṭanti sattamāḥ // ### [1.11.5](https://indike.org/pramana/in.purana.narada.1.11.5) harirāste mahābhāga hṛdaye śāntacetasām / harināmaparāṇāṃ ca kimu dhyānaratātmanām // ### [1.11.6](https://indike.org/pramana/in.purana.narada.1.11.6) śivapūjārato vāpi viṣṇupūjāparo 'pi vā / yatra tiṣṭati tatraiva lakṣmīḥ sarvāśca devatāḥ // ### [1.11.7](https://indike.org/pramana/in.purana.narada.1.11.7) yatra pūjāparo viṣṇorvahnistatra na bādhate / rājā vā taskaro vāpi vyādhayaśca na santi hi // ### [1.11.8](https://indike.org/pramana/in.purana.narada.1.11.8) pretāḥ piśācāḥ kūṣmāṇḍagrahā bālagrahāstathā / ḍākinyo rākṣasāścaiva na bādhante 'cyutārcakam // ### [1.11.9](https://indike.org/pramana/in.purana.narada.1.11.9) parapīḍāratā ye tu bhūtavetālakādayaḥ / naśyanti yatra sadbhakto harilakṣmyarcane rataḥ // ### [1.11.10](https://indike.org/pramana/in.purana.narada.1.11.10) ṭa jitendriyaḥ sarvahito dharmakarmaparāyaṇaḥ / yatra tiṣṭati tatraiva sarvatīrthāni devatāḥ // ### [1.11.11](https://indike.org/pramana/in.purana.narada.1.11.11) nimiṣaṃ nimiṣārddhaṃ vā yatra tiṣṭanti yoginaḥ / tatraiva sarvaśreyāṃsi tattīrthaṃ tattapovanam // ### [1.11.12](https://indike.org/pramana/in.purana.narada.1.11.12) yannāmoccāraṇādeva sarve naśyantyupadravāḥ / stotrairvāpyarhaṇābhirvā kimu dhyānena kathyate // ### [1.11.13](https://indike.org/pramana/in.purana.narada.1.11.13) evaṃ tenāgninā vipra dagdhaṃ sāsurakānanam / sāditirnaiva dagdhābhūdviṣṇucakrābhira kṣitā // ### [1.11.14](https://indike.org/pramana/in.purana.narada.1.11.14) tataḥ prasannavadanaḥ pahmapatrāyatekṣaṇaḥ / prādurāsītsamīpe 'syāḥ śaṅkhacakragadādharaḥ // ### [1.11.15](https://indike.org/pramana/in.purana.narada.1.11.15) īṣadvāsyasphuraddantaprabhābhāṣitadiṅmukhaḥ / spṛśankareṇa puṇyena prāha kaśyapavallabhām // ### [1.11.16](https://indike.org/pramana/in.purana.narada.1.11.16) śrībhagavānanuvāca devamātaḥ prasanno 'smi tapasārādhitastvayā / ciraṃ śrāntāsi bhadraṃ te bhaviśaṣyati na saṃśayaḥ // ### [1.11.17](https://indike.org/pramana/in.purana.narada.1.11.17) varaṃ varaya dāsyāmi yatte manasi rocate / mā bhairbhadre mahābhāge dhruvaṃ śreyo bhaviṣyati // ### [1.11.18](https://indike.org/pramana/in.purana.narada.1.11.18) ityuktādevamātā sā devadevena cakriṇā / tuṣṭāva praṇipatyainaṃ sarvalokasukhāvaham // ### [1.11.19](https://indike.org/pramana/in.purana.narada.1.11.19) aditiruvāca namaste devadeveśa sarvavyāpiñjanārdanā / sattvādiguṇabhedena lokavyāpārakāraṇa // ### [1.11.20](https://indike.org/pramana/in.purana.narada.1.11.20) namaste bahuparupāyārupāya ca mahātmane / sarvaikaruparupāya nirguṇāya guṇātmane // ### [1.11.21](https://indike.org/pramana/in.purana.narada.1.11.21) namaste lokanāthāya paramajñānarupiṇe / sadbhaktajanavātsalyaśāline maṅgalātmane // ### [1.11.22](https://indike.org/pramana/in.purana.narada.1.11.22) yasyāvatārarupāṇi hyarcayanti munīśvarāḥ / tamādipuruṣaṃ devaṃ namāmi hyarthasiddhaye // ### [1.11.23](https://indike.org/pramana/in.purana.narada.1.11.23) śrutayo yaṃ na jānanti na jānanti ca sūrayaḥ / taṃ namāmi jagaddhetuṃ samāyaṃ cāpyamāyinam // ### [1.11.24](https://indike.org/pramana/in.purana.narada.1.11.24) yasyāvalokanaṃ citraṃ māyopadravakāraṇam / jagadrūpaṃ jagaddhetuṃ taṃ vandeṃ sarvavanditam // ### [1.11.25](https://indike.org/pramana/in.purana.narada.1.11.25) yatpādāmbujakiñjalkasevārakṣitamastakāḥ / avāpuḥ paramāṃ siddhiṃ taṃ vande kamalādhavam // ### [1.11.26](https://indike.org/pramana/in.purana.narada.1.11.26) yasya brahmādayo devā mahimānaṃ na vai viduḥ / atyāsannaṃ ca bhaktānāṃ taṃ vande bhaktasaṃginam // ### [1.11.27](https://indike.org/pramana/in.purana.narada.1.11.27) yo devastyaktasaṅgānāṃ śāntānaṃ karuṇārṇavaḥ / karoti hyātmanaḥ saṅgaṃ taṃ devaṃ saṅgavarjitam // ### [1.11.28](https://indike.org/pramana/in.purana.narada.1.11.28) yajñeśvaraṃ yajñakarmasu niṣṭitam / namāmi yajñaphaladaṃ yajñakarmaprabodhakam // ### [1.11.29](https://indike.org/pramana/in.purana.narada.1.11.29) ajāmilo 'pi pāpātmā yannāmoccāraṇādanu / prātpavānparamaṃ dhāma taṃ vande lokasākṣiṇam // ### [1.11.30](https://indike.org/pramana/in.purana.narada.1.11.30) harirupī mahādevaḥ śivarupī janārdanaḥ / iti lokasya netā yastaṃ namāmi jagadgurum // ### [1.11.31](https://indike.org/pramana/in.purana.narada.1.11.31) brahmādyā api deveśā yanmāyāpāśayantritāḥ / na jānanti paraṃ bhāvaṃ taṃ vande sarvanāyakam // ### [1.11.32](https://indike.org/pramana/in.purana.narada.1.11.32) hyatpahmastho 'piñyogyānāṃ dūrastha iva bhāsate / pramāṇātītasadbhāvastaṃ vande jñānasākṣiṇam // ### [1.11.33](https://indike.org/pramana/in.purana.narada.1.11.33) yanmukhaḥ drvāhyaṇo jāto bāhubhyāṃ kṣatriyo 'jani / ūrvorvaiśyaḥ samutpannaḥ padyāṃ śūdro 'bhyajāyata // ### [1.11.34](https://indike.org/pramana/in.purana.narada.1.11.34) manasaścandramā jāto jātaḥ sūryaśca cakṣuṣaḥ / mukhādagnistarthendraśca prāṇādvāyurajāyata // ### [1.11.35](https://indike.org/pramana/in.purana.narada.1.11.35) ṛgyajuḥsāmarupāya satyasvaragatātmane / ṣaḍaṅgarupiṇe tubhyaṃ bhūyobhūyo namo namaḥ // ### [1.11.36](https://indike.org/pramana/in.purana.narada.1.11.36) tvamindraḥ pavanaḥ somastvamīśānastvamantakaḥ / tvamagnirnirṛtiścaiva varuṇastvaṃ divākaraḥ // ### [1.11.37](https://indike.org/pramana/in.purana.narada.1.11.37) devāśca sthāvarāścaiva piśācāścaiva rākṣasāḥ / girayaḥ siddhagandharvānadyo bhūmiśca sāgarāḥ // ### [1.11.38](https://indike.org/pramana/in.purana.narada.1.11.38) tvameva jagatāmīśo yatrāsi tvaṃ parātparaḥ / tvadrūpamakhilaṃ deva tasmānnityaṃ namo 'stu te // ### [1.11.39](https://indike.org/pramana/in.purana.narada.1.11.39) anāthānātha sarvajña bhūtadevendravigraha / daiteyairbādhitānputrānmama pāhi janārdana // ### [1.11.40](https://indike.org/pramana/in.purana.narada.1.11.40) iti stutvā devamātā devaṃ natvā punaḥ punaḥ / uvāca prāñjalirbhūtvā harṣāśrukṣālitastanī // ### [1.11.41](https://indike.org/pramana/in.purana.narada.1.11.41) anugrāhyāsmi deveṃśa tvayā sarvādikāraṇa / akaṇṭakāṃ śriyāṃ dehi matsutānāṃ divaukasām // ### [1.11.42](https://indike.org/pramana/in.purana.narada.1.11.42) antaryyāmiñjagadrūpa sarvajñā parameśvara / ajñātaṃ kiṃ tava śrīśa kiṃ māmīhayasi prabho // ### [1.11.43](https://indike.org/pramana/in.purana.narada.1.11.43) tathāpi tava vakṣyāmi yanme manasi rocate / vṛthāputrāsmi deveśa daiteyaiḥ paripīḍitā // ### [1.11.44](https://indike.org/pramana/in.purana.narada.1.11.44) tānna hiṃsitumicchāmi yataste 'pi sutā mama / tānahatvā śriyaṃ dehi matsutebhyaḥ sureśvara // ### [1.11.45](https://indike.org/pramana/in.purana.narada.1.11.45) ityukto devedeveśaḥ punaḥ prītimupāgataḥ / uvāca harṣayanvipra devamātaramādarāt // ### [1.11.46](https://indike.org/pramana/in.purana.narada.1.11.46) śrībhagavānuvāca prīto 'smi devi bhadraṃ te bhaviṣyāmi suto hyaham / yataḥ sapantiputreṣu vātsalyaṃ devi durlabham // ### [1.11.47](https://indike.org/pramana/in.purana.narada.1.11.47) tvayā tu yatkṛtaṃ stotraṃ tatpaṭhānti narāstu ye / teṣāṃ saṃpadvarā putrā na hīyante kadācana // ### [1.11.48](https://indike.org/pramana/in.purana.narada.1.11.48) tvātmaje vānyaputre vā yaḥ samatvena vartate / na tasya putraśokaḥ syādeṣa dharmaḥ sanātanaḥ // ### [1.11.49](https://indike.org/pramana/in.purana.narada.1.11.49) aditiruvāca tāha voḍhuṃ kṣamā deva tvāmādyapuruṣaṃ param / asaṃkhyātāṇḍaromāṇaṃ sarveśaṃ sarvakāraṇam // ### [1.11.50](https://indike.org/pramana/in.purana.narada.1.11.50) yatprabhāvaṃ na jānanti śrutayaḥ sarvadevatāḥ / tamahaṃ devadeveśaṃ dhārayāma kithaṃ prabho // ### [1.11.51](https://indike.org/pramana/in.purana.narada.1.11.51) aṇoraṇīyāṃsamajaṃ parātparataraṃ prabhum / dhārayāmi kathaṃ deva tvāmahaṃ puruṣottamam // ### [1.11.52](https://indike.org/pramana/in.purana.narada.1.11.52) mahāyātakayukto 'pi yannāmasmṛtimātrataḥ / mucyate sa kathaṃ devogrāmyeṣu janimarhati // ### [1.11.53](https://indike.org/pramana/in.purana.narada.1.11.53) yathā śūkaramatsyādyā avatārāstava prabho / tathāyamapi ko veda tava viśveśa ceṣṭitam // ### [1.11.54](https://indike.org/pramana/in.purana.narada.1.11.54) tvatpādapahmapraṇatātvannāmasmṛtitatparā / tvāmeva cintaye deva yathecchāsi tathā kuru // ### [1.11.55](https://indike.org/pramana/in.purana.narada.1.11.55) sanaka uvāca tayoktaṃ vacanaṃ śrutvā devadevo janārdanaḥ / dattvābhayaṃ devamāturidaṃ vacanamabravīt // ### [1.11.56](https://indike.org/pramana/in.purana.narada.1.11.56) śrībhagavānuvāca satyamuktaṃ mahābhāge tvayā nāstyatra saṃśayaḥ / tathāpi śṛṇu vakṣyāmi guhyādguhyataraṃ śubhe // ### [1.11.57](https://indike.org/pramana/in.purana.narada.1.11.57) rāgadveṣavihīnā ye madbhaktā matparāyaṇāḥ / vaṃhati satataṃ teṃ māṃ gatāsūyā adāmbhikāḥ // ### [1.11.58](https://indike.org/pramana/in.purana.narada.1.11.58) paropatāpavimukhāḥ śivabhaktiparāyaṇaḥ / matkathāśravaṇāsaktā vahanti satataṃ hi mām // ### [1.11.59](https://indike.org/pramana/in.purana.narada.1.11.59) pativratāḥ pariprāṇāḥ patibhaktiparāyaṇāḥ / vahanti satataṃ devi striyo 'pi tyaktapratsarāḥ // ### [1.11.60](https://indike.org/pramana/in.purana.narada.1.11.60) mātāpitrośca śuśrūṣurgurubhakto 'tithipriyaḥ / hitakṛdvāhyaṇānāṃ yaḥ sa māṃ vahati sarvadā // ### [1.11.61](https://indike.org/pramana/in.purana.narada.1.11.61) puṇyatīrtharatā nityaṃ satsaṅganiratāstathā / lokānugrahaśīlāśca satataṃ te vahanti mām // ### [1.11.62](https://indike.org/pramana/in.purana.narada.1.11.62) paropakāraviratāḥ paradravyaparāṅmukhāḥ / naṣuṃsakāḥ parastrīṣu te vahanti ca māṃ sadā // ### [1.11.63](https://indike.org/pramana/in.purana.narada.1.11.63) tulasyupāsanaratāḥ sadā nāmaparāyaṇāḥ / gorakṣaṇaparā ye ca satataṃ māṃ vahanti te // ### [1.11.64](https://indike.org/pramana/in.purana.narada.1.11.64) pratigrahanivṛttā ye parānnavimukhāstathā / annodakapradātāro vahṝnti satataṃ hi mām // ### [1.11.65](https://indike.org/pramana/in.purana.narada.1.11.65) tvaṃ tu devi patiprāṇā sādhvī bhūtahite ratā / saṃprāpya putrabhāvaṃ te sādhayiṣye manoratham // ### [1.11.66](https://indike.org/pramana/in.purana.narada.1.11.66) ityuktvā devedevaśo hyaditiṃ devamātaram / dattvā kaṇṭhagatāṃ mālāmabhayaṃ ca tirodadhe // ### [1.11.67](https://indike.org/pramana/in.purana.narada.1.11.67) sā tu saṃhṛṣṭamanasā devasīrdakṣanandinī / praṇamya kamalākāntaṃ punaḥ svasthaānamāvrajat // ### [1.11.68](https://indike.org/pramana/in.purana.narada.1.11.68) tato 'ditirmahābhāgā suprītā lokavanditā / asūta samaye putraṃ sarvalokanamaskṛtam // ### [1.11.69](https://indike.org/pramana/in.purana.narada.1.11.69) śaṅgacakradharaṃ śāntaṃ candramaṇḍalamadhyagam / sudhākalaśadadhyannakaraṃ vāmanasaṃjñitam // ### [1.11.70](https://indike.org/pramana/in.purana.narada.1.11.70) sahasrādityasaṃkāśaṃ vyākośakamalekṣaṇam / sarvābharaṇaṃsaṃyuktaṃ pītāmbaradharaṃ harim // ### [1.11.71](https://indike.org/pramana/in.purana.narada.1.11.71) stutyaṃ munigaṇairyuktaṃ sarvalokaikanāyakam / āvirbhūtaṃ hariṃ jñātvā kaśyapo harṣavihvalaḥ / praṇamya prañjalirbhūtva stotuṃ samupacakrame // ### [1.11.72](https://indike.org/pramana/in.purana.narada.1.11.72) kaśyapa uvāca namonamaste 'khilakāraṇāya namonamaste 'khailapālakāya / namonamaste 'maranāyakāya namonamo daiteyavināśanāya // ### [1.11.73](https://indike.org/pramana/in.purana.narada.1.11.73) namonamo bhaktajanapriyāya namonamaḥ sajjanarañjitāya / namonamo durjananāśanāya namo 'stu tasmai jagadīśvarāya // ### [1.11.74](https://indike.org/pramana/in.purana.narada.1.11.74) namonamaḥ kāraṇavāmanāya nārāyaṇāyāmitavikramāya / saśārṅgacakrāsigadādhārāya namo 'stu tasmai puruṣottamāya // ### [1.11.75](https://indike.org/pramana/in.purana.narada.1.11.75) namaḥ payorāśinivāsanāya namo 'stu saddhṛtkamalasthitāya / namo 'stu sūryādyamitaprabhāya namonamaḥ puṇyakathāgatāya // ### [1.11.76](https://indike.org/pramana/in.purana.narada.1.11.76) namonamor'kenduvilocanāya namo 'stu te yajñaphalapradāya / namo 'stu yajñāṅgavirājitāya namo 'stu te sajjanavallabhāya // ### [1.11.77](https://indike.org/pramana/in.purana.narada.1.11.77) namo jagatkāraṇakāraṇāya namo 'stu śabdādivivarjitāya / namo 'stu te divyasukhapradāya namo namo bhaktamanogatāya // ### [1.11.78](https://indike.org/pramana/in.purana.narada.1.11.78) namo 'stu te dhvāntavināśakāya namo 'stu śabdādivivarjitāya / namo 'stu te dhvāntavināśakāya mandaradhārakāya / namo 'stu te yajñavarāhanāmne namo hiraṇyākṣavidārakāya // ### [1.11.79](https://indike.org/pramana/in.purana.narada.1.11.79) namo 'stu te vāmanarupabhāje namo 'stu te kṣatrakulāntakāya / namo 'stu te rāvaṇamardanāya namo 'stu te nandasutāgrajāya // ### [1.11.80](https://indike.org/pramana/in.purana.narada.1.11.80) namaste kamalākānta namaste sukhadāyine / smṛtārtināśine tubhyaṃ bhūyo bhūyo namonamaḥ // ### [1.11.81](https://indike.org/pramana/in.purana.narada.1.11.81) yajñeśa yajñavinyāsa yajñavinghavināśana / yajñarupa yajadrūpa yajñāṅgaṃ tvāṃ yajāmyaham // ### [1.11.81.p1](https://indike.org/pramana/in.purana.narada.1.11.81.p1) iti stutaḥ sa deveśo vāmano lokapāvanaḥ // ### [1.11.82](https://indike.org/pramana/in.purana.narada.1.11.82) uvāca prahasanharṣaṃ vardhdayankaśyapasya saḥ // ### [1.11.83](https://indike.org/pramana/in.purana.narada.1.11.83) śrībhagavānuvāca tāta tuṣṭo 'smi bhadraṃ te bhaviṣyati surārcitā / acirātsādhayiṣyāmi nikhilaṃ tvanmanoratham // ### [1.11.84](https://indike.org/pramana/in.purana.narada.1.11.84) ahaṃ janmadvaye tvevaṃ yuvayoḥ putraghatāṃ gataḥ / asmiñjanmanyapi tathā sādayāmyuttamaṃ sukham // ### [1.11.85](https://indike.org/pramana/in.purana.narada.1.11.85) atrāntare balirdaityo dīrghasatraṃ mahāmakham / ārebhe guruṇā yuktaḥ kāvyena ca munīśvaraiḥ // ### [1.11.86](https://indike.org/pramana/in.purana.narada.1.11.86) tasminmakhe samāhūto viṣṇurlakṣmīsamanvitaḥ / haviḥ svīkaraṇārthāya ṛṣibhirbrahmavādibhiḥ // ### [1.11.87](https://indike.org/pramana/in.purana.narada.1.11.87) pravṛddhaiśvaryardaityasya varttamāne mahākratau / āmantrya mātāpitarau sa baṭurvāmano yayau // ### [1.11.88](https://indike.org/pramana/in.purana.narada.1.11.88) smitena mohayaṃllokaṃ vāmano bhaktavatsalaḥ / havirbhoktumivāyāto baleḥ pratyakṣato hariḥ // ### [1.11.89](https://indike.org/pramana/in.purana.narada.1.11.89) durvṛtto vā suvṛtto vā jaḍo vāyaṃ hito 'pi vā / yo bhaktiyuktastasyāntaḥ sadā saṃnihito hariḥ // ### [1.11.90](https://indike.org/pramana/in.purana.narada.1.11.90) āyāntaṃ vāmanaṃ dṛṣṭvā ṛṣayo jñānacakṣauṣaḥ / jñātvā nārāyaṇaṃ devamudyayuḥ sabhyasaṃyutāḥ // ### [1.11.91](https://indike.org/pramana/in.purana.narada.1.11.91) etajjñātvā daityagururekānte balimabravīt / svasāramavicāryaiva khalāḥ kāryāṇi kurvate // ### [1.11.92](https://indike.org/pramana/in.purana.narada.1.11.92) śukra uvāca bho bho daityapate saumya hyapahartā tava śriyam / viṣṇurvāmanarupeṇa hyaditeḥ putrātāṃ gataḥ // ### [1.11.93](https://indike.org/pramana/in.purana.narada.1.11.93) tavādhvaraṃ sa āyāti tvayā tasyāsureśvara / na kiñcidapi dātavyaṃ manmataṃ śṛṇu paṇḍita // ### [1.11.94](https://indike.org/pramana/in.purana.narada.1.11.94) ātmabuddhiḥ sukhakarī gurubuddhirviśeṣataḥ / parabuddhirvināśāya strībudhdiḥ pralayaṅkarī // ### [1.11.95](https://indike.org/pramana/in.purana.narada.1.11.95) śatrūṇāṃ hitakṛtadyastu sa hantavyo viśeṣataḥ // ### [1.11.96](https://indike.org/pramana/in.purana.narada.1.11.96) baliruvāca evaṃ guro na vaktavyaṃ dharmamārgavirodhataḥ / yadādatte svayaṃ viṣṇuḥ kimasmādadhikaṃ varam // ### [1.11.97](https://indike.org/pramana/in.purana.narada.1.11.97) kurvanti viduṣo yajñānviṣṇuprīṇanakāraṇāt / sa cetsākṣāddhavirbhogī mattaḥ ko 'bhyadhiko bhuvī // ### [1.11.98](https://indike.org/pramana/in.purana.narada.1.11.98) daridreṇāpi yatkiñciddīyate viṣṇave guro / tadeva paramaṃ dānaṃ dattaṃ bhavati cākṣayam // ### [1.11.99](https://indike.org/pramana/in.purana.narada.1.11.99) smṛto 'pi parayā bhaktyā punāti puruṣottamaḥ / yena kenāpyarcitaśveddadāti paramāṃ gatim // ### [1.11.100](https://indike.org/pramana/in.purana.narada.1.11.100) harirharati pāpāniduṣṭacittairapi smṛtaḥ / anicchayāpi saṃspṛṣṭo dahatyeva hi pāvakaḥ // ### [1.11.101](https://indike.org/pramana/in.purana.narada.1.11.101) jihvāgre vasate yasya hari rityakṣaradvayam / sa viṣṇulokamānpoti punarāvṛttidurlabham // ### [1.11.102](https://indike.org/pramana/in.purana.narada.1.11.102) govindeti sadā dhyāyedyastu rāgādivarjitaḥ / sa yāti viṣṇubhavanamiti prāhurmanīṣiṇaḥ // ### [1.11.103](https://indike.org/pramana/in.purana.narada.1.11.103) agnau vā brahmaṇe vāpihūyate yadvavirguro / haribhaktyā mahābhāga tena viṣṇuḥ prasīdati // ### [1.11.104](https://indike.org/pramana/in.purana.narada.1.11.104) ahaṃ tu harituṣyyarthaṃ karomyadhvaramuttamam / svayamāyāti cedviṣṇuḥ kṛtārtho 'smi na saṃśayaḥ // ### [1.11.105](https://indike.org/pramana/in.purana.narada.1.11.105) evaṃ vadati daityandre viṣṇurvāmanarupadhṛk / praviveśādhvarasthānaṃ hutavahnimanoramam // ### [1.11.106](https://indike.org/pramana/in.purana.narada.1.11.106) taṃ dṛṣṭvā koṭisūryābhaṃ yogyāvayavasundaram / vāmanaṃ sahasotthāya pratyagṛhṇātkṛtāñjaliḥ // ### [1.11.107](https://indike.org/pramana/in.purana.narada.1.11.107) dattvāsanaṃ ca prakṣālya pādau vāmanarupiṇam / sakuṭuṃbo vahanmūrdhnā paramāṃ mudamātpavān // ### [1.11.108](https://indike.org/pramana/in.purana.narada.1.11.108) viṣṇave 'smai jagaddhānme dattvārghyaṃ vidhivadūliḥ / romāñcitatanurbhūtvā harṣāśrunayano 'bravīt // ### [1.11.109](https://indike.org/pramana/in.purana.narada.1.11.109) baliruvāca adya me saphalaṃ janma adya me saphalo maravaḥ / jīvitaṃ saphalaṃ me 'dya kṛtārtho 'smi na saṃśayaḥ // ### [1.11.110](https://indike.org/pramana/in.purana.narada.1.11.110) amoghāmṛtavṛṣṭirme samāyātātidurlabhā / tvadāgamanamātreṇa hyanāyāso mahotsavaḥ // ### [1.11.111](https://indike.org/pramana/in.purana.narada.1.11.111) ete ca ṛṣayaḥ sarve kṛtārthāṃ nātra saṃśayaḥ / yaiḥ pūrvaṃ hi tapastaptaṃ tadadya saphalaṃ prabho // ### [1.11.112](https://indike.org/pramana/in.purana.narada.1.11.112) kṛtārtho 'smi kṛtārtho 'smi kṛtārtho 'smi na saṃśayaḥ / tasmāttubhyaṃ namastubhyaṃ namastubhyaṃ namastubhyaṃ namonamaḥ // ### [1.11.113](https://indike.org/pramana/in.purana.narada.1.11.113) tvadājñayā tvanniyogaṃ sādhayāmīti manmanaḥ / atyutsāhasamāyuktaṃ samājñāpaya māṃ prabho // ### [1.11.114](https://indike.org/pramana/in.purana.narada.1.11.114) evamurke dīkṣitena prahasanvāmano 'bravīt / dehi me tapasi sthātuṃ bhūmiṃ tripadasaṃmitām // ### [1.11.115](https://indike.org/pramana/in.purana.narada.1.11.115) etacchṛātvā baliḥ prāha rājyaṃ yācitavānnahi / grāmaṃ vā nagaraṃ cāpi dhanaṃ vā kiṃ kṛtaṃ tvayā // ### [1.11.116](https://indike.org/pramana/in.purana.narada.1.11.116) tanniśamya baliṃ prāha viṣṇuḥ sarvaśarīrabhṛt / āsannabhraṣṭarājyasya vairāgyaṃ janamannivā // ### [1.11.117](https://indike.org/pramana/in.purana.narada.1.11.117) śrībhagavānuvāca śṛṇu daityandra vakṣyāmi guhyādguhyatamaṃ param / sarvasaṃgavihīnānāṃ kimarthaiḥ sādhyatevada // ### [1.11.118](https://indike.org/pramana/in.purana.narada.1.11.118) ahaṃ tu sarvabhūtānāmantaryāmīti bhāvaya / mayi sarvamidaṃ daitya kimanyaiḥ sādhyate vada // ### [1.11.119](https://indike.org/pramana/in.purana.narada.1.11.119) rāgadveṣavihīnānāṃ śāntānāṃ tyaktamāyinām / nityānandasvarupāṇāṃ kimanyaiḥ sādhyate dhanaiḥ // ### [1.11.120](https://indike.org/pramana/in.purana.narada.1.11.120) ātmavatsarvabhūtāni paśyatāṃ śāntacetasām / abhinnamātmanaḥ sarvaṃ ko dātā dīyate ca kim // ### [1.11.121](https://indike.org/pramana/in.purana.narada.1.11.121) pṛthvīyaṃ kṣatriyavaśā iti śāstreṣu niścitam / tadājñāyāṃ sthitāḥ sarve labhante paramaṃ sukham // ### [1.11.122](https://indike.org/pramana/in.purana.narada.1.11.122) dātavyo munibhiścāpi ṣaṣṭāṃśo bhūbhuje bale / mahīyaṃ brāhmaṇānāṃ tu dātavyā sarva yatnataḥ // ### [1.11.123](https://indike.org/pramana/in.purana.narada.1.11.123) bhūmidānasya māhātmyaṃ na bhūtaṃ na bhaviṣyati / paraṃ nirvāṇamānpoti bhūmido nātra saṃśayaḥ // ### [1.11.124](https://indike.org/pramana/in.purana.narada.1.11.124) svalpāmapi mahīṃ dattvā śrotriyāyāhitāgnaye / brahmalokamavāpnoti punarāvṛttidurlabham // ### [1.11.125](https://indike.org/pramana/in.purana.narada.1.11.125) bhūmidaḥ sarvadaḥ prokto bhūmido mokṣabhāgbhavet / atidānaṃ tu tajjñeyaṃ sarvapāpaprāṇāśanam // ### [1.11.126](https://indike.org/pramana/in.purana.narada.1.11.126) mahāpātakayukto vā yukto vā sarvapātakaiḥ / daśahastāṃ mahīṃ dattvā sarvapāpaiḥ pramucyate // ### [1.11.127](https://indike.org/pramana/in.purana.narada.1.11.127) satpātre bhūmidātā yaḥ sarvadānaphalaṃ labhet / bhūmidānasamaṃ nānyatriṣu lokeṣu vidyate // ### [1.11.128](https://indike.org/pramana/in.purana.narada.1.11.128) dvijāya vṛttihīnāya yaḥ pradadyānmahīṃ bale / tasya puṇyaphalaṃ vaktuṃ na kṣamo 'bdaśatairaham // ### [1.11.129](https://indike.org/pramana/in.purana.narada.1.11.129) saktāya devapūjāsu vṛttihīnāya daityapa / svalpāmapi mahīṃ dadyādyaḥ sa viṣṇurna saṃśayaḥ // ### [1.11.130](https://indike.org/pramana/in.purana.narada.1.11.130) ikṣugodhūma tuvarīpūgavṛkṣādisaṃyutā / pṛthvī pradīyate yena sa viṣṇurnātra saṃśayaḥ // ### [1.11.131](https://indike.org/pramana/in.purana.narada.1.11.131) vṛttihīnāya viprāya daridrāya kuṭumbine / svalpāmapi mahīndattvā viṣṇusāyujyamānpuyāt // ### [1.11.132](https://indike.org/pramana/in.purana.narada.1.11.132) saktāya devapūjāsu viprāyāḍhakikāṃ mahīm / dattvā labheta gaṅgāyāṃ trirātrasnānajaṃ phalam // ### [1.11.133](https://indike.org/pramana/in.purana.narada.1.11.133) viprāya vṛttihīnāya sadācāraratāya ca / droṇikāṃ pṛthivīṃ dattvā yatphalaṃ labhate śṛṇu // ### [1.11.134](https://indike.org/pramana/in.purana.narada.1.11.134) gaṅgātīrthāśvamedhānāṃ śatāni vidhivannaraḥ / kṛtvā yatphalamānpoti tadāpnoti sa puṣkalam // ### [1.11.135](https://indike.org/pramana/in.purana.narada.1.11.135) dadāti khārikāṃ bhūmiṃ daridrāya dvijāya yaḥ / tasya puṇyaṃ pravakṣyāmi vadato me niśāmaya // ### [1.11.136](https://indike.org/pramana/in.purana.narada.1.11.136) aśvamedhasahasrāṇi vājapeyaśatāni ca / vidhāya jāhnavītīre patphalaṃ tallabheddhuvam // ### [1.11.137](https://indike.org/pramana/in.purana.narada.1.11.137) bhūmidānaṃ mahādānamatidānaṃ prakīrttitam / sarvapāpapraśamanamapavargaphalapradam // ### [1.11.138](https://indike.org/pramana/in.purana.narada.1.11.138) atrotihāsaṃ vakṣyāmi śṛṇu daityakuleśvara / yacchutvā śraddhayā yukto bhūmidānaphalaṃ labhet // ### [1.11.139](https://indike.org/pramana/in.purana.narada.1.11.139) āsītpurā dvijavaro brāhmakalpe mahāmatiḥ / daridro vṛttihīnaśca nāmnā bhadramatirbale // ### [1.11.140](https://indike.org/pramana/in.purana.narada.1.11.140) śrutāni sarvaśāstrāṇi tena vedadivāniśam / śrutāni ca purāṇāni dharmaśāstrāṇi sarvaśaḥ // ### [1.11.141](https://indike.org/pramana/in.purana.narada.1.11.141) abhavaṃstasya ṣaṭpatnyaḥ śrutiḥ sindhuryaśovatī / kāminī mālinī caiva śobhā ceti prakīrtitāḥ // ### [1.11.142](https://indike.org/pramana/in.purana.narada.1.11.142) āsu pantīṣu tasyāsañcatvariṃśacchatadvayam / putrāṇāmasuraśreṣṭha sarve nityaṃ bubhukṣitāḥ // ### [1.11.143](https://indike.org/pramana/in.purana.narada.1.11.143) akiñcano bhadramatiḥ kṣudhārttānātmajānpriyāḥ / paśyansvayaṃ kṣudhārttaśca vilalāpākulendriyaḥ // ### [1.11.144](https://indike.org/pramana/in.purana.narada.1.11.144) dhigjanma bhāgyarahitaṃ dhigjanma dhanavarjitam / dhigjanma dharmarahitaṃ dhigjanma khyātivarjitam // ### [1.11.145](https://indike.org/pramana/in.purana.narada.1.11.145) narasya bahvapatyasya dhigjanmaiśvaryavārjitam / aho guṇāḥ saumyatā ca vidvattā janma satkule // ### [1.11.146](https://indike.org/pramana/in.purana.narada.1.11.146) dāridyāmbudhimagnasya sarvametanna śobhate / priyāḥ putrāścapautrāśca bāndhavā bhrātarastathā // ### [1.11.147](https://indike.org/pramana/in.purana.narada.1.11.147) śiṣyāśca sarvamanujāstyajantyaiśvaryavārjitam / cāṇḍālo vā dvijo vāpi bhāgyavāneva pūjyate // ### [1.11.148](https://indike.org/pramana/in.purana.narada.1.11.148) daridraḥ puruṣo loke śavavallokaninditaḥ / aho saṃpatsaṃmāyukto niṣṭuro vāpyaniṣṭhuraḥ // ### [1.11.149](https://indike.org/pramana/in.purana.narada.1.11.149) guṇahīno 'pi guṇavānmūrkho vāpyatha paṇḍitaḥ / aiśvaryaguṇayuktaścetpūjya eva na saṃśayaḥ // ### [1.11.150](https://indike.org/pramana/in.purana.narada.1.11.150) aho daridratā duḥkhaṃ tatrāpyāśātiduḥkhadā / āśābhibhūtāḥ puruṣā duḥkhamaśnuvate 'kṣayam // ### [1.11.151](https://indike.org/pramana/in.purana.narada.1.11.151) āśayādāsā ye dāsāste sarvalokasya / āśā dāsī yeṣāṃ teṣāṃ dāsāyate lokaḥ // ### [1.11.152](https://indike.org/pramana/in.purana.narada.1.11.152) māno hi mahatāṃ loke dhanamakṣayamucyate / tasminnāśākhyaripuṇā māne naṣṭe daridratā // ### [1.11.153](https://indike.org/pramana/in.purana.narada.1.11.153) sarvaśāstrārthavettāpi daridro bhāti mūrkhavat / naiṣkiñcanyamahāgrāhagrastānāṃ ko vimocacakaḥ // ### [1.11.154](https://indike.org/pramana/in.purana.narada.1.11.154) aho duḥkhamaho duḥkhamaho duḥkhaṃ daridratā / tatrāpi putrabhāryāṇāṃ bāhulyamatiduḥkhadam // ### [1.11.155](https://indike.org/pramana/in.purana.narada.1.11.155) evamuktvā bhadramatiḥ sarvaśāstrārthapāragaḥ / anyamaiśvaryadaṃ dharmaṃ manasācintayattadā // ### [1.11.156](https://indike.org/pramana/in.purana.narada.1.11.156) bhūmidānaṃ viniścitya sarvadānottamottamam / dānena yo 'numantāti sa eva kṛtavānpurā // ### [1.11.157](https://indike.org/pramana/in.purana.narada.1.11.157) prāpakaṃ paramaṃ dharmaṃ sarvakāmaphalapradam / dānānāmuttamaṃ dānaṃ bhūdānaṃ parikīrtitam // ### [1.11.158](https://indike.org/pramana/in.purana.narada.1.11.158) yaddattvā samavānpoti yadyadiṣṭatamaṃ naraḥ / iti niścatya matimāndhīro bhadramatirbale // ### [1.11.159](https://indike.org/pramana/in.purana.narada.1.11.159) kauśāmbīṃnāma nagarīṃ kalatrāpatyayugyayau / sughoṣanāmaviprendraṃ sarvaiśvaryasamanvalitam // ### [1.11.160](https://indike.org/pramana/in.purana.narada.1.11.160) gatvā yācitavānbhūmiṃ pañcahastāyatāṃ bale / sughoṣo dharmaniratastaṃ nirīkṣya kuṭumbikram // ### [1.11.161](https://indike.org/pramana/in.purana.narada.1.11.161) manasā prīyamāṇena samabhyarcyedamabravīt / kṛtārtho 'haṃ bhadramate saphalaṃ mama janma ca // ### [1.11.162](https://indike.org/pramana/in.purana.narada.1.11.162) matkula pāvanaṃ jātaṃ tvadanugrahato dvija / ityuktvā taṃ samabhyarcya sughoṣo dharmatatparaḥ // ### [1.11.163](https://indike.org/pramana/in.purana.narada.1.11.163) pañcahastamitāṃ bhūmiṃ dadau tasmai mahāmatiḥ / pṛthivī vaiṣṇavī puṇyā pṛthivīṃ viṣṇupālitā // ### [1.11.164](https://indike.org/pramana/in.purana.narada.1.11.164) pṛthivyāstu pradānena prīyatāṃ me janārdanaḥ / mantreṇānena daityendra sughoṣastaṃ dvijottamam // ### [1.11.165](https://indike.org/pramana/in.purana.narada.1.11.165) viṣṇubuddhyā samabhyarcya tāvatīṃ pṛthivīṃ dadau / so 'pi bhadramatirvipro dhīmatā yācitāṃ bhuvam // ### [1.11.166](https://indike.org/pramana/in.purana.narada.1.11.166) dattavānharibhaktāya śrotriyāya kuṭumbine / sughoṣo bhūmidānena koṭivaṃśasamanvitaḥ // ### [1.11.167](https://indike.org/pramana/in.purana.narada.1.11.167) prapede viṣṇubhavanaṃ yatra gatvā na śocati / bale bhadramatiścāpi yataḥ prārthitavāñchriyam // ### [1.11.168](https://indike.org/pramana/in.purana.narada.1.11.168) sthitavānviṣṇubhavane sakuṭumbo yugāyutam / tathaiva brahmasadane sthitvā koṭiyugāyutam // ### [1.11.169](https://indike.org/pramana/in.purana.narada.1.11.169) aindraṃ padaṃ samāsādya sthitavānkalpapañcakam / tato bhuvaṃ samāsādya sarvaiśvaryasamanvitaḥ // ### [1.11.170](https://indike.org/pramana/in.purana.narada.1.11.170) jātismaro mahābhāgo bubhuje bhogamuttamam / tato bhadramatirdaitya niṣkāmo viṣṇutatparaḥ // ### [1.11.171](https://indike.org/pramana/in.purana.narada.1.11.171) pṛthivīṃ vṛttihīnebhyo brahmaṇebhyaḥ pradattavān / tasya viṣṇuḥ prasannātmā tattvaiśaavaryamanuttamam // ### [1.11.172](https://indike.org/pramana/in.purana.narada.1.11.172) koṭivaṃśasametasya dadau mokṣamanuttamam / tasmāddaityapate mahyaṃ sarvadharmaparāyaṇa // ### [1.11.173](https://indike.org/pramana/in.purana.narada.1.11.173) tapaścariṣyemokṣāya dehi me tripadāṃ mahīm / vairocanistato dṛṣṭaḥ kalaśaṃ jalapūritam // ### [1.11.174](https://indike.org/pramana/in.purana.narada.1.11.174) ādade pṛthivīṃ dātuṃ varṇine vāmanāya / viṣṇuḥ sarvagatojñātvā jaladhārāvarodhinam // ### [1.11.175](https://indike.org/pramana/in.purana.narada.1.11.175) kāvyaṃ hastasthadarbhāgraṃ tacchare saṃnyaveśayat / darbhāgre 'bhūnmahāśāstraṃ koṭisūryasamaprabham // ### [1.11.176](https://indike.org/pramana/in.purana.narada.1.11.176) amodhaṃ brahmamatyugraṃ kāvyākṣigrāsalolupam / āyāya bhārgavasurānasurānekacakṣuṣā // ### [1.11.177](https://indike.org/pramana/in.purana.narada.1.11.177) paśyeti vāndideśe ca darbhāgraṃ śastrasannibham / balirdadau mahāviṣṇormahīṃ tripadasaṃmitām // ### [1.11.178](https://indike.org/pramana/in.purana.narada.1.11.178) vavṛdhe so 'pi viśvātmā ābrahmabhuvanaṃ tadā / amimīta mahīṃ dvābhyāṃ padbhyāṃ viśvatanurhariḥ // ### [1.11.179](https://indike.org/pramana/in.purana.narada.1.11.179) sa ābrahmakaṭāhāntapadānyetāni saprabhaḥ / pādāṅkuṣṭāgranirbhinnaṃ brahmāṇḍaṃ vibhide dvidhā // ### [1.11.180](https://indike.org/pramana/in.purana.narada.1.11.180) taddārā bāhyasalilaṃ bahudhāraṃ samāgatam / dhautaviṣṇupadaṃ toyaṃ nirmalaṃ lokapāvanam // ### [1.11.181](https://indike.org/pramana/in.purana.narada.1.11.181) ajāṇḍabāhyanilayaṃ dhārārupamavarttata / tajjalaṃ pāvanaṃ śreṣṭhaṃ brahmādīnpāvayatsurān // ### [1.11.182](https://indike.org/pramana/in.purana.narada.1.11.182) satparṣisevitaṃ caiva nyapatanmerumūrddhani // ### [1.11.183](https://indike.org/pramana/in.purana.narada.1.11.183) etaddaṣṭvādbhutaṃ karma brahmādyā devatāgaṇāḥ / ṛṣayo manavaścaiva hyastuvanharṣavihvalāḥ // ### [1.11.184](https://indike.org/pramana/in.purana.narada.1.11.184) devā ūcuḥ namaḥ pareśāya parātmarupiṇe parātparāyāpararupadhāriṇe / brahmātmane brahmaratātmabuddhaye namo 'stu te 'vyāhatakarmaśīline // ### [1.11.185](https://indike.org/pramana/in.purana.narada.1.11.185) pareśa paramānanda paramātmanparātpara / sarvātmane jaganmūrtte pramāṇātīta te namaḥ // ### [1.11.186](https://indike.org/pramana/in.purana.narada.1.11.186) viśvataśvakṣuṣe tubhyaṃ viśvato bāhave namaḥ / viśvataḥ śirase caiva viśvato gataye namaḥ // ### [1.11.187](https://indike.org/pramana/in.purana.narada.1.11.187) evaṃra stuto mahāviṣṇurbrahmādyaiḥ svarddavaukasām / dattvābhayaṃ ca mumude devadevaḥ sanātanaḥ // ### [1.11.188](https://indike.org/pramana/in.purana.narada.1.11.188) virocanātmajaṃ daityaṃ padaikārthaṃ babandha ha / tataḥ prapannaṃ tu baliṃ jñātvā cāsmai rasātalam / dadau tadvārapālaśca bhaktavaśyo babhūva ha // ### [1.11.189](https://indike.org/pramana/in.purana.narada.1.11.189) nārada uvāca rasātale mahāviṣṇurvirocanasutasya vai / kiṃ bhojyaṃ kalpayāmāsa ghore sarpabhayākule // ### [1.11.190](https://indike.org/pramana/in.purana.narada.1.11.190) sanaka uvāca amantritaṃ haviryattu hūyate jātavedasi / apātre dīyate yacca taddhoraṃ bhogasādhanam // ### [1.11.191](https://indike.org/pramana/in.purana.narada.1.11.191) hutaṃ haviraśucinā dṛttaṃ satkarma yatkṛtam / tatsarvaṃ tatra bhogārhamadhaḥ pātaphalapradam // ### [1.11.192](https://indike.org/pramana/in.purana.narada.1.11.192) evaṃ rasātalaṃ viṣṇurbalaye sāsurāya tu / dattvābhayaṃ ca sarveṣāṃ surāṇāṃ tridivaṃ dadau // ### [1.11.193](https://indike.org/pramana/in.purana.narada.1.11.193) pūjyamāno 'maragaṇaiḥ stūyamāno maharṣibhiḥ / gandharvairgīyamānaśca punarvāmanatāṃ gataḥ // ### [1.11.194](https://indike.org/pramana/in.purana.narada.1.11.194) etaddṛṣṭvā mahatkarmamuno brahmavādinaḥ / paraspare smitamukhāḥ praṇebhuḥ puruṣottamam // ### [1.11.195](https://indike.org/pramana/in.purana.narada.1.11.195) sarvabhūtatmako viṣṇurvāmanatvamupāgataḥ / mohayannikhilaṃ lokaṃ prapede tapase vanam // ### [1.11.196](https://indike.org/pramana/in.purana.narada.1.11.196) evaṃ prabhāvā sā devī gaṅgā viṣṇupadodbhavā / yasyāḥ smaraṇamātreṇa mucyate sarvapātakaiḥ // ### [1.11.197](https://indike.org/pramana/in.purana.narada.1.11.197) idaṃ tu gaṅgāmāhātmyaṃ yaḥ paṭhe cchṛṇuyādapi / devālaye nadītīre so 'śvamedhaphalaṃ labhet // ### [1.11.197.p1](https://indike.org/pramana/in.purana.narada.1.11.197.p1) iti śrībṛhannāradīyapurāṇe pūrvabhāge prathamapāde gaṅgotpattirgaṅgāmāhātmyaṃ nāmaikādaśo 'dhyāyaḥ ## Linked texts (6) - [Skandamahāpurāṇa (vulgate)](https://indike.org/pramana/in.purana.skanda*vulgate.2.1.20.9) — Sanskrit - [Haribhaktivilāsa](https://indike.org/pramana/in.sampradaya.vaisnava.gaudiya.acara.haribhaktivilasa.10.142) — Gopāla Bhaṭṭa Gosvāmin & Sanātana Gosvāmin 1535, Sanskrit - [Mahāsubhāṣitasaṃgraha](https://indike.org/pramana/in.lit.subhasita.subhasita.mahasubhasitasangraha.4136) — Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.26.177) — Jīva Gosvāmin 1555, Sanskrit - [Ratnamālāvadāna](https://indike.org/pramana/in.bauddha.sanskrit.avadana.ratnamalavadana.13.41.p1) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.11.2) — Sanskrit --- Source: [https://indike.org/pramana/in.purana.narada.1.11](https://indike.org/pramana/in.purana.narada.1.11) · Pramāṇa