[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.123 # Naradapurana 1.123 Nāradapurāṇa 1.123 - **Language:** Sanskrit ## Contents - [1.123.79](https://indike.org/pramana/in.purana.narada.1.123.79) — 1 part ### [1.123.1](https://indike.org/pramana/in.purana.narada.1.123.1) sanātana uvāca śṛṇu nārada vakṣyāmi caturdaśyā vratāni te / yāni kṛtvā naro loke sarvānkāmānavāpnuyāt // ### [1.123.2](https://indike.org/pramana/in.purana.narada.1.123.2) caitraśukla caturdaśyāṃ kuṅkumāgarucandanaiḥ / gandhādyairvastramaṇibhiḥ kāryāryā mahatī śive // ### [1.123.3](https://indike.org/pramana/in.purana.narada.1.123.3) vitānadhvajachatrāṇi datvā pūjyāśca mātaraḥ / evaṃ kṛtvārcanaṃ vipra sopavāso 'thavaikabhuk // ### [1.123.4](https://indike.org/pramana/in.purana.narada.1.123.4) aśvamedhādhikaṃ puṇyaṃ labhate mānavo bhuvi / atraiva damanārcāṃ ca kārayedgandhapuṣpakaiḥ // ### [1.123.5](https://indike.org/pramana/in.purana.narada.1.123.5) samarpayetsupūrṇāyāṃ śivāya śivarūpiṇe / rādhakṛṣṇaca turddaśyāṃ sopavāso niśāgame // ### [1.123.6](https://indike.org/pramana/in.purana.narada.1.123.6) liṅgamabhyarcayeccaivaṃ snātvā dhautāṃbaraḥ sudhīḥ / gandhādyairupacāraiśca bilvapatraiśca sarvataḥ // ### [1.123.7](https://indike.org/pramana/in.purana.narada.1.123.7) datvā mantraṃ dvijāgryāya bhuñjīta ca pare 'hani / evameva tu kṛṣṇāsu sarvāsu dvijasattama // ### [1.123.8](https://indike.org/pramana/in.purana.narada.1.123.8) śivavrataṃ prakartavyaṃ dhanasaṃtānamicchatā / rādhaśuklacaturdaśyāṃ śrīnṛsiṃhavrataṃ caret // ### [1.123.9](https://indike.org/pramana/in.purana.narada.1.123.9) upavāsavidhānena śakto 'śaktastathaikabhuk / niśāgame tu saṃpūjya nṛsiṃhaṃ daityasūdanam // ### [1.123.10](https://indike.org/pramana/in.purana.narada.1.123.10) upacāraiḥ ṣoḍaśabhiḥ snānaiḥ pañcāmṛtādibhiḥ / tataḥ kṣamāpayeddevaṃ mantreṇānena nārada // ### [1.123.11](https://indike.org/pramana/in.purana.narada.1.123.11) tatpahāṭakakeśānta jvalatpāvakalocana / vajrādhikanakhasparśadivyasiṃha namo 'stu ta // ### [1.123.12](https://indike.org/pramana/in.purana.narada.1.123.12) iti saṃprārthya deveśaṃ vratī syātsthaṇḍileśayaḥ / jitendriyo jitakrodhaḥ sarvabhogavivarjjitaḥ // ### [1.123.13](https://indike.org/pramana/in.purana.narada.1.123.13) evaṃ yaḥ kurute vipra vidhivadvratamuttamam / varṣe varṣe sa labhate bhuktabhogo hareḥ padam // ### [1.123.14](https://indike.org/pramana/in.purana.narada.1.123.14) oṅkāreśvarayātrā ca kāryātraiva munīśvara / durlabhaṃ vārcanaṃ tatra darśanaṃ pāpanāśanam // ### [1.123.15](https://indike.org/pramana/in.purana.narada.1.123.15) kimatra bahunoktena pūjādhyānajapekṣaṇam / yadbhavettatsamuddiṣṭaṃ jñānamokṣapradaṃ nṛṇām // ### [1.123.16](https://indike.org/pramana/in.purana.narada.1.123.16) atra liṅgavrataṃ cāpi karttavyaṃ pāpanāśanam / pañcāmṛtaistu saṃsnāpya liṅgamālipya kuṅkumaiḥ // ### [1.123.17](https://indike.org/pramana/in.purana.narada.1.123.17) naivedyaiśca phalairdhūpairdīpairvastravibhūṣaṇaiḥ / evaṃ yaḥ pūjayetpaiṣṭaṃ liṅgaṃ sarvārthasiddhidam // ### [1.123.18](https://indike.org/pramana/in.purana.narada.1.123.18) bhuktiṃ muktiṃ sa labhate mahādevaprasādataḥ / jyeṣṭhaśuklacaturdaśyāṃ divā pañcatapā niśaḥ // ### [1.123.19](https://indike.org/pramana/in.purana.narada.1.123.19) mukhe dadeddhemadhenuṃ rudravratamidaṃ smṛtam / śuciśuklacaturdaśyāṃ śivaṃ saṃpūjya mānavaḥ // ### [1.123.20](https://indike.org/pramana/in.purana.narada.1.123.20) deśakālodbhavaiḥ puṣpaiḥ sarvasaṃpadamāpnuyāt / nabhaḥ śuklacaturdaśyāṃ pavitrāropaṇaṃ matam // ### [1.123.21](https://indike.org/pramana/in.purana.narada.1.123.21) tatsvaśākhoktavidhinā kartavyaṃ dvijasattama / śatābhimantritaṃ kṛtvā tato devyai nivedayet // ### [1.123.22](https://indike.org/pramana/in.purana.narada.1.123.22) pavitrāropaṇaṃ kṛtvā naro nāryathavā yadi / mahādevyāḥ prasādena bhuktiṃ muktimavāpnuyāt // ### [1.123.23](https://indike.org/pramana/in.purana.narada.1.123.23) bhādraśuklacaturdaśyāmanantavratamuttamam / karttavyamekabhuktaṃ hi godhūmaprasthapiṣṭakam // ### [1.123.24](https://indike.org/pramana/in.purana.narada.1.123.24) vipācya śarkarājyāktamanantāya nivedayet / gandhādyaiḥ prāk samabhyarcyaḥ kārpāsaṃ paṭṭajaṃ tu vā // ### [1.123.25](https://indike.org/pramana/in.purana.narada.1.123.25) caturdaśagranthiyutaṃ sūtraṃ kṛtvā suśobhanam / tataḥ purāṇamuttārya sūtraṃ kṣiptvā jalāśayeṃ // ### [1.123.26](https://indike.org/pramana/in.purana.narada.1.123.26) nibaghnīyānnavaṃ nārī vāme dakṣe pumānbhuje / vipācya piṣṭapakvaṃ tatpradadyāddakṣiṇānvitam // ### [1.123.27](https://indike.org/pramana/in.purana.narada.1.123.27) svayaṃ ca tanmitaṃ cādyādevaṃ kuryādvratottamam / dvisaptavarṣaparyantaṃ tata udyāpayetsudhīḥ // ### [1.123.28](https://indike.org/pramana/in.purana.narada.1.123.28) maṇḍalaṃ sarvatobhadraṃ dhānyavarṇaiḥ prakalpya ca / suśobhane nyasettatra kalaśaṃ tāmrajaṃ mune // ### [1.123.29](https://indike.org/pramana/in.purana.narada.1.123.29) tasyopari nyaseddhaimīmanantapratimāṃ śubhām / pītapaṭṭāṃśukācchannāṃ tatra tāṃ vidhinā yajet // ### [1.123.30](https://indike.org/pramana/in.purana.narada.1.123.30) gaṇeśaṃ mātṛkāḥ kheṭāṃllokapāṃśca yajetpṛthak / tato homaṃ haviṣyeṇa kṛtvā pūrṇāhutiṃ caret // ### [1.123.31](https://indike.org/pramana/in.purana.narada.1.123.31) śayyāṃ sopaskarāṃ dhenuṃ pratimāṃ ca dvijottama / pradadyādgurave bhaktyā dvijānanyāṃścaturdaśa // ### [1.123.32](https://indike.org/pramana/in.purana.narada.1.123.32) saṃbhojya miṣṭapakvānnairdakṣiṇābhiḥ pratoṣayet / evaṃ yaḥ kurute 'nantavrataṃ pratyakṣamādarāt // ### [1.123.33](https://indike.org/pramana/in.purana.narada.1.123.33) so 'pyanantaprasādena jāyate bhuktimuktibhāk / kadalīvratamapyatra tadvidhānaṃ ca me śṛṇu // ### [1.123.34](https://indike.org/pramana/in.purana.narada.1.123.34) naro vā yadi vā nārī raṃbhāmupavanasthitām / snātvā saṃpūjayedgandhapuṣpadhānyāṅkurādibhiḥ // ### [1.123.35](https://indike.org/pramana/in.purana.narada.1.123.35) dadhidūrvākṣatairddvīpairvastrapakkānnasaṃ cathaiḥ / evaṃ saṃpūjya mantreṇa tataḥ saṃprārthayerdvatī // ### [1.123.36](https://indike.org/pramana/in.purana.narada.1.123.36) apsaro marakanyābhirnāgakanyābhirārcite / śarīrārogyalāvaṇyaṃ dehi devi namo 'stu te // ### [1.123.37](https://indike.org/pramana/in.purana.narada.1.123.37) iti saṃprārthyaṃ kanyāstu catasro vā suvāsinīḥ / saṃbhojyāṃ śukasidvarakajjalālaktacarcitāḥ // ### [1.123.38](https://indike.org/pramana/in.purana.narada.1.123.38) namaskṛtya nijaṃ gehaṃ samāpya niyamaṃ vrajet / evaṃ kṛte vrate vipra labdhvā saubhāgyamuttamam // ### [1.123.39](https://indike.org/pramana/in.purana.narada.1.123.39) iha loke vimānena svargaloke vrajetparam / iṣakṛṣṇacaturddaśyāṃ viṣaśastrāṃbuvahnibhiḥ // ### [1.123.40](https://indike.org/pramana/in.purana.narada.1.123.40) sarpaśvāpadavajrādyairhatānāṃ brahmaghātinām / caturddaśyāṃ kriyāśrāddhamekoddiṣṭavidhānataḥ // ### [1.123.41](https://indike.org/pramana/in.purana.narada.1.123.41) kartavyaṃ vipravargaṃ ca bhojayenmiṣṭapakvakaiḥ / tarpaṇaṃ ca gavāṃ grāsaṃ baliṃ caiva śvakākayoḥ // ### [1.123.42](https://indike.org/pramana/in.purana.narada.1.123.42) kṛtvā camya svayaṃ paścādbhuñjīyādbandhubhiḥ saha / evaṃ yaḥ kurute vipra śrāddhaṃ saṃpannadakṣiṇam // ### [1.123.43](https://indike.org/pramana/in.purana.narada.1.123.43) sa uddhṛtya pitṝngaccheddevalokaṃ sanātanam / iṣaśukla caturddaśyāṃ dharmarājaṃ dvijottama // ### [1.123.44](https://indike.org/pramana/in.purana.narada.1.123.44) gandhādyaiḥ samyagabhyarcya sauvarṇaṃ bhojya vāṅavam / dadyāttasmai dharmarājastrāyate bhuvi nārada // ### [1.123.45](https://indike.org/pramana/in.purana.narada.1.123.45) evaṃ yaḥ kurute dharmapratimādānamuttamam / sa bhuktveha varānbhogāndivaṃ dharmājñayā vrajet // ### [1.123.46](https://indike.org/pramana/in.purana.narada.1.123.46) ūrjjakṛṣṇacaturddaśyāṃ tailābhyaṅgaṃ vidhūdaye / kṛtvā snātvārcayeddharmaṃ narakādabhayaṃ labhet // ### [1.123.47](https://indike.org/pramana/in.purana.narada.1.123.47) pradoṣe tailadīpāṃstu dīpayedyamatuṣṭaye / catuṣpathe gṛhādbrāhmapradeśe vā samāhitaḥ // ### [1.123.48](https://indike.org/pramana/in.purana.narada.1.123.48) vatsare hemalaṃbyākhye māsi śrīmati kārtike / śuklapakṣe caturddaśyāmaruṇābhyudayaṃ prati // ### [1.123.49](https://indike.org/pramana/in.purana.narada.1.123.49) snātvā viśveśvaro devo devaiḥ saha munīśvara / maṇikarṇika tīrthe ca tripuṇḍraṃ bhasmanā dadhat // ### [1.123.50](https://indike.org/pramana/in.purana.narada.1.123.50) svātmānaṃ svayamabhyarcya cakre pāśupatavratam / tatastatra mahāpūjāṃ liṅge gandhādibhiścaret // ### [1.123.51](https://indike.org/pramana/in.purana.narada.1.123.51) droṇapuṣpairbilvadalairarkapuṣpaiśca ketakaiḥ / puṣpaiḥ phalairmiṣṭapakvairnaivedyairvividhairapi // ### [1.123.52](https://indike.org/pramana/in.purana.narada.1.123.52) evaṃ kṛtvaikabhuktaṃ tu vrataṃ viśveśatoṣaṇam / labhate vāñchitānkāmānihāmutra ca nārada // ### [1.123.53](https://indike.org/pramana/in.purana.narada.1.123.53) brahmakūrcavrataṃ cātra kartavyamṛddhimicchatā / sopavāsaḥ pañcagavyaṃ pibedrātrau jitendriyaḥ // ### [1.123.54](https://indike.org/pramana/in.purana.narada.1.123.54) kapilāyāstu gomūtraṃ kṛṣṇāyā gomayaṃ tathā / śvetāyāḥ kṣīramuditaṃ raktāyāśca tathā dadhi // ### [1.123.55](https://indike.org/pramana/in.purana.narada.1.123.55) gṛhītvā karburāyāśca ghṛtamekatra melayet / kuśāṃ bunā tataḥ prātaḥ snātvā santarpyaṃ devatāḥ // ### [1.123.56](https://indike.org/pramana/in.purana.narada.1.123.56) brahmaṇāṃstoṣayitvā ca bhuñjīyādvāgyataḥ svayam / brahmakūrcavrataṃ hyetatsarvapātakanāśanam // ### [1.123.57](https://indike.org/pramana/in.purana.narada.1.123.57) yacca bālye kṛtaṃ pāpaṃ kaumāre vārddhake 'pi yat / brahmakūrcopavāsena tatkṣaṇādeva naśyati // ### [1.123.58](https://indike.org/pramana/in.purana.narada.1.123.58) pāṣāṇavratamapyatra proktaṃ tacchṛṇu nārada / sopavāso divā naktaṃ pāṣāṇākārapiṣṭacakam // ### [1.123.59](https://indike.org/pramana/in.purana.narada.1.123.59) prārcya gandhādibhirgauṃrīṃ ghṛtapaṅkvamupāharet / vratametaccaritvā tu yathoktaṃ dvijasattama // ### [1.123.60](https://indike.org/pramana/in.purana.narada.1.123.60) aiśvaryasaukhyasaubhāgyarūpāṇi prāpnuyānnaraḥ / mārgaśuklacaturdaśyāmekabhuktaḥ puroditam // ### [1.123.61](https://indike.org/pramana/in.purana.narada.1.123.61) nirāhāro vṛṣaṃ svarṇaṃ prārcya dadyāddvijātaye / pare 'hni prātarutthāya snātvā somaṃ maheśvaram // ### [1.123.62](https://indike.org/pramana/in.purana.narada.1.123.62) pūjayetkamalaiḥ puṣpairgandhamālyānulepanaiḥ / dvijānsambhojya miṣṭānnaustoṣayeddakṣiṇādibhiḥ // ### [1.123.63](https://indike.org/pramana/in.purana.narada.1.123.63) etacchivavrataṃ vipra bhuktimuktipradāyakam / kartṛāṇāmupadeṣṭṛāṇāṃ sāhyānāmanumodinām // ### [1.123.64](https://indike.org/pramana/in.purana.narada.1.123.64) pauṣaśuklacaturdaśyāṃ virūpākṣavrataṃ smṛtam / kapardīśvarasāṃnidhyaṃ prāpsyāmyatra vicintya ca // ### [1.123.65](https://indike.org/pramana/in.purana.narada.1.123.65) snātvāgādhajale vipra virūpākṣaṃ śivaṃ yajet / gandhamālyanamaskāradhūpadīpānnasaṃpadā // ### [1.123.66](https://indike.org/pramana/in.purana.narada.1.123.66) tatsthaṃ dvijātaye dattvā modate divi devavat / māghakṛṣṇacaturddaśyāṃ yamatarpaṇamīritam // ### [1.123.67](https://indike.org/pramana/in.purana.narada.1.123.67) anarkābhyudite kāle snātvā saṃtarpayedyamam / dvisaptanāmabhiḥ proktaiḥ sarvapāpavimuktaye // ### [1.123.68](https://indike.org/pramana/in.purana.narada.1.123.68) tiladarbhāṃbubhiḥ kāryaṃ tarppaṇaṃ dvijabhojanam / kṛśarānnaṃ svayaṃ cāpi tadevāśnīta vāgyataḥ // ### [1.123.69](https://indike.org/pramana/in.purana.narada.1.123.69) antyakṛṣṇacaturdaśyāṃ śivarātrivrataṃ dvija / nirjalaṃ samupoṣyātra divānaktaṃ prapūjayet // ### [1.123.70](https://indike.org/pramana/in.purana.narada.1.123.70) svayaṃbhuvādikaṃ liṅgaṃ pārthivaṃ vā samāhitaḥ / gandhādyairupacāraiśca sāṃbubilvadalādibhiḥ // ### [1.123.71](https://indike.org/pramana/in.purana.narada.1.123.71) dhūpairdīpaiśca naivedyaiḥ stotrapāṭhairjapādibhiḥ / tataḥ pare 'hni saṃpūjya punarevopacārakaiḥ // ### [1.123.72](https://indike.org/pramana/in.purana.narada.1.123.72) saṃbhojya viprānmiṣṭānnairvisṛjellabdhadakṣiṇān / evaṃ kṛtvā vrataṃ martyo mahādevaprasādataḥ // ### [1.123.73](https://indike.org/pramana/in.purana.narada.1.123.73) amartyabhogān labhate daivataiḥ susabhājitaḥ / antyaśuklacaturdaśyāṃ durgāṃ saṃpūjya bhaktitaḥ // ### [1.123.74](https://indike.org/pramana/in.purana.narada.1.123.74) gandhādyairupacāraistu viprānsaṃbhojayettataḥ / evaṃ kṛtvā vrataṃ vipra durgāyāścaikabhojanaḥ // ### [1.123.75](https://indike.org/pramana/in.purana.narada.1.123.75) labhate vāñchitānkāmānihāmutra ca nārada / caitrakṛṣṇacaturdaśyāmupavāsaṃ vidhāya ca // ### [1.123.76](https://indike.org/pramana/in.purana.narada.1.123.76) kedārodakapānena vācimedhaphalaṃ bhavet / udyāpane tu sarvāṃsāṃ sāmānyo vidhirucyate // ### [1.123.77](https://indike.org/pramana/in.purana.narada.1.123.77) kuṃbhāścaturdaśaivātra sapūgākṣatamodakāḥ / sadakṣiṇāṃśukāstāmrāmṛnmayāścāvraṇā navāḥ // ### [1.123.78](https://indike.org/pramana/in.purana.narada.1.123.78) tāvanto vaśadaṇḍāśca pavitrāṇyāsanāni ca / pātrāṇi yajñasūtrāṇi tāvatyeva hi kalpayet // ### [1.123.79](https://indike.org/pramana/in.purana.narada.1.123.79) śeṣaṃ prāguktavatkuryādvittaśāṭhyavivarjjitaḥ // ### [1.123.79.p1](https://indike.org/pramana/in.purana.narada.1.123.79.p1) iti śrībṛhannāradīyapurāṇe pūrvabhāge bṛhadupākhyāne caturthabhāge dvādaśamāsasthitacaturdaśīvratavarṇanaṃ nāma trayoviṃśatyadhikaśatatamo 'dhyāyaḥ ## Linked texts (9) - [Skandamahāpurāṇa (vulgate)](https://indike.org/pramana/in.purana.skanda*vulgate.15.4.25) — Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.10.p54) — Ratnākara 1688, Sanskrit - [Tithyarka](https://indike.org/pramana/in.niti.dharma.kala.tithi.tithyarka.5.p1.12) — Divākarabhaṭṭa 1658, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.29.p53) — Nīlakaṇṭha Dīkṣita 1625, Sanskrit - [Śaunakakārikā](https://indike.org/pramana/in.niti.dharma.samskara.saunakakarika.52.31) — Śaunaka 1566, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p119) — Mitramiśra, Sanskrit - [Smṛtisāroddhāra](https://indike.org/pramana/in.niti.dharma.nibandha.smrtisamgraha.smrtisaroddhara.1.p150.4) — Nārāyaṇa, Sanskrit - [Cakranārāyaṇīyanibandha](https://indike.org/pramana/in.niti.dharma.nibandha.mahanibandha.cakranarayaniyanibandha.1.p150.4) — Viśvambharatrivedin 1600, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.13.p57) — Nīlakaṇṭha Dīkṣita, Sanskrit --- Source: [https://indike.org/pramana/in.purana.narada.1.123](https://indike.org/pramana/in.purana.narada.1.123) · Pramāṇa