[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.124 # Naradapurana 1.124 Nāradapurāṇa 1.124 - **Language:** Sanskrit ## Contents - [1.124.96](https://indike.org/pramana/in.purana.narada.1.124.96) — 1 part ### [1.124.1](https://indike.org/pramana/in.purana.narada.1.124.1) sanātana uvāca atha nārada vakṣyāmi śṛṇu pūrṇāvratāni te / yāni kṛtvā naro nārī prāpnuyātsukhasaṃtatim // ### [1.124.2](https://indike.org/pramana/in.purana.narada.1.124.2) caitrapūrṇā tu viprendra manvādiḥ samudāhṛtā / asyāṃ sānnodakaṃ kuṃbhaṃ pradadyātsomatuṣṭaye // ### [1.124.3](https://indike.org/pramana/in.purana.narada.1.124.3) vaiśākhyāmapi pūrṇāyāṃ dānaṃ sarvasya sarvadam / yadyaddravyaṃ dadedvipre tattadāpnoti niścitam // ### [1.124.4](https://indike.org/pramana/in.purana.narada.1.124.4) dharmarājavrataṃ cātra kathitaṃ tanniśāmaya / śṛtānnamudakuṃbhaṃ ca vaiśākhyāṃ vai dvijottame // ### [1.124.5](https://indike.org/pramana/in.purana.narada.1.124.5) dadyādgodānaphaladaṃ dharmarājasya tuṣṭaye / atra kṛṣṇājinaṃ dadyātsakhuraṃ ca saśṛṅgakam // ### [1.124.6](https://indike.org/pramana/in.purana.narada.1.124.6) tilaiḥ sahasamācchādya vastrairhemnā dvijātaye / yastu kṛṣṇājinaṃ dadyātsatkṛtya vidhipūrvakam // ### [1.124.7](https://indike.org/pramana/in.purana.narada.1.124.7) sarvaśāstravide saptadvīpabhūmipradaḥ sa vai / modate viṣṇu loke hi yāvaccandrārkatārakam // ### [1.124.8](https://indike.org/pramana/in.purana.narada.1.124.8) kuṃbhānsvacchajalaiḥ pūrṇānhiraṇyena samanvitān / yaḥ pradadyāddvijāgryebhyaḥ sa na śocati karhicit // ### [1.124.9](https://indike.org/pramana/in.purana.narada.1.124.9) atha jyeṣṭasya pūrṇāyāṃ vaṭasāvitrikaṃ vratam / sopavāsā vaṭaṃ siṃcetsalilairamṛtopamaiḥ // ### [1.124.10](https://indike.org/pramana/in.purana.narada.1.124.10) sṛtreṇa veṣṭayeccaiva saśatāṣṭapradakṣiṇam / tataḥ saṃprārthaddaivīṃ sāvitrīṃ supativratām // ### [1.124.11](https://indike.org/pramana/in.purana.narada.1.124.11) jagatpūjye jaganmātaḥ sāvitri patidaivate / patyā sahāviyogaṃ me vaṭasthe kuru te namaḥ // ### [1.124.12](https://indike.org/pramana/in.purana.narada.1.124.12) iti saprārthya yā nārī bhojayitvā pare 'hani / suvāsinīḥ svayaṃ bhuñjyātsā syātsaubhāgyabhāginī // ### [1.124.13](https://indike.org/pramana/in.purana.narada.1.124.13) āṣāḍhasya tu pūrṇāyāṃ gopadmavratamucyate / caturbhujaṃ mahākāyaṃ jāṃbūnadasamaprabham // ### [1.124.14](https://indike.org/pramana/in.purana.narada.1.124.14) śaṅkhacakragadāpadmaramāgaruḍaśobhitam / sevitaṃ munibhirdevairyakṣagandharvakinnaraiḥ // ### [1.124.15](https://indike.org/pramana/in.purana.narada.1.124.15) evaṃvidhaṃ hariṃ tatra snātvā pūjāṃ samācaret / pauruṣeṇaiva sūktena gandhādyairupacārakaiḥ // ### [1.124.16](https://indike.org/pramana/in.purana.narada.1.124.16) ācāryaṃ vastrabhūṣādyaistoṣayetsnigdhamānasaḥ / bhojayenmiṣṭapakvānnairdvijānanyāṃśca śaktitaḥ // ### [1.124.17](https://indike.org/pramana/in.purana.narada.1.124.17) evaṃ kṛtvā vrataṃ vipra prasādātkamalāpateḥ / aihikāmuṣmikānkāmāṃllabhate nātra saṃśayaḥ // ### [1.124.18](https://indike.org/pramana/in.purana.narada.1.124.18) kokilāvratamapyatra proktaṃ tadvidhirucyate / pūrṇimāyāṃ samārabhya vrataṃ snāyādbrahirjale // ### [1.124.19](https://indike.org/pramana/in.purana.narada.1.124.19) pūrṇāntaṃ śrāvaṇe māsi gaurīrūpāṃ ca kokilām / svarṇapakṣāṃ ratnanetrāṃ pravālamukhapaṅkajām // ### [1.124.20](https://indike.org/pramana/in.purana.narada.1.124.20) kastūrīvarṇasaṃyuktāmutpannāṃ nandane vane / cūtacaṃpakavṛkṣasthāṃ kalagītaninādinīm // ### [1.124.21](https://indike.org/pramana/in.purana.narada.1.124.21) cintayetpārvatīṃ devīṃ kokilārūpadhāriṇīm / gandhādyaiḥ pratyahaṃ prārccellikhitāṃ varṇakaiḥ paṭe // ### [1.124.22](https://indike.org/pramana/in.purana.narada.1.124.22) tato vratānte haimīṃ vā tilapiṣṭamayīṃ dvija / dadyādviprāya mantreṇa bhaktyā sasvarṇadakṣiṇām // ### [1.124.23](https://indike.org/pramana/in.purana.narada.1.124.23) devīṃ caitrarathotpanne kokile haravallabhe / saṃpūjya dattā viprāya sarvasaukhyakarī bhava // ### [1.124.24](https://indike.org/pramana/in.purana.narada.1.124.24) dvijaṃ suvāsinīstriṃśadekāṃ vā bhojayettataḥ / vastrādidakṣiṇāṃ śaktyā datvā natvā visarjayet // ### [1.124.25](https://indike.org/pramana/in.purana.narada.1.124.25) evaṃ yā kurute nārī kokilāvratamuttam / sā labhetsukhasaubhāgyaṃ saptajanmasunārada // ### [1.124.26](https://indike.org/pramana/in.purana.narada.1.124.26) atha śrāvaṇapūrṇāyāṃ vedopākaraṇaṃ smṛtam / yajurbhistatra karttavyaṃ devarṣipitṛtarpaṇam // ### [1.124.27](https://indike.org/pramana/in.purana.narada.1.124.27) ṛṣīṇāṃ pūjanaṃ cāpi svaśākhoktavidhānataḥ / bahavṛcaistu caturdvaśyāṃ sāmagairbhādrage kare // ### [1.124.28](https://indike.org/pramana/in.purana.narada.1.124.28) rakṣāvidhānaṃ ca tathā kartavyaṃ vidhipūrvakam // ### [1.124.29](https://indike.org/pramana/in.purana.narada.1.124.29) siddhārthākṣatarājikāśca vidhṛtā raktāṃśukāṃśe sitāḥ kausuṃbhena ca tantunātha salilaiḥ prakṣālya kāṃsye dhṛtāḥ / gandhādyairabhipūjya devanikarānsaṃprārthya viṣṇvādikānbadhnīyāddvijahastataḥ pramudito natvā prakoṣṭhe svake // ### [1.124.30](https://indike.org/pramana/in.purana.narada.1.124.30) tatastu dakṣiṇāṃ datvā dvijebhyo 'dhyāyamācaret / visṛjya ca ṛṣīnsapta dhārayedbrahmasūtrakam // ### [1.124.31](https://indike.org/pramana/in.purana.narada.1.124.31) rañjitaṃ kuṅkumādyaiśca navīnaṃ nirmitaṃ svayam / śaktyā saṃbhojya viprāgryānekabhuktaṃ samācaret // ### [1.124.32](https://indike.org/pramana/in.purana.narada.1.124.32) kṛte hyasminvrate vipra vārṣikaṃ karmaṃ vaidikam / vismṛtaṃ vidhihīnaṃ ca na kṛtaṃ sukṛtaṃ bhavet // ### [1.124.33](https://indike.org/pramana/in.purana.narada.1.124.33) prauṣṭhapadyāṃ paurṇamāsyāmumāmāheśvaravratam / ekabhuktaśca yastāṃ tu śivaṃ saṃpūjya yatnataḥ // ### [1.124.34](https://indike.org/pramana/in.purana.narada.1.124.34) kṛtāñjaliḥ prārthayecchvaḥ kariṣye ca vrataṃ prabho / evaṃ vijñāpya devaṃ tu gṛhṇīyādvratamuttamam // ### [1.124.35](https://indike.org/pramana/in.purana.narada.1.124.35) rātrau devāntike suptvā utthāyāparayāmake / kṛtamaitrādinityastu bhasmarudrākṣadhṛk tataḥ // ### [1.124.36](https://indike.org/pramana/in.purana.narada.1.124.36) pūjayecchaṅkaraṃ samyagupacāraiḥ pṛthagvidhaiḥ / bilvapatraiḥ sugandhāḍhyerṃnaivedyairdhūpadīpakaiḥ // ### [1.124.37](https://indike.org/pramana/in.purana.narada.1.124.37) tataścopavasedvidvānāpradoṣaṃ vindhūdaye / punaḥ saṃpūjya tatraiva rātrau jāgaraṇaṃ caret // ### [1.124.38](https://indike.org/pramana/in.purana.narada.1.124.38) evaṃ pañcadaśābdāntaṃ kṛtvā vratamatandritaḥ / varṣe varṣe tadutsarge vidadhyādvidhipūrvakam // ### [1.124.39](https://indike.org/pramana/in.purana.narada.1.124.39) umāyāśca maheśasya sauvarṇī pratimādvayam / haimā raupyā mṛnmayāśca ghaṭāḥ pañcadaśottamāḥ // ### [1.124.40](https://indike.org/pramana/in.purana.narada.1.124.40) tatraikasminghaṭe sthāpyaṃ savastraṃ pratimādvayam / pañcāmṛtena saṃsrāpya jalaiḥ śuddhaistator'cayet // ### [1.124.41](https://indike.org/pramana/in.purana.narada.1.124.41) upacāraiḥ ṣoḍaśabhistataḥ pañcadaśa dvijān / bhojayeccaiva miṣṭānnairdadyāttebhyaśca dakṣiṇām // ### [1.124.42](https://indike.org/pramana/in.purana.narada.1.124.42) kuṃbhamekaikamīśasya mūrtyāḍhyaṃ guraver'payet / evaṃ kṛtvā vrataṃ caiva umāmāheśvarābhidham // ### [1.124.43](https://indike.org/pramana/in.purana.narada.1.124.43) jāyate bhuvi vikhyāto nidhānaṃ sarvasaṃpadām / athāsminneva divase śakravratamapi smṛtam // ### [1.124.44](https://indike.org/pramana/in.purana.narada.1.124.44) prātaḥ snātvā vidhānena saṃpūjya suranāyakam / gandhādyaiṃrupacāraistu naivedyānāṃ ca rāśibhiḥ // ### [1.124.45](https://indike.org/pramana/in.purana.narada.1.124.45) tato nimantritānviprānsaṃbhojya vidhivaddvija / samāgatāṃstathaivānyāndīnānāthāṃśca bhojayet // ### [1.124.46](https://indike.org/pramana/in.purana.narada.1.124.46) etacchakravrataṃ vipra kartavyaṃ prativārṣikam / rājñā vā dhaninānyena dhānyaniṣpattimicchatā // ### [1.124.47](https://indike.org/pramana/in.purana.narada.1.124.47) āśvine māsi pūrṇāyāṃ vrataṃ kojāgarābhidham / tena snātvā vidhānena sopavāso jitendriyaḥ // ### [1.124.48](https://indike.org/pramana/in.purana.narada.1.124.48) lakṣmīmabhyarcya sauvarṇīṃ ghaṭe saṃsthāpya tāmraje / mṛnmaye vā savastrāntāmupacāraiḥ pṛthagvidham // ### [1.124.49](https://indike.org/pramana/in.purana.narada.1.124.49) tataḥ sāyantane kāle 'bhyudite tārakādhipe / haimānraupyānmṛnmayānvā ghṛtapūrṇānpradīpayet // ### [1.124.50](https://indike.org/pramana/in.purana.narada.1.124.50) lakṣaṃ tadardhamayutaṃ sahasraṃ śatameva vā / ghṛtaśarkarasaṃmiśraṃ vipācya bahu pāyasam // ### [1.124.51](https://indike.org/pramana/in.purana.narada.1.124.51) bahupātreṣu saṃsthāpya kaumudyāṃ śītadīdhiteḥ / yāmamātre gate rātryā lakṣmyai tadvinivedayet // ### [1.124.52](https://indike.org/pramana/in.purana.narada.1.124.52) tataḥ saṃbhojayettena viprānbhaktyā tataśca taiḥ / sahaiva jāgaraṃ kuryyānnṛtyagītasumaṅgalaiḥ // ### [1.124.53](https://indike.org/pramana/in.purana.narada.1.124.53) tato 'ruṇodaye snātvā tāṃ mūrtiṃ guraver'payet / asyāṃ rātrau mahālakṣmīrvarābhayakarāṃbujā // ### [1.124.54](https://indike.org/pramana/in.purana.narada.1.124.54) niśīthe carate loke ko jāgartiṃ dharātale / tasmai vittaṃ prayacchāmi jāgrate pūjakāya me // ### [1.124.55](https://indike.org/pramana/in.purana.narada.1.124.55) varṣe varṣe kṛtaṃ caitadvrataṃ lakṣmīpratoṣaṇam / samṛddhimaihikīṃ dadyāddvehānte pāralaukikīm // ### [1.124.56](https://indike.org/pramana/in.purana.narada.1.124.56) kārtikyāṃ pūrṇimāyāṃ tu kuryātkārtikadarśanam / vipratvalabdhaye bhūyaḥ sarvaśatrujayāya ca // ### [1.124.57](https://indike.org/pramana/in.purana.narada.1.124.57) atraiva dīpadānena vidheyastripurotsavaḥ / niśāmukhe dvijaśreṣṭha sarvajīvasukhāvahaḥ // ### [1.124.58](https://indike.org/pramana/in.purana.narada.1.124.58) kīṭāḥ pataṅgā maśakāśca vṛkṣā jale sthale ye vicaranti jīvāḥ / dṛṣṭvā pradīpānnahi te 'pi janminaḥ punaśca muktiṃ hi labhanta eva ca // ### [1.124.59](https://indike.org/pramana/in.purana.narada.1.124.59) atra candrodaye vipra saṃpūjyāḥ kṛttikāśca ṣaṭ // ### [1.124.60](https://indike.org/pramana/in.purana.narada.1.124.60) kārtikeyastathā khaḍgī varuṇaśca hutāśanaḥ / gandhapuṣpaistathā dhūpadīpairnaivedyevistaraiḥ // ### [1.124.61](https://indike.org/pramana/in.purana.narada.1.124.61) paramānnaiḥ phalaiḥ śākairvahnibrāhmaṇatarpaṇaiḥ / evaṃ devānsamabhyarcya dīpo deyo gṛhādbahiḥ // ### [1.124.62](https://indike.org/pramana/in.purana.narada.1.124.62) dīpopānte tathā gartaścaturasro manoharaḥ / caturddaṃśāṅgulaḥ kāryaḥ secyaścadanavāriṇā // ### [1.124.63](https://indike.org/pramana/in.purana.narada.1.124.63) gavāṃ kṣīreṇa saṃpūrya haimaṃ tatra vinikṣipet / muktānetrasamāyuktaṃ matsyaṃ sarvāṅgaśobhanam // ### [1.124.64](https://indike.org/pramana/in.purana.narada.1.124.64) mahāmatsyāya ca nama iti mantraṃ samuccaran / gandhādyaistatra saṃpūjya dvijāya pratipādayet // ### [1.124.65](https://indike.org/pramana/in.purana.narada.1.124.65) kṣīrasāgaradānaṃ te mayoktaṃ dvijasattama / dānasyāsya prabhāveṇa modate harisannidhau // ### [1.124.66](https://indike.org/pramana/in.purana.narada.1.124.66) atra kṛttvā vṛṣotsargaṃ vrataṃ naktaṃ ca nārada / rudralokamavāpnoti nātra kāryā vicāraṇā // ### [1.124.67](https://indike.org/pramana/in.purana.narada.1.124.67) mārgaśīrṣyā pūrṇimāyāṃ svarṇāḍhyaṃ lavaṇāḍhakam / devaṃ viprāya śāntāya sarvakāmasamṛddhaye // ### [1.124.68](https://indike.org/pramana/in.purana.narada.1.124.68) idaṃ jagatpurā lakṣmyā tyaktamāsīttato hariḥ / purandaraśca somaśca tathā tiṣyo bṛhaspatiḥ // ### [1.124.69](https://indike.org/pramana/in.purana.narada.1.124.69) pañcaite puṣyayuktāyāṃ paurṇamāsyāṃ jagadbalāt / alaṅkṛtaṃ punaścakuḥ saubhāgyotsavakelibhiḥ // ### [1.124.70](https://indike.org/pramana/in.purana.narada.1.124.70) tasmānnaraḥ puṣyayoge sarvasaubhāgyavṛddhaye / gaurasarṣapakalkena samālabhya svakāṃ tanum // ### [1.124.71](https://indike.org/pramana/in.purana.narada.1.124.71) snāyātsarvauṃṣadhijalairdhārayecca navāṃśuke / dṛṣṭvā ca maṅgalaṃ dravyaṃ spṛṣṭvā natvā tator'cayet // ### [1.124.72](https://indike.org/pramana/in.purana.narada.1.124.72) hariśakrendupuṣyejyāngandhādyarupacārakaiḥ / vidhāya homaṃ viprāṃśca tarpayetpāyasāśanaiḥ // ### [1.124.73](https://indike.org/pramana/in.purana.narada.1.124.73) etatkṛtvā vrataṃ vipra ramāprītivivarddhanam / alakṣmīnāśanaṃ caiva modateha paratra ca // ### [1.124.74](https://indike.org/pramana/in.purana.narada.1.124.74) paurṇamāsyāṃ tato mādhyāṃ tilakārpāsakaṃbalam / ratnāni kañcukoṣṇīṣapādatrāṇāni vā dhanam // ### [1.124.75](https://indike.org/pramana/in.purana.narada.1.124.75) datvā pramodate svarge dānaṃ vittānusārataḥ / yastvatra śaṅkaraṃ devaṃ pūjayedvidhipūrvakam // ### [1.124.76](https://indike.org/pramana/in.purana.narada.1.124.76) so 'śvamedhaphalaṃ prāpyaviṣṇuloke mahīyate / phaālgune pūrṇimāyāṃ tu holikāpūjanaṃ matam // ### [1.124.77](https://indike.org/pramana/in.purana.narada.1.124.77) saṃcayaṃ sarvakāṣṭhānāmupalānāṃ ca kārayet / tatrāgniṃ vidhivaddhrutvā rakṣoghnairmantravistaraiḥ // ### [1.124.78](https://indike.org/pramana/in.purana.narada.1.124.78) "asṛkpābhayasaṃtrastaiḥ kṛtā tvaṃ holi bāliśaiḥ / atastvāṃ pūjayiṣyāmi bhūte bhūtipradā bhava" // ### [1.124.79](https://indike.org/pramana/in.purana.narada.1.124.79) iti mantreṇa sandīpya kāṣṭhādikṣepaṇaistataḥ / parikramyotsavaḥ kāryyo gītavāditraniḥsvanaiḥ // ### [1.124.80](https://indike.org/pramana/in.purana.narada.1.124.80) holikā rākṣasī ceyaṃ prahlādabhayadāyinī / tatastāṃ pradahṝntyevaṃ kāṣṭhādyairgītamaṅgalaiḥ // ### [1.124.81](https://indike.org/pramana/in.purana.narada.1.124.81) saṃvatsarasya dāho 'yaṃ kāmadāho matāntare / iti jānīhi viprendra loke sthitiranekadhā // ### [1.124.82](https://indike.org/pramana/in.purana.narada.1.124.82) pakṣānte dve pṛthagvaive tato 'māvratamucyate / pṛthakchṛṇuṣva me vipra pitṝṇāmativallabham // ### [1.124.83](https://indike.org/pramana/in.purana.narada.1.124.83) caitravaiśākhayostatra darśe pitṛsamarcanam / pārvaṇena vidhānena śrāddhaṃ vittānusārataḥ // ### [1.124.84](https://indike.org/pramana/in.purana.narada.1.124.84) dvijānāṃ bhojanaṃ dānaṃ gavādīnāṃ viśeṣataḥ / sarvamāseṣvamāyāṃ vai bahupuṇyapradaṃ yataḥ // ### [1.124.85](https://indike.org/pramana/in.purana.narada.1.124.85) jyeṣṭhāmāyāṃ vrataṃ proktaṃ sāvitryāḥ kasya nārada / vidhānaṃ jyeṣṭhapūrṇāvadihāpi parikīrtitam // ### [1.124.86](https://indike.org/pramana/in.purana.narada.1.124.86) śucau nabhasi bhādre ca māse pūrṇāntike dvija / pitṛśrāddhaṃ dānahomasurārcānantyaśnute // ### [1.124.87](https://indike.org/pramana/in.purana.narada.1.124.87) bhādradarśe 'parāhne tu tilakṣetrasamudbhavān / viriñcimanunāmantrya huṃphaṭ chinnānkuśān dvija // ### [1.124.88](https://indike.org/pramana/in.purana.narada.1.124.88) sarvadā sarvakāryeṣu yojayedekadāparān / iṣāmāyāṃ viśeṣaṇa pitṝṇāṃ śrāddhatarpaṇam // ### [1.124.89](https://indike.org/pramana/in.purana.narada.1.124.89) vidheyaṃ jāhnavītoye muktidaṃ ca gayāsthale / ūrjjāmāyāṃ dīpadānaṃ devā gāragṛheṣu ca // ### [1.124.90](https://indike.org/pramana/in.purana.narada.1.124.90) nadyārāmataḍāgeṣu caityagoṣṭhāpaṇeṣu ca / samarcanaṃ tathā lakṣmyāḥ svarṇaraupye kṛtākṛte // ### [1.124.91](https://indike.org/pramana/in.purana.narada.1.124.91) dyūtaṃ ca varṣaphaladaṃ jaye cāpiparājaye / gavāṃ pūjātra vihitā śṛṅgādyaṅgānurañjanaiḥ // ### [1.124.92](https://indike.org/pramana/in.purana.narada.1.124.92) yavasānnādidānaiśca namaskārapradakṣiṇaiḥ / mārge 'pi pitṛpūjā syācchraddhairbrāhmaṇabhojanaiḥ // ### [1.124.93](https://indike.org/pramana/in.purana.narada.1.124.93) brahmacaryādi niyamairjapahomārcanādibhiḥ / pauṣe māghe ca viprendra pitṛśrāddhaṃ phalādhikam // ### [1.124.94](https://indike.org/pramana/in.purana.narada.1.124.94) amāyāṃ karṇapātārkayuktāyāṃ tu gayādhikam / phaālgune kevalaṃ śrāddhaṃ dvijānāṃ bhojanaṃ tathā // ### [1.124.95](https://indike.org/pramana/in.purana.narada.1.124.95) dānādi sarvaphaladaṃ darśe some 'dhikaṃ phalam / itthaṃ saṃkṣepataḥ proktaṃ tithikṛtyaṃ mune tava // ### [1.124.96](https://indike.org/pramana/in.purana.narada.1.124.96) sarvatrāpi viśeṣo 'sti sa purāṇāntare sthitaḥ // ### [1.124.96.p1](https://indike.org/pramana/in.purana.narada.1.124.96.p1) iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitapaurṇamāsya māvāsyāvratakathanaṃ nāma caturviṃśatyadhikaśatamo 'dhyāyaḥ ## Linked texts (11) - [Devībhāgavatapurāṇa](https://indike.org/pramana/in.purana.upa.sakta.devibhagavata.12.14.7) — Sanskrit - [Bhāgavatapurāṇa](https://indike.org/pramana/in.purana.bhagavata.12.13.13) — Vyāsa, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.16.p3) — Nīlakaṇṭha Dīkṣita, Sanskrit - [Tithyarka](https://indike.org/pramana/in.niti.dharma.kala.tithi.tithyarka.5.p1.35) — Divākarabhaṭṭa 1658, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.31.p2) — Nīlakaṇṭha Dīkṣita 1625, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.5.p26) — Devaṇṇabhaṭṭa, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.4.p73.3) — Anantadeva 1645, Sanskrit - [Smṛtisāroddhāra](https://indike.org/pramana/in.niti.dharma.nibandha.smrtisamgraha.smrtisaroddhara.1.p164) — Nārāyaṇa, Sanskrit - [Cakranārāyaṇīyanibandha](https://indike.org/pramana/in.niti.dharma.nibandha.mahanibandha.cakranarayaniyanibandha.1.p164) — Viśvambharatrivedin 1600, Sanskrit - [Rāmārcanacandrikā (Ānandavanayati) (ed1925)](https://indike.org/pramana/in.niti.dharma.pratistha.vaisnava.ramarcanacandrika-anandavanayati*ed1925.10.p3.13) — Sanskrit - [Vratodyāpanakaumudī (Śaṅkara)](https://indike.org/pramana/in.niti.dharma.vrata.udyapana.vratodyapanakaumudi-sankara.p23.2) — Śaṅkara 1728, Sanskrit --- Source: [https://indike.org/pramana/in.purana.narada.1.124](https://indike.org/pramana/in.purana.narada.1.124) · Pramāṇa