[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.121 # Naradapurana 1.121 Nāradapurāṇa 1.121 - **Language:** Sanskrit ## Contents - [1.121.117](https://indike.org/pramana/in.purana.narada.1.121.117) — 1 part ### [1.121.1](https://indike.org/pramana/in.purana.narada.1.121.1) sanātana uvāca atha vratāni dvādaśyāḥ kathayāmi tavānagha / yāni kṛtvā naro loke viṣṇoḥ priyataro bhavet // ### [1.121.2](https://indike.org/pramana/in.purana.narada.1.121.2) caitrasya śukladvādaśyāṃ madanavratamācaret / sthāpayedavraṇaṃ kuṃbhaṃ sitatandulapūritam // ### [1.121.3](https://indike.org/pramana/in.purana.narada.1.121.3) nānāphalayutaṃ tadvadikṣudaṇḍasamanvitam / sitavastrayugacchannaṃ sitacandanacarccitam // ### [1.121.4](https://indike.org/pramana/in.purana.narada.1.121.4) nānābhakṣyasamopetaṃ sahiraṇyaṃ svaśaktitaḥ / tāmrapātraṃ guḍopetaṃ tasyopari niveśayet // ### [1.121.5](https://indike.org/pramana/in.purana.narada.1.121.5) tatra saṃpūjayeddevaṃ kāmarūpiṇamacyutam / gandhādyairupacāraistu sopavāso pare 'hani // ### [1.121.6](https://indike.org/pramana/in.purana.narada.1.121.6) punaḥ prātaḥ samabhyarcya brāhmaṇāya nivedayet / brahmaṇānbhojayeccaiva tebhyo dadyācca dakṣiṇām // ### [1.121.7](https://indike.org/pramana/in.purana.narada.1.121.7) varṣamevaṃ vrataṃ kṛtvā ghṛtadhenusamanvitām / śayyāṃ tu dadyādgurave sarvopaskarasaṃyutām // ### [1.121.8](https://indike.org/pramana/in.purana.narada.1.121.8) kāñcanaṃ kāmadevaṃ ca śuktāṃ gāṃ ca payasvinīm / vāsobhirdvijadāṃpatyaṃ pūjayitvā samarpayet // ### [1.121.9](https://indike.org/pramana/in.purana.narada.1.121.9) prīyatāṃ kāmarūpī me harirityevamuccaran / yaḥ kuryādvidhinānena madanadvādaśīvratam // ### [1.121.10](https://indike.org/pramana/in.purana.narada.1.121.10) sa sarvapāpanirbhuktaḥ prāpnoti harisāmyatām / asyāmeva samuddiṣṭaṃ bhartṛdvādaśikāvratam // ### [1.121.11](https://indike.org/pramana/in.purana.narada.1.121.11) svāstṛtāṃ tatra śayyāṃ tu kṛtvātra śrīyutaṃ harim / saṃsthāpya maṇḍapaṃ puṣpaistaduparpyupakalpayet // ### [1.121.12](https://indike.org/pramana/in.purana.narada.1.121.12) tataḥ saṃpūjya gandhādyairvratī jāgaraṇaṃ niśi / nṛtyavāditragītādyaistataḥ prātaḥ pare 'hani // ### [1.121.13](https://indike.org/pramana/in.purana.narada.1.121.13) saśayyaṃ śrīhariṃ haimaṃ dvijagryāya nivedayet / dvijānsaṃbhojya visṛjaddakṣiṇābhiḥ pratoṣitān // ### [1.121.14](https://indike.org/pramana/in.purana.narada.1.121.14) evaṃ kṛtavratasyāpi dāṃpatyaṃ jāyate sthiram / saptajanmasu bhuṅkte ca bhogān lokadvayepsitān // ### [1.121.15](https://indike.org/pramana/in.purana.narada.1.121.15) vaiśākhaśukladvādaśyāṃ sopavāso jitendriyaḥ / saṃpūjya mādhavaṃ bhaktyā gandhādyairupacārakaiḥ // ### [1.121.16](https://indike.org/pramana/in.purana.narada.1.121.16) pakkānnaṃ tṛptijanakaṃ madhuraṃ sodakuṃbhakam / viprāya dadyādvidhivanmādhavaḥ prīyatāmiti // ### [1.121.17](https://indike.org/pramana/in.purana.narada.1.121.17) dvādaśyāṃ jyeṣṭhaśuklāyāṃ pūjayitvā trivikramam / gandhādyairmadhurānnāḍhyaṃ karaka vinivedayet // ### [1.121.18](https://indike.org/pramana/in.purana.narada.1.121.18) vratī dvijāya tatpaścādekabhaktaṃ samācaret / vratenānena saṃtuṣṭo devadevastrivikramaḥ // ### [1.121.19](https://indike.org/pramana/in.purana.narada.1.121.19) dadāti vipulānbhogānante mokṣaṃ ca nārada / āṣāḍhaśukladvādaśyāṃ dvijāndvādaśa bhojayet // ### [1.121.20](https://indike.org/pramana/in.purana.narada.1.121.20) madhurānnena tānpūjya pṛthaggandhādikaiḥ kramāt / tabhyo vāsāṃsi daṇḍāṃśca brahmasūtrāṇi mudrikāḥ // ### [1.121.21](https://indike.org/pramana/in.purana.narada.1.121.21) pātrāṇi ca dadedbhaktyā viṣṇumeṃ prīyatāmiti / dvādaśyāṃ tu nabhaḥśukle śrīdharaṃ pūjayedvratī // ### [1.121.22](https://indike.org/pramana/in.purana.narada.1.121.22) gandhādyaistatparo bhaktyā dadhibhaktairdvijottamān / saṃbhojya dakṣiṇā raupyāṃ datvā natvā visarjjayet // ### [1.121.23](https://indike.org/pramana/in.purana.narada.1.121.23) vratenānena deveśaḥ śrīdharaḥ prīyatāmiti / dvādaśyāṃ nabhasyaśukle vratī saṃpūjya vāmanam // ### [1.121.24](https://indike.org/pramana/in.purana.narada.1.121.24) tadagre bhojayedviprānpāyasairdvādaśaiva ca / sauvarṇī dakṣiṇāṃ datvā viṣṇuprītikaro bhavet // ### [1.121.25](https://indike.org/pramana/in.purana.narada.1.121.25) dvādaśyāmiṣaśuklāyāṃ padmanābhaṃ samarcayet / gandhādyairupacāraistu tadagre bhojayeddvijān // ### [1.121.26](https://indike.org/pramana/in.purana.narada.1.121.26) madhurānnena vastrāḍhyāṃ sauvarṇīṃ dakṣiṇāṃ dadet / vratenaitena saṃtuṣṭaḥ padmanābho dvijottama // ### [1.121.27](https://indike.org/pramana/in.purana.narada.1.121.27) śvetadvīpagatiṃ dadyāddehabhogāṃśca vāñchitān / kārtike kṛṣṇapakṣe tu govatsadvādaśīvratam // ### [1.121.28](https://indike.org/pramana/in.purana.narada.1.121.28) tatra vatsayutāṃ gāṃ tu samālikhya sugandhibhiḥ / candanādyaistathā puṣpamālābhiḥ prārcya tāmrake // ### [1.121.29](https://indike.org/pramana/in.purana.narada.1.121.29) pātre puṣpākṣatatilairarghyaṃ kṛtvā vidhānataḥ / pradadyātpādamūle 'syā mantreṇānena nārada // ### [1.121.30](https://indike.org/pramana/in.purana.narada.1.121.30) kṣīrodārṇavasaṃbhūte surāsuranamaskṛte / sarvadevamaye devi sarvadevairalaṅkṛte // ### [1.121.31](https://indike.org/pramana/in.purana.narada.1.121.31) mātarmātargavāṃ mātargṛhāṇārghyaṃ namo 'stu te / tato māṣādisaṃsiddhānvaṭakāṃśca nivedayet // ### [1.121.32](https://indike.org/pramana/in.purana.narada.1.121.32) evaṃ pañca daśaikaṃ vā yathāvibhavamātmanaḥ / surabhi tvaṃ jaganmātā nityaṃ viṣṇupade sthitā // ### [1.121.33](https://indike.org/pramana/in.purana.narada.1.121.33) sarvadevamaye grāsaṃ mayā dattamimaṃ grasa / sarvadevamaye devi sarvadevairalaṅkṛte // ### [1.121.34](https://indike.org/pramana/in.purana.narada.1.121.34) mātarmamābhilaṣitaṃ saphalaṃ kuru nandinī / taddine tailapakvaṃ ca sthālīpakvaṃ dvijottama // ### [1.121.35](https://indike.org/pramana/in.purana.narada.1.121.35) gokṣīraṃ goghṛtaṃ caiva dadhi takraṃ ca varjayet / dvādaśyāmūrjaśuklāyāṃ devaṃ dāmodaraṃ dvija // ### [1.121.36](https://indike.org/pramana/in.purana.narada.1.121.36) samabhyarcyopacāraistu gandhādyaiḥ susamāhitaḥ / tadagre bhojayedviprānpakvānnenārkasaṃkhyakān // ### [1.121.37](https://indike.org/pramana/in.purana.narada.1.121.37) tataḥ kuṃbhānapāṃpūrṇānvastrācchannānsamarcitān / sapūgamodakasvarṇāṃstebhyaḥ prītyā samarpayet // ### [1.121.38](https://indike.org/pramana/in.purana.narada.1.121.38) evaṃ kṛte priyo viṣṇorjāyate 'khilabhogabhuk / dehānte viṣṇusāyujyaṃ labhate nātra saṃśayaḥ // ### [1.121.39](https://indike.org/pramana/in.purana.narada.1.121.39) nīrājanavrataṃ cātra gaditaṃ tannibodha me / suptotthitaṃ jagannāthamalaṅkṛtya niśāgame // ### [1.121.40](https://indike.org/pramana/in.purana.narada.1.121.40) alaṅkṛto navaṃ vahnimutpādyābhyarcya mantrataḥ / hutvā tatra samuddīpte raupya dīpikayā mune // ### [1.121.41](https://indike.org/pramana/in.purana.narada.1.121.41) gandhapuṣpādyarcitayā janairnīrājayeddharim / tatraivānugatāṃ lakṣmīṃ brahmāṇīṃ caṇḍikāṃ tathā // ### [1.121.42](https://indike.org/pramana/in.purana.narada.1.121.42) ādityaṃ śaṅkaraṃ gaurīṃ yakṣaṃ gaṇapatiṃ grahān / mātṝḥ pitṝnnagānnāgānsarvānnīrājayetkramāt // ### [1.121.43](https://indike.org/pramana/in.purana.narada.1.121.43) gavāṃ nīrājanaṃ kuryānmahiṣyādeśca maṇḍalam / namo jayeti śabdaiśca ghaṇṭāśaṅkhā diniḥsvanaiḥ // ### [1.121.44](https://indike.org/pramana/in.purana.narada.1.121.44) siṃdūrāliptaśṛṅgāṇāṃ citrāṅgāṇāṃ ca varṇakaiḥ / gavāṃ kolāhale vṛtte nīrājanamahotsave // ### [1.121.45](https://indike.org/pramana/in.purana.narada.1.121.45) turagāṃllakṣaṇopetām gajāṃśca madaviplutān / rājacihnāni sarvāṇi cchatrādīni ca nārada // ### [1.121.46](https://indike.org/pramana/in.purana.narada.1.121.46) rājā purodhasā sārdhaṃ mantribhṛtyaparaḥ saraḥ / pūjayitvā yathānyāyaṃ nīrajya svayamādarāt // ### [1.121.47](https://indike.org/pramana/in.purana.narada.1.121.47) śaṅkhatūryādighoṣaiśca nānāratnavinirmite / siṃhāsane nave kḷpte tiṣṭhetsamyagalaṅkṛtaḥ // ### [1.121.48](https://indike.org/pramana/in.purana.narada.1.121.48) tataḥ sulakṣaṇairyuktā veśyā vātha kulāṅganā / śīrṣopari naredrasya tayā nīrājayecchanaiḥ // ### [1.121.49](https://indike.org/pramana/in.purana.narada.1.121.49) evameṣā mahāsāṃtiḥ kartavyā prativatsaram / rājñā vittavatānyena varṣamārogyamicchatā // ### [1.121.50](https://indike.org/pramana/in.purana.narada.1.121.50) yeṣāṃ rāṣṭre pure grāme kriyate śāntiruttamā / nīrājanābhidhā vipra tadrogā yānti saṃkṣayam // ### [1.121.51](https://indike.org/pramana/in.purana.narada.1.121.51) dvādaśyāṃ mārgaśuklāyāṃ sādhyavratamanuttamam / manobhavastathā prāṇo naro yātaśca vīryavān // ### [1.121.52](https://indike.org/pramana/in.purana.narada.1.121.52) citirhayo nṛpaścaiva haṃso nārāyaṇastathā / vibhuścāpi prabhuścaiva sādhyā dvādaśa kīrtitāḥ // ### [1.121.53](https://indike.org/pramana/in.purana.narada.1.121.53) pūjayedgandhapuṣpādyairetāṃstandulakalpitān / tato dvijāgryānsaṃbhojya dvādaśātra sudakṣiṇāḥ // ### [1.121.54](https://indike.org/pramana/in.purana.narada.1.121.54) datvā tebhyastu visṛjetprīyānnārayaṇastviti / etasyāmeva viditaṃ dvādaśādityasaṃjñitam // ### [1.121.55](https://indike.org/pramana/in.purana.narada.1.121.55) vrataṃ tatrārcayeddhīmānādityāndvādaśāpi ca / dhātāmitror'yamā pūṣā śakroṃ'śo varuṇo bhagaḥ // ### [1.121.56](https://indike.org/pramana/in.purana.narada.1.121.56) tvaṣṭā vivasvānsavitā viṣṇurdvādaśa īritāḥ / pratimāsaṃ tu śuklāyāṃ dvādaśyāmarcya yatnataḥ // ### [1.121.57](https://indike.org/pramana/in.purana.narada.1.121.57) varṣaṃ nayedvratānte tu pratimā dvādaśāpi ca / haimīḥ saṃpūjya vidhinā bhojayitvā dvijottamān // ### [1.121.58](https://indike.org/pramana/in.purana.narada.1.121.58) madhurānnaiḥ susatkṛtya pratyekaṃ cārpayedvratī / eva vrataṃ naraḥ kṛtvā dvādaśādityasaṃjñakam // ### [1.121.59](https://indike.org/pramana/in.purana.narada.1.121.59) sūryalokaṃ samāsādya bhuktvā bhogāṃścaraṃ tataḥ / jāyate bhuvi dharmātmā mānuṣye rogavarjitaḥ // ### [1.121.60](https://indike.org/pramana/in.purana.narada.1.121.60) tato vratasya puṇyena punareva labhedvratam / tatpuṇyena ravenbhitvā maṇḍalaṃ dvijasattama // ### [1.121.61](https://indike.org/pramana/in.purana.narada.1.121.61) nirañjanaṃ nirā kāraṃ nirdvandvaṃ brahma cāpnuyāt / atraivākhaṇḍasaṃjñaṃ ca vratamukta dvijottama // ### [1.121.62](https://indike.org/pramana/in.purana.narada.1.121.62) mūrtiṃ nirmāya sauvarṇīṃ janārdanasamāhvayām / abhyarcya gandhapuṣpādyaistadagre bhojayeddvijān // ### [1.121.63](https://indike.org/pramana/in.purana.narada.1.121.63) dvādaśa pratimāsaṃ tu naktāśīḥ syājjitendriyaḥ / tataḥ samānte tāṃ mūrtiṃ samabhyarcya vidhānataḥ // ### [1.121.64](https://indike.org/pramana/in.purana.narada.1.121.64) gurave dhenusahitāṃ dadyātsaṃprārthayettathā / śatajanmasu yatkiñcinmayākhaṇḍavrataṃ kṛtam // ### [1.121.65](https://indike.org/pramana/in.purana.narada.1.121.65) bhagavaṃstvatprasādena tadakhaṇḍamihāstu me / tataḥ saṃbhojya viprāgryānsakhaṇḍāḍhyaistu pāyasaiḥ // ### [1.121.66](https://indike.org/pramana/in.purana.narada.1.121.66) dvādaśaiva hi sauvarṇīṃ dakṣiṇāṃ pradadennamet / iti kṛtvā vrataṃ vipra prīṇayitvā janārdanam // ### [1.121.67](https://indike.org/pramana/in.purana.narada.1.121.67) sauvarṇena vimānena yāti viṣṇoḥ paraṃ padam / pauṣasya kṛṣṇadvādaśyāṃ rūpavratamudīritam // ### [1.121.68](https://indike.org/pramana/in.purana.narada.1.121.68) daśamyāṃ vidhivatsnātvā gṛhṇīyādgomayaṃ vratī / śvetāyā vaikavarṇāyā antarikṣagataṃ dvija // ### [1.121.69](https://indike.org/pramana/in.purana.narada.1.121.69) aṣṭottaraśataṃ tena piṇḍikāḥ kalpya nārada / śoṣayedātape dhṛtvā pātre tāmre 'tha mṛnmaye // ### [1.121.70](https://indike.org/pramana/in.purana.narada.1.121.70) ekādaśyāṃ sopavāsaḥ samabhyarcya vidhānataḥ / sauvarṇīṃ pratimāṃ viṣṇorniśāyāṃ jāgaraṃ caret // ### [1.121.71](https://indike.org/pramana/in.purana.narada.1.121.71) sumaṅgalairgītavādyaiḥ stotrapāṭhairjapādibhiḥ / tataḥ prabhāte dvādaśyāṃ tilapātropari sthitām // ### [1.121.72](https://indike.org/pramana/in.purana.narada.1.121.72) aṃbupūrṇe ghaṭe nyasya pūjayedupacārakaiḥ / tato 'gniṃ navamutpādya kāṣṭhasaṃgharṣaṇādibhiḥ // ### [1.121.73](https://indike.org/pramana/in.purana.narada.1.121.73) taṃ samabhyarcya vidhivadekaikāṃ piṇḍikāṃ sudhīḥ / homayetsatilājyāṃ ca dvādaśākṣaravidyayā // ### [1.121.74](https://indike.org/pramana/in.purana.narada.1.121.74) vaiṣṇavyātha ca pūraṇāṃ ca śatamaṣṭottara tataḥ / bhojayetpāyasairviprānprītyā susnigdhamānasaḥ // ### [1.121.75](https://indike.org/pramana/in.purana.narada.1.121.75) sahitāṃ ca ghaṭenaiva pratimāṃ gurava'peyet / viprebhyo dakṣiṇāṃ śaktyā datvā natvā visarjayet / naro vā yadi vā nārī vrataṃ kṛtvaivamādarāt // ### [1.121.76](https://indike.org/pramana/in.purana.narada.1.121.76) labhate rūpasaubhāgyaṃ nātra kāryā vicāraṇā / sahasye śuklapakṣe tu sujanmadvādaśīvratam // ### [1.121.77](https://indike.org/pramana/in.purana.narada.1.121.77) snātvā vidhānena gṛhṇoyādvārṣikavratam / pītvā gaśṛṅgavāryādau tāṃ ca kṛtvā pradakṣiṇam // ### [1.121.78](https://indike.org/pramana/in.purana.narada.1.121.78) pratimāsaṃ tataḥ śukledvādaśyāṃ dānamācaret / ghṛtaprasthaṃ taccatuṣkaṃ kramādvīheryavasya ca // ### [1.121.79](https://indike.org/pramana/in.purana.narada.1.121.79) dviraktikaṃ hema tilāḍhakārddhaṃ payasāṃ ghaṭam / raupyasya māṣamekaṃ ca tṛptikṛnmiṣṭapakvakam // ### [1.121.80](https://indike.org/pramana/in.purana.narada.1.121.80) chatraṃ māṣārdhahemnaśca prasthaṃ phaāṇitamuttamam / candanaṃ palikaṃ vastraṃ pañcahastonmitaṃ tanum // ### [1.121.81](https://indike.org/pramana/in.purana.narada.1.121.81) evaṃ tu māsikaṃ dānaṃ kṛtvā prāśya yathākramam / gomūtraṃ jalamājyaṃ vā paktvā śākaṃ caturvidham // ### [1.121.82](https://indike.org/pramana/in.purana.narada.1.121.82) dadhiyuktaṃ ca yāvānnaṃ tilājyaṃ śarkarānvitām / darbhāṃbukṣīramuditaṃ prāśanaṃ pratimāsikam // ### [1.121.83](https://indike.org/pramana/in.purana.narada.1.121.83) evaṃ kṛtavrato varṣaṃ sauvarṇīṃ pratimāṃ raveḥ / kṛtvā vai tāmrapātrasthāṃ nyasyābhyarcya vidhānataḥ // ### [1.121.84](https://indike.org/pramana/in.purana.narada.1.121.84) gurave dhenusahitāṃ pratyarpya praṇametpuraḥ / viprāndrādaśa saṃbhojya tebhyo dadyācca dakṣiṇām // ### [1.121.85](https://indike.org/pramana/in.purana.narada.1.121.85) evaṃ kṛtavrato vipra janmāpnotyuttame kule / nirogo dhanadhānyāḍhyo bhaveccāvikaledriyaḥ // ### [1.121.86](https://indike.org/pramana/in.purana.narada.1.121.86) māghasya śukladvādaśyāṃ śālagrāmaśilāṃ dvija / abhyacya vidhivadbhaktyā suvarṇaṃ tanmukhe nyaset // ### [1.121.87](https://indike.org/pramana/in.purana.narada.1.121.87) tāṃ sthāpya raupyapātre tu sitavastrayugāvṛtām / pradadyādvedaviduṣe taṃ hi saṃbhojayettataḥ // ### [1.121.88](https://indike.org/pramana/in.purana.narada.1.121.88) pāyasānnena khaṇḍājyasahitena hitena ca / evaṃ kṛtvaikabhaktaḥ sanviṣṇu cintanatatparaḥ // ### [1.121.89](https://indike.org/pramana/in.purana.narada.1.121.89) vaiṣṇavaṃ labhate dhāma bhuktvā bhogānihepsitān / antye sitāyāṃ dvādaśyāṃ sauvarṇīṃ pratimāṃ hareḥ // ### [1.121.90](https://indike.org/pramana/in.purana.narada.1.121.90) abhyarcya gandhapuṣpādyairdadyādvedavide dvija / dviṣaṭkasaṃkhyānviprāṃśca bhojayitvā ca dakṣiṇām // ### [1.121.91](https://indike.org/pramana/in.purana.narada.1.121.91) datvā visarjayetpaścātsvayaṃ bhuñjīta bāndhavaiḥ / trispṛśonmīlinī pakṣavarddhinī vañjulī tathā // ### [1.121.92](https://indike.org/pramana/in.purana.narada.1.121.92) jayā ca vijayā caiva jayantī cāparājitā / etā aṣṭau sadopoṣyā dvādaśyaḥ pāpahārikāḥ // ### [1.121.93](https://indike.org/pramana/in.purana.narada.1.121.93) śrīnārada uvāca kīdṛśaṃ lakṣaṇaṃ brahmannetāsāṃ kiṃ phalaṃ tathā / tatsarvaṃ me samācakṣva yāścanyāḥ puṇyadāyukāḥ // ### [1.121.94](https://indike.org/pramana/in.purana.narada.1.121.94) sūta uvāca itthaṃ sanātanaḥ pṛṣṭo nāradena dvijottamaḥ / praśasya bhrātaraṃ prāha mahābhāgavataṃ muniḥ // ### [1.121.95](https://indike.org/pramana/in.purana.narada.1.121.95) sanātana uvāca sādhu pṛṣṭaṃ tvayā bhrātaḥ sādhūnāṃ saṃśayacchidā / vakṣye mahādvādaśīnāṃ lakṣaṇaṃ ca phalaṃ pṛthak // ### [1.121.96](https://indike.org/pramana/in.purana.narada.1.121.96) ekādaśī nivṛttā cetsūryasyodayataḥ purā / tadā tu trispṛśā nāma dvādaśī sā mahāphalā // ### [1.121.97](https://indike.org/pramana/in.purana.narada.1.121.97) asyāmupoṣya govindaṃ yaḥ pūjayati nārada / aśvamedhasahasrasya phalaṃ labhate dhruvam // ### [1.121.98](https://indike.org/pramana/in.purana.narada.1.121.98) yadāruṇodaye viddhā daśamyaikādaśī tithiḥ / tadā tāṃ saṃparityajya dvādaśīṃ samupoṣayet // ### [1.121.99](https://indike.org/pramana/in.purana.narada.1.121.99) tatreṣṭvā vāsudevākhyaṃ samyakpūjāvidhānataḥ / rājasūyasahasrasya phalamunmīlite labhet // ### [1.121.100](https://indike.org/pramana/in.purana.narada.1.121.100) yadodaye tu savituryāmyā tvekādaśīṃ spṛśet / tadā vañjulikākhyāṃ tu tāṃ tyaktvopoṣayetsadā // ### [1.121.101](https://indike.org/pramana/in.purana.narada.1.121.101) asyāṃ saṃkarṣaṇaṃ devaṃ gandhādyairupacārakaiḥ / pūjayetsatataṃ bhaktyā sarvasyābhayadaṃ param // ### [1.121.102](https://indike.org/pramana/in.purana.narada.1.121.102) eṣā mahādvādaśī tu sarvakratuphalapradā / sarvapāpaharā proktā sarvasaṃpatpradāyinī // ### [1.121.103](https://indike.org/pramana/in.purana.narada.1.121.103) kuhūrāke yadā vṛddhe syātāṃ vipra yadā tadā / pakṣavarddhanikā nāma dvādaśī sā mahāphalā // ### [1.121.104](https://indike.org/pramana/in.purana.narada.1.121.104) tasyāṃ saṃpūjayeddevaṃ pradyumnaṃ jagatāṃ patim / sarvaiśvaryyapradaṃ sākṣātputra pautravivardhanam // ### [1.121.105](https://indike.org/pramana/in.purana.narada.1.121.105) yadā tu dhavale pakṣe dvādaśī syānmadhānvitā //ṭha tadā proktā jayā nāma sarvaśatruvināśinī // ### [1.121.106](https://indike.org/pramana/in.purana.narada.1.121.106) asyāṃ saṃpūjayeddeva maniruddhaṃ ramāpatim / sarvakāmapradaṃ nṝṇāṃ sarvasaubhāgyadāyakam // ### [1.121.107](https://indike.org/pramana/in.purana.narada.1.121.107) śravaṇarkṣayutā cetsyāddvādaśī dhavale dale / tadā sā vijayā nāma tasyāmacedgadādharam // ### [1.121.108](https://indike.org/pramana/in.purana.narada.1.121.108) sarvasaukhyapradaṃ śaśvatsarvabhogaparāyaṇam / sarvatīrthaphalaṃ vipra tāṃ copoṣyāpnuyānnaraḥ // ### [1.121.109](https://indike.org/pramana/in.purana.narada.1.121.109) yadā syācca site pakṣe prājāpatyarkṣasaṃyutā / dvādaśī sā mahāpuṇyā jayantī nāmataḥ smṛtā // ### [1.121.110](https://indike.org/pramana/in.purana.narada.1.121.110) yasyāṃ samarccayeddevaṃ vāmanaṃ siddhidaṃ nṛṇām / upoṣitaiṣā viprendra sarvavrataphalapradā // ### [1.121.111](https://indike.org/pramana/in.purana.narada.1.121.111) sarvadānaphalā cāpi bhuktimuktipradāyinī / yadā tu syātsite pakṣe dvādaśī jīvabhānvitā // ### [1.121.112](https://indike.org/pramana/in.purana.narada.1.121.112) tadāparājitā proktā sarvajñā napradāyinī / asyāṃ samarcayeddevaṃ nārāyaṇamanāmayam // ### [1.121.113](https://indike.org/pramana/in.purana.narada.1.121.113) saṃsārapāśavicchittikārakaṃ jñānasāgaram / asyāstūpoṣaṇādeva muktaḥ syādvipra bhojanaḥ // ### [1.121.114](https://indike.org/pramana/in.purana.narada.1.121.114) yadā tvāṣāḍhaśuklāyāṃ dvādaśyāṃ maitrabhaṃ bhavet / tadā vratadvayaṃ kāryyaṃ na doṣo 'traikadaivatam // ### [1.121.115](https://indike.org/pramana/in.purana.narada.1.121.115) śravaṇarkṣayutāyāṃ ca dvādaśyāṃ bhādraśuklake / ūrjje sitāyāṃ dvādaśyāmantyabhe ca vratadvayam // ### [1.121.116](https://indike.org/pramana/in.purana.narada.1.121.116) etābhyo 'ntra viprendra dvādaśyāmekabhuktakam / nisargataḥ samuddiṣṭaṃ vrataṃ pātakanāśanam // ### [1.121.117](https://indike.org/pramana/in.purana.narada.1.121.117) ekādaśyā vrataṃ nityaṃ dvādaśyāḥ sahitaṃ yataḥ / nodyāpanamihoddiṣṭaṃ karttavyaṃ jīvitāvidhi // ### [1.121.117.p1](https://indike.org/pramana/in.purana.narada.1.121.117.p1) iti śrībṛhannāradīyapurāṇe bṛhadupākhyāne pūrvabhāge caturthapāde dvādaśamāsasya dvādaśīvratanirūpaṇaṃ nāmaikaviṃśatyadhikaśatatamo 'dhyāyaḥ ## Linked texts (7) - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.190.3) — Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.10.p2) — Ratnākara 1688, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.114.p2.16) — Hemādri, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.7.p131) — Lakṣmīdhara, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.15.4.25) — Viśveśvarabhaṭṭa, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.4.p34) — Anantadeva 1645, Sanskrit - [Tithyarka](https://indike.org/pramana/in.niti.dharma.kala.tithi.tithyarka.5.p1.4) — Divākarabhaṭṭa 1658, Sanskrit --- Source: [https://indike.org/pramana/in.purana.narada.1.121](https://indike.org/pramana/in.purana.narada.1.121) · Pramāṇa