[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.120 # Naradapurana 1.120 Nāradapurāṇa 1.120 - **Language:** Sanskrit ## Contents - [1.120.6](https://indike.org/pramana/in.purana.narada.1.120.6) — 1 part - [1.120.92](https://indike.org/pramana/in.purana.narada.1.120.92) — 1 part ### [1.120.1](https://indike.org/pramana/in.purana.narada.1.120.1) sanātana uvāca ekādaśyāṃ tu dalayornirāhāraḥ samāhitaḥ / nānāpuṣpairmune kṛtvā vicitraṃ maṇḍapaṃ śubham // ### [1.120.2](https://indike.org/pramana/in.purana.narada.1.120.2) srātvā samyagvidhānena sopavāso jitendriyaḥ / saṃpūjya vidhivadviṣṇuṃ śraddhayā susamāhitaḥ // ### [1.120.3](https://indike.org/pramana/in.purana.narada.1.120.3) upacārairbahuvidhairjapairhemaiḥ pradakṣiṇaiḥ / stotrapāṭhairbahuvidhairgītavādyairmanoharaiḥ // ### [1.120.4](https://indike.org/pramana/in.purana.narada.1.120.4) daṇḍavatpraṇipātaiśca jayaśabdairmanoharaiḥ / rātrau jāgaraṇaṃ kṛtvā yāti viṣṇoḥ paraṃ padam // ### [1.120.5](https://indike.org/pramana/in.purana.narada.1.120.5) caitrasya śuklaikādaśyāṃ sopavāso narottamaḥ / kṛtvā ca niyamānsarvānvakṣyamāṇāndinatraye // ### [1.120.6](https://indike.org/pramana/in.purana.narada.1.120.6) dvādaśyāmarcayedbhaktayā vāsudevaṃ sanātanam / upacāraiḥ ṣoḍaśabhistataḥ saṃbhojya bāndhavān // ### [1.120.6.p1](https://indike.org/pramana/in.purana.narada.1.120.6.p1) datvā ca dakṣiṇāṃ tebhyo visṛjyāśnīta ca svayam /// ### [1.120.7](https://indike.org/pramana/in.purana.narada.1.120.7) iyaṃ tu kāmadā nāma sarvapātakanāśinī // ### [1.120.8](https://indike.org/pramana/in.purana.narada.1.120.8) bhuktimuktipradā vipra bhaktyā samyagupoṣitā / vaiśākhakṛṣṇaikādaśyāṃ samupoṣya vidhānataḥ // ### [1.120.9](https://indike.org/pramana/in.purana.narada.1.120.9) varūthinīṃ paradine pūjayenmṛdhusūdanam / svarṇānnakanyādhenūnāṃ dānamatra praśasyate // ### [1.120.10](https://indike.org/pramana/in.purana.narada.1.120.10) varūthinīvrataṃ kṛtvā naro niyamatatparaḥ / sarvapāpa vinirmukto vaiṣṇavaṃ labhate padvam // ### [1.120.11](https://indike.org/pramana/in.purana.narada.1.120.11) vaiśākhaśuklaikādaśyāṃ samupoṣya ca mohinīm / snātvā pare 'hni saṃpūjya gandhādyaiḥ puruṣottamam // ### [1.120.12](https://indike.org/pramana/in.purana.narada.1.120.12) saṃbhojya viprānmucyeta pātakebhyo na saṃśayaḥ / jeṣṭhasya kṛṣṇakādaśyāṃ samupoṣya parāṃ nṛpa // ### [1.120.13](https://indike.org/pramana/in.purana.narada.1.120.13) dvādaśyāṃ naityikaṃ kṛtvā samabhyarcya trivikramam / tato dvijāgryānsaṃbhojya datvā tebhyaśca dakṣiṇām // ### [1.120.14](https://indike.org/pramana/in.purana.narada.1.120.14) sarvapāpavinirmukto viṣṇulokaṃ vrajennaraḥ / jyeṣṭhasya śuklaikādaśyāṃ nirjalāṃ samupoṣya tu // ### [1.120.15](https://indike.org/pramana/in.purana.narada.1.120.15) udayādudayaṃ yāvadbhāskarasya dvijottama / prabhāte kṛtanityastu dvādaśyāmupacārakaiḥ // ### [1.120.16](https://indike.org/pramana/in.purana.narada.1.120.16) hyaṣīkeśaṃ samabhyarcya viprān saṃbhojya bhaktitaḥ / caturviṃśaikādaśīnāṃ phalaṃ yattatsamāpnuyāt // ### [1.120.17](https://indike.org/pramana/in.purana.narada.1.120.17) āṣāḍhakṛṣṇaikādaśyāṃ yoginīṃ samupoṣya vai / nārāyaṇaṃ samabhyarcya dvādaśyāṃ kṛtanityakaḥ // ### [1.120.18](https://indike.org/pramana/in.purana.narada.1.120.18) tataḥ saṃbhojya viprāgryāndatvā tebhyaśca dakṣiṇām / sarvadānaphalaṃ prāpya modate viṣṇumandire // ### [1.120.19](https://indike.org/pramana/in.purana.narada.1.120.19) āṣāḍhaśuklaikādaśyāṃ yadbidhānaṃ śṛṇuṣva tat / upoṣya tasmin divase vidhivanmaṇḍape śubhe // ### [1.120.20](https://indike.org/pramana/in.purana.narada.1.120.20) sthāpayetpratimāṃ viṣṇoḥ śaṅkhacakragadāṃbujaiḥ / lasaccaturbhujāmagryāṃ kāñcanīṃ vātha rājatīm // ### [1.120.21](https://indike.org/pramana/in.purana.narada.1.120.21) pītāṃbaradharāṃ śubhre paryyaṅke svāstṛte dvija / tataḥ pañcāmṛtaiḥ snāpya mantraiḥ śuddhajalena ca // ### [1.120.22](https://indike.org/pramana/in.purana.narada.1.120.22) pauruṣeṇaiva sūktena hyupacārān prakalpayet / nīrājanāntānpādyādīṃstataḥ saṃprārthayeddharim // ### [1.120.23](https://indike.org/pramana/in.purana.narada.1.120.23) supte tvayi jagannātha jagatsuptaṃ bhavedidam / vibuddhe tvayi buddhaṃ ca jagatsarvaṃ carācaram // ### [1.120.24](https://indike.org/pramana/in.purana.narada.1.120.24) iti saṃprārthya devāgre cāturmāsyapracoditān / niyamāṃstu yathāśakti gṛhṇīyādbhaktimānnaraḥ // ### [1.120.25](https://indike.org/pramana/in.purana.narada.1.120.25) tataḥ prabhāte dvādaśyāṃ samarceccheṣaśāyinam / upacāraiḥ ṣoḍaśabhistataḥ saṃbhojya vāḍavān // ### [1.120.26](https://indike.org/pramana/in.purana.narada.1.120.26) pratoṣya dabhiṇābhiśca svayaṃ bhuñjīta vāgyataḥ / tataḥ prabhṛti viprendra gandhādyaiḥ pratyahaṃ yajet // ### [1.120.27](https://indike.org/pramana/in.purana.narada.1.120.27) kṛtvaivaṃ vidhinā vipra devasya śayanīvratam / bhuktimuktiyuto martyo bhavedviṣṇoḥ prasādataḥ // ### [1.120.28](https://indike.org/pramana/in.purana.narada.1.120.28) śrāvaṇe kṛṣṇapakṣe tu ekādaśyāṃ dvijottama / kāmikāṃ samupoṣyaiva niyamena narottama // ### [1.120.29](https://indike.org/pramana/in.purana.narada.1.120.29) dvādaśyāṃ kṛtanityastu śrīdharaṃ pūjayeddharim / upacāraiḥ ṣoḍaśa bhistataḥ saṃbhojya vai dvijān // ### [1.120.30](https://indike.org/pramana/in.purana.narada.1.120.30) datvā ca dakṣiṇāṃ tebhyo visṛjyāśnīta bāndhavaiḥ / evaṃ yaḥ kurute viprakāmikāvratamuttamam // ### [1.120.31](https://indike.org/pramana/in.purana.narada.1.120.31) sa sarvakāmāṃllabdhveha yāti viṣṇoḥ paraṃ padam / ekādaśyāṃ nabhaḥśukle pavitrāṃ samupoṣya vai // ### [1.120.32](https://indike.org/pramana/in.purana.narada.1.120.32) dvādaśyāṃ niyato bhūtvā pūjayecca janārdanam / upacāraiḥ ṣoḍaśabhistataḥ saṃbhojya vāḍavān // ### [1.120.33](https://indike.org/pramana/in.purana.narada.1.120.33) /. datvā ca dakṣiṇāṃ tebhyaḥ putraṃ prāpyeha sadguṇam / yāti viṣṇoḥ padaṃ sākṣātsarvadevanamaskṛtaḥ // ### [1.120.34](https://indike.org/pramana/in.purana.narada.1.120.34) nabhasyakṛṣṇaikā daśyāmajākhyāṃ samupoṣya vai / arcedurpendraṃ dvādaśyāmupacāraiḥ pṛthagvidhaiḥ // ### [1.120.35](https://indike.org/pramana/in.purana.narada.1.120.35) viprānsaṃbhojya miṣṭānnairvisṛjetprāptadakṣiṇān / evaṃ kṛtavrato viprabhaktyājāyāḥ samāhitaḥ // ### [1.120.36](https://indike.org/pramana/in.purana.narada.1.120.36) bhuktveha bhogānakhilānyātyante vaiṣṇavaṃ kṣayam / nabhasyaśuklaikādaśyāṃ padmākhyāṃ samupoṣya vai // ### [1.120.37](https://indike.org/pramana/in.purana.narada.1.120.37) kṛtvā nityārcanaṃ tatra kaṭidānamathācaret / pūrvaṃ saṃsthāpitāyāstu pratimāyā dvijottama // ### [1.120.38](https://indike.org/pramana/in.purana.narada.1.120.38) samutsavavidhānena nītvā tāṃ salilāśaye / kṛtāṃbusparśanāṃ tatra saṃprapūjya vidhānataḥ // ### [1.120.39](https://indike.org/pramana/in.purana.narada.1.120.39) ānīya maṇḍape tasmin vāmapārśvena śāyayet / tataḥ prabhāpte dvādaśyāṃ gandhādyairarcya vāmanam // ### [1.120.40](https://indike.org/pramana/in.purana.narada.1.120.40) saṃbhojya vāḍavāndatvā dakṣiṇāṃ ca visarjayet / evaṃ yaḥ kurute vipra padmāvratamanuttamam // ### [1.120.41](https://indike.org/pramana/in.purana.narada.1.120.41) bhuktiṃ prāpyeha muktiṃ tu labhateṃ'te prapañcataḥ / iṣasya kṛṣṇaikā daśyāmindirāṃ samupoṣya vai // ### [1.120.42](https://indike.org/pramana/in.purana.narada.1.120.42) śālagrāmaśilāgre tu madhyāhne śrāddhamācaret / viṣṇoḥ prītikaraṃ vipra tataḥ prātarharerdine // ### [1.120.43](https://indike.org/pramana/in.purana.narada.1.120.43) padnanābhaṃ samabhyarcya bhūdevānbhojayetsudhīḥ / visṛjya dakṣiṇāṃ datvā tāṃstato 'śnīta ca svayam // ### [1.120.44](https://indike.org/pramana/in.purana.narada.1.120.44) evaṃ kṛtavrato martyo bhuktvā bhogānihepsitān / pitṝṇāṃ koṭimuddhṛtya yātyante vaiṣṇavaṃ gṛham // ### [1.120.45](https://indike.org/pramana/in.purana.narada.1.120.45) ekādaśyāmiṣe śukle vipra pāśāṅkuśāhvayām / upoṣya vidhivadviṣṇordine viṣṇuṃ samarcayet // ### [1.120.46](https://indike.org/pramana/in.purana.narada.1.120.46) tataḥ saṃbhojya viprāgryāndatvā tebhyaśca dakṣiṇām / bhaktyā praṇamya visṛjedaśnīyācca svayaṃ tataḥ // ### [1.120.47](https://indike.org/pramana/in.purana.narada.1.120.47) evaṃ yaḥ kurute bhaktyā naraḥ pāśāṅkuśāvratam / sa bhuktveha varānbhogānyāti viṣṇoḥ salokatām // ### [1.120.48](https://indike.org/pramana/in.purana.narada.1.120.48) kārtike kṛṣṇapakṣe tu ekādaśyāṃ dvijottama / ramāmupoṣya vidhivaddvādaśyāṃ prātararcayet // ### [1.120.49](https://indike.org/pramana/in.purana.narada.1.120.49) keśavaṃ keśihṝntāraṃ devadevaṃ sanātanam / bhojayecca tato viprānvisṛjellabdhadakṣiṇān // ### [1.120.50](https://indike.org/pramana/in.purana.narada.1.120.50) evaṃ kṛtavrato vipra bhogānbhuktveha vāñchitān / vyomayānena sāṃnidhyaṃ labhate ca ramāpateḥ // ### [1.120.51](https://indike.org/pramana/in.purana.narada.1.120.51) ūrjasya śuklaikādaśyāṃ samupoṣya prabodhinīm / keśavaṃ bodhayedrātrau suptaṃ gītādimaṅgalaiḥ // ### [1.120.52](https://indike.org/pramana/in.purana.narada.1.120.52) ṛgyajuḥsāmamantraiśca vādyairnānāvidhairapi / drākṣekṣudāḍimaiścānyai raṃbhāśṛṅgāṭakādibhiḥ // ### [1.120.53](https://indike.org/pramana/in.purana.narada.1.120.53) samarpaṇaistato rātryāṃ vyatītāyāṃ pare 'hani / snātvā nityakriyāṃ kṛtvā gadādāmodaraṃ yajet // ### [1.120.54](https://indike.org/pramana/in.purana.narada.1.120.54) upacāraiḥ ṣoḍaśabhiḥ pauruṣeṇāpi sūktataḥ / saṃbhojya viprānvisṛjeddakṣiṇābhiḥ pratoṣitān // ### [1.120.55](https://indike.org/pramana/in.purana.narada.1.120.55) tatastāṃ pratimāṃ haimīṃ sadhenuṃ guraver'payet / evaṃ yaḥ kurute bhaktyā bodhinīvratamādṛtaḥ // ### [1.120.56](https://indike.org/pramana/in.purana.narada.1.120.56) sa bhuktveha varānbhogānvaiṣṇavaṃ labhate padam / mārgasya kṛṣṇaikādaśyāmutpannāṃ samupoṣya vai // ### [1.120.57](https://indike.org/pramana/in.purana.narada.1.120.57) dvādaśyāṃ kṛṣṇamabhyarcedgandhādyairupacārakaiḥ / tataḥ saṃbhojya viprāgryāndatvā tebhyaśca dakṣiṇām // ### [1.120.58](https://indike.org/pramana/in.purana.narada.1.120.58) visṛjya paścādbhuñjīta svayamiṣṭaiḥ samāhitaḥ / evaṃ yo bhaktibhāvena utpannāvratamācaret // ### [1.120.59](https://indike.org/pramana/in.purana.narada.1.120.59) sa vimānaṃ samāruhya yātyante vaiṣṇavaṃ padam / mārgasya śuklaikādaśyāṃ mokṣākhyāṃ samupoṣya vai // ### [1.120.60](https://indike.org/pramana/in.purana.narada.1.120.60) dvādaśyāṃ prātarabhyarcya hyanantaṃ viśvarūpakam / sarvairevopacāraistu viprānsaṃbhojayeddvijaḥ // ### [1.120.61](https://indike.org/pramana/in.purana.narada.1.120.61) visṛjya dakṣiṇāṃ datvā svayaṃ bhuñjīta bāndhavaiḥ / evaṃ kṛtvā vrataṃ vipra bhuktvā bhogānihepsitān // ### [1.120.62](https://indike.org/pramana/in.purana.narada.1.120.62) daśa pūrvāndaśa parānsamuddhṛtya vrajeddharim / paupasya kṛṣṇaikādaśyāṃ saphalāṃ samupoṣya vai / dvādaśyāmacyutaṃ prārcya sarvairevopacārakaiḥ // ### [1.120.63](https://indike.org/pramana/in.purana.narada.1.120.63) saṃbhojya viprānmadhurairvisṛjellabdhadakṣiṇān / evaṃ kṛtvā vrataṃ vipra saphalāyā vidhānataḥ // ### [1.120.64](https://indike.org/pramana/in.purana.narada.1.120.64) bhuktveha bhogānakhilānyātyante vaiṣṇavaṃ padam / pauṣasya śuklaikādaśyāṃ putradāṃ samupoṣya vai // ### [1.120.65](https://indike.org/pramana/in.purana.narada.1.120.65) dvādaśyāṃ cakriṇaṃ prāryedarghādyairupacārakaiḥ / tataḥ saṃbhojya viprāgryāndatvā tebhyastu dakṣiṇām // ### [1.120.66](https://indike.org/pramana/in.purana.narada.1.120.66) visṛjya svayamaśnīyāccheṣānnaṃ sveṣṭabāndhavaiḥ / evaṃ kṛtavrato vipra bhukvā bhogānihepsitān // ### [1.120.67](https://indike.org/pramana/in.purana.narada.1.120.67) vimānavaramāruhya yātyante harimandiram / māghamya kṛṣṇaikādaśyāṃ ṣaṭtilāṃ samupoṣya vai // ### [1.120.68](https://indike.org/pramana/in.purana.narada.1.120.68) snātvā datvā tarpayitvā hutvā bhuktvā samarcya ca / tilaireva dvijaśreṣṭha dvādaśyāṃ prātareva hi // ### [1.120.69](https://indike.org/pramana/in.purana.narada.1.120.69) vaikuṇṭhaṃ samyagabhyarvya sarvairevopacārakaiḥ / dvijānsaṃbhojya visṛjeddatvā tebhyaśca dakṣiṇām // ### [1.120.70](https://indike.org/pramana/in.purana.narada.1.120.70) evaṃ kṛtvā vrataṃ vipra vidhinā susamāhitaḥ / bhuktveha vāñchitānbhogānante viṣṇupadaṃ labhet // ### [1.120.71](https://indike.org/pramana/in.purana.narada.1.120.71) māghasya śuklaikādaśyāṃ samupoṣya jayāhvayām / prātarhari dine 'bhyarccecchrīpatiṃ puruṣaṃ dvija // ### [1.120.72](https://indike.org/pramana/in.purana.narada.1.120.72) bhojayitvā dakṣiṇāṃ ca datvā viprānvisṛjya ca / svayaṃ bhuñjīta taccheṣaṃ prayato nijabāndhavaiḥ // ### [1.120.73](https://indike.org/pramana/in.purana.narada.1.120.73) ya evaṃ kurute vipra vrataṃ keśavatoṣaṇam / sa bhuktveha varānbhogānante viṣṇoḥ padaṃ vrajet // ### [1.120.74](https://indike.org/pramana/in.purana.narada.1.120.74) tapasyakṛṣṇaikādaśyāṃ vijayāṃ samupoṣya vai / dvādaśyāṃ prātarabhyarcya yogīśaṃ gandhapūrvakaiḥ // ### [1.120.75](https://indike.org/pramana/in.purana.narada.1.120.75) tataḥ saṃbhojya bhūdevāndakṣiṇābhiḥ pratoṣya tān / visṛjya bāndhavaiḥ sārddhaṃ svayamaśnīta vāgyataḥ // ### [1.120.76](https://indike.org/pramana/in.purana.narada.1.120.76) evaṃ kṛtavrato martyo bhuktvā bhogānihepsitān / dehānte vaiṣṇavaṃ lokaṃ yāti devaiḥ susatkṛtaḥ // ### [1.120.77](https://indike.org/pramana/in.purana.narada.1.120.77) phaālgunasya site pakṣe ekādaśyāṃ dvijottama / upoṣyāmalakīṃ bhaktyā dvādaśyāṃ prātararcayet // ### [1.120.78](https://indike.org/pramana/in.purana.narada.1.120.78) puṇḍarīkākṣamakhilairupacāraistato dvijān / bhojayitvā varānnena dadyāttebhyastu dakṣiṇām // ### [1.120.79](https://indike.org/pramana/in.purana.narada.1.120.79) evaṃ kṛtvā vidhānenāmalakyāṃ pūjanādikam / sitaikādaśyāṃ tapasye vrajedviṣṇoḥ paraṃ padam // ### [1.120.80](https://indike.org/pramana/in.purana.narada.1.120.80) caitrasya kṛṣṇaikādaśīṃ pāpamocanikāṃ dvija / upāṣya dvādaśyāṃprātargovindaṃ pūjayettathā // ### [1.120.81](https://indike.org/pramana/in.purana.narada.1.120.81) upacāraiḥ ṣoḍaśabhirdvijānsaṃbhojya dakṣiṇām / datvā tebhyo visṛjyātha svayaṃ bhuñjīta bāndhavaiḥ // ### [1.120.82](https://indike.org/pramana/in.purana.narada.1.120.82) eva yaḥ kurute vipra pāpamocanikāvratām / sa yāti vaiṣṇavaṃ lokaṃ vimānena tu bhāsvatā // ### [1.120.83](https://indike.org/pramana/in.purana.narada.1.120.83) itthaṃ kṛṣṇo tathā śukle vrataṃ caikādaśībhavam / mokṣadaṃ kīrtitaṃ vipra nāstyasminsaṃśayaḥ kvacit // ### [1.120.84](https://indike.org/pramana/in.purana.narada.1.120.84) yatastridinasaṃsādhyaṃ kīrtinaṃ pāpanāśanam / sarvavratottamaṃ vipra tato jñeyaṃ mahāphalam // ### [1.120.85](https://indike.org/pramana/in.purana.narada.1.120.85) tyajeccatvāri bhuktāni nāradai taddinatraye / ādyantayorekamekaṃ madhyame dvayameva hi // ### [1.120.86](https://indike.org/pramana/in.purana.narada.1.120.86) atha te niyamānvacmi vrate hyasmindinatraye / kāṃsyaṃ māṃsaṃ masūrānnaṃ caṇakānkodravāṃstathā // ### [1.120.87](https://indike.org/pramana/in.purana.narada.1.120.87) śākaṃ madhu parānnaṃ ca punarbhojanamaithune / daśamyāṃ daśa vastūni varjayedvaiṣṇavaṛ sadā // ### [1.120.88](https://indike.org/pramana/in.purana.narada.1.120.88) dyūtakrīḍāṃ ca nidrāṃ ca tāṃbūlaṃ dantadhāvanam / parāpavādaṃ paiśunyaṃ steyaṃ hiṃsāṃ tathā ratim // ### [1.120.89](https://indike.org/pramana/in.purana.narada.1.120.89) kopaṃ hyanṛtavākyaṃ ca ekādaśyāṃ vivarjjayet / kāṃsyaṃ māṃsaṃ surāṃ kṣaudraṃ tailaṃ viṇmlecchabhāṣaṇam // ### [1.120.90](https://indike.org/pramana/in.purana.narada.1.120.90) vyāyāmaṃ ca pravāsaṃ ca punarbhojanamaithune / aspṛśyasparśamāśūre dvādaśyāṃ dvādaśa tyajet // ### [1.120.91](https://indike.org/pramana/in.purana.narada.1.120.91) evaṃ niyamakṛdvipra upavāsaṃ samācaret / śakto 'śaktustu matimānekabhuktaṃ na naktakam // ### [1.120.92](https://indike.org/pramana/in.purana.narada.1.120.92) ayācitaṃ vāpi carenna tyajedvratamīdṛśam // ### [1.120.92.p1](https://indike.org/pramana/in.purana.narada.1.120.92.p1) iti śrībṛhannāradīya purāṇe pūrvabhāge bṛhadupākhyāne caturthabhāge dvādaśamāsastitaikādaśīvratakathanaṃ nāma viṃśatyadhikaśatatamo 'dhyāyaḥ ## Linked texts (3) - [Padmapurāṇa](https://indike.org/pramana/in.purana.padma.6.48.20) — Vyāsa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.29.p26) — Nīlakaṇṭha Dīkṣita 1625, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.13.p19) — Nīlakaṇṭha Dīkṣita, Sanskrit --- Source: [https://indike.org/pramana/in.purana.narada.1.120](https://indike.org/pramana/in.purana.narada.1.120) · Pramāṇa